Ecce quam bonum et quam jucundum habitare fratres in unum

Sancti mei qui in isto saeculo certamen habuistis mercedem laborum ego reddam vobis

Venite benedicti patris mei percipite regnum

Fulgebunt justi sicut lilium et sicut rosae in Jericho florebunt ante dominum

Justi epulentur et exsultent in conspectu dei et delectentur in laetitia

Gloria patri et filio et spiritui sancto

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia et meruerunt habere coronas perpetuas

Gloria patri et filio et spiritui sancto

Omnes sancti quanta passi sunt tormenta ut securi pervenirent ad palmam martyrii

Cum palma ad regna pervenerunt sancti coronas decoris meruerunt de manu domini

Corpora sanctorum in pace sepulta sunt et vivent nomina eorum in aeternum

Martyres domini dominum benedicite in aeternum

Martyrum chorus laudate dominum de caelis alleluia

Mirabilis deus in sanctis suis

Fulgebunt justi et tamquam scintillae in arundineto discurrent judicabunt nationes et regnabunt in aeternum

Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus dolor quoniam priora transierunt

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Martyr dei*

Gloria et honore coronasti eum domine

Hic est vere martyr qui pro Christi nomine sanguinem suum fudit qui minas judicium non timuit nec terrenae dignitatis gloriam quaesivit sed ad caelestia regna feliciter pervenit

Iste cognovit justitiam et vidit mirabilia magna et exoravit altissimum et inventus est in numero sanctorum

Regem martyrum dominum venite adoremus

Venite adoremus regem martyum dominum

In lege domini fuit voluntas ejus die ac nocte

Praedicans praeceptum domini constitutus est in monte sancto ejus

Voce mea ad dominum clamavi et exaudivit me de monte sancto ejus

Gloria et honore coronasti eum domine

Iste sanctus pro lege dei sui certavit usque ad mortem et a verbis impiorum non timuit fundatus enim erat supra firmam petram

Iste est qui contempsit vitam mundi et pervenit ad caelestia regna

Domine praevenisti eum in benedictionibus dulcedinis posuisti in capite ejus coronam de lapide pretioso

Vitam petiit ad te et tribuisti ei domine

Justus germinabit sicut lilium et florebit in aeternum ante dominum

Plantatus in domo domini in atriis domus dei nostri

Gloria patri et filio et spiritui sancto

Filii hominum scitote quia dominus sanctum suum mirificavit

Scuto bonae voluntatis tuae coronasti eum domine

In universa terra gloria et honore coronasti eum

Posuisti domine super caput ejus

Iste cognovit justitiam et vidit mirabilia magna et exoravit altissimum et inventus est in numero sanctorum

Iste est qui contempsit vitam mundi et pervenit ad caelestia regna

Stolam jucunditatis induit eum dominus et coronam pulchritudinis posuit super caput ejus

Cibavit illum dominus pane vitae et intellectus et aqua sapientiae salutaris potavit eum

Corona aurea super caput ejus expressa signo sanctitatis gloriam honoris et opus fortitudinis

Quoniam praevenisti eum in benedictionibus dulcedinis posuisti in capite ejus coronam de lapide pretioso

Gloria patri et filio et spiritui sancto

Justus dominus et justitias dilexit aequitatem vidit vultus ejus

Habitabit in tabernaculo tuo requiescet in monte sancto tuo

Posuisti domine super caput ejus coronam de lapide pretioso

Magna est gloria ejus in salutari tuo

Hic est vere martyr qui pro Christi nomine sanguinem suum fudit qui minas judicum non timuit nec terrenae dignitatis gloriam quaesivit sed ad caelestia regna pervenit

Justum deduxit dominus per vias rectas et ostendit illi regnum dei

Posuit coronam capiti meo et circumdedit me vestimento salutis ad expugnandas gentes et omnes inimicos

Judica domine nocentes me expugna impugnantes me apprehende arma et scutum

Posuisti domine super caput ejus coronam de lapide pretioso vitam petiit ad te et tribuisti ei in saeculum saeculi

Desiderium animae ejus tribuisti ei et voluntate labiorum ejus non fraudasti eum

Gloria patri et filio et spiritui sancto

Qui me confessus fuerit coram hominibus confitebor et ego eum coram patre meo

Qui sequitur me non ambulat in tenebris sed habebit lumen vitae dicit dominus

Qui mihi ministrat me sequatur et ubi ego sum illic erit et minister meus

Si quis mihi ministraverit honorificabit eum pater meus qui est in caelis dicit dominus

Volo pater ut ubi ego sum illic sit et minister meus

Corona aurea super caput ejus

Iste sanctus pro lege dei sui certavit usque ad mortem et a verbis impiorum non timuit fundatus enim erat supra firmam petram

Iste confessor*

Amavit eum dominus et ornavit eum

Justum deduxit dominus per vias rectas et ostendit illi regnum dei dedit illi scientiam sanctorum honestavit illum in laboribus et complevit labores illius

Iste homo ab adolescentia sua partim meruit infirmos curare dedit illi dominus claritatem magnam caecos illuminare et daemones effugare

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Regem confessorum dominum venite adoremus

Venite adoremus regem confessorum dominum

Beatus vir qui in lege domini meditatur voluntas ejus permanet die ac nocte et omnia quaecumque faciet semper prosperabuntur

Beatus iste sanctus qui confisus est in domino praedicavit praeceptum domini constitutus est in monte sancto ejus

Tu es gloria mea tu es susceptor meus domine tu exaltans caput meum et exaudisti me de monte sancto tuo

Amavit eum dominus et ornavit eum

Euge serve bone et fidelis quia in pauca fuisti fidelis supra multa te constituam intra in gaudium domini tui

Domine quinque talenta tradidisti mihi ecce alia quinque superlucratus sum

Ecce sacerdos magnus qui in diebus suis placuit deo ideo jurejurando fecit illum dominus crescere in plebem suam

Benedictionem omnium gentium dedit illi et testamentum suum confirmavit super caput ejus

Juravit dominus et non paenitebit eum tu es sacerdos in aeternum secundum ordinem Melchisedech

Dixit dominus domino meo sede a dexteris meis

Gloria patri et filio et spiritui sancto

Invocantem exaudivit dominus sanctum suum dominus exaudivit eum et constituit eum in pace

Laetentur omnes qui sperant in te domine quoniam tu benedixisti justo scuto bonae voluntatis coronasti eum

Domine dominus noster quam admirabile est nomen tuum in universa terra quia gloria et honore coronasti sanctum tuum et constituisti eum super opera manuum tuarum

Justum deduxit dominus per vias rectas

Posui adjutorium super potentem et exaltavi electum de plebe mea manus enim mea auxiliabitur ei

Inveni David servum meum oleo sancto meo unxi eum

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Iste est qui contempsit vitam mundi et pervenit ad caelestia regna

Iste homo perfecit omnia quae locutus est ei deus et dixit ad eum ingredere in requiem meam quia te vidi justum coram me ex omnibus gentibus

Justum deduxit dominus per vias rectas et ostendit illi regnum dei dicens

Gloria patri et filio et spiritui sancto

Domine iste sanctus habitabit in tabernaculo tuo operatus est justitiam requiescet in monte sancto tuo

Vitam petiit a te tribuisti ei domine gloriam et magnum decorem imposuisti super eum posuisti in capite ejus coronam de lapide pretioso

Hic accipiet benedictionem a domino et misericordiam a deo salutari suo quia haec est generatio quaerentium dominum

Justus ut palma florebit sicut cedrus Libani

Iste homo ab adolescentia sua partim meruit infirmos curare dedit illi dominus claritatem magnam caecos illuminare et daemones effugare

Ecce homo sine querela verus dei cultor abstinens se ab omni opere malo et permanens in innocentia sua

Amavit eum dominus et ornavit eum stola gloriae induit eum et ad portas paradisi coronavit eum