Ad cenam agni providi et stolis albis candidi post transitum maris Rubri Christo canamus principi
Cujus corpus sanctissimum in ara crucis torridum cruore ejus roseo gustando vivimus deo
Protecti paschae vespere a devastante angelo erepti de durissimo Pharaonis imperio
Jam pascha nostrum Christus qui immolatus agnus est sinceritatis azyma caro ejus oblata est
O vere digna hostia per quam fracta sunt tartara redempta plebs captivata redduntur vitae praemia