Dederunt in celebratione operis sancti decus ideo memoria eorum est in benedictione in saeculum saeculi

Implevit eos dominus spiritu sapientiae et intellectus jucunditatem et exsultationem thesaurizavit super eos

Ex omni corde laudaverunt nomen sanctum domini ut amplificarent sanctitatis

Datum est opus eorum in veritate ideo in terra sua duplicia possidebunt et laetitia sempiterna erit eis in Christo

In medio et in circuitu sedis dei quattuor animalia senas alas habentia oculis undique plena non cessant nocte ac die dicere sanctus sanctus sanctus dominus deus omnipotens qui erat et qui est et qui venturus est

Juravit dominus*

Tua sunt haec Christe opera qui sanctos tuos ita glorificas ut etiam dignitatis gratiam in eis futuram praeire miraculis facias tu insignes evangelii praedicatores animalium caelestium admirabili figura praesignasti his namque caeleste munus collatum gloriosis indiciis es dignatus ostendere hinc laus hinc gloria tibi resonet in saecula

Pretiosa sunt Thebaeorum martyrum vulnera sancti Mauritii sociorumque eius qui sub Maximiano mortem decreverunt suscipere

Regem regum dominum venite adoremus quia ipse est corona sanctorum martyrum

Quanta excolendus est reverentia sacer ille locus in quo tot pro Christo martyrum milia ferro caesa referuntur

Hi sancti viri in rebus bellicis strenui et virtute nobiles sed fide nobiliores permanserunt

Si qui veri dei cultum profiteri audebant statim ad supplicia saeva et necem rapiebantur

Nos pugnare adversus impios scimus laniare pios et concives penitus ignoramus

Tenemus ecce arma et non resistimus quia magis mori quam occidere parati sumus

Cumque missi ad sanctam legionem venissent strinxerunt in sanctos martyres crudeles impium ferrum

Justorum animae*

Sanctus Mauritius legionem sanctam praemonuit ut ad caelestia regna properaret beatus Exuperius miles candidus et Victor et beatus Innocentius junctis meritis se sociaverunt

O viri fortes in armis sed fortiores fide sanctus Mauritius cum sociis suis qui sub Maximiano coronam martyrii perceperunt

Sancta legio Agaunensium martyrum dum resisterent adversarii sacro duce Mauritio interveniente immortalitatis compendium acquisierunt

Flagrabat in beatissimis martyribus gloriosus ardor qui ad trucidanda ferro colla submittunt

Martyres Thebaei beati nobiles virtute nobiliores fide evangelicis praeceptis sub armis nequaquam immemores reddebant quae dei erant deo et quae Caesaris Caesari restituebant

Erat eodem tempore in exercitu legio militum qui Thebaei appellabantur

Traduntur neci quos ordo reperit numerandi laeti percussoribus cervices praebent solaque inter eos erat de gloriosae mortis acceleratione contentio

Laniabanturque beata corpora et devotas deo animas fideli mortis professione commendabant

Omnes unanimes unum aeternitatis deum se colere professi sunt et ideo jugulati coronam regni perceperunt

Tunc Mauritius primicerius paululum a satellitibus regiis segregatus convocat legionem et hac oratione sanctiores alloquitur

Gratulor virtuti vestrae commilitones optimi quod amore religionis nullam vobis Caesaris praeceptum attulit formidinem

Gaudentibus quodammodo animis tradi ad necem gloriosam commilitones vestros vidistis

Haec vir sanctus dixerat legionis probatur assentio et Caesari per satellites nuntiatur

Nos omnes christianos esse cognosce habebis potestati tuae subdita omnium corpora auctorem nostrum respicientes Christum animas non tenebis

Inclytus martyr Mauritius Maximiano dixit milites sumus imperator tui sed tamen servi profitemur esse dei tibi militiam debemus illi innocentiam a te stipendium laboris accepimus ab illo vitae aeternae gaudia praeoptamus

Habes nos confitentes deum patrem omnipotentem filiumque ejus unigenitum dominum nostrum

Sanctorum corporum sacer sanguis undas perfudit pretiosorum martyrum societas consecravit quae novit Rhodanus inundando perfusus

Pretiosa sunt Thebaeorum martyrum vulnera sancti Mauritii cum sociorumque eius

Hi igitur milites christianae religionis ritum orientali traditione susceperant ab Jerusalem urbis episcopo fideique sacrae virtutem armis omnibus praeponebant

Eamdem christianitatis fidem quam acceperant confirmantes ut ante gladiis perirent quam sacram fidem violarent

Tenere me commilitones optimi saecularium quidem bellorum signa videtis sed non ad haec arma provoco nec ad haec bella animos vestros virtutemque cohortor fidem quam deo promisimus in ultimis custodire

Aliud nobis genus eligendum est proeliorum non per hos gladios potestatis ad regna caelestia properare

In sanctorum devotionibus sanctus Mauritius triumphavit sanctorum gloriam beatus Exuperius ordinavit spem immortalitas sanctus candidus et Victor fide ornaverunt

Hac igitur crudelitate immanissimi tyranni confectus est sanctorum populus qui contempsit rem praesentium ob spem futurorum qui ut credimus cum illis angelorum legionibus jam collaudant deum in caelis

Ipse quoque tamquam grex dominicus laniari se permisit et tamquam ab irruentibus lupis passi sunt

Triumpharunt sancti martyres Christi qui sub Maximiano mortem decreverunt suscipere et cum sancto Mauritio regna caelestia assumpserunt

Flagrabat in beatissimis martyribus gloriosus ardor qui ad trucidanda ferro colla submittunt

Ecce factus est sacer ille Agaunensium locus per suffragia sanctorum salus praesentium praesidium futurorum

O quanta reverentia excolendus est sacer ille locus in quo tot pro Christo martyrum milia ferro caesa referuntur

Deus innocentiae verus amator longe post passionem sacratissimae legionis innocentis unda Rhodani fluminis famulante revelavit martyris sui Innocentii inclyta membra

Quae ideo dominus per aquas manifestavit ut et eas exinde sanctificaret et fidelibus populis patrocinia condonaret

Sanctus Mauritius legionem sanctam praemonuit ut ad caelestia regna properarent beatus Exuperius miles candidus et Victor et beatus Innocentius junctis meritis se sociaverunt

Sancta legio Agaunensium martyrum dum resisterent adversarii sacro duce Mauritio interveniente immortalitatis compendium acquisierunt

Pretiosa sunt*

Ecce factus est sacer ille Agaunensium locus per suffragia sanctorum salus praesentium praesidium futurorum

Sanctorum corpora sacri sanguinis unda perfudit pretiosorum corpora societas consecravit quae novit Rhodanus inundando refudit

Flagrabat in beatissimis martyribus gloriosus ardor quia trucidati ferro collis submissis qui sub Maximiano perempti sunt quos multitudo angelorum cum gaudio susceperunt

Quanta excolendus est*

Hi sancti*

Si qui veri*

Nos pugnare*

Triumpharunt sancti martyres Christi qui sub Maximiano mortem decreverunt suscipere et cum sancto Mauritio regna caelestia assumpserunt

Sancte Michael*

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo testatur

Gloria patri et filio et spiritui sancto

Tibi Christe*

In conspectu angelorum*

Dum sacrum mysterium cerneret Joannes archangelus Michael tuba cecinit ignosce domine deus noster qui aperis librum et solvis signacula ejus alleluia

Regem archangelorum dominum venite adoremus

Cuncta agmina angelorum adoraverunt regem regum dominum et inter eos egregius Michael archangelus venite adoremus

Christe sanctorum decus*

Stetit angelus juxta aram templi habens thuribulum aureum in manu sua

Ascendit fumus aromatum in conspectu domini de manu angeli

Michael archangelus veni in adjutorium populo dei

Michael praepositus paradisi quem honorificant angelorum cives

Gloriosus apparuisti in conspectu domini propterea decorem induit te dominus

Magna magnalia de Michaele archangelo fortis in bello fecit victoriam

Stetit angelus juxta aram templi R. Habens thuribulum*

Factum est silentium in caelo dum committeret bellum draco cum Michaele archangelo audita est vox milia milium dicentium salus honor et virtus omnipotenti deo

Milia milium ministrabant ei et decies centena milia assistebant ei

Stetit angelus juxta aram templi habens thuribulum aureum in manu sua et data sunt ei incensa multa et ascendit fumus aromatum de manu angeli in conspectu domini

Et accepit angelus thuribulum et implevit illud de igne altaris

In conspectu angelorum psallam tibi et adorabo ad templum sanctum tuum et confitebor nomini tuo domine

Super misericordiam tuam et veritatem tuam quoniam magnificasti super omne nomen sanctum tuum

In conspectu gentium nolite metuere vos enim in cordibus vestris adorate et timete dominum angelus enim ejus vobiscum est

Nolite timere opprobria hominum et blasphemias eorum ne metuatis

Hic est praepositus paradisi archangelus Michael qui non dimittit animas donec assignet eas ante tribunal Christi

Concussum est mare et contremuit terra ubi archangelus Michael descendebat de caelo

Laudemus dominum quem laudant angeli cui cherubim et seraphim sanctus sanctus sanctus proclamant

Data sunt ei incensa multa ut adoleret ea ante altare aureum quod est ante oculos domini

Michael Gabriel cherubim et seraphim qui non cessant clamare cottidie dicentes dignus es domine accipere gloriam alleluia

Sancte Michael archangele defende nos in proelio ut non pereamus in tremendo judicio

Ascendit fumus aromatum*

Dum committeret bellum draco cum Michaele archangelo audita est vox milia milium dicentium salus deo nostro

Factum est silentium in caelo dum committeret bellum draco cum Michaele archangelo

Michael et angeli ejus pugnabant cum diabolo et ille hostis antiquus victus est ab eo

Factum est proelium in caelo Michael et angeli ejus proeliabantur cum dracone

Nunc facta est salus et virtus et regnum deo nostro et potestas Christi ejus quia projectus est accusator fratrum nostrorum qui accusabat illos ante conspectum dei nostri die ac nocte

Propterea laetamini caeli et qui habitatis in eis

Docebo te quae ventura sunt populo tuo in novissimis diebus et annuntiabo tibi quod expressum est in scriptura veritatis et nemo est adjutor meus in omnibus his nisi Michael archangelus princeps vester

Ego sum angelus ille qui offero deo orationes tuas

Archangele Christi per gratiam quam meruisti deprecamur et per unigenitum dominum nostrum ut eripias nos a laqueo mortis

Gloriosus apparuisti in conspectu domini*