Domine audivi auditum tuum et timui consideravi opera tua et expavi
In medio duorum animalium innotesceris dum appropinquaverint anni cognosceris dum advenerit tempus ostenderis
In eo dum conturbata fuerit anima mea in ira misericordiae memor eris
Deus a Libano veniet et sanctus de monte umbroso et condenso
Operuit caelos majestas ejus et laudis ejus plena est terra
Eripe me domine ab homine malo a viro iniquo libera me
Qui cogitaverunt malitias in corde tota die constituebant proelia
Acuerunt linguas suas sicut serpentes venenum aspidum sub labiis eorum
Custodi me domine de manu peccatoris et ab hominibus iniquis libera me
Qui cogitaverunt subplantare gressus meos absconderunt superbi laqueum mihi
Et funes extenderunt in laqueum pedibus meis juxta iter scandalum posuerunt mihi
Dixi domino deus meus es tu exaudi domine vocem orationis meae
Domine domine virtus salutis meae obumbra caput meum in die belli
Ne tradas me a desiderio meo peccatori cogitaverunt adversum me ne derelinquas me ne umquam exaltentur
Caput circuitus eorum labor labiorum ipsorum operiet eos
Verumtamen justi confitebuntur nomini tuo et habitabunt recti cum vultu tuo
Popule*
Agios o theos agios Ischyros agios Athanatos eleison ymas Sanctus deus Sanctus fortis Sanctus et immortalis miserere nobis
Quia eduxi*
Agios Sanctus*
Quid ultra debui*
Ecce lignum crucis in quo salus mundi pependit venite adoremus
Tuam crucem adoramus domine tuam gloriosam recolimus passionem miserere nostri qui passus es pro nobis
Crucem tuam adoramus domine et sanctam resurrectionem tuam laudamus et glorificamus ecce enim propter crucem venit gaudium in universo mundo
Adoremus crucis signaculum per quod salutis sumpsimus sacramentum
Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet
Pange lingua gloriosi Praelium certaminis et super crucis trophaeum dic triumphum nobilem qualiter redemptor orbis immolatus vicerit
De parentis protoplasti fraude Factor condolens quando pomi noxialis Morsu in mortem corruit Ipse lignum tunc notavit damna ligni ut solveret
Hoc opus nostrae salutis ordo depoposcerat multiformis perditoris arte ut artem falleret et medelam ferret inde hostis unde laeserat
Quando venit ergo sacri plenitudo temporis missus est ab arce patris natus orbis conditor atque ventre virginali carne factus prodiit
Vagit infans inter arta conditus praesepia membra pannis involuta virgo mater alligat et pedes manusque crura stricta pingit fascia
Lustra sex qui jam peracta tempus implens corporis se volente natus ad hoc passioni deditus agnus in crucis levatur immolandus stipite
Hic acetum fel arundo sputa clavi lancea mite corpus perforatur sanguis unda profluit terra pontus astra mundus quo lavantur flumine
Flecte ramos arbor alta tensa laxa viscera et rigor lentescat ille quem dedit nativitas ut superni membra regis mite tendas stipite
Sola digna tu fuisti ferre saecli pretium atque portum praeparare nauta mundo naufrago Quem sacer cruor perunxit fusus Agni corpore
Gloria et honor deo usquequo altissimo una patri filioque inclyto paraclito cui laus est et potestas aer aeterna saecula amen
Super omnia ligna cedrorum tu sola excelsior in qua vita mundi pependit in qua Christus triumphavit et mors mortem superavit in aeternum