Ut confessus fiducialiter annuntiem revelationem sanctorum servorum tuorum

Sanctus Gamaliel in visu dixit Luciano diligenter animadverte quae dico et statim deposuit coram eo tres calathos aureos et quartus argenteus plenus erat croco

Unus ex tribus calathis rubentes habens rosas tamquam sanguinem alii vero referti erant rosis albis

Vides o frater Luciane hos calathos hic rosas habens pulcherrimas loculus est pretiosi martyris Stephani qui solus ex nobis martyrio meruit honorari

Introgressus ostium sepulcri invenies eum in parte orientali

Omnia necessaria ministrans sanctum corpus occulte portari fecit et in monumento juris proprii juxta Jerusalem honorifice sepelivit

Dixit autem Gamaliel Luciano vade dic Joanni episcopo ut aperiat monumentum quo in negligentia positae sunt nostrae reliquiae ut per nos aperiat dominus errantibus ostium clementiae suae

Usquequo non aperis nobis praecipue in temporibus tuis revelandi sumus

Sanctus Joannes episcopus lacrimatus prae gaudio benedixit deum et dixit ad Lucianum presbyterum oportet me inde transferre beatum protomartyrem Stephanum qui tamquam angelus apparuit positus in contione hominum

Qui primus apud Judaeos dominica bella peregit et Jesum a dextris virtutis dei stantem videre promeruit

Sancte dei*

Ut tuo propitiatus*

Ecce jam coram te protomartyr Stephane suppliciter assistentes te devote precamur ut qui pro te lapidantibus Christum deprecatus es pro nobis apud ipsum intercedere digneris

Caritatis gratia repletus pro persecutoribus orans filium hominis ad dexteram patris stantem videre meruisti ideoque precamur

Gloria patri et filio et spiritui sancto

Regressus Lucianus presbyter a sancto Joanne episcopo jussit ut consurgerent omnes diluculo et foderent in acervo illo ubi putabant esse corpora sanctorum

Apparuit sanctus Gamaliel cuidam monacho nomine Migetio innocenti et simplici viro et dixit ad eum vade et dic Luciano in vanum laboras in acervo illo non ibi sumus modo

Ibi olim positi fuimus exsequiarum tempore planctus nunc quaere nos in illo loco qui dicitur bonorum virorum possessio

Audiens ergo Lucianus sacerdos verba monachi Migetii benedixit dominum quia inventus est et alius testis in revelatione sanctorum

Dum inventum esset sacratissimum beati Stephani corpus statim terraemotus factus est magnus atque omnes qui aderant odor perfudit suavissimus

Ex odoris mira fragrantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum glorificantes

Luciano*

Sancte Stephane protomartyr*

Sancte dei pretiose*

Magna est*

Hodie sanctus Joannes pontifex cum maximo cleri plebisque tripudio pretiosi protomartyris Stephani reliquias in sanctam transtulit ecclesiam Sion ubi quondam archidiaconi functus est officio cujus pia apud deum sit pro nobis quaesumus intercessio

Beatus Laurentius*

Puer meus noli timere quia ego sum tecum si transieris per ignem flamma non nocebit te et odor ignis non erit in te

Venite populi ad collaudandum regem regum dominum qui triumphat in passione Laurentii

Quo progrederis sine filio pater quo sacerdos sancte sine ministro properas

Beatus Laurentius dixit*

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit paternitati tuae

Non ego te desero fili neque derelinquo sed majora tibi debentur pro fide Christi certamina

Beatus Sixtus dixit

Beatus Laurentius orabat dicens domine Jesu Christe deus de deo miserere mihi servo tuo

Quia accusatus non negavi nomen sanctum tuum interrogatus te Christum confessus sum

Dixit Romanus ad beatum Laurentium video in te juvenem pulcherrimum festina me baptizari

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Quia ipse dominus novit quod accusatus non negavi nomen sanctum ejus

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Dispersit dedit pauperibus justitia ejus manet in saeculum saeculi

Puer meus noli timere quia ego sum tecum dicit dominus cum transieris per ignem flamma non nocebit te et odor ignis non erit in te

Liberabo te de manu pessimorum et eruam te de manu fortium

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit paternitati tuae numquid degenerem me probasti experire certe utrum idoneum ministrum elegeris cui commisisti dominici sanguinis dispensationem

Noli me derelinquere pater sancte quia thesauros tuos jam expendi non ego te desero fili neque derelinquo sed majora tibi debentur pro fide Christi certamina

Nos quasi senes levioris pugnae cursum recipimus te autem quasi juvenem manet gloriosior de tyranno triumphus post triduum me sequeris sacerdotem levita

Strinxerunt corporis membra posita super craticulam subjicientibus prunas exsultat levita Christi

Carnifices vero urgentes ministrabant carbones subter cratem ferream

Igne me examinasti et non est inventa in me iniquitas

Probasti domine cor meum et visitasti nocte

Interrogatus te dominum confessus sum assatus gratias ago

Gratias tibi ago domine Jesu Christe quia januas tuas ingredi merui

Levita Laurentius bonum opus operatus est qui per signum crucis caecos illuminavit

Dispersit dedit pauperibus justitia ejus manet in saeculum saeculi

Beatus Laurentius orabat dicens gratias tibi ago domine quia januas ingredi merui

In craticula te deum non negavi et ad ignem applicatus te Christum confessus sum

Si quis mihi ministraverit honorificabit eum pater meus qui est in caelis dicit dominus

Dixit Jesus discipulis suis*

Strinxerunt corporis membra posita in craticulam subjicientibus prunas insultat levita Christi beate Laurenti martyr Christi intercede pro nobis

Carnifices vero urguentes ministrabant carbones subter cratem ferream

Beatus vir Laurentius qui post aurum non abiit nec speravit in thesauris pecuniae fecit enim mirabilia in vita sua

Potuit enim transgredi et non est transgressus facere mala et non fecit

Beatus Laurentius clamavit et dixit deum meum colo et ipsi soli servio et ideo non timeo tormenta tua

Mea nox obscurum non habet sed omnia in luce clarescunt

Beatus Laurentius dixit ego me obtuli sacrificium deo in odorem suavitatis

Gaudeo plane quia hostia Christi esse merui

Nisi granum frumenti cadens in terra mortuum fuerit ipsum solum manet

Gaudeo plane quia hostia Christi effici merui accusatus non negavi interrogatus Christum confessus sum assatus gratias ago

Ego me obtuli sacrificium deo in odorem suavitatis

Meruit esse hostia levita Laurentius qui dum assaretur non negavit dominum et ideo inventus et sacrificium laudis

In craticula positus deum non negavit et ad ignem applicatus Christum confessus est

Hic est vir qui non est derelictus a deo in die certaminis sui et ipse conculcavit caput serpentis antiqui modo coronatur quia fideliter vicit in mandatis domini

Iste sanctus pro lege dei sui certavit usque ad mortem et a verbis impiorum non timuit

In craticula te deum non negavi et ad ignem applicatus te dominum Jesum Christum confessus sum

Accusatus non negavi nomen sanctum tuum et interrogatus

Laurentius ingressus est martyres confessui sunt nomen domini Jesu Christi

Laurentius bonum opus operatus est qui per signum crucis caecos illuminavit

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Volo pater ut ubi ego sum illic sit et minister meus

Sancte Laurenti*

In craticula te deum non negavi et ad ignem applicatus te Christum confessus sum probasti cor meum et visitasti nocte igne me examinasti et non est inventa in me iniquitas

O bone Laurenti martyr venerande per orbem renibus in nostris extingue libidinis ignem

Quo progrederis*

Beatus Laurentius dum in craticula superpositus ureretur ad impiissimum tyrannum dixit assatum est jam versa et manduca nam facultates ecclesiae quas requiris in caelestes thesauros manus pauperum deportaverunt

Inclytus martyr Tiburtius cum nudatis plantis super prunas ardentes incederet Fabiano praefecto dixit videtur mihi quod super roseos flores incedam in nomine domini mei Jesu Christi

Beatissimus Christi martyr Laurentius dum baptismi gratiam contulisset beato Hippolyto ponebat manus super oculos caecorum et sanabantur

Caeco illuminato a beato Laurentio Hippolytus credidit et percipere meruit baptismi sacramentum

O Hippolyte si credis in dominum Jesum Christum et thesauros tibi ostendo et vitam aeternam promitto

Si dictis inquit facta compensas faciam quae hortaris cui beatus Laurentius dixit tu mihi tuum tantummodo praebe assensum

Coepit Hippolytus tristis plorare cui beatus Laurentius ita dixit noli flere sed magis gaude et mox dum clamavero audi et veni quia vado ad gloriam

Respondens Hippolytus dixit quare ego non venio et vocifero cum beatus Laurentius ita dixit

Caesar dixit ad Hippolytum factus es insipiens ut nuditatem tuam non erubescas

Dixit Caesar ad Hippolytum tu magus factus es respondens Hippolytus dixit ad Decium non sum ego magus sed sum servus domini mei Jesu Christi

Decius dixit ad beatum Hippolytum sacrifica et vives ne pereas per tormenta sicut Laurentius

Exemplum merear fieri Laurentii beatissimi martyris

Tunc Valerianus in conspectu Hippolyti famulos illius martyrizari praecepit