In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Vigilate et orate dicit dominus ut non intretis in temptationem

Tristis est anima mea usque ad mortem sustinete hic et vigilate mecum nunc videbitis turbam quae circumdat me vos fugam capietis et ego vadam immolari pro vobis

Ecce appropinquabit hora et filius hominis tradetur in manus peccatorum

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse abstulit et infirmitates nostras ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam tuam

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est in manus peccatorum

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in pane ejus et eradamus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Quid dormitis surgite camus ecce appropinquabit hora in qua filius hominis tradetur

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Homo pacis meae*

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

In diem perditionis servabitur et ad diem ultionis ducetur

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quam in pectore non habeas

Corpore tantum cum cenantibus recumbebas et mentem invidiae furore armabas

Justificeris domine in sermonibus tuis et vincas cum judicaris

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Christus factus est pro nobis oboediens usque ad mortem

Traditor autem dedit eis signum dicens quem osculatus fuero ipse est tenete eum

Kyrie eleison Christe eleison

Qui passurus advenisti propter nos domine miserere nobis

Christus dominus factus est oboediens usque ad mortem

Agno miti basia cui lupus dedit venenosa

Te qui vinciri voluisti nosque a mortis vinculis eripuisti

Mortem autem crucis*

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cena facta dixit Jesus discipulis suis amen amen dico vobis unus vestrum me traditurus est in hac nocte

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi*

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Ego quidem plantavi te vineam meam electam omne semen verum

Vadis propitiator ad immolandum pro omnibus non tibi occurrit Petrus qui dicebat pro te moriar reliquit te Thomas qui clamabat dicens omnes cum eo moriamur et nullus ex his nisi tu solus duceris qui castam me conservasti filius et deus meus

Venite et videte deum et hominem pendentem in cruce

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Ab insurgentibus in me*

Barabbas latro dimittitur et innocens Christus occiditur nam et Judas armis doctus sceleris qui per pacem didicit facere bellum osculando tradidit dominum Jesum Christum

Ecce turba et qui vocabatur Judas venit et cum appropinquaret ad Jesum

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Astiterunt reges terrae et principes convenerunt in unum

Egressus Jesus de praetorio portans spineam coronam tunc videi omnes da manerunt tolle tolle crucifigatur

Ait illis Pilatus ecce rex vester at illi clamabant dicentes

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabunt in animam justi et sanguinem innocentem condemnabunt

Insurrexerunt in me*

Caligaverunt oculi mei a fletu meo quia elongatus est a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Velum templi scissum est et omnis terra tremuit latro de cruce clamabat dicens memento mei domine cum veneris in regnum tuum

Amen dico tibi hodie mecum eris in paradiso

Tenebrae factae sunt dum crucifixisset Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus aperuit et continuo exivit sanguis et aqua

Cum ergo accepisset acetum dixit consummatum est

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus cum veneris in regnum tuum

Posuerunt super caput ejus causam ipsius scriptam Jesus Nazarenus rex Judaeorum

Kyrie eleison

Qui ut agnus ad victimam ductus nobis aeternos rempsisti

Qui expansis in cruce manibus traxisti omnia ad te saecula

Crucis in ara mactatus (...)

In pace in idipsum dormiam et requiescam

Habitabit in tabernaculo tuo requiescet in monte sancto tuo

Caro mea requiescet in spe

In pace in idipsum*

Sepulto domino signatum est monumentum volventes lapidem ad ostium monumenti ponentes milites qui custodirent illum

Ne forte veniant discipuli ejus et furentur eum et dicant plebi surrexit a mortuis

Jerusalem luge et exue te vestibus jucunditatis induere cinere et cilicio quia in te est occisus salvator Israel

Deduc quasi torrentem lacrimas per diem et noctem et non taceat pupilla oculi tui

Plange quasi virgo plebs mea ululate pastores in cinere et cilicio quia veniet dies domini magna et amare valde

Ululate pastores et clamate aspergite vos cinere

Elevamini portae aeternales et introibit rex gloriae

Credo videre bona domini in terra viventium

Domine abstraxisti ab inferis animam meam

Caro mea*

Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit