Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem

A domino factum est istud et est mirabile in oculis nostris

Gloria patri et filio et spiritui sancto

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gloria patri et filio et spiritui sancto

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae necnon syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago hinc scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Christi fidelis famulus prudens quoque Gregorius postquam suo in tempore vixit ejus familiae caelo reddidit animam terris carnis materiam

Caelesti cinctus*

O pastor*

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi quo te gaudemus perfrui

Veni electa*

Regnum mundi*

Rogemus omnes beatam Gertrudim et humiliter supplicemus ut fiat nobis in caelo coram excelso supplicatrix quae pro Christi amore suam castitatem reservavit in terris

Regnum mundi*

Veni electa*

Jesu corona*

Rogemus*

Gaude*

Christi virgo*

Ave maris*

Ingressus angelus ad Mariam ait ave Maria gratia plena dominus tecum

Ecce concipies*

Fit porta*

Dabit illi*

Ave Maria gratia plena dominus tecum

Missus est angelus Gabriel a deo in civitatem Nazareth ad virginem desponsatam viro cui nomen Joseph

Ingressus angelus ad Mariam ait ave gratia plena dominus tecum

Maria turbatur in sermone angeli et cogitabat qualis esset ista salutatio

Ingressus angelus ad Mariam ait ave Maria gratia plena dominus tecum

Benedicta tu in mulieribus et benedictus fructus ventris tui

Benedicta tu in mulieribus et benedictus fructus ventris tui

Ave Maria gratia plena dominus tecum

Maria ut audivit turbata est in sermone angeli et cogitabat qualis esset ista salutatio

Quomodo fiet istud ait Maria ad angelum quoniam virum non cognosco

Gloria patri et filio et spiritui sancto

Respondens angelus dixit ad Mariam ne timeas Maria invenisti enim gratiam apud dominum

Ecce concipies et paries filium et vocabitur nomen ejus Jesus hic erit magnus et filius altissimi vocabitur

Dabit illi deus sedem David patris ejus et regnabit in domo Jacob in aeternum et regni ejus non erit finis

Dixit angelus ad Mariam ne timeas Maria invenisti gratiam apud deum

Ecce concipies et paries filium et vocabis nomen ejus Jesum

Ecce concipies et paries filium et vocabitur nomen ejus Jesus

Hic erit magnus et filius altissimi vocabitur et dabit illi dominus deus sedem David patris sui

Dabit illi dominus deus sedem David patris ejus et regnabit in domo Jacob in aeternum

Et regni ejus non erit finis

Gloria patri et filio et spiritui sancto

Dixit autem Maria ad angelum quomodo fiet istud quoniam virum non cognosco et respondens angelus spiritus sanctus superveniet in te et virtus altissimi obumbrabit tibi

Ideoque et quod nascetur ex te sanctum vocabitur filius dei

Dixit autem Maria ad angelum ecce ancilla dei fiat mihi secundum verbum tuum

Dixit autem Maria ad angelum ecce ancilla domini fiat mihi secundum verbum tuum

Spiritus sanctus superveniet in te cum respondisset angelus ait Maria

Quomodo fiet istud respondens ait Maria quia virum non cognosco angelus ad haec spiritus sanctus superveniet in te et virtus altissimi obumbrabit tibi

Ideoque et quod nascetur ex te sanctum vocabitur filius dei

Christi virgo dilectissima virtutum operatrix opem fer miseris subveni domina clamantibus ad te jugiter

Quoniam peccatorum mole premimur et non est qui adjuvet

Gloria patri et filio et spiritui sancto

Quando venit ergo sacri plenitudo temporis missus est ab arce patris natus orbis conditor in terris

Verbum supernum a patre ante tempora genitum hodie pro nobis factum homo exinanivit semetipsum

Beatus auctor saeculi servile corpus induit ut carne carnem liberans ne perderet quos condidit

Clausa parentis viscera caelestis intrat gratia venter puellae bajulat secreta quae non noverat

Domus pudici pectoris templum repente fit dei intacta nesciens virum verbo concepit filium

Mirabile mysterium*

Domus pudici*

Ave maris*

Haec est dies quam fecit dominus hodie dominus afflictionem populi sui respexit et redemptionem misit hodie mortem quam femina intulit femina fugavit hodie deus homo factus id quod fuit permansit et quod non erat assumpsit ergo exordium nostrae redemptionis devote celebremus et exsultemus dicentes gloria tibi domine

Gloriosi*

Gloriosi confessoris Christi Ludgeri sollemnia devoto concentu celebret ecclesia quem domini pietas sublimavit et sanctorum claritate glorificavit

Ludgeri celebria corde devoto celebremus sollemnia quem dominus virtutum stola immortalitatis indutum inter caelicolas hodie sede sublimavit gloriae cujus nos salvifica Christo commendent patrocinia

Aeterno regi jubilum resonate canorum Ludgerum merito qui vexit ad alta polorum

Beatus Ludgerus ortus ex genere nobilium tamquam fructiferum lignum deo in ecclesia fructum fecit dignum

Ubi postmodum praedicans praeceptum domini gentem congregavit in unitatem fidei

Invocantem se deus exaudivit dum pro construendo Werdinensi cenobio silvam ei sine ferro prescidit

Beatus Ludgerus in scripturis sacris ad summum eruditus gentem frisonum convertit ad dominum

Fidei quippe semen cupiens seminare per orbem brabantos et saxones Christo fecit esse fideles

Vita vir sanctus verbo quoque testificatus a puero Christum mentem jactabat in ipsum

In domini lege meditatus nocte dieque

Suscepto igitur fidei ac caritatis cinctorio beato coepit adhaerere Gregorio qui cum episcopus esset apud trajectum eum prae ceteris magis habebat acceptum

Quem quia deo et hominibus novit esse dilectum

Gloria patri et filio et spiritui sancto

Vir dei dum super hiis divina laudaret magnalia scuto bonae voluntatis a deo coronatus est in gloria

O admirabile divinitatis nomen et miraculum quae inter omnes casus arborum unam ei dimisit ad umbraculum

Unde in domino confidens et eum benedicens opus ecclesiae incohavit quod jam olim desideravit

Cum lucerna Christi Ludgerus in candelabro exaltaretur pontificatus ut in monasteriensi ecclesia lumen praestaret omnibus honorem illum suscepit invitus

Quoniam prodesse semper quam praeesse maluit sublimia fugiens humilia cupiens

Abscondit hispidum sub honesta veste cilicium carnem macerans spiritum roborans Christi templum et odor bonus factus est in saecula

Jucundus apud homines devotus deo per immensos et absconditos labores

Virtus Ludgeri morbis consueta mederi demone vexatis claudis et morte gravatis surdis et mutis concessit dona salutis

Scribantur haec Ludgeri opera in generatione altera ut laudetur deus in saecula

Gloria patri et filio et spiritui sancto