Et dixit mihi nequaquam vocaberis Jacob sed Israel erit nomen tuum

Cum audisset Jacob quod Esau veniret contra eum divisit filios suos et uxores dicens si percusserit Esau unam turmam salvabitur altera libera me domine qui dixisti mihi multiplicabo semen tuum sicut stellas caeli et sicut harenam maris quae prae multitudine numerari non potest

Domine qui dixisti mihi revertere in terram nativitatis tuae domine qui pascis me a juventute mea

Gloria patri*

Dum iret Jacob de Bersabee et pergeret Aran locutus est ei deus dicens terram in qua dormis tibi dabo et semini tuo

Aedificavit ex lapidibus altare in honore domini fundens oleum desuper et benedixit eum deus dicens

Apparuit deus Jacob et benedixit eum et dixit ego sum deus Bethel ubi unxisti lapidem et votum vovisti mihi crescere te faciam et multiplicabo te

Vere dominus est in loco isto et ego nesciebam

Domine labia mea aperies et os meum annuntiabit laudem tuam

Dextera domini fecit virtutem dextera domini exaltavit me

Factus est adjutor meus deus meus

Trium puerorum cantemus hymnum quem cantabant in camino ignis benedicentes dominum

Statuit ea in aeternum et in saeculum saeculi praeceptum posuit et non praeteribit

Assumpsit Jesus*

Domine bonum est nos hic esse si vis faciamus hic tria tabernacula tibi unum Moysi unum et Eliae unum

Faciamus hic tria tabernacula tibi unum Moysi unum et Eliae unum

Visionem quam vidistis*

Ego principium qui et loquor vobis

Qui me misit mecum est et non reliquit me solum quia quae placita sunt ei facio semper

Unus est enim magister vester qui in caelis est Christus dominus

Omnes autem vos fratres estis et patrem nolite vocare vobis super terram est enim pater vester qui in caelis est nec vocemini magistri quia magister vester unus est Christus

Ecce ascendimus Jerusalem et filius hominis tradetur ad crucifigendum

Tradetur enim gentibus ad illudendum et flagellandum et crucifigendum

Fili recordare quia recepisti bona in vita tua et Lazarus similiter mala

Dives ille guttam aquae petiit qui micas panis Lazaro negavit

Malos male perdet et vineam suam locabit aliis agricolis qui reddant ei fructum temporibus suis

Quaerentes eum tenere timuerunt turbam quia sicut prophetam eum habebant

Pater peccavi in caelum et coram te jam non sum dignus vocari filius tuus fac me sicut unum ex mercennariis tuis

Quanti mercennarii in domo patris mei abundant panibus ego autem hic fame pereo surgam et ibo ad patrem meum et dicam ei

Vadam ad patrem meum et dicam ei pater fac me sicut unum ex mercennariis tuis

Dixit autem pater ad servos suos cito proferte stolam primam et induite illum et date annulum in manu ejus et calceamenta in pedibus ejus

Venite adoremus dominum qui fecit nos

Videntes Joseph a longe loquebantur mutuo fratres dicentes ecce somniator venit venite occidamus eum et videamus si prosint illi somnia sua

Cumque vidissent Joseph fratres sui quod a patre cunctis fratribus plus amaretur oderant eum nec poterant ei quicquam pacifice loqui unde et dicebant

Dixit Judas fratribus suis ecce Ismaelitae transeunt venite venumdetur et manus nostrae non polluantur caro enim et frater noster est

Quid enim prodest si occiderimus fratrem nostrum et celaverimus sanguinem ipsius melius est enim ut venumdetur

Extrahentes Joseph de lacu vendiderunt Ismaelitis viginti argenteis reversusque Ruben ad puteum et cum non invenisset eum scidit vestimenta sua cum fletu et dixit puer non comparet et ego quo ibo

At illi intincta tunica Joseph in sanguine haedi miserunt qui ferret eam ad patrem et diceret vide si tunica filii tui sit an non

Videns Jacob vestimenta Joseph scidit vestimenta sua cum fletu et dixit fera pessima devoravit filium meum Joseph

Tulerunt autem fratres ejus tunicam illius mittentes ad patrem quam cum cognovisset pater ait

Joseph dum intraret in terram Aegypti linguam quam non noverat audivit { man } us ejus in laboribus servierunt et lingua ejus inter principes loquebatur sapientiam

Humiliaverunt in compedibus pedes ejus ferrum pertransivit animam ejus donec veniret verbum ejus

Memento mei dum bene tibi fuerit ut suggeras pharaoni ut educat me de isto carcere quia furtim sublatus sum et hic innocens in lacum missus sum

Tres enim adhuc dies sunt post quam recordabitur pharao ministerii tui et restituet te in gradum pristinum tunc memento mei

Merito haec patimur quia peccavimus in fratrem nostrum videntes angustias animae ejus dum deprecaretur nos et nos non audivimus idcirco venit super nos tribulatio

Dixit Ruben fratribus suis numquid non dixi vobis nolite peccare in puerum et non audistis me

Dixit Ruben fratribus suis numquid non dixi vobis nolite peccare in puerum et non audistis me en sanguis ejus exquiritur

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus

Lamentabatur Jacob de duobus filiis suis heu me dolens sum de Joseph perdito et tristis nimis de Benjamin ducto pro alimoniis precor caelestem regem ut me dolentem nimium faciat eos cernere

Prosternens se Jacob vehementer cum lacrimis pronus in terra et adorans ait

Tollite hinc vobiscum munera et ite ad dominum terrae et cum inveneritis adorate eum super terram deus autem meus faciat vobis eum placabilem et remittat et hunc fratrem vestrum vobiscum et eum quem tenet in vinculis

Sumite de optimis terrae frugibus in vasis vestris et deferte viro munera

Iste est frater vester minimus de quo dixeratis mihi deus misereatur tibi fili mi festinavitque in domo et ploravit quia erumpebant lacrymae et non poterat se continere

Attollens autem Joseph oculos vidit Benjamin stantem commota sunt omnia viscera ejus super fratre suo

Dixit Joseph undecim fratribus ego sum Joseph quem vendidistis in Aegyptum adhuc vivit pater noster senior de quo dixeratis mihi ite adducite eum ad me ut possit vivere

Biennium est enim quod coepit esse fames in terra adhuc restat anni quinque quibus nec arari poterit nec meti

Nuntiaverunt Jacob dicentes Joseph filius tuus vivit et ipse dominatur in tota terra Aegypti quo audito revixit spiritus ejus et dixit sufficit mihi vadam et videbo eum antequam moriar

Cumque audisset Jacob quod filius ejus viveret quasi de gravi somno evigilans ait

Fac benigne in bona voluntate tua ut aedificentur domine muri Jerusalem

Dominus mihi adjutor est non timebo quid faciat mihi homo

Deus misereatur nobis et benedicat nos

Vim virtutis suae oblitus est ignis ut pueri tui liberarentur illaesi

Sol et luna laudate deum quia exaltatum est nomen ejus solius

Cum fortis armatus custodit atrium suum in pace sunt omnia quae possidet

Et cum ejecisset Jesus daemonium locutus est mutus et admiratae sunt turbae

Si in digito dei ejicio daemonia profecto venit in vos regnum dei

Qui non colligit mecum dispergit et qui non est mecum contra me est

Cum immundus spiritus exierit ab homine ambulans per loca inaquosa quaerens requiem et non invenit

Extollens quaedam mulier vocem de turba dixit beatus venter qui te portavit et ubera quae suxisti at Jesus ait illi quinimmo beati qui audiunt verbum dei et custodiunt illud

Amen dico vobis quia nemo propheta acceptus est in patria sua

Jesus autem transiens per medium illorum ibat

Si duo ex vobis consenserint super terram de omni re quacumque petierint fiet illis a patre meo dicit dominus

Ubi duo vel tres congregati fuerint in nomine meo in medio eorum sum dicit dominus

Audite et intellegite traditiones quas dominus dedit vobis

Non lotis manibus manducare non coinquinat hominem

Exibant autem daemonia a multis clamantia et dicentia quia tu es Christus filius dei et increpans non sinebat ea loqui quia sciebant ipsum esse Christum

Omnes qui habebant infirmos ducebant illos ad Jesum et sanabantur

Aqua quam ego dedero qui biberit ex ea non sitiet unquam

Domine ut video propheta es tu patres nostri in monte hoc adoraverunt

Inclinavit se Jesus scribebat in terra si quis sine peccato est mittat in eam lapidem

Nemo te condemnavit mulier nemo domine nec ego te condemnabo jam amplius noli peccare

Populus domini et oves pascuae ejus venite adoremus deum

Locutus est dominus ad Moysen dicens descende in Aegyptum dic pharaoni ut dimittat populum meum induratum est cor pharaonis non vult dimittere populum meum nisi in manu forti

Clamor filiorum Israel venit ad me vidique afflictionem eorum sed veni mittam te ad pharaonem

Stetit Moyses coram pharaone et dixit haec dicit dominus dimitte populum meum ut sacrificet mihi in deserto

Dominus deus Hebraeorum misit me ad te dicens

Cantemus domino gloriose enim honorificatus est equum et ascensorem projecit in mare adjutor et protector factus est mihi dominus in salutem

Dominus quasi vir pugnator omnipotens nomen ejus

In mari viae tuae et semitae tuae in aquis multis deduxisti sicut oves populum tuum in manu Moysi et Aaron

Transtulisti illos mare Rubrum et transvexisti per aquam nimiam

Qui persequebantur populum tuum domine demersisti eos in profundum et in columna nubis ductor eorum fuisti domine

Deduxisti sicut oves populum tuum in manu Moysi et Aaron

Moyses famulus domini jejunavit quadraginta diebus et quadraginta noctibus ut legem domini mereretur accipere

Ascendens Moyses in montem Sinai ad dominum fuit ibi quadraginta diebus et quadraginta noctibus

Splendida facta est facies Moysi dum respiceret in eum dominus videntes seniores claritatem vultus ejus admirantes timuerunt valde

Cumque descendisset de monte Sinai portabat duas tabulas testimonii ignorantis quod cornuta esset facies ejus ex consortio sermonis dei

Ecce mitto angelum meum qui praecedat te et custodiat semper observa et audi vocem meam et inimicus ero inimicis tuis et affligentes te affligam et praecedet te angelus meus

Israel si me audieris non erit in te deus recens neque adorabis deum alienum ego enim dominus

Attendite popule meus legem meam inclinate aurem vestram in verba oris mei

Aperiam in parabolis os meum loquar propositiones ab initio saeculi