Ego autem dum mihi molesti essent induebam me cilicio et humiliabam in jejunio animam meam et oratio mea in sinu meo convertetur

Judica domine nocentes me expugna impugnantes me apprehende arma et scutum et exsurge in adjutorium mihi

Custodi me domine de manu peccatoris et ab hominibus iniquis eripe me domine

Adversum me exercebantur qui sedebant in porta et in me psallebant qui bibebant vinum ego vero orationem meam ad te domine tempus beneplaciti deus in multitudine misericordiae tuae

In nomine domini omne genu flectatur caelestium terrestrium et infernorum quia dominus factus obediens usque ad mortem mortem autem crucis ideo dominus Jesus Christus in gloria est dei patris

Domine exaudi orationem meam et clamor meus ad te veniat

Ne avertas faciem tuam a puero tuo quoniam tribulor velociter exaudi me

Salvum me fac deus quoniam intraverunt aquae usque ad animam meam in fixus sum in limo profundi et non est substantia

Domine exaudi orationem meam et clamor meus ad te veniat

Ne avertas faciem tuam a me in quacumque die tribulor inclina ad me aurem tuam

In quacumque die invocavero te velociter exaudi me

Quia defecerunt sicut fumus dies mei et ossa mea sicut in frixorio confrixa sunt

Percussus sum sicut fenum et aruit cor meum quia oblitus sum manducare panem meum

Tu exsurgens domine misereberis Sion quia venit tempus miserendi ejus

Domine exaudi orationem meam et clamor meus ad te perveniat

Potum meum cum fletu temperabam quia elevans allisisti me et ego sicut fenum arui tu autem domine in aeternum permanes tu exsurgens misereberis Sion quia venit tempus miserendi ejus

Nos autem gloriari oportet in cruce domini nostri Jesu Christi in quo est salus vita et resurrectio nostra per quem salvati et liberati sumus

Deus misereatur nostri et benedicat nobis illuminet vultum suum super nos et misereatur nostri

Christus factus est pro nobis oboediens usque ad mortem mortem autem crucis

Propter quod et deus exaltavit illum et dedit illi nomen quod est super omne nomen

Dextera domini fecit virtutem dextera domini exaltavit me non moriar sed vivam et narrabo opera domini

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Domine audivi auditum tuum et timui consideravi opera tua et expavi

In medio duorum animalium innotesceris dum appropinquaverint anni cognosceris dum advenerit tempus ostenderis

In eo dum conturbata fuerit anima mea in ira misericordiae memor eris

Deus a Libano veniet et sanctus de monte umbroso et condenso

Opervit caelos majestas ejus et laudis ejus plena est terra

Eripe me domine ab homine malo a viro iniquo libera me

Qui cogitaverunt malitias in corde tota die constituebant proelia

Acuerunt linguas suas sicut serpentes venenum aspidum sub labiis eorum

Custodi me domine de manu peccatoris et ab hominibus iniquis libera me

Qui cogitaverunt subplantare gressus meos absconderunt superbi laqueos mihi

Et funes extenderunt in laqueo pedibus meis juxta iter scandalum posuerunt mihi

Dixi domino deus meus es tu exaudi domine vocem orationis meae

Domine domine virtus salutis meae obumbra caput meum in die belli

Ne tradas me a desiderio meo peccatori cogitaverunt adversum me ne derelinquas me ne unquam exaltentur

Caput circuitus eorum labor labiorum ipsorum operiet eos

Verumtamen justi confitebuntur nomini tuo et habitabunt recti cum vultu tuo

Cantemus domino gloriose enim honorificatus est equum et ascensorem projecit in mare adjutor et protector factus est mihi in salutem

Hic deus meus et honorificabo eum deus patris mei et exaltabo eum

Dominus conterens bella dominus nomen est illi

Vinea facta est dilecto in cornu in loco uberi

Et maceria circumdedit et circumfodit et plantavit vineam Soreth et aedificavit turrim in medio ejus

Et torcular fodit in ea vinea enim domini Sabaoth domus Israel est

Attende caelum et loquar et audiat terra verba ex ore meo

Exspectetur sicut pluvia eloquium meum et descendant sicut ros verba mea

Sicut imber super gramen et sicut nix super fenum quia nomen domini invocabo

Date magnitudinem deo nostro deus verax opera ejus et omnes viae ejus judicia

Deus fidelis in quo non est iniquitas justus et sanctus dominus

Sicut cervus desiderat ad fontes aquarum ita desiderat anima mea ad te deus

Sitivit anima mea ad deum vivum quando veniam et apparebo ante faciem dei mei

Fuerunt mihi lacrimae meae panes die ac nocte dum dicitur mihi per singulos dies ubi est deus tuus

Alleluia Confitemini domino quoniam bonus quoniam in saeculum misericordia ejus

Laudate dominum omnes gentes et collaudate eum omnes populi

Quoniam confirmata est super nos misericordia ejus et veritas domini manet in aeternum

Resurrexi et adhuc tecum sum alleluia posuisti super me manum tuam alleluia mirabilis facta est scientia tua alleluia alleluia

Domine probasti me et cognovisti me tu cognovisti sessionem meam et resurrectionem meam

Haec dies quam fecit dominus exsultemus et laetemur in ea

Confitemini domino quoniam bonus quoniam in saeculum misericordia ejus

Alleluia Pascha nostrum immolatus est Christus

Terra tremuit et quievit dum resurgeret in judicio deus alleluia

Pascha nostrum immolatus est Christus alleluia itaque epulemur in azymis sinceritatis et veritatis alleluia alleluia alleluia

Introduxit vos dominus in terram fluentem lac et mel alleluia et ut lex domini semper sit in ore vestro alleluia alleluia

Confitemini domino et invocate nomen ejus annuntiate inter gentes opera ejus

Haec dies quam fecit*

Dicat nunc Israel quoniam bonus quoniam in saeculum misericordia ejus

Alleluia Angelus domini descendit de caelo et accedens revolvit lapidem et sedebat super eum

Angelus domini descendit de caelo et dixit mulieribus quem quaeritis surrexit sicut dixit alleluia

Surrexit dominus et apparuit Petro alleluia

Aqua sapientiae potavit eos alleluia firmabitur in illis et non flectetur alleluia et exaltavit eos in aeternum alleluia alleluia

Confitemini domino et invocate nomen ejus annuntiate inter gentes opera ejus

Haec dies quam fecit*

Dicant nunc qui redempti sunt a domino quos redemit de manu inimici et de regionibus congregavit eos

Alleluia Surrexit dominus de sepulcro qui pro nobis pependit in ligno

Intonuit de caelo dominus et altissimus dedit vocem suam et apparuerunt fontes aquarum alleluia

Si consurrexistis cum Christo quae sursum sunt quaerite alleluia ubi Christus est in dextera dei sedens quae sursum sunt sapite alleluia

Venite benedicti patris mei percipite regnum alleluia quod vobis paratum est ab origine mundi alleluia alleluia alleluia

Cantate domino canticum novum cantate domino omnis terra

Haec dies quam fecit*

Dextera domini fecit virtutem dextera domini exaltavit me

Alleluia Surrexit dominus vere et apparuit Petro

Portas caeli aperuit dominus et pluit illis manna ut ederent panem caeli dedit illis panem angelorum manducavit homo alleluia

Christus resurgens ex mortuis jam non moritur alleluia mors illi ultra non dominabitur alleluia alleluia

Victricem manum tuam domine laudaverunt pariter alleluia quia sapientia aperuit os mutum et linguas infantium facit disertas alleluia alleluia

Cantate domino canticum novum quia mirabilia fecit

Haec dies quam fecit*

Lapidem quem reprobaverunt aedificantes hic factus est in caput anguli a domino factum est et est mirabile in oculis nostris

Alleluia Surrexit Christus qui creavit omnia et misertus est humano generi

In die sollemnitatis vestrae dicit dominus inducam vos in terram fluentem lac et mel alleluia

Populus acquisitionis annuntiate virtutes ejus alleluia qui vos de tenebris vocavit in admirabile lumen suum alleluia

Eduxit eos dominus in spe alleluia et inimicos eorum operuit mare alleluia alleluia alleluia

Attendite popule meus legem meam inclinate aurem vestram in verba oris mei

Haec dies quam fecit*

Benedictus qui venit in nomine domini deus dominus et illuxit nobis

Alleluia Dicite in gentibus quia dominus regnavit a ligno

Erit vobis hic dies memorialis alleluia et diem festum celebrabitis sollemnem domino in progenies vestras legitimum sempiternum diem alleluia alleluia alleluia

Data est mihi omnis potestas in caelo et in terra alleluia euntes docete omnes gentes baptizantes eos in nomine patris et filii et spiritus sancti alleluia alleluia

Eduxit dominus populum suum in exsultatione alleluia et electos suos in laetitia alleluia alleluia

Confitemini domino et invocate nomen ejus annuntiate inter gentes opera ejus

Alleluia Haec dies quam fecit dominus exsultemus et laetemur in ea