Angelus archangelus Michael dei nuntius de animabus justis alleluia alleluia

Data est potestas archangelo Michael super animas justorum atque peccatorum

Concussum est mare et contremuit terra ubi archangelus Michael descendebat de caelo

Laudemus dominum quem laudant angeli quem cherubim et seraphim sanctus sanctus sanctus proclamant

Gloriosus apparuisti in conspectu domini propterea decorem induit te dominus

Michael archangelus proeliavit cum dracone antiquo dedit ei dominus victoriam sempiternam

In conspectu angelorum psallam tibi et adorabo ad templum sanctum tuum et confitebor nomini tuo domine

Angelus qui fuit cum Jacob sit mecum in terra peregrinationis meae et benedicat vias meas deus meus

Hic est Michael archangelus princeps militiae angelorum cujus honor praestat beneficia populorum et oratio perducit ad regna caelorum

Angeli archangeli throni et dominationes principatus et potestates virtutes caelorum

Venit Michael archangelus cum multitudine angelorum cui tradidit deus animas sanctorum ut perducat eas in paradisum exsultationis

Emitte domine spiritum sanctum tuum de caelo spiritum sapientiae et intellectus

Michael Gabriel cherubim et seraphim qui non cessant clamare cottidie dicentes dignus es domine accipere gloriam alleluia

In tempore illo consurget Michael qui stat pro filiis vestris et veniet tempus quale non fuit ex eo ex quo gentes esse coeperunt usque ad tempus illud

In tempore illo salvabitur populus tuus omnis qui scriptus fuerit in libro vitae

Fidelis sermo et omni acceptione dignus Michael archangelus qui pugnavit cum diabolo gratia dei ille victor in caelis resedit et ille hostis antiquus patuit ruinae magnae

Milia milium*

Numquid scis quare venerim ad te et nunc revertar ut proelier adversus principem Persarum contradicentem tuis precibus et meae legationi verumtamen Michael archangelus princeps vester erit adjutor meus

Daniel vir desideriorum intellege verba quae loquor ad te et sta in gradu tuo

Docebo te quae ventura sunt populo tuo in novissimis diebus et annuntiabo tibi quod expressum est in scripturis veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut te affligeres in conspectu domini propterea exaudita sunt verba tua et ego veni propter sermones tuos

Dum proeliaretur Michael archangelus cum dracone audita est vox dicentium salus deo nostro alleluia

Dum committeret bellum draco cum Michael archangelo exaudita est vox milia milium dicentium salus deo nostro

Archangele Michael constitui te principem super omnes animas suscipiendas

Angeli domini domino benedicite in aeternum

Angeli archangeli throni et dominationes principatus et potestates virtutes caelorum laudate dominum de caelis alleluia

Factum est silentium in caelo dum draco committeret bellum et Michael pugnavit cum eo et fecit victoriam alleluia

Stetit angelus*

Ascendit fumus*

Data est potestas*

Concussum est mare*

Michael archangelus venit*

Michael praepositus*

Gloriosus apparuisti*

Laudemus dominum*

Fidelis sermo*

Archangele Christi per gratiam quam meruisti deprecamur te per unigenitum dominum nostrum ut eripias nos de laqueo mortis alleluia

Michael Gabriel Raphael summi nuntii et omnes sancti angeli dei intercedite pro nobis in conspectu domini

Adorate dominum R. Omnes angeli ejus

Benedicite dominum R. Omnes

In conspectu angelorum*

Venit Michael archangelus

Adorate dominum omnes angeli ejus

Audivit et laetata est Sion

Benedicite domino omnes angeli ejus

Potentes virtute qui facitis verbum ejus

In conspectu angelorum psallam tibi domine

Adorabo ad templum sanctum tuum et confitebor*

Magnae jucunditatis laetitia tua desiderata beatissima Fides recolimus sollemnia quae perfectae fidei fervens calore a Christi amore nullo poteras separari terrore nunc a dextris talis sponsi gloriosa astans regina nos illi omnes te laudibus venerantes continuis precibus commenda

Exsultantes deo salutari nostro jubilemus qui pro magnae fidei meritis beatam Fidem coronavit in caelis

Sancta Fides virgo fidelissima in civitate Agenno progenita tam stemmatis quam martyrii titulis extitit clarissima

Quae licet genere esset nobilis nobilior tamen enituit meritis nam lilio candida virginitatis odorem bonae protulit suavitatis

A primis enim cunabulis infantiae domini Jesu Christi succensa amore bonorum ei actuum studiis coepit adhaerere

Regnantibus illis diebus Diocletiano et Maximiano profanis principibus pro supernae patriae amore dulce fuit piis morti succumbere

Divino judicio permittente impiis cathedram insidentibus pestilentiae

A pessimis regibus nequissimus praeses Datianus directus ut sanctis omnium inferret genera poenarum furibundus urbem ingreditur Agennum

Adversus dominum et adversus ejus Christum funestum accurus bellum

Audita eximia beatissimae virginis Fidis opinione Datianus statim ministros misit suisque eam conspectibus praesentari praecepit

Os suum sicut Leo rapiens et rugiens aperuit

Aetatis teneritatem sensus maturitate vultus speciositatem Fidei superabat soliditate

Haec igitur prima in civitate prefata praeclara pro Christo patiendi fidelibus prebuit exempla

Ardebat namque desiderus corpus duris subdere tormentis ut perdens temporalem vitam possideret perennem

Datianus praeses mentis simulata tranquillitate cessa inquit bona puella a Christi confessione et venerande offer sacrificia Dyane

Cujus os plenum erat amaritudine impie suadens et vane

Amabilis deo puella patrum inquit accepi traditione deos gentium daemonia esse ideo mihi ut eis sacrificem non poteris per suadere

Quia omnes confundantur qui eos adorare non verentur

Praeses Datianus minister iniquitatis crudelissimus ad beatam virginem Fidem aut inquit diis sacrificabis aut diversis te faciam interire tormentis

Illa se pro Christo mortificari et ut ovem occisionis cupiente aestimari

Requisita a ministris sacra dei virgo Fides undique se signo crucis munuit seque sponte requirentibus obtulit

Orabat quoque dominum ut sibi sermonem praeberet commodum quem ante sevientem apte proferret tyrannum

Igitur imperterrita virgo sanctae crucis armata vexillo roborante se spiritu sancto Hilari perrexit animo

Impius judex Datianus nimio furore succensus sanctam Fidem lecto aeneo super poni et per quattuor partes extensae ignem jussit sub poni

Ut ejus corpus tenerum tam crudele disperderet supplicium

Sanctissima Christi virgo et martyr Fides ultro candentem conscendens craticulam secundum praesidis jussum extenditur et per flammeam cratim pro voluitur

Quia igne sancti spiritus urebatur interius per nihilo duxit quod exterius

Multi paganorum sanctae Fidis compuncti constantia colla ab idolorum solventes cultura crediderunt in dominum Jesum Christum et gloriosum consecuti sunt martyrium

Non timentes occisores corporum quibus pro Christo mori erat lucrum

Sancta Fides gaude jam sponsi vox sonat ad te pulchra es amica mea suavis et decora sicut cortex mali punici sic genae tuae comae capitis tui sicut purpura regis quam pulchra es et quam decora carissima in deliciis

Statura tua assimilata est palmae odor tuus sicut malorum guttur tuum ut vinum optimum

Gloriosa dei martyre Fide viriliter in agone decertante sanctus Caprasius qui sub quadam rupe persecutionem declinabat cuncta quae intra muros gerebantur prospiciebat

Ab ipsius igitur rupis eminentia vidit sanctam martyrem super carbonum incendia impiorum graviter torreri sevitia

Precatus est ergo dominum ut famulam suam in certamine victricem faceret et aliquam caelitus super eam virtutem ostenderet

Ad cujus preces columba de nubibus nive candidior descendit et nimis fulgidam capiti gloriosae viriginis coronam imposuit

Ipsa quoque avis blandis circumvolans alis totam vim flammarum extinxit et quasi superjectis fontibus omnino repressit

Incitati beatae Fidis exemplo sancti dei Caprasius primus et Felicianus mortis se periculis in jecerunt sicque cum illa capitalem accipientes sententiam cum triumpho martyrii ad coronam gloriae feliciter pervenerunt

Astante ea coram praeside ipsoque ejus vocabulum requirente Fides inquit nomine dicor et opere

Requirente praeside cujus cultus ac Fidei regeretur religione sum inquit ab exordio infantiae professioni mancipata Christianae

Domino Jesu Christo toto mentis affectu deservio illius nomen invoco ipsi me tota intentione committo

Virgo dei Fides alma quasi rosa super aquas plantata fructificavit dum caelestis amore candoris stolam suam in sanguine agni lavit

Magnifice et mirabilis domine Jesu Christe in sanctis tuis da nobis interventu beatae virginis et martyris tuae Fidis cujus sacra gaudemus sollemnitate ab omni animae et corporis liberari adversitate

Adest namque beati Dionysii sacratissima dies in qua triumphans agonem explevit et coronam martyrii accipere meruit de manu domini

Sanctus Dionysius qui tradente beato Clemente Petri apostoli successore verbi divini semina gentibus parturienda susceperat

Quo amplius gentilitatis fervere cognovit errorem illic intrepidus a calore fidei flammatus accessit ac Parisius domino ducente pervenit

Non veritus incredulae gentis experiri feritatem quia virtutem suam praeteritarum poenarum recordatio roborabat

Tunc memorata civitas et conventu Germanorum nobilitate pollebat quia esset salubris aere jucunda flumine foecunda terris arboribus nemorosa et vineis uberrima

Hunc ergo locum dei famulus elegit expetendum

Ecclesia illisque necdum in locis erat et populus ille novam construxit ac officia servientium clericorum ex more constituit probatasque personas honoris secundi ordinis ampliavit

Cinctus ergo fide et misericordiam anteponens paulatim sociabat deo quos diabolo subtrahebat

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

Miroque modo inermi viro non valebat plebs armata resistere