Christum natum qui beatum hodie coronavit Stephanum venite adoremus

Beatus Stephanus jugi legis dei meditatione roboratus tamquam lignum fructiferum secus salutarium aquarum plantatum decursus fructum martyrii in tempore suo dedit primus

Constitutus a deo praedicator praeceptorum ejus in timore sancto illi servire studuit officioque fideliter peracto in montem sanctum ejus ascendere dignus fuit

In tribulatione lapidum se prementium positus milia populi se circumdantis non timuit quia susceptorem suum Jesum ut eum salvum faceret exsurgere in caelo vidit

Gloria et honore coronasti eum domine R. Et constituisti eum super opera manuum tuarum

Hesterna die dominus natus est in terris ut Stephanus nasceretur in caelis ingressus est dominus mundum ut Stephanus ingrederetur in caelum

Stephanus vidit caelos apertos vidit et introivit

Stephanus autem plenus gratia et fortitudine faciebat signa magna et prodigia in populo

Stephanus vidit caelos apertos vidit et introivit

Videbant omnes Stephanum qui erant in consilio et intuebantur vultum ejus tamquam vultum angeli stantis inter illos

Stephanus autem plenus gratia et fortitudine faciebat prodigia et signa magna in populo

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus ut scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Posuisti domine super caput*

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus beatus Stephanus orabat dicens

Impii super justum jacturam fecerunt ut eum morti traderent at ille gaudens suscepit lapides ut mereretur accipere coronam gloriae

Captabant in animam justi et sanguinem innocentem condemnabant

Stephanus servus dei quem lapidabant Judaei vidit caelos apertos vidit et introivit beatus homo cui caeli patebunt

Stephanus autem plenus gratia et fortitudine faciebat prodigia et signa magna in populo

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculum tuum et quia operatus est justitiam requiescit in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi

Magna est gloria ejus in salutari tuo R. Gloriam et magnum decorem impones super eum domine

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Positis autem genibus beatus Stephanus orabat dicens

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris virtutis dei

Cumque aspiceret beatus Stephanus in caelum vidit gloriam dei et ait

Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus

Vidit beatus Stephanus caelos apertos vidit et introivit

Elegerunt apostoli Stephanum virum plenum fide et spiritu sancto

Stephanus plenus gratia et fortitudine faciebat prodigia et signa magna quibus in fidei petra solidabatur ecclesia

Commoverunt itaque plebem et seniores et scribas et concurrentes rapuerunt eum et adduxerunt secum in consilium

Cum autem esset Stephanus plenus spiritu sancto intendens in caelum vidit gloriam dei

Videbant omnes Stephanum qui erant in consilio et intuebantur vultum ejus tamquam vultum angeli stantis inter illos

Corona aurea super caput ejus

Exclamantes autem voce magna continuerunt aures suas et impetum fecerunt unanimiter in eum et ejicientes eum extra civitatem lapidabant

Jucundus homo qui miseretur in domino non commovebitur in aeternum

Quid retribuam domino pro omnibus quae retribuit mihi calicem salutaris accipiam

Domine libera animam meam a labiis iniquis et a lingua dolosa

Miserere mihi domine miserere mihi quia multum repletus sum despectione

Sustinuit anima mea in verbo domini speravit anima mea in ipso

Sancte Stephane prothomartyr electe dei supernis dignissime et terrigenis ineffabiliter gloriose precipue nobis servulis tuis cujus nos patrocinio ubique tueri credimus et prostrati corde suppliciter petimus ut impetrata divina clementia per tua sanctissima merita valeamus in tuo servitio persistere semper devoti et a cunctis hostibus tua protectione mereamur permanere illesi alleluia

Vox tonitrui tui deus in rota Joannes est evangelista mundi per ambitum praedicans lumen caelicum qui triumphans Romae lavit in vino stolam suam et in sanguine olivae pallium suum

Victo senatu cum Caesare virgineo corpore tripudiat in igne

Gloria patri et filio et spiritui sancto sicut erat in principio

Domine suscipe me ut cum fratribus meis sim cum quibus veniens invitasti me aperi mihi januam vitae et perduc me ad convivium epularum tuarum tu es enim Christus filius dei vivi qui praecepto patris mundum salvasti tibi gratias referimus per infinita saeculorum saecula

Adoremus regem apostolorum qui privilegio amoris Joannem dilexit apostolum

Joannes apostolus et evangelista virgo est electus a domino atque inter ceteros magis dilectus

Supra pectus domini Jesu recumbens evangelii fluenta ab ipso sacro dominici pectoris fonte potavit

Quasi unus de paradisi fluminibus evangelista Joannes verbi dei gratia in toto terrarum orbe diffudit

In omnem terram exivit sonus eorum

Valde honorandus est beatus Joannes qui supra pectus domini in cena recubuit cui Christus in cruce matrem virginem virgini commendavit

Mulier ecce filius tuus ad discipulum autem ecce mater tua

In illo die suscipiam te servum meum et ponam te sicut signaculum in conspectu meo quoniam ego elegi te dicit dominus

In tribulatione invocasti me et exaudivi te et liberavi te

Qui vicerit faciam illum columnam in templo meo dicit dominus et scribam super eum nomen meum et nomen civitatis novae Jerusalem

In illo die suscipiam te servum meum

In ferventis olei dolium missus Joannes apostolus divina se protegente gratia intactus exivit

Propter insuperabilem evangelizandi constantiam exsilio relegatus divinae visionis et allocutionis meruit crebra consolatione relevari

Occurrit beato Joanni ab exsilio revertenti omnis populus virorum ac mulierum clamantium et dicentium benedictus qui venit in nomine domini

Constitues eos principes super omnem terram

Ecce puer meus quem elegi dicit dominus electus meus complacuit sibi in illo animae meae

Iste est Joannes qui supra pectus domini in cena recubuit

Hic est discipulus qui testimonium perhibet de his et scripsit haec et scimus quia verum est testimonium ejus

Quanta audivimus et cognovimus ea et patres nostri narraverunt nobis

Iste est beatissimus evangelista et apostolus Joannes qui privilegio amoris praecipui ceteris amplius a domino meruit honorari

Hic est discipulus ille quem diligebat Jesus qui supra pectus domini in cena recubuit

Apparuit caro suo Joanni dominus Jesus Christus cum discipulis suis et ait illi veni dilecte meus ad me quia tempus est ut epuleris in convivio meo cum fratribus tuis

Expandens manus suas ad deum dixit invitatus ad convivium tuum venio gratias agens quia me dignatus es domine Jesu Christe ad tuas epulas invitare sciens quod ex toto corde meo desideravi te

Domine suscipe*

Nimis honorati sunt amici tui deus R. Nimis confortatus est principatus eorum

Iste est Joannes qui supra pectus domini in cena recubuit beatus apostolus cui revelata sunt secreta caelestia

Valde honorandus est beatus Joannes qui supra pectus domini in cena recubuit

Diligebat autem eum Jesus quoniam specialis praerogativa castitatis ampliori dilectione fecerat dignum quia virgo electus ab ipso virgo in aevum permansit

In cruce denique moriturus huic matrem suam virginem virgini commendabat

In medio ecclesiae aperuit os ejus et implevit eum dominus spiritu sapientiae et intellectus

Misit dominus manum suam et tetigit os meum

Ecce puer meus electus quem elegi posui super eum spiritum meum

Hic est discipulus meus sic eum volo manere donec veniam

Sunt de hic stantibus qui non gustabunt mortem donec videant filium hominis in regno suo

Joannes autem apostolus virgo dei electus cui virginem matrem dominus virgini commendabat

Misit dominus manum suam et tetigit os meum et replevit illud

Valde honorandus est beatus Joannes R. Qui supra pectus domini in cena recubuit

Iste est Joannes qui supra pectus domini recubuit beatus apostolus cui revelata sunt secreta caelestia

Juravit*

Exsultet*

Iste est discipulus qui dignus fuit esse inter secreta caeli iste solus meruit divina inspiratione dicere in principio erat verbum et verbum erat apud deum et deus erat verbum hoc erat in principio apud deum

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Adoremus salvatoris venerantes gratiam qui perennem sanctis Innocentibus largitus est coronam

Sinite parvulos venire ad me talium est enim regnum caelorum

Laverunt stolas suas et candidas eas fecerunt in sanguine agni

A bimatu et infra occidit multos pueros Herodes propter dominum

Laetamini in domino et exsultate justi

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub ara dei animas sanctorum propter verbum dei quod habebant et clara voce dicebant

Effuderunt sanguinem sanctorum velut aquam in circuitu Jerusalem et non erat qui sepeliret

Vindica domine sanguinem sanctorum tuorum qui effusus est

Adoraverunt viventem in saecula saeculorum mittentes coronas suas ante thronum domini dei sui