Nemo in eum misit manum quia nec dum venerat hora ejus

Hodie si vocem domini audieritis nolite obdurare corda vestra

Erue a framea deus animam meam R. Et de manu canis unicam

Isti sunt dies quos observare debetis temporibus suis quartadecima die ad vesperum pascha domini est et in quintadecima sollemnitatem celebrabitis altissimo domino

Locutus est dominus ad Moysen dicens loquere filiis Israel et dices ad eos

Multiplicati sunt qui tribulant me et dicunt non est salus illi in deo ejus exsurge domine salvum me fac deus meus

Nequando dicat inimicus meus praevalui adversus eum

Usquequo exaltabitur inimicus meus super me respice et exaudi me domine deus meus

Nequando dicat inimicus meus praevalui adversus eum

De ore leonis libera me domine R. Et a cornibus unicornuorum humilitatem meam

De ore leonis libera me domine et a cornibus unicornuorum humilitatem meam

Erue a framea deus animam meam et de manu canis unicam meam

Deus meus es tu ne discedas a me quoniam tribulatio proxima est et non est qui adjuvet

Deus deus meus respice in me quare me dereliquisti longe a salute mea

Ne perdas cum impiis deus animam meam et cum viris sanguinum vitam meam redime me et miserere mei deus meus

Eripe me de inimicis meis deus meus et ab insurgentibus in me libera me

Ne perdas cum impiis deus animam meam R. Et cum viris sanguinum vitam meam

Vide quia tribulor velociter exaudi me intende animae meae et libera eam propter inimicos meos eripe me domine

Eripe me domine ab homine malo a viro iniquo libera me

Hoc corpus quod pro vobis tradetur hic calix novi testamenti est in meo sanguine dicit dominus hoc facite quotiens cumque sumitis in meam commemorationem

Cumque manducaveritis panem hunc et calicem bibetis mortem domini annuntiabitis donec veniam

Qui custodiebant animam meam consilium fecerunt in unum dicentes deus dereliquit eum persequimini et comprehendite eum quia non est qui liberet eum deus ne elonges a me deus meus in adjutorium meum intende

Omnes inimici mei adversus me cogitabant mala mihi verbum iniquum mandaverunt adversum me dicentes

Erue a framea deus animam meam et de manu canis unicam meam humilitatem meam

De ore leonis libera me domine et a cornibus unicornuorum

Tota die contristatus ingrediebar domine quoniam anima mea completa est illusionibus et vim faciebant qui quaerebant animam meam

Et qui inquirebant mala mihi locuti sunt vanitatem et dolos tota die meditabantur

Ne tradideris me domine in animas persequentium me quia insurrexerunt in me testes iniqui et mentita est iniquitas sibi

Eripe me de inimicis meis deus meus et ab insurgentibus in me libera me

Vide domine afflictionem meam quoniam erectus est inimicus meus

In tribulatione invocavi dominum et exaudivit me

Judicasti domine causam animae meae defensor vitae meae domine deus meus

Popule meus quid feci tibi aut quid molestus fui responde mihi

Numquid redditur pro bono malum quia foderunt foveam animae meae

Eripe me domine ab homine malo R. A viro iniquo libera me

Ego gloriam meam non quaero est qui quaerat et judicet

Ego daemonium non habeo sed honorifico patrem meum et vos inhonorastis me

Abraham pater vester exsultavit ut videret diem meum et vidit et gavisus est

Hodie si vocem domini audieritis nolite obdurare corda vestra

Si quis sitis veniat ad me et dabo ei fontem aeternum

Qui sitit veniat et bibat et de ventre ejus fluent aquae vivae

Tempus meum nondum advenit tempus autem vestrum semper est paratum

Vos ascendite ad diem festum hunc ego autem non ascendo quia tempus meum nondum advenit

Si mihi non creditis vel operibus credite opera quae ego facio in nomine patris mei

Multa bona opera operatus sum vobis propter quod opus vultis me occidere

Magister dicit tempus meum prope est apud te facio pascha cum discipulis meis

Desiderio desideravi hoc pascha manducare vobiscum antequam patiar

Appropinquabat autem dies festus et quaerebant principes sacerdotum quomodo eum interficere sed timebant plebem

Principes sacerdotum consilium fecerunt ut Jesum dolo tenerent et occiderent dicebant autem non in die festo ne forte tumultus fieret in populo

Clarifica me pater apud temetipsum claritatem quam habui priusquam mundus fieret

Quid molesti estis mulieri opus enim bonum operata est in me

Mittens haec mulier hoc unguentum in corpus meum ad sepeliendum me fecit

Ipsi vero non cognoverunt vias meas quibus juravi in ira mea si introibunt in requiem meam

In die qua invocavi te domine dixisti noli timere judicasti causam meam et liberasti me deus meus

Deus meus eripe me de manu peccatoris et de manu contra legem agentis et iniqui

Fratres mei elongaverunt a me et noti mei quasi alieni recesserunt a me

Amici mei et proximi mei adversus me appropiaverunt et steterunt et proximi mei

Attende domine ad me et audi voces adversariorum meorum numquid redditur pro bono malum quia foderunt foveam animae meae

Homo pacis meae in quo sperabam qui hedebat panes meos ampliavit adversus me supplantationem

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapidem contra me vide domine iniquitates illorum et judica causam animae meae defensor vitae meae

Omnes inimici mei adversum me cogitabant mala mihi verbum iniquum mandaverunt adversum me

Salvum me fac deus quoniam intraverunt aquae usque ad animam meam non avertas faciem tuam a me quoniam tribulor exaudi me deus meus

Intende animae meae et libera eam propter inimicos meos eripe me

Deus Israel propter te sustinui improperium operui reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Et operui in jejunio animam meam et factum est mihi in opproprium quoniam

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Haec cogitaverunt et erraverunt excaecavit enim illos malitia eorum et nescierunt sacramenta dei

Hoc corpus*

Dominus mecum est tamquam bellator fortis propterea persecuti sunt me et intellegere non potuerunt domine probans renes et corda tibi revelavi causam meam

Et vim faciebant qui quaerebant animam meam et qui inquirebant mala mihi locuti sunt vanitatem et dolos tota die meditabantur

Viri impii dixerunt opprimamus virum justum injuste et deglutiamus eum tamquam inferus vivus auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi mala insipientes et maligni oderunt sapientiam et rei facti sunt in cogitationibus suis

Dixerunt impii apud se non recte cogitantes circumveniamus justum quoniam contrarius est operibus nostris

Ingrediente domino in sanctam civitatem Hebraeorum pueri resurrectionem vitae pronuntiantes cum ramis procedentes hosanna clamantes in excelsis

Ex ore infantium deus et lactentium perfecisti laudem

Animae impiorum fremebant adversus me et gravatum est cor meum super eos eo quod appretiaverunt pretium meum triginta argenteis quod appretiatus sum ab eis

Omnes inimici*

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Omnes inimici mei adversus me cogitabant mala mihi verbum mandaverunt adversus me

Synagoga populorum circumdederunt me et non reddidi retribuentibus mihi mala consumetur dominus nequitia peccatorum et dirige justum

Tu autem domine susceptor meus es gloria mea et exaltans caput meum

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam meam defende quia potens es domine

Videns dominus flentes sorores Lazari ad monumentum lacrimatus est coram Judaeis exclamavit Lazare venit foras et prodiit ligatus manibus et pedibus qui fuerat quadriduanus mortuus

Confundantur qui me persequuntur et non confundar ego domine deus meus

Turba multa quae convenerant ad diem festum clamabant domino benedictus qui venit in nomine domini hosanna in excelsis

Hosanna filio David benedictus qui venit in nomini rex Israel hosanna in excelsis

Pueri Hebraeorum portantes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Occurrunt turbae cum floribus et palmis redemptori obviam et victori triumphanti digna dant obsequia filium dei orientem praedicant et in laude Christi voces tonant per nubila hosanna

Ipsi vero non cognoverunt vias meas quibus juravi in ira mea si introibunt in requiem meam

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quod appretiatum est ab eis

Inundaverunt aquae super caput meum dixi perii invocavi nomen tuum domine deus

Labia insurgentium et cogitationes eorum adversus me vide domine

Appropinquabat*

Non haberes in me potestatem nisi desuper datum tibi fuisset

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me