Gloria patri et filio et spiritui sancto

Duobus ad sortem destinaris in Matthia deus elegit speciem Jacob quem dilexit

Hunc ergo domine nobis quasi turris fortitudinis erexisti a facie inimici

Annuntiavit opera dei mira quae tam in se quam in aliis intellexit esse facta

Constitues eos principes*

Datis cum prece sortibus duo segragavit ex omnibus Joseph Barsabas qui et justus et Matthias dei parvus

Sed praecellens signo sortis annumeratus est undenis

Quam profunda sunt domine judicia tua sicut abyssus multa nam qui laude hominum attollitur justus parvi merito transcenditur

Quia homo quidem videt in facie deus autem in corde

Ecce sacratus per Matthiam numerus suppletur duo denarius constans ex binis septenarii partibus quatuor et tribus

Ut percepta septiformis spiritus gratia per quadriformem mundum praedicent trinum -- unum

Gloria patri et filio et spiritui sancto

Inter bissenas domus dei columnas haec sorte electa stat caelitus confirmata columna

Laetentur caeli et exsultet terra super Matthiam hi de senatore suo haec de patrono

Praedicante eo vitae verbum audivit et laetata est Sion fide contemplans deum suum

Dedisti hereditatem*

Dum spargeret in Judaea divini verbi semina stabat gaudens cum sociis a conspectu concilii affectus contumeliis

Quoniam dignus habitus est pati pro nomine Jesu Christi

Ad gloriam dei revelata sancti Matthiae pignora longe lateque virtutum suarum odorem spargunt suavissimum

Vita mortuis sospitas aegris libertas datur captivis

Gratias tibi rex regum qui per gratiam tuam hunc nobis donasti patronum o sacer Matthia nos pusillum gregem tuum sub tegmine alarum tuarum conserva

Quos hostis mundus caro deprimit et grave pondus

Gloria patri et filio et spiritui sancto

Decorem indutus ac fortitudinem spiritus sanctificationem Matthias in Judaea Christi nuntiat testimonia

Introiens in exsultatione coram principibus scitote ait quoniam dominus ipse est deus cui oboedire oportet magis quam hominibus

In terra deserta et invia et inaquosa fluebant de ventre ejus flumina ex aquis viventibus in vitam aeternam salientibus

Contumeliis verberibus cum coapostolis affectus hymnizans cum pueris benedicebat deum in omnibus

Laudet deum omnis creatura in caelo et in terra qui sanctum suum de terra transvexit ad caelum cui laus est in ecclesia sanctorum

In corona stellarum duodecim apostolica fulges stella sole clarior sancte Matthia tu nos precibus tuo illustratos fulgore ad coronam aeternae perducas gloriae

Juravit dominus*

Exsultet caelum*

In omnem terram*

O beate Matthia o splendida diei quam fecit dominus hora duodecima quae nescis occasum solis nos peccatorum exemptos tenebris tuae fac consortes claritatis

O dilecta*

Jesu corona*

Repleatur os nostrum in gaudio et lingua exsultatione magnificavit enim dominus beatam virginem virginitatis gloria et caritatis honore

In honore virginum adoremus virginis filium

Ex ore infantis et lactentis virginis sanctae dignatus est dominus perficere gloriam laudis suae

Lex domini convertit ejus animam testimonium fidele sapientiam dedit parvulae

Innocens manibus et mundo corde accepit benedictionem a domino et misericordiam a deo salutari suo

Diffusa est gratia*

Sacrae virginis sancta religio quasi sol in medio nebulae refulsit in medio nationis pravae

Ut luceret lux ejus coram deo et hominibus

Plantata secus decursus aquarum fructum suo dedit in tempore

Extendens radices suas ad odorem aquae vivae

Fortem animum confortans ad fortia vicit mundum carnem et demonia

Accinxit lumbos ejus fortitudine roboravit bracchium virtute

Gloria patri et filio et spiritui sancto

Diffusa est gratia in labiis suis ut os ejus habundaret sapientia et lingua ehus concinnaret die verba

Sonuerunt et turbatae sunt contra eam aquae persequentium sed deus noster refugium et virtus

Ab aquis irruentibus non est mota turris suae fortitudinis quia fundamenta ejus in montibus sanctis

Specie tua et pulchritudine*

Mundum vicit credendo in Christum quia haec est victoria qua mundus vincitur fides nostra

Haec est in qua novam prolem gratia parturit fecunda spiritu sancto

Contra carnis proelium jugi stans in proelio evicit et meruit uni viro se virginem castam exhibere Christo

Ipsi soli desponsata inter menti corruptores et predones pudicitiae

Adversus spiritales nequitias pugnatura induit pro thorace justitiam et pro galea juditium sumpsit scutum inexpugnabilis aequitatem

Ut omnis ei non dominari possit iniquitas

Confessio et pulchritudo in conspectu mundi enituit et coram domino ad victoriam usque pervenit

Viderunt ejus gloriam qui adorant ludibria et gloriantur in simulacris suis

Fecit mirabilem suam deus misericordiam qui in sexu fragili victoriam pudicitiae contulit et coronam

Adjuvabit eam deus vultu*

Expugnatis hostibus mundo carve demone regnavit fides castitas et virtus in virgine

Dedit ei contra inimicos potentiam

Custodivit quasi fortis armatus atrium suum unde nunc in pace sunt omnia quae possidet in vita aeterna

Inimicos ejus dorsum posuit et odientes eam dominus in fugam convertit

O dilecta et electa ad honorem tantae gratiae ut quem angelos delectat aspicere in amplexu teneas et gaudeas ipsius jugiter in decore

O felix virginitas quam caelestis gloriae rex ad tantam gloriam dignatus est exaltare

Gloria patri et filio et spiritui sancto

Regnavit in ea dominus ut regnum corporalis concupiscentiae non regnaret in ejus corpore

Jubilavit domino omnis ejus terrena conversatio servivit ei in laetitia

Sitivit ad deum fonte vivum praesentis miseriae sitim volens extinguere in hac aqua ne sitiret ultra

Benedixerunt omnia opera ejus domino laudaverunt et superexsaltaverunt eum in saecula

Lauda filia Sion exsulta cum rege tuo qui tuam mansuetudinem exsaltavit in salutem

Benedictus dominus qui infirmam famulam suam visitavit miseratione curavit caelesti medicamine sanavit et salvavit in aeterna redemptione

Digna laude virgo gaude lauda deum et ut eum qui te secum fovet tecum laudemus in gloria supplex ora in omni hora virgo pia

Ave sancte pater et pontifex Maximine ave angelicis revelationibus Treversis pastor et patronus praelatus ora pro populo tibi devoto pacis et gaudiis sempiterna dona poscendo alleluia

Regem regum Christum vigilanter adoremus qui sanctum fecit conscendere caelum Maximinum

Clarissimis ortus natalibus sacer Maximinum ex territorio Pictavi extitit oriundus alleluia

Divino quippe ac felici auspicio progenitus catholico more a parentibus est nobiliter alitus alleluia

Traditur denique edocendus litterarum studiis futurus defensor christiani nominis alleluia

Amavit*

Hic Maximinus presul egregius clara fuit lampade exortus atque ab ipsis infantiae cunalibus solertia litterari est imbutus

Clarissimis ortus natalibus sacer Maximinus ex territorio Pictavi extitit oriundus

Praeclarus igitur Maximinus Treverim veniens nutu fultus divino carsa religionis sancto se commisit agritio

Maximinus igitur divino instinctu genitale solum relinquens atque in belgicam Galliam commigrans

Susceptus a presule beatissimo more instruitur ecclesiastico a quo non post multum temporis spatium clericatus honore donatus est alleluia

Ad notitiam tanti viri deductus et ecclesiasticis moribus diligenter assuefactus

Instructus namque religionis perfectione satagebat per mundana spernere Christoque vivere

Tactus quoque divino instinctu nativum linquens solium in belgicam Galliam commigravit

Adauctus urbem Triverim coeptum itiner fixit a magisterio Agritii presulis se submisit alleluia

Justum deduxit*

Gloria suae magnificentiae volens dominus in beatissimo viro propalare Agritium monet per angelum presulem ut sibi eum instituat successorem alleluia

Quoniam beatum Maximinum divinitatis consilium populo suo praeficiendum decreverat

Quidem vir nomine Quiricus mira sanctitate praeditus in oratorio sancti excubans Eucharii angelica exortatur voce quo certum redderet Maximinum in sede pontificali post beatum Agritium fore subrogandum

Hanc ipse percipiens visionem fideliter omnibus nuntiavit

Gloriosissimo confessori Maximino tanta virtus contulit divina ut suis sanctissimis interventionibus omnem fugaret infirmitatem ab insanis corporibus

Inter innumera virtutum insignia quibus chorusco splendebat jubare fideli suo dominus tale concessit meritum

Comperta relatione hujus viri beatus Maximinus tali honore se indignum fatebatur

Omnibus ut patefieret dignum fore tantum honore episcopo sancto revelatio signat ut sibi eum denotet successorem