Sanctus domini Maurus sollicite more magistri sui singulorum secum habitantium mores et vitas perscrutans verbum vitae eis annuntiabat et proficere illos in sanctitate cottidie hortabatur

Caelestibus eos informans praedicationibus vias vitae illos aggredi suggerebat

Gloria*

Luce refulgens aurea*

Justus abba Maurus (...)et pius germina pacis et vitae verba suis monstravit sicut lilium (...) et floret meritis virtute sophia justitia exorans altissimum (...) in numero sanctorum manebat in aeternum ante dominum (...)

Inclyte confessor domini Maure supplicantes famulos sanctis attolle precibus ut te interveniente Christi gratiam consequamur

Regem caelestis gloriae qui regnat aeternaliter in sancti Mauri meritis adoremus humiliter

[Venite] exsultemus domino jubilemus deo salutari nostro praeoccupemus [faciem ejus in confessione et in psalmis jubilemus ei]

Beatus Maurus clarissimo genere exortus sancto Benedicto nutriendus a parentibus est traditus

Qui cum adhuc junior bonis polleret moribus magistri coepit adjutor exsistere et ejus miraculorum cooperator esse

Hunc sanctus Benedictus ita in dei servitio diligenter informavit ut nemini post ipsum in sancta observatione fuerit secundus

Corpus namque proprium jejuniis abstinentia atque vigiliis et nimiis semper edomabat frigoribus

Exemplo magistri sui provocatus indesinenter carnem macerabat

His ergo pleniter excrescens virtutibus sancto Benedicto admirabilis habebatur

Postquam divinitas domini Jesu Christi universo orbi apostolorum innotuit praedicatione diversi per dei gratiam beati exstiterunt viri qui desiderio caelestium flagrantes praemiorum infirmioribus proximis planiorem viam fidei reliquerunt

Divino vallati adjutorio viriliter contra mundi principem certaverunt

Beatus Maurus clarissimo senatorum genere exortus omnipotenti deo nutriendus duodenis sancto Benedicto a parentibus est traditus

Qui cum adhuc junior bonis polleret moribus magistri coepit adjutor exsistere

Exemplis beati magistri sui provocatus frequenti afflictione corpus edomabat

Ardua semper appetens et sanctiora atque in divina succrescens religione

Benedictione postulata atque percepta ad sancti patris Benedicti imperium concitus perrexit Maurus ambulansque super aquas placidum puerum per capillos tenuit et illaesus cum eo velociter rediit

Patris ad imperium pergens Maurus Benedicti currit in undoso gurgite more Petri

Gloria*

Veloci adminiculo subvenit condiscipulo in supremo periculo mortis et in articulo Maurus fisus in domino oboediens ex animo non exspectat in pelago quaerere navim naufrago sed caelesti remigio utitur pro navigio pontem velut in solido fides facit in liquido sic patrato miraculo quod raro fit in saeculo patris necnon imperio cum dei adjutorio

Patris ad imperium pergens Maurus Benedicti currit in undoso gurgite more Petri

Mox vero ut terram tetigit quia super undas cucurrisset agnovit

Vir autem venerabilis Benedictus hoc non suis meritis sed oboedientiae illius deputare coepit

Sanctus domini Maurus ait ad debilem in nomine sanctae trinitatis sta sanus super pedes tuos rectus

Qui surgens continuo coepit rectissime pergere ac dominum voce exsultationis laudare

Benedictus deus creator omnium qui me redintegrare dignatus est per beatum Maurum

Vir beatissimus ad caelum oculos elevans ait domine Jesu Christe ostende etiam nunc quia et nos servi tui apostolorum fidem habentes in te et in tuis verbis unum te deum in trinitate perfecta credimus et adoramus

Et haec dicens stolam de sancto collo suo protulit et super caput infirmi posuit et ait

Oculis caeci nati homo dei digitos imprimens dixit dominus Jesus Christus qui est vera lux quae illuminat credentes ipse te per invocationem sancti nominis sui illuminare dignetur

Ut videns mirabilia opera altissimi conditorem horum voce exsultationis collaudes

Inclytus levita Christi Maurus sancto Romano intulit crastina die beatus pater Benedictus caelestem gaudens scandet ad patriam et ideo tantae ejus gloriae exsultantibus animis congratulemur

Nunc enim praesentiorem eum quam si carne viveret sumus habituri

Sanctus domini*

Caelestibus*

Gloria*

Orta de caelis gratia plenus et sapientia Maurus pater utilia proponebat consilia fratres nolite dulcia carnis amplecti vitia Gehennae multiplicia perhorrete supplicia quanta caelorum gaudia sanctorum quanta gloria tenetis in memoria in multa patientia et in obedientia manet omnis justitia sic patrum praevia sequi vestigia sanctus et praemia sperare nimia hortabatur

Beatus Benedictus sancto Mauro valedicens ait jam valeas felix in profectione felicior futurus in perventione

Assiduis beatissimus Maurus dominum exorabat gemitibus ut animam defuncto reddere dignaretur ad honorem et laudem nominis sui

Cumque pro eo sacrificium praecepisset offerri precibus sancti sui annuens dominus illico eum resuscitare dignatus est

Angelus domini candidissimo amictus habitu homini dei assistens dixit quid dilectissima anima pro his quae a deo agi disposita sunt tanto afficeris moerore pars enim maxima hujus congregationis infra breve tempus colligetur a dominum

Cumque eos feliciter praemiseris ad Christum felicior ipse subsequeris

Pater sanctus electo gregi locutus est dicens quia fratres dilectissimi nunc tempus est ut incipiat judicium de domo domini justa ejus judicia aequanimiter tolerantes ipsum adoremus

Praeveniamus faciem domini in confessione ut atria supernae civitatis ingredi valeamus

Egregius confessor domini Maurus astantibus valedicens fratribus feliciter migravit ad dominum coetibus monachorum inter agmina sanctorum aggregatus angelorum et particeps factus praemiorum aeternorum

Gaudet ergo felix in caelis cum Christo quem semper dilexit amore sancto

Gloria*

Eximie Christi confessor dux monachorum et pastor benigne sanctissime Maure qui uranica amplectens soli gloriam minime viritim distulisti spernere quare velut in caelo Phoebus rutilans preclare immortalis cum Christo factus exsultas abunde ergo nos audi pangentes in tuo amore odas libentissime Eìet istic congratulantes de tuo corpore nobis pater amande concedens pacem cum salute unaque gaudia premiorum aeternorum

Oratione completa vir dei Maurus parumper gradum figens substitit et caecum de pavimento surgere praecepit

Cumque stetisset ante illum mox ei virtute divina sanitatem indulsit

Qui continuo clarissimis luminibus spheram soli respectans magna coepit voce deum laudare

Habitatores autem loci videntes tale miraculum per beatum celebratum Maurum deprecabantur eum ut benedictionem illis daret

Tunc votis eorum applaudens dixit benedicat vobis dominus deus noster qui habitat in Sion

Sancte dei Maure clementi quaesumus aure suscipe servorum laudes et vota tuorum

Gemma senatorum clarissime dux monachorum

Gloria patri et filio et spiritui sancto

Norma jubarque*

Justus abba Maurus*

Beatus Maurus raptus in spiritu conspexit viam palliis stratam ac innumeris coruscam lampadibus qua dilectus domini Benedictus paradisum conscendit

Beatus*

Qui cum*

Hunc sanctus*

Corpus*

Benedicti more tibi Maure valedicimus vale Felix praesens succurus felicior

Te patronum venerantes canimus te supplices

Gloria patri et filio et spiritui sancto

Sanctissime pater Maure huic diei festo et tuis laudibus clementer petimus adesto tibique famulantium assidue memor esto

O quam venerandus es egregie Maure qui terrena contempsisti et caeli januam exsultans petisti modo victor fulges in virtute caelesti ideoque supplices exoramus ut intercedas pro nobis ad dominum deum nostrum

Petimus te athleta dei Maure ut pro nostris peccatis apud dominum intercessor exsistere digneris ut impetratu tuo deleantur delicta nostra et remittantur facinora

Insignis confessor dei Maurus palma victoriae coronatus cum angelis et archangelis et cum omnibus justis semper exsultat in astris ideoque precamur ut suis precibus a nostris iniquitatibus eruamur

Sanctissime confessor*

Oramus te beatissime*

Frater Maure curre velociter quia puer Placidus in amnem demergitur

Maurus verbo currens patris Petri fertur vestigiis super liquens elementum mersumque trahit Placidum

Sebastianus vir*

Sanctorum meritis*

Insignes praeconiis almae tuae nobilitati consona voce collaudantes verbo supplici prosequamur ave inclyte martyr angelorum consors apostolorum socius prophetarum concivis et martyrum coheres sancte Sebastiane martyr Christi intercede pro nostra omniumque salute

Adoremus deum qui in sanctis gloriosus est

Aeterna Christi munera*

Sebastianus Mediolanensium partium civis quem perfuderat deus gratia ab omnibus amabatur

Erat enim in sermone verax in judicio justus

Christo cottidie sedulum exhibebat officium erat enim verus dei cultor

Ad hoc tantum sub chlamyde Christi militem tegebat absconditum ut deo redderet animas quas diabolus conabatur auferre

Clarissimis cottidie viris Marcelliano et Marco suadebat saeculi blandimenta respuere et momentanea tormentorum genera non timere

Sebastianus vir christianissimus quem occultabat militaris habitus et chlamydis obumbrabat aspectus

Sebastianus dei cultor studiose curabat sub absconso chlamyde sanctorum animas confortare spem promittens et gloriam consequi sempiternam

Erat enim in sermone verax in judicio justus

Sebastianus vir christianissimus quem occultabat militaris habitus et chlamydis suae obumbrabat aspectus

Quem perfuderat deus gratia ab omnibus amabatur

Sebastianus Mediolanensium partium civis quem perfuderat deus gratia ab omnibus amabatur

Erat enim in sermone verax in judicio justus

Erat namque in sermone verax in judicio justus in consilio providus in bonitate conspicuus in universa morum honestate praeclarus

In commisso quoque fidelis in interventu strenuus

Ut vidit beatus Sebastianus athletas dei immenso certaminis pondere fatigari dixit o fortissimi milites Christi nolite per misera blandimenta coronas deponere sempiternas

Sebastianus dixit Marcelliano et Marco non vos seducant blandimenta mulierum

Nolite timere non separabuntur a vobis sed vadunt in caelis parare vobis sidereas mansiones

Sonant ibi jugiter organa hymnorum quae ad laudem dei ab angelis et archangelis decantantur