Ipsi sum desponsata cui angeli serviunt cujus pulchritudinem sol et luna mirantur

Cujus pulchritudinem sol et luna mirantur ipsi soli servo fidem

Ipsi soli servo fidem ipsi me tota devotione committo

Christi virgo nec terrore concutitur nec blandimento seducitur

Mel et lac ex ejus ore suscepi et sanguis ejus ornavit genas meas

Cujus pulchritudinem sol et luna mirantur ipsi soli servo fidem

Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit

Ipsi sum desponsata cui angeli serviunt cujus pulchritudinem sol et luna mirantur

Ipsi sum desponsata cui angeli serviunt cujus pulchritudinem sol et luna mirantur ipsi soli servo fidem ipsi me tota devotione committo

Dextram meam et collum meum cinxit lapidibus pretiosis tradidit auribus meis inaestimabiles margaritas

Regnum mundi*

Accinxit*

Omnipotens adorande colende tremende benedico te quia per filium tuum unigenitum evasi minas hominum impiorum et spurcitias diaboli impolluto calle transivi

Te confiteor labiis te corde te totis visceribus concupisco

Haec virgo*

In sanctitate*

Pulchra facie sed pulchrior fide beata es Agnes respuens mundum laetaberis cum angelis intercede pro omnibus nobis

Specie tua et pulchritudine tua intende prospere procede et regna

Ingressa Agnes turpitudinis locum angelum domini praeparatum invenit

Mecum enim habeo custodem corporis mei angelum domini

Stat a dextris ejus agnus nive candidior Christus sibi sponsam ac martyrem consecravit

Benedico te pater domini mei Jesu Christi quia per filium tuum ignis extinctus est a latere meo

Congaudete mecum et congratulamini quia cum his omnibus lucidas sedes accepi

Adjuvabit eam*

Ecce quod cupivi jam video quod speravi jam teneo illi sum juncta in caelis quem in terris posita tota devotione dilexi

Ad te deus*

In cordis*

Ingressa Agnes*

Zelo Christi succensa beata virgo Agnes corruptorem castitatis aspernabatur dicens discede a me nutrimentum facinoris pabulum mortis discede quia jam ab alio amatore praeventa sum

Benedico te*

Congaudete*

Discede*

Sanctus Vincentio*

Sacram hujus diei sollemnitatem humili celebremus devotione qua invictus Christi martyr Vincentius tyranno devicto insignem victoriae palmam caelo gaudens intulit

In Wulstano*

Alme confessor*

Christi miles*

Laudemus Christum regem martyrum qui beatum levitam Vincentium sui nominis confessorem hodie suscepit in gloria feliciter triumphantem

Sanctus Vincentius a pueritia studiis litterarum traditus superna sibi providente clementia gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Valerius igitur episcopus et levita Vincentius spe fruendi victoria divinitus subnixi in confessione deitatis alacriter cucurrerunt

Tanto namque feliciores se esse credebant quanto acriora tyranni supplicia pia longanimitate certassent evincere

Levita Vincentius dixit beato Valerio si jubes pater sancte responsis judicem aggrediar

Jam tibi fili carissime divini verbi curam commiseram nunc quoque pro fide qua astamus responsa committo

Sacram praesentis diei sollemnitatem humili celebremus devotione qua invictus Christi martyr Vincentius tyranno devicto insignem victoriae palmam caelo gaudens intulit

Peracto passionis suae venerando triumpho angelorum cetibus comitatur

Sanctus Vincentius Christi martyr providente superna clementia quae sibi eum praevidebat vas electionis futurum gemina scientia efficacissime claruit

Sanctitate quoque insignis diaconii arce suscepta vices pontificis diligenter exsequebatur

Valerius igitur episcopus et levita Vincentius spe fruendi victoria divinitus subnixi in confessione deitatis alacriter cucurrerunt

Tanto namque feliciores se esse credebant quanto acriora tyranni supplicia pia longanimitate certassent evincere

Levita Vincentius dixit beato Valerio si jubes pater sancte responsis judicem aggrediar jam tibi fili carissime divini verbi curam commiseram nunc quoque pro fide qua adstamus responsa committo

Tibi enim gemina scientia pollenti ac superni amoris igne ferventi doctrinae caelestis olim ministerium delegavi

Beatus Vincentius cujus jam mens conscia erat coronae dixit Datiano Hactenus a te habitus sermo de neganda fide peroravit

Nefarium tamen apud christianorum prudentiam esse agnosce deitatis cultum abnegando blasphemare

Profitemur enim christianae religionis nos esse cultores ac unius veri dei permanentis in saecula famulos et testes

In cujus nomine spiritalia arma constanter pugnaturi accepimus minas tuas et supplicia non metuentes

Beatus Vincentius applicatus tormentis alacri vultu dei praesentia roboratus dixit hoc est quod semper optavi et votis omnibus exquisivi

Ecce jam in sublime agor et omnes principes tuos saeculo altior tyranne despicio paratus ad omnia pro salvatoris nomine sustinenda

Gloria et honore*

Ecce jam in sublime agor et omnes principes tuos saeculo altior tyranne despicio nolo gloriam meam minuas nec damna inferas laudi paratus sum enim ad omnia tormenta pro salvatoris nomine sustinenda

Insurge ergo et toto malignitatis spiritu debacchare videbis me dei virtute plus posse dum torqueor quam possis ipse qui torques

Assumptus ex equuleo levita Vincentius atque ad patibulum raptus tortores suos pene praeveniens moras carnificum arguendo ad poenam alacriter properabat

Intrepidus itaque dei athleta candentis ferri machinam ultro conscendit

Beatus dei athleta Vincentius horrendo clausus ergastulo carceris psalmum deo et hymnum angelorum frequentia relevatus laetus dicebat quorum vallatus caterva venerando fovebatur obsequio et mulcebatur alloquio

Dantur ergo laudes deo altissimo et resonante organo vocis angelicae modulata suavitas procul diffunditur

Christi miles pretiosus levita Vincentius ut tribunal sponte rogi conscendit intrepidus sparsi salis crepitantis per corpus minutiae sparsim ibant atque prunae vernabantur sanguine

Inter haec manet immotus ille dei famulus orans Christum in sublime erectis luminibus

Gloria patri et filio et spiritui sancto

Dixit sanctus Vincentius dominum Christum confiteor et ipsum cum patre et sancto spiritu unum et verum deum esse protestor

Agnosce o Vincenti invictissime pro cujus nomine fideliter decertasti ipse tibi coronam praeparatam servat in caelis qui te fecit victorem in poenis

Esto igitur jam securus de praemio quia mox deposito onere carnis nostro eris addendus collegio

Gloriosus dei amicus Vincentius Jesu domini confessione fundatus inter tormentorum supplicia stetit imperterritus ac demum triumphali morte insignis caelos petivit sanguine laureatus

Felici commercio pro terrenis caelestia pro perituris aeterna commutans

Gloriosi domine testis tui Vincentii dignos memoria triumphos venerantes tuae largitati immensos praeconiorum jubilos reddimus de quo accepit ut vinceret qui non distulit pro tui nominis amore tormentis occumbere

Fulget ideo sicut sol in caelo amplectens immortalitatem cum Christo

Pretiosus martyr Vincentius jussu tyranni ad lectum desertur novis denuo suppliciis subdendus mox ergo Christi testis invictus in strati mollitie repositus pretiosam in mortem resolutus redidit caelo spiritum

Datiano frustra cogitante de supplicio benignus deus pie disponit de praemio

Gloria patri et filio et spiritui sancto

Assumptus ex equuleo levita Vincentius atque ad patibulum raptus moras carnificum arguendo ad poenas alacriter properabat

Intrepidus itaque candentis ferri machinam ultro conscendit ac manens immotus erectis in caelum luminibus dominum precabatur

Hinc horrendo carceris clausus ergastulo dei athleta angelorum venerando fovebatur obsequio et mulcebatur alloquio

Agnosce o Vincenti invictissime quia pro cujus nomine fideliter decertasti ipse tibi coronam praeparatam servat in caelestibus

Dantur ergo laudes deo altissimo et resonante organo vocis angelicae modulata suavitas procul diffunditur

Egregius dei martyr Vincentius diris tormentorum suppliciis pro Christo alacriter superatis ac felicis pugnae agone constanter expleto tandem pretiosa resolutus in morte caelo triumphans spiritum reddidit

Sancte sacerdos*

De luce*

Sacram*

Assumptus*

Sacram*

Hinc horrendo*

Dantur*

Sanctus Vincentius*

Athleta Christi Vincenti post peracto passionis cursu Christum gaudens petisti per quem te venerande martyr humillime praecamur ut nos semper commendes accente

Quem parentes*

Simile est regnum caelorum sagenae*

Sancte pater*

Regem confessorum*

Praeclara*

Puer trimus*

Praesul Christi*