Patientiam habe in me domine peccavi et omnia reddam tibi

De quinque panibus et duobus piscibus satiavit dominus quinque milia hominum

Fons hortorum redundans gratia mundum replens caeli muneribus mater dei foecundans omnia nos restaurans supernis sedibus florens hortus mox ab infantia admirandis fulsit virtutibus

Rore caelestis gratiae in utero perfunditur mater misericordiae ut stella splendens oritur

A piis parentibus post vota impetrata templi penetralibus est trima dicata

Tantilla puellula virtutis exemplum nulla freta gratia ascendit in templum

Erudita puella regina contemplatur mente caelestia caritate flagrant praecordia

Recolamus virginis inclyta ac miranda laudum praeconia infantilis aetatis merita et virtutis grata primordia

Radiat gratia in puella et sapientia fulget in parvula

Novae laudis adest festivitas grata mundo ac caeli civibus qua beatae Mariae sanctitas templo data est a parentibus ut olivae pinguis suavitas redundat fructibus

Lauda felix ecclesia almae matris infantiam cujus immensa gratia tibi paravit gloriam

In templo dei laudibus virgo dedicata a supernis civibus gaudet visitata

Omnis ejus actio in deum tendebat toto vitae spatio meritum augebat

Quidquid egit paenitus est forma virtutis et doctrina spiritus et causa salutis

Quantum facultas suppetit laudent mentes piae nam omnis lingua deficit in laude Mariae

Oliva fructifera mater pietatis fugans mundi scelera stella claritatis per quam cuncta prospera dantur nobis gratis nos tandem in aethera transfer cum beatis

Adest dies celebris quo soluta nexu carnis sancta mater Augustini assumpta est ab angelis ubi gaudet cum prophetis laetatur cum apostolis cumque omni militia deum collaudantium in caelesti curia inter quos jucunda contemplando vultum dei pia refulget Monica alleluia

Post mortem mariti egressa est sancta Monica ab agris propriis quaerere filium quem periculis atque laboribus multis et apud doctos quaerebat et indoctos alleluia

Gaudens ergo Monica quia filium Manicheorum sectam liquesse reperit sed nondum ei lucebat veri regula a sanctis apostolis instituta alleluia

Sanctum autem Ambrosium ancilla dei diligebat ut angelum eo quod per illum novit divinitus filium ad illam fluctuationem ancipitem esse perductum alleluia

Eodem tempore Pontitianus superveniens eremitarum exempla plurima enarrabat quae matri Augustinus hinc conversus postmodum indicans ejus spiritum exhilaravit alleluia

O rex altissime deus mirabilis tibi canentibus esto placabilis dum matris praesulis Augustini canimus laudes ut vocibus concordet animus quae sancti spiritus ebria poculis implevit placita divinis oculis o mater Monica succurre filius alleluia

Gaudeamus omnes in domino diem festum celebrantes in honore Monicae vidue de cujus sollemnitate gaudent angeli et collaudant filium dei alleluia

Alleluia Surrexit Christus qui Monicae suscepit lacrimas quas profudit pro filio suo Augustino preces domino offerens

Alleluia O consolatrix pauperum Monica tuis precibus Augustini sequacium in caritate Christi fratrum ad auge numerum ut gaudia percipiant mater quo jam praeisti

Diffusa est gratia in labiis tuis propterea benedixit te deus in aeternum et in saeculum saeculi alleluia

Quicumque fecerit voluntatem patris mei qui in caelis est ipse meus frater soror et mater est alleluia

Augustini magni patris atque suae piae matris laudes et praeconia | Decantemus venerantes et optata celebrantes hodie sollemnia

LACUNA

O nimium felix et laude canenda perenni Anna decus matrem luxque serena poli pignora quae nostrae peperisti prima salutis et numquam frustra quando vocaris ades

Affer opem nobis mundoque medere jacenti afflictos omnes respice cara parens

Annae sacrae sollemnia festis colamus laudibus hymnos canamus tinnulos ex intimis praecordiis | Nam gloriosa dotibus coruscat in caelestibus natam Jesumque dulciter amoris ambit bracchiis | Vere nimis laudabilis deo patri carissima tali beata pignore nepote sed beatior | Hinc Anna mater quaesumus nostris fave precatibus noxas repelle gratiam confer tibi canentibus | Virtus honor laus gloria deo patri cum filio sancto simul paraclito in sempiterna saecula

O caeli lampas radians o florida vitis tu nostrae placidae nuntia certa spei te sterili matre divino numine nata filia qua mulier plus nihil ulla tulit quae summum superis declivem sedibus in se traxit ad horrendae vincula dura crucis jure potens igitur natae Christoque propinqua pro nostra semper funde salute preces

Anna Christi thalamum intrans cum honore cinamomum balsamum superat odore

Pulso mentis nubilo deterso maerore conspicit in jubilo regem in decore

Vigilans et sitiens haec quaesivit deum larga dona largiens sic invenit eum

Benedicant omnia deum qui dotavit Annam tali filia quae Jesum lactavit

Aulam caeli curiae Anna jam ingressa laudat regem gloriae voce indefessa

Omnis sanctorum contio clara laudis praeconio matrem attollat virginis tam gloriosi nominis | Anna matrona nobilis virtutibus spectabilis mira refulget gratia tali dotata filia | Stirps Jesse clara floruit dum Anna rosam genuit quae tulit dei filium florem virtutum omnium | Haec filiam cum filio caeli locatam solio laeto jam cernit oculo sancto salutat osculo | Deus lux vera cordium et nobile solatium fac Annae per suffragium nos tua frui gloria | Amen

O radix viva mirae pietatis oliva ex qua cunctorum processit origo bonorum tu nos Anna pia benedic cum prole Maria

Gaudeamus omnes in domino diem festum celebrantes in honore Annae matris Mariae de cujus sollemnitate gaudent angeli et collaudant filium dei

Benedicta et venerabilis es tu Anna matrona nobilis quae sanctae dei genetricis mater es nostrae salvatricis

Quae manet intacta post partum virgo Maria per tua transivit viscera nata pia

Alleluia Salve mater inclyta stirpe clara virtutibus praedita mater sacre virginis Anna in honoribus digna summis

Gaude cunctis veneranda Anna mater et cantanda superum concentibus | Anna recte nuncupata gratiosa dono data a deo mortalibus

Recordare nostri Anna cum Maria prole tua astans ante dominum loquere pro nobis bona impetra divina dona deum fac propitium

Ave David regis nata virga Jesse fecundata o radix alti germinis mater Mariae virginis funde preces cum filia ad summi patris filium pro salute fidelium

Comperta autem ejus fama beata dei famula quia mediolani esset eum confestini terra matrique sequens quietis in patiens illuc concita properavit alleluia

Alma mater Augustini preces nostras suscipe et per eas conditori nos placare satage ut regat gregem suum tuum ora filium

Gloria patri et filio et spiritui sancto

Eructavit cor meum*

Rex gloriose*

Exsultent justi in perpetuum*

Filiae Jerusalem*

Iste confessor*

Amavit eum*

Iste est qui ante*

Iste confessor*

Ora pro*

Justum deduxit*

Mater casta fide gnara vita clara Christo chara haec beata Monica | De profano propagatum nunc jam parit suum natum in fide catholica

Felix imber lacrimarum quo effulsit tam praeclarum lumen in ecclesia | Multo fletu seminavit germen uber reportavit metens in laetitia

Plus accepit quam petivit o quam miro tunc gestivit spiritus tripudio | Cernens natum federatum sed et Christo jam sacratum toto mentis studio

Haec egenis ministravit et in eis Christum pavit mater dicta pauperum | Curam gerens infirmorum lavit stravit et eorum tersit sordes vulnerum

O matrona gratiosa quam transfigunt amorosa crucifixi stigmata | Hiis accensa sic ploravit lacrimisque irrigavit pavimenta schemata

Pane caeli saturata stat a terris elevata cubiti distantia | Mente rapta exsultavit volitemus exclamavit ad caeli fastigia

Eia mater et matrona advocata et patrona sis pro tuis filiis | Ut dum carne exuemur nato tuo sociemur paradisi gaudiis

Ab aeterno praeelecta et a regum stirpe secta manu sapientiae | Ex te nata stella maris virgo mater expers paris regina clementiae

Tu inmensae vas virtutis certam nostrae spem salutis es ordita primitus | Quae cum deo contraxisti gemis carnis et tulisti tanta dona caelitus

O quam felix quam beata tali prole fecundata parens matris gratiae | Stupet omnis creatura laudum tibi litans thura coram dei facie

Hiis accedunt binae natae ex sex proles perbeatos viae Christi comites | En in culmo septem spicae atque vitis ex radice surgentes tres palmites

Vere celsus tuus status et immensus potentatus in caelesti curia | Quid non posses exorare tuum natum si rogare tanta velis gloria

Ergo mater Anna pia tota stirpe cum Maria Jesum ora filium | Quo sic eum veneremur ut in caelis collaetemur post praesens exsilium

Filiae Jerusalem*

Exsultet*

Ecce ego Joannes*

Justum deduxit*

Filiae Jerusalem*

Confitemini*

Exsultet*

In omnem terram exivit sonus alleluia

Exsultet caelum*

In omnem terram*

Crucem sanctam*

Salve crux*

Dicite in nationibus*

Filiae Jerusalem*

Exsultent justi*

Omnis terra adoret te et psallat tibi alleluia alleluia

Psalmum dicat nomini tuo domine

Adoramus te Christe*

Adoramus te Christe et benedicimus tibi alleluia alleluia

Quia per crucem tuam redemisti mundum

Hoc signum*

Hoc signum crucis erit in caelo alleluia alleluia

Cum dominus ad judicandum venerit

Dicite in nationibus

Omnis terra*

Salve crux*

Dicite in nationibus