Laus honor virtus gloria deo patri et filio una cum sancto spiritu in sempiterna saecula amen

Illumina nunc pectora tuoque amore concrema audito per preconio sint pulsa tandem lubrica

Judexque cum post aderis rimari facta pectoris reddens vicem pro abditis justisque regnum pro bonis

Non demum artemur malis pro qualitate criminis sed cum beatis compotes simus perennes caelibes

Laus honor virtus gloria deo patri et filio una cum sancto spiritu in sempiterna saecula amen

Non ex virili semine sed mystico spiramine verbum dei factum est caro fructusque ventris floruit

Alvus tumescit virginis claustra pudoris permanent vexilla virtutum micant versatur in templo deus

Egressus ejus a patre regressus ejus ad patrem excursus usque ad inferos recursus ad sedem dei

Aequalis aeterno patri carnis tropaeo accingere infirma nostri corporis virtute firmans perpetim

Deo patri sit gloria ejusque soli filio cum spiritu paraclito et nunc et in perpetuum amen

Clausa parentis viscera caelestis intrat gratia venter puellae bajulat secreta quae non noverat

Beatus auctor saeculi servile corpus induit ut carne carnem liberans non perderet quod condidit

Domus pudici pectoris templum repente fit dei intacta nesciens virum verbo concepit filium

Gloria tibi domine qui natus es de virgine cum patre et sancto spiritu in sempiterna saecula amen

Hoc justitiam stillitet haec veritatem germinet hic deterimenta congemit haec incrementa suscipit

Dum semper natus in aevo nunc in cui simulacro de virginali utero ruenti ades saeculo

Ut factus homo mortalis quem hominem immortalis immortalem consideras mortalem nunc eripias

Natus ergo in tempore et natus ante tempora orto fidei sidere mentis tenebras amove

Gloria sit ingenito ingenitique genito ingeniti et geniti paraclito spiritui amen

Isaias quae cecinit completa sunt in virgine annuntiavit angelus sanctus replevit spiritus

Gloria tibi domine qui natus es ex virgine cum patre et sancto spiritu in sempiterna saecula amen

Radix Jesse jam floruit et virga fructum edidit fecunda partum protulit et virgo mater permanet

Gloria tibi domine*

Jam nata lux est et salus fugata nox et victa mors venite gentes credite deum maria protulit

Gloria tibi domine*

Funde preces pro devoto tibi nunc collegio ut tui propitiatus interventu dominus nos purgatos a peccatis jungat caeli civibus

Gloria et honor deo usquequo altissimo una patri filioque inclyto paraclito cui laus est et potestas per aeterna saecula amen

Caterva matrum personat colisa deflens pignora quorum tyrannus milia Christo sacravit victimas

Gloria tibi domine*

Hi sunt quos retinens mundus inhorruit ipsum nam sterili flore peraridum sprevere poenitus teque secuti sunt rex Christe bone caelitus

Hi pro te furias atque ferocia calcarunt hominum saevaque verbera cessit his lacerans fortiter ungula nec carpsit penetrali

Caeduntur gladiis more bidentium non murmur resonat non querimonia sed corde tacito mens bene conscia conservat patientiam

Te trina deitas unaque poscimus ut culpas abluas noxia subtrahas des pacem famulis nos quoque gloriam per cuncta tibi saecula amen

Quae vox quae poterit lingua retexere quae tu martyribus munera praeparas rubri nam fluido sanguine laureis ditantur bene fulgidis

Dabit illi dominus deus sedem David patris ejus et regnabit in domo Jacob in aeternum

Hostis Herodes impie

Lavacra puri gurgitis caelestis agnus attigit peccata quae non detulit nos abluendo sustulit

Novum genus potentiae aquae rubescunt hydriae vinumque jussa fundere mutavit unda originem

Gloria tibi domine*

Quem stella natum fulgida monstrat micans in aethera magosque duxit praevia ipsius ad cunabula

Illi cadentes parvulum pannis adorant obsitum verum fatentur ut deum munus ferendo mysticum

Deunm ter annorum cyclis jam parte vivens corporis lympham petit baptismatis cunctis carens contagiis

Felix Joannes mergere Ilium tremiscit flumine potest suo qui sanguine peccata cosmi tergere

Nos Christe subnixa prece precamur omnes protege pui praecipis rubescere potenter hydrias aquae

Laus trinitati debita honor potestas gloria perenniter sit omnia per saeculorum scecula amen

Artus solutos ut quies reddat laboris usui mentesque fessas allevet luctusque solvat anxios

Grates peracto jam die et noctis exortu preces voti reos ut adjuves hymnum canentes solvimus

Te cordis ima concinant te vox canora concrepet te diligat castus amor te mens adoret sobria

Ut cum profundo clauserit diem caligo noctium fides tenebras nesciat et nox fideli luceat

Dormire mentem ne sinas dormire culpa noverit castos fides refrigerans somni vaporem temperet

Exuta sensu lubrico te cordis alta somnient ne hostis invidi dolo pavor quietos suscitet

Christum rogemus et patrem Christi patrisque spiritum unum potens per omnia fove precantes trinitas

Qui mane junctum vesperi diem vocari praecipis taetrum chaos illabitur audi preces cum fletibus

Ne mens gravata crimine vitae sit exsul munere dum nil perenne cogitat seseque culpis illigat

Caelorum pulset intimum vitale tollat praemium vitemus omne noxium purgemus omne pessimum

Praesta pater per filium praesta per almum spiritum cum his per aevum triplici unus deus cognomine amen

O beatus partus ille virgo cum puerpera edidit nostram salutem foeta sancto spiritu et puer redemptor orbis os sacratum protulit saeculorum saeculis

Psallat altitudo caeli omnes angeli quicquid est virtutis usquam psallat in laudem dei nulla linguarum silescat vox et omnis consonet saeculorum saeculis

Ecce quem vates vetustis concinebant saeculis quem prophetarum fideles paginae spoponderant emicat promissus olim cuncta collaudent eum saeculorum saeculis

Te senes et te juventus parvulorum te chorus turba matrum virginumque simplices puellulae voce concordes pudicis perstrepant concentibus saeculorum saeculis

Tibi Christe sit cum patre hagioque spiritu hymnus melos laus perennis gratiarum actio honor virtus victoria regnum externaliter saeculorum saeculis amen

Linguam refrenans temperet ne litis horror insonet visum fovendo contegat ne vanitates hauriat

Sint pura cordis intima absistat et vecordia carnis terat superbiam potus cibique parcitas

Ut cum dies abscesserit noctemque sors reduxerit mundi per abstinentiam ipsi canamus gloriam

Os lingua mens sensus vigor confessionem personent flammescat igne caritas accendat ardor proximos

Extingue flammas litium aufer calorem noxium confer salutem corporum veramque pacem cordium

Praesta pater*

Praesta pater*

Largire clarum vespere quo vita numquam decidat sed praemium mortis sacrae perennis instet gloria

Praesta pater

Qui pascis inter lilia septus choreis virginum sponsas decorans gloria sponsisque reddens praemia

Quocumque pergis virgines sequuntur atque laudibus post te canentes cursitant hymnosque dulces personant

Te deprecamur largius nostris adauge mentibus nescire prorsus omnia corruptionis vulnera

Deo patri sit gloria*

Sumens illud ave Gabrielis ore funda nos in pace mutans nomen Evae

Solve vincla reis profer lumen caecis mala nostra pelle bona cuncta posce

Monstra te esse matrem sumat per te precem qui pro nobis natus tulit esse tuus

Vitam praesta puram iter para tutum ut videntes Jesum semper collaetemur

Sit laus deo patri summum Christo decus spiritui sancto honor trinus et unus

Et deum caeli dominumque terrae virgo concepit peperitque virgo atque post partum meruit manere inviolata

Quem senex justus Simeon in ulnis in domo sumpsit domini gavisus ob quod optatum proprio videret lumine Christum

Tu libens votis petimus precantum regis aeterni genetrix faveto clara quae celsi retinens Olympi regna petisti

Sit deo nostro decus atque virtus sit laus perpes sit honor perennis qui caeli summa residet in arce trinus et unus amen

Adest namque festivitas et dies venerabilis in qua caelum pro meritis Laurentius ingressus est

Qui superatis ignibus et impiis tortoribus saevis devictis hostibus nunc gaudet in caelestibus

Ipse dignetur dominum rogare clementissimum ut ab aeternis ignibus nos solvat et daemonibus

Deo patri sit gloria*

Honor matris et gaudium immensa spes credentium per atra mortis pocula resolvit nostra crimina

Deo patri sit gloria*

Genus superni luminis processit aula virginis sponsus redemptor conditor suae gigas ecclesiae

In laudibus aeterni regis haec plebs resultet alleluia

Hoc denique caelestes chori cantant in altum alleluia

Hoc beatorum per prata paradisiaca psallat concentus alleluia

Quin et astrorum micantia luminaria jubilent altum alleluia

Nubium cursus ventorum volatus fulgorum coruscatio et tonitruum sonitus dulce consonent simul alleluia

Fluctus et undae imber et procellae tempestas et serenitas cauma gelu nix pruinae saltus nemora pangant alleluia

Hinc variae volucres creatorem laudibus concinite cum alleluia

Ast illinc respondeant voces altae diversarum bestiarum alleluia

Istinc montium celsi vertices sonent alleluia

Illinc vallium profunditates saltent alleluia