Dirumpam vincula populi mei dicit dominus et disperdam omnia mala quae induxi super eum et auferam universum laborem a facie terrae et a civitate ista

Jam enim placatus sum super malo quod fecit vobis

Refulsit sol in clipeos aureos et resplenduerunt montes ab eis

Aperi caelos tuos domine et vide afflictionem nostram circumdederunt nos gentes ad puniendum nos sed tu domine extende bracchium tuum et libera animas nostras

Qui regis Israel intende

Adaperiat dominus cor vestrum in lege sua et in praeceptis suis et faciat pacem in diebus nostris

Da pacem domine in diebus nostris quia non est alius qui pugnet pro nobis nisi tu deus noster

Extende domine bracchium tuum et libera animas nostras ne pereamus

Libera nos deus in mirabilibus tuis et da gloriam nomini tuo

Vidi dominum sedentem super solium excelsum et elevatum et plena erat omnis terra majestate ejus et ea quae sub ipso erant replebant templum

Seraphim stabant super illud sex alae uni et sex alae alteri

Aspice domine de sede sancta tua et cogita de nobis inclina deus meus aurem tuam et audi aperi oculos tuos et vide tribulationem nostram

Qui regis Israel intende qui deducis velut ovem Joseph qui sedes super cherubim

Aspice domine quia facta est desolata civitas plena divitiis sedet in tristitia domina gentium non est qui consoletur eam nisi tu deus

Plorans ploravit in nocte et lacrimae ejus in maxillis ejus

Laudabilem virum adoremus dominum quem vidit sedere Ezechiel super alas seraphim

Super muros tuos Jerusalem constitui custodes tota die et nocte non tacebunt laudare nomen domini

Qui reminiscimini domini ne taceatis et ne detis silentium ei

Muro tuo inexpugnabili circumcinge nos domine et armis tuae potentiae protege nos semper libera domine deus Israel clamantes ad te

Erue nos in mirabilibus tuis et da gloriam nomini tuo

Sustinuimus pacem et non venit quaesivimus bona et ecce turbatio cognovimus domine peccata nostra noli in perpetuum obliviscere nos

Peccavimus cum patribus nostris injuste egimus iniquitatem fecimus

Misit dominus angelum suum et conclusit ora leonum et non me contiminaverunt quia coram eo justitia inventa est in me

Misit deus misericordiam suam et veritatem suam animam meam eripuit de medio catulorum leonum

Angustiae mihi undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Laudabilis populus quem dominus exercituum benedixit dicens opus manuum mearum tu es hereditas mea Israel

Beata gens cujus dominus deus ejus populus quem elegit in hereditatem sibi

Genti peccatrici populo pleno peccatis miserere domine deus

Esto placabilis super nequitia populi tui

Redemit dominus populum suum et liberavit eum et venient et exsultabunt in monte Sion et gaudebunt de bonis domini super frumento vino et oleo et ultra non esurient

A fructu frumenti vini et olei sui multiplicati sunt

A facie furoris tui deus conturbata est omnis terra sed tu domine miserere et ne facias consummationem

Converte nos deus salutaris noster et averte iram tuam a nobis

Fluctus tui super me transierunt et ego dixi expulsus sum ab oculis tuis putas videbo templum sanctum tuum

Abyssus vallavit me et pelagus cooperuit caput meum

Indicabo tibi homo quid sit bonum aut quid dominus requirat a te facere judicium et justitiam et sollicitum ambulare cum deo tuo

Spera in domino et fac bonitatem inhabita terram et pasceris in divitiis ejus

Qui caelorum contines thronos et abyssos intueris domine rex regum montes ponderas terram palmo concludis exaudi nos deus in gemitibus nostris

Non in justificationibus nostris prosternimus preces ante faciem tuam sed in miserationibus tuis multis

Civitatem istam tu circumda domine et angeli tui custodiant muros ejus exaudi domine populum tuum cum misericordia

Qui regis Israel intende

Avertatur furor tuus domine a populo tuo et a civitate sancta tua

Praecipita domine omnes operarios iniquitatis et divide linguas eorum quoniam vidi iniquitatem et contradictionem adversus sanctam civitatem tuam Jerusalem muro tuo inexpugnabili circumcinge nos domine deus noster

Tu autem in nobis es domine et nomen tuum invocatum est super nos ne derelinquas nos

Vidi dominum sedentem super solium excelsum et plena erat omnis terra majestate ejus et ea quae sub ipso erant replebant templum

Super muros tuos Jerusalem constitui custodes tota die et tota nocte non tacebunt laudare nomen domini

Qui caelorum contines thronos et abyssos intueris domine rex regum montes ponderas terram palmo concludis exaudi nos deus in gemitibus nostris alleluia

Sustinuimus pacem et non venit domine quaesivimus bona et ecce turbatio cognovimus domine peccata nostra non in aeternum irascaris nobis deus Israel

Tres in fornace ignis deambulabant et collaudabant dominum regem canentes ex uno ore hymnum dicebant benedictus es deus alleluia

Video virum similem filio dei confortantem pueros in camino ignis alleluia

Laudemus viros gloriosos qui vicerunt regna mundi alleluia

Hymnum dicamus alleluia domino deo nostro alleluia

Benedictus dominus Sidrac Misac Abdenago qui eruit servos suos de camino ignis ardentis alleluia

Ambulabant in camino ignis pueri tres et in medio eorum filius dei et hymnum dicebant deo alleluia

In camino ignis pueri tres uno ore collaudabant deum alleluia

Caminus ardebat septies quam solebat et pueri tui domine in medio psallebant Ananias dicebat sanctus deus Azarias psallebat sanctus fortis Misael voce magna clamabat sanctus et immortalis alleluia

Tres ex uno ore clamabant in camino ignis et psallebant benedictus deus

Ambulabant in camino ignis pueri tres et inter illos deus erat rex et dicebant deum regem habemus alleluia

Non cessabant ministri regis succendere flammam ut sanctos dei pueros comburerent de caelo venit tamquam spiritus roris flantis refrigerium praestabat sanctis alleluia

Tres video viros ambulantes per medium ignis et aspectus quarti similitudo est filii dei alleluia

Tres pueri in camino trinitatem figurantes et ignis minas conculcantes te laudantes canebant benedictus es deus patrum nostrorum alleluia

Sidrac Misac Abdenago quasi ex uno ore hymnum dicebant regi magno alleluia

Sidrac Misac Abdenago magni servi dei excelsi

Tres pueri jussu regis in caminum missi sunt non timentes flammam ignis dicebant benedictus deus

Laudate et superexaltate eum in saecula benedicite

In camino ignis ardentis pueri tres et in medio eorum deambulabat rex una voce dicebant benedictus es deus

Ananias Azarias Misael domino hymnum dicite in aeternum

Benedictus deus Israel

Benedictus dominus quia visitavit et liberavit nos

Benedictus dominus quia visitavit nos et ab inimicis nostris liberavit nos

Visitavit et fecit redemptionem dominus plebis suae

Visita domine plebem tuam sicut locutus est deus Israel

Visita et libera plebem tuam domine

Visitavit nos dominus et illuminavit nos et ab inimicis nostris liberavit nos

Erexit dominus nobis cornu salutis in domo David pueri sui

Erexit nobis dominus cornu alleluia in domo David pueri sui alleluia sicut locutus est alleluia alleluia

In domo David pueri sui fecit redemptionem dominus plebis suae

Memorare domine testamenti sancti tui sicut locutus es per os sanctorum

Salutem ex inimicis nostris et de manu omnium qui nos oderunt libera nos domine

De manu omnium qui nos oderunt libera nos domine

Deus Israel libera nos de manu omnium qui nos oderunt

Ad faciendam nobis domine misericordiam liberati serviamus domino

Jusjurandum quod juravit dominus daturum se nobis

Liberati serviamus domino deo nostro in sanctitate

In sanctitate serviamus domino et liberabit nos ab inimicis nostris

Cum justitia et sanctitate serviamus domino et liberabit nos ab inimicis nostris

Ad dandam scientiam plebi tuae domine in remissionem peccatorum eorum

Da scientiam plebi tuae domine in remissionem peccatorum eorum

Per viscera misericordiae dei nostri visitavit nos oriens ex alto

Illuminare domine his qui in tenebris sedent et dirige pedes nostros in viam pacis deus Israel

Illumina domine sedentes in tenebris et umbra mortis

Sedentes in tenebris et umbra mortis illumina domine deus Israel

Dirige pedes nostros in viam pacis deus Israel

In viam pacis dirige nos domine

Magnificat anima mea dominum

Magnificat anima mea dominum et sanctum nomen ejus

Magnificat anima mea dominum

Magnificet te semper anima mea deus meus

Magnificamus te domine quia fecisti nobiscum magnalia sicut locutus es