Sancte dei*

Gloria et honore*

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris dei

Beatus Stephanus Christi martyr triumphat coronatus in caelis

Deus tuorum*

Beatus Stephanus jugi legis dei meditatione roboratus tamquam lignum fructiferum secus salutarium aquarum plantatum decursus fructus martyrii in tempore suo dedit primus

Constitutus a deo praedicator praeceptorum ejus in timore sancto illi servire studuit officioque fideliter peracto in montem sanctum ejus ascendere dignus fuit

In tribulatione lapidum se prementium positus milia populi se circumdantis non timuit quia susceptorem suum Jesum ut eum salvum faceret exsurgere in caelum vidit

Gloria et honore coronasti*

Stephanus autem plenus gratia et veritate faciebat signa magna et prodigia in populo

Cum autem esset plenus spiritu sancto et fide beatus Stephanus

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Stephanus plenus gratia et fortitudine faciebat signa magna in populo

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus Stephanus orabat dicens

Gloria*

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus et scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Posuisti domine super caput*

Impii super justum jacturam fecerunt ut eum morti traderent at ille gaudens suscepit lapides ut mereretur accipere coronam gloriae

Vidit beatus Stephanus caelos apertos vidit et introivit

Stephanus servus dei quem lapidabant Judaei vidit caelos apertos vidit et introivit beatus homo cui caeli patebant

Stephanus vidit caelos apertos vidit et introivit

Patefactae sunt januae caeli Christi martyri beato Stephano qui in numero martyrum inventus est primus et ideo triumphat in caelis coronatus

Mortem enim quam salvator dignatus est pro omnibus pati hanc ille primus reddidit salvatori

Gloria patri et filio et spiritui sancto

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculum tuum et quia operatus est justitiam requiescet in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi

Magna est gloria ejus in salutari tuo*

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Et lapidabant Stephanum invocantem et dicentem

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris virtutis dei

Cum autem esset Stephanus plenus spiritu sancto intendens in caelum ait

Lapides torrentis illi dulces fuerunt ipsum sequuntur omnes animae justae

Mortem enim quam salvator dignatus est pro omnibus pati hanc ille primus reddidit salvatori

Gloria patri et filio et spiritui sancto

Stephanus vidit caelos apertos*

Lapidaverunt Stephanum et ipse invocabat dominum dicens ne statuas illis hoc peccatum

Lapides torrentis illi dulces fuerunt ipsum sequuntur omnes animae justae

Adhaesit anima mea post te quia caro mea lapidata est pro te deus meus

Stephanus vidit caelos apertos vidit et introivit beatus homo cui caeli patebant

Ecce video caelos apertos et Jesum stantem a dexteris virtutis dei

Sancte dei pretiose*

Corona aurea*

Impii super justum jacturam fecerunt ut eum morti traderent at ille gaudens suscepit lapides ut mereretur accipere coronam gloriae alleluia

Lapides torrentis*

Sancte dei pretiose*

Corona aurea*

Sepelierunt Stephanum viri timorati et fecerunt planctum magnum super eum