Judica causam meam defende quia potens es domine

Cum angelis et pueris fideles inveniamur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Principes persecuti sunt me gratis et a verbis tuis formidavit cor meum laetabor ego super eloquia tua

Quasi qui invenit spolia multa

Turba multa quae convenerat ad diem festum clamabat domino benedictus qui venit in nomine domini hosanna in excelsis

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Quid molesti estis huic mulieri opus enim bonum operata est in me

Mittens haec mulier in corpus meum hoc unguentum ad sepeliendum me fecit

Circumdederunt me viri mendaces sine causa flagellis ceciderunt me sed tu domine defensor vindica mea

Quoniam tribulatio proxima est et non est qui adjuvet

Coeperunt omnes turbae descendentium daemon te laudare deum voce magna super omnibus quas viderant virtutibus dicentes benedictus qui venit rex in nomine domini pax in caelo et gloria in excelsis

Adoremus dominum*

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Non haberes in me potestatem nisi desuper datum tibi fuisset

Recordare mei domine et tuere me ab his qui persequuntur me

Tibi revelavi causam meam domine defensor vitae meae domine deus meus

Invocabo nomen tuum domine ne avertas faciem tuam a clamore meo

Quia ego tecum sum de manu pessimorum liberabo te dicit dominus

Occurrunt turbae cum floribus et palmis redemptori obviam et victori triumphanti digna dant obsequia filio dei ore gentes praedicant et in laudem Christi voces tonant per jubila hosanna

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Simon dormis non potuisti una hora vigilare mecum

Potestatem habeo ponendi animam meam et iterum sumendi eam

Nunc clarificatus est filius hominis et deus clarificatus est in eo

Non sis mihi tu formidinis spes mea in die afflictionis meae

Positis autem genibus Jesus orabat dicens pater non mea voluntas sed tua fiat

Cottidie apud vos eram in templo docens et non me tenuistis et ecce flagellatum ducitis ad crucifigendum

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges earum in compedibus

Ancilla dixit Petro vere tu ex illis es nam et loquela tua manifestum te facit

Ait Pilatus mundae sunt manus meae a sanguine hujus justi vos videritis

Cum accepisset acetum dixit consummatum est et inclinato capite tradidit spiritum

Petrus autem sequebatur a longe ut videret finem

Consilium fecerunt inimici mei dicentes conteramus eum de terra viventium

Tanto tempore vobiscum eram docens vos in templo et non me tenuistis modo flagellatum ducitis ad crucifigendum

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Cogitaverunt impii*

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Tristis est anima mea usque ad mortem sustinete hic et vigilate mecum nunc videbitis turbam quae circumdabit me vos fugam capietis et ego vadam immolari pro vobis

Vigilate et orate dicit dominus ut non intretis in tentationem

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse tulit et dolores nostros ipse portavit

Liberabit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam tuam

Deus meus eripe me de manu peccatoris*

Unus ex vobis tradet me hodie vae illi per quem tradar ego melius illi esset si natus non fuisset

Qui intingit mecum manum in parapside hic me traditurus est in manus peccatorum

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Qui dormitis surgite et orate ut non intretis in tentationem

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in pane ejus et conteramus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Terra tremuit et quievit*

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacem osculo ferebas quam in pectore non habeas

Corpore tantum cum cenantibus recumbebas et mentem invidiae furore armabas

Revelabunt caeli iniquitatem Judae et terra adversus eum consurget et manifestum erit peccatum ipsius in die furoris domini cum eis qui dixerunt domino deo recede a nobis scientiam viarum tuarum nolumus

In diem perditionis servabitur et ad diem ultionis ducetur

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

Kyrie eleison*

Qui passurus advenisti propter nos

Qui prophetice prompsisti ero mors tua o mors

Qui expansis in cruce manibus traxisti omnia ad te saecula

Agno miti basia cui lupus dedit venenosa

Te qui vinciri voluisti nosque a mortis vinculi eripuisti

Vita in ligno moritur infernus et mors lugens spoliatur

Domine miserere Christe parce famulis Kyrie Christus dominus

Factus est oboediens usque ad mortem

Mortem autem crucis*

Accepto pane Judas tradidit dominum sicut promiserat principibus sacerdotum

In monte Oliveti*

Verumtamen*

Exsurge domine*

Kyrie Christe eleison

Si male locutus sum perhibe testimonium si autem bene quid me caedis

Tristis est anima*