Concupivit anima ejus in atria domini cor ejus et caro exsulta verunt in deum vivum

Mulier fortis manum misit ad fortia Jerusalem perrexit lignum domini cum diligenter requisivit feliciter invenit

Non enim gloriari voluit nisi in cruce domini nostri Jesu Christi

Gloria patri et filio et spiritui sancto

Digna deo matrona ita usum terreni honoris habuit quod ad gloriam caelestium pervenire meruit

Venerabili regina et filio ejus imperatore Constantino adnitente generalibus conciliis celebriter conones sunt traditi et sinodali sententia fides roborata est

Ut cognoscamus domine in terra viam tuam in omnibus gentibus salutare tuum

Vere beata mater cujus filius christiane religioni devotus sedem Romanam et plurima imperialis dignitatis insignia beato Petro delegavit

Dedit in celebrationibus decus et ornavit tempora sua

O gloriosa terrarum regina caelorum regis sponsa cujus ope et salubri studio gens indorum et biberorum armeniorumque conversa fidem christianam suscepit

Laudate dominum omnes gentes et collaudate eum omnes populi

Gloria patri et filio et spiritui sancto

Astitit regina a dextris tuis in vestitu deaurato

Beata Helena ut virtutum miraculorum in beato Silvestro vidit in deum et Christum ejus credidit

Abjectis itaque imperialibus humiliata est et salutare baptismi sacramentum suscepit

Accepta a filio potestate et copia per orbem plurimas sanctorum fundavit ecclesias

Inter plurima suae devotionis opera ligni dominici inventrix fieri meruit

Imperiali majestate ignem Judaeis minata est et prodente Juda ad locum absconditae crucis pervenit

Astitit regina a dextris tuis in vestitu deaurato

O quam digne veneranda est beata Helena cujus anima exsultantibus angelis recepta est in caelis et memoria miraculis insigniis celebris est in terris

Imperiali*

Factor orbis et omnium in orbe subsistentium dirige clemens mentium vota tibi psallentium

Cujus misericordia salvari volens omnia sibi decoram vernulam praedestinavit Helenam

Cujus sollicitudine passionis dominice lignum tectum requiritur quaesitumque retegitur

Haec circa ministerium ceu Martha frequens martyrum a fundamentis editas decoravit ecclesias

Ipsius per te precibus justificari poscimus ut post carnis exuvias caelum nobis aperias

Trino et individuo cunctipotenti domino regnanti sine termino sit laus et jubilatio

Diffusa est gratia in labiis tuis

Grata deo laudabilis hominibus beata Helena quae et Marthae officium strenue gessit et nunc Mariae optimam partem habet quae non auferetur ab ea

Descendi*

Anima mea liquefacta est ut dilectus locutus est quaesivi et non inveni illum vocavi et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Gaudent in caelis*

Indis Christum*

Iste homo*

Sint lumbi*

Iste est*

Collaudemus*

Dixit sanctus Hermes Quirino tribuno ego me non ambigo illorum participem futurum qui pro Christi nomine passi coronari meruerunt

Ego praefecturam non perdidi sed mutavi in melius nam dignitas terrena aut mutatur aut tollitur dignitas vero caelestis aeternae gloriae subsistit

Beatus Hermes dixit ad Quirinum tribunum dominus Jesus Christus beneficiorum se judiciis mundo manifestavit caecos illuminando et mortuos suscitando omnemque languorem a credentibus depellendo

Audiens tantarum Christi virtutum insignia Quirinus tribunus dixit beato Hermeti lucretur obsecro animam meam per te Jesus Christus

Multorum Christi miraculorum prodigia cum beatus Alexander Hermeti praefecto exponeret ipsum simul cum domesticorum suorum maxima multitudine ad vere fidei cultum convertit

Collaudemus omnes Jesum Christum dominum quem glorificat omnis virtus caelorum pro cujus nomine sanctus Hermes sub Aureliano tyranno strennue de certando meruit victoriae palma decorari

Verba viri sapientis stimuli sunt imprudentis et clavi fixi in altum inde praecursor domini mortis datur examini per turpis femine saltum

Cum accepisset*

Rex Herodes metuebat Joannem nam hunc sciebat virum justum sanctum pium quo audito bona multa fecit sed hec sunt sepulta cum plus amaret vitium miser enim desipuit infelix qui demeruit aeternae vitae bravium

Iste est qui ante*

Regem regum veneremur ipsi semper modulemur ut baptistae sociemur

Misit Herodes rex manus ac tenuit praecursorem quia vecors et profanus fratris duxerat uxorem

Joannes etenim dixit huic non esse fas habere conjugem fratris dum vixit nec se illi commiscere

Herodias ex hinc odit sanctum et illi foveam aperuit et effodit sed haec incidit in eam

Ob vanam mundi gloriam natalis rex memoriam sui laetus celebravit et Galilaeae judices tribunos atque principes ad epulas invitavit

Principes convenerunt in unum adversus dominum et adversus Christum ejus

Cum intrasset convivia Herodiadis filia coram Herode saltavit et placuit principibus simulque recumbentibus tota domus cachinnavit

Quoniam cor eorum vanum erat respexerunt in vanitates et insanias falsas

Herodes volens placere puellae cepit vovere illi prorsus se daturum munus quodcumque peteret si partem regni posceret se nequaquam negaturum

Dilexit verba precipitationis et loquebatur in idipsum

Gloria patri et filio et spiritui sancto

Illa matrem sciscitatur quidnam esset petitura Herodias huic effatur ne sit illi regni cura

Sed caput Joannis petat sic mulier impudica quia sanctus mala vetat mortis ejus fit amica

Nec sensit hujus ratio quod praeoccupatus morte justus in refrigerio manebit felici forte

Puella mox egreditur caput Joannis petitur ut afferatur in disco ficte cepit rex tristari verumtamen jubet dari quasi rem de suo fisco

Concepit dolorem et peperit iniquitatem convertetur dolor ejus in caput ejus

Tunc misso spiculatore baptista sanguinis rore fuso martyr efficitur decollatur in carcere ab impiorum genere mors ejus parvipenditur

Aestimatus est cum descendentibus in lacum factus est sicut homo sine adjutorio

Cum accepisset puella caput latum in scutella dedit illud matri sue ipsa laeta pro munere non curavit de scelere neque de futura lue

Nam hominem injustum mala capient in interritu

Gloria patri et filio et spiritui sancto

Audierunt discipuli beatissimi praeconis necem sui didasculi triumphum quoque agonis

Et corpus ejus tulerunt cum summa reverentia illudque sepelierunt in Sebastae samaria

In curriculo temporis Juliani apostate ossa sacrati corporis gentiles sparserunt late

Cremantur lecta iterum et reliquias cinerum sparserunt in auras venti tabescentes invidia pro insignium gloria collata ingratae genti

Percussit dominus omnes adversantes ei sine causa dentes peccatorum contrivit

Sed deus factor omnium ad suorum solacium fecit prorsus non privari tantis orbem reliquiis nec passus est ab impiis fidelium spem frustrari

Memor congregationis suae quam possedit ab initio

Dum ossa sacra tollerent ut ea flammis urerent quidam Jerosolomitae ammixti colligentibus non nulla his torpentibus occulebant sollicitae

A domino factum est istud ut destrueret inimicum et ultorem

Gloria patri et filio et spiritui sancto

Truncato in Arabia praecursore tumulatur caput ejus in Elia quae Jerusalem vocatur

Illuc orandi gratia duo monachi venerunt sub principis monarchia quem Marcianum afferunt

Isdemque baptista Christi caput suum revelavit sed hod perdiderunt isti et eorum spes nutavit

Nam dum incauti nimium circa commissum fuere talis thesauri praemium meruerunt non habere

Post haec vero fit perlatum in Edissam Phoeniciae et in urna reservatum sub terra nimis impiae

Illic denuo monstratur qui in specu morabatur Marcello cuidam abbati transfertur honorifice ab eodem pontifice qui prae erat civitati

Truncato in Arabia*

Dum ossa*

Praeco superni judicis praecursor summi vindicis paranymphus sponsi veri multa passus ludibria triumphavit per omnia nec potuit aboleri domus in petra posita nam justi recordatio pigmenti compositio ut mel dulcis et musica ut in vini convivio

Justum deduxit*

Justum deduxit*

Iste homo*

Iste cognovit*

Sanctus Victorinus*

Adest nobis almi Victorini sollemnitas martyris praeclari celebremus eam ovantes sanctum Victorinum rogantes ut ipse nos altithrono commendet semper domino

Sanctus Victorinus a suo Germano discedens heremum intravit et in solitudine antrum mox invenit

Aptum cernens ibi locum in habitator ejus factus est soli creatori vacare desiderans

Postquam Victorinus desertum est ingressus in forma virginis a daemone seducebatur

Ad fratrem regressus jugum gravis paenitentiae suscepit super se

Sanctus Victorinus dum super putentes atque sulfureas aquas suspenderetur non poenae metu territus est sed constanter per triduum sustinuit et in confessione Christi spiritum emisit

Dedit sibi gratiam dominus perquam minas tortorum atque poenas fortiter vicit

Gloria patri et filio et spiritui sancto