Et ambulabunt gentes in lumine tuo et reges in splendore ortus tui

Videbis o Jerusalem et afflues et mirabitur et dilatabitur cor tuum quando conversa fuerit ad te multitudo maris fortitudo gentium venerit tibi

Inundatio camelorum operiet te dromedarii Madian et Ephasus

Omnes de Saba venient aurum et thus deferentes et laudem domino annuntiantes

Reges Tharsis et insulae munera offerrent reges Arabum et Saba dona adducent

Fluminis impetus laetificat alleluia civitatem dei alleluia

Adorate dominum alleluia in aula sancta ejus alleluia

Adorate dominum alleluia omnes angeli ejus alleluia

Notum fecit dominus alleluia salutare suum alleluia

Ecce advenit dominator deus et regnum in manu ejus et potestas et imperium in aeternum alleluia

Benedicite domino alleluia omnes angeli ejus alleluia

Omnes gentes quascumque fecisti*

Magi veniunt ab oriente Jerusalem quaerentes et dicentes ubi est qui natus est cujus stellam vidimus et venimus adorare dominum

Vidimus stellam ejus in oriente

Interrogabat magos Herodes quod signum vidistis super natum regem stellam magnam fulgentem cujus splendor illuminat mundum et nos cognovimus et venimus adorare dominum

Magi veniunt ab oriente inquirentes faciem domini et dicentes

Stella quam viderunt magi in oriente antecedebat eos donec venirent ad locum ubi puer erat videntes autem eam gavisi sunt gaudio magno

Et intrantes domum invenerunt puerum cum Maria matre ejus et procidentes adoraverunt eum

Videntes stellam magi gavisi sunt gaudio magno et intrantes domum invenerunt puerum cum Maria matre ejus et procidentes adoraverunt eum et apertis thesauris suis obtulerunt ei munera aurum thus et myrrham

Reges Tharsis et insulae munera offerrent reges Arabum et Saba dona adducent

Tria sunt munera quae obtulerunt magi domino aurum thus et myrrham filio dei regi magno alleluia

Adorate dominum R. In aula sancta ejus

Tria sunt munera pretiosa quae obtulerunt magi domino in die ista et habent in se divina mysteria in auro ut ostendatur regis potentia in thure sacerdotem magnum considera et in myrrha dominicam sepulturam

Reges Tharsis et insulae munera offerrent reges Arabum et Saba dona adducent

Dies sanctificatus illuxit nobis venite gentes et adorate dominum quia hodie apparuit lux magna in terra

Venite adoremus eum quia ipse est dominus deus noster

Hic est dies praeclarus in quo salvator mundi apparuit quem prophetae praedixerunt angeli adoraverunt cujus stellam magi videntes gavisi sunt et munera ei obtulerunt

Et intrantes domum invenerunt puerum cum Maria matre ejus et procidentes adoraverunt eum

In columbae specie spiritus sanctus visus est paterna vox audita est hic est filius meus dilectus in quo mihi bene complacui ipsum audite

Caeli aperti sunt super eum et vox patris audita est

Ante luciferum genitus et ante saecula dominus salvator noster hodie mundo apparuit

Venit lumen tuum Jerusalem et gloria domini super te orta est et ambulabunt gentes in lumine tuo alleluia

Apertis thesauris suis obtulerunt magi domino aurum thus et myrrham alleluia

Maria et flumina benedicite domino hymnum dicite fontes domino alleluia

Magi videntes stellam obtulerunt domino aurum thus et myrrham

Surge illuminare Jerusalem*

Quia venit lumen tuum

Gloria patri et filio et spiritui sancto

Omnes de Saba venient R. Aurum et thus deferentes*

Hodie caelesti sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia

Tecum principium*

Surge illuminare*

Reges*

Tribus miraculis ornatum diem sanctum colimus hodie stella magos duxit ad praesepium hodie vinum ex aqua factum est ad nuptias hodie a Joanne Christus baptizari voluit ut salvaret nos alleluia

Lux de luce apparuisti Christe cui magi munera offerrent alleluia alleluia alleluia

Tria sunt munera*

Venient ad te qui detrahebant*

Venient ad te qui detrahebant tibi et adorabunt vestigia pedum tuorum

Omnes gentes quascumque fecisti R. Venient*

Salutis nostrae auctorem magi venerati sunt in cunabulis et de thesauris suis mysticas ei rerum species obtulerunt

Tria sunt munera pretiosa R. Quae obtulerunt magi dominus aurum thus*

Reges Tharsis et insulae munera offerrent

Reges Arabum et Saba dona adducent

Ab oriente venerunt magi in Bethleem adorare dominum et apertis thesauris suis pretiosa munera obtulerunt aurum sicut regi magno thus sicut deo vero myrrham sepulturae ejus alleluia

Joannes quidem clamabat dicens ego non sum dignus baptizare dominum respondit Jesus et dixit sine modo sic enim decet nos adimplere omnem justitiam alleluia

Vox de caelis sonuit et vox patris audita est hic est filius meus in quo mihi complacui ipsum audite

Caeli aperti sunt super eum et vox facta est de caelo dicens hic est filius meus dilectus in quo mihi complacui

Pater de caelis filium testificans spiritus sancti praesentia advenit unum edocens qui baptizatur Christus

Baptizatur Christus et sanctificatur omnis mundus et tribuit nobis remissionem peccatorum aqua et spiritu omnes purificans

Baptizat miles regem servus dominum suum Joannes salvatorem aqua Jordanis stupuit columba protestatur paterna vox audita est hic est filius meus

Super ripam Jordanis stabat beatus Joannes indutus est splendore baptizans salvatorem baptiza me Joannes baptiza benedico te et tu Jordanis congaudens suscipe me

Aqua comburit peccatum hodie apparens liberator et rorat omnem mundum divinitatis ope

Vidimus stellam ejus in oriente et venimus cum muneribus adorare dominum

Stella ista sicut flamma coruscat et regem regum deum demonstrat magi eam viderunt et Christo regi munera obtulerunt

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Stella nobis visa est rex caelorum natus est venite adoremus

Venit lumen tuum Jerusalem et gloria domini super te orta est et ambulabunt gentes in lumine tuo et reges in splendore ortus tui

Filii tui de longe venient et filiae tuae de latere surgent

Hodie in Jordane*

Fontes aquarum sanctificati sunt Christo apparente in gloria orbi terrarum haurite aquas de fonte salvatoris sanctificavit enim nunc omnem creaturam Christus deus noster

In columbae specie spiritus sanctus visus est paterna vox audita est hic est filius meus

Veterem hominem renovans salvator venit ad baptismum ut naturam quae corrupta est per aquam recuperaret incorruptibili veste circumamictans nos

Te qui in spiritu et igne purificas humana contagia deum ac redemptorem omnes glorificamus

Baptista contremuit et non audet tangere sanctum dei verticem sed clamat cum tremore sanctifica me salvator

Caput draconis salvator contrivit in Jordane flumine ab ejus potestate omnes eripiens

Magnum mysterium declaratur hodie quia creator omnium in Jordane expurgat nostra facinora

Vox domini super aquas deus majestatis

Intonuit dominus super aquas multas

Praecursor Joannes exsultat cum Jordane baptizato domino facta est orbis terrarum exsultatio facta est peccatorum nostrorum remissio sanctificans aquas ipsi omnes clamemus miserere nobis

Tecum principium*

Christo datus est principatus et honor regni omnes populi tribus et linguae servient ei in aeternum

Cum factus esset Jesus annorum duodecim ascendentibus illis in Jerusalem secundum consuetudinem diei festi consummatisque diebus cum redirent remansit puer in Jerusalem et non cognoverunt parentes ejus

Remansit puer Jesus in Jerusalem et non cognoverunt parentes ejus existimantes illum esse in comitatu et requirebant eum inter cognatos et notos

Fili quid fecisti nobis sic ego et pater tuus dolentes quaerebamus te quid est quod me quaerebatis nesciebatis quia in his quae patris mei sunt oportet me esse alleluia

Nuptiae factae sunt in Cana Galilaeae et erat ibi Jesus cum Maria matre ejus

Quid mihi et tibi est mulier nondum venit hora mea et convertit aquam in vinum et crediderunt in eum discipuli ejus hoc initium signorum fecit Jesus et manifestavit gloriam suam

Deficiente vino jussit Jesus implere hydrias aqua quae in vinum conversae sunt alleluia

Cum autem descendisset Jesus de monte ecce leprosus veniens adorabat eum dicens domine si vis potes me mundare et extendens manum tetigit eum dicens volo mundare

Quid est quod me quaerebatis an nesciebatis quia in his quae patris mei sunt oportet me esse alleluia

Domine si tu vis potes me mundare et ait Jesus volo mundare

Domine puer meus jacet paralyticus in domo et male torquetur amen dico tibi ego veniam et curabo eum

Domine non sum dignus ut intres sub tectum meum sed tantum dic verbo et sanabitur puer meus

Nam et ego homo sum sub potestate constitutus habens sub me milites et dico huic vade et vadit et servo meo fac hoc et facit

Multi veniunt ab oriente et recumbent cum Abraham et Isaac et Jacob in regno caelorum alleluia

Ascendente Jesu in naviculam ecce motus magnus factus est in mari et suscitaverunt eum discipuli ejus dicentes domine salva nos perimus

Domine salva nos perimus impera et fac deus tranquillitatem magnam porro homines cum vidissent quod fecerat signum dicebant qualis est hic quia ventis imperat et mari et oboediunt ei

Domine salva nos perimus impera et fac deus tranquillitatem magnam

Surgens Jesus imperavit ventis et mari et facta est tranquillitas magna et mirati sunt universi

Praeoccupemus faciem domini et in psalmis jubilemus ei

Domine ne in ira tua arguas me neque in furore tuo corripias me miserere mihi domine quoniam infirmus sum