Ecce agnus dei ecce qui tollit peccata mundi

Alleluia*

Ostende nobis domine misericordiam tuam

Et salutare tuum da nobis

Emitte*

Super solium David et super regnum ejus sedebit in aeternum alleluia

Tu exsurgens*

Beata es Maria quae credidisti perficientur in te quae dicta sunt tibi a domino alleluia

Ecce in nubibus caeli dominus veniet in potestate magna alleluia

De caelo veniet dominator dominus et in manu ejus honor et imperium

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudes et omnia ligna silvarum plaudent manibus quoniam veniet dominus dominator in regnum aeternum alleluia alleluia

Ecce dominus noster cum virtute veniet ut illuminet oculos servorum suorum alleluia

Ecce rex venit dominus terrae et ipse auferet jugum captivitatis nostrae

Super te Jerusalem orietur dominus et gloria ejus in te videbitur

Vox clamantis in deserto parate viam domini rectas facite semitas dei nostri

Ecce mitto angelum meum qui praeparabit viam tuam ante faciem tuam

Sion renovaberis et videbis justum tuum qui venturus est in te

Tu es qui venturus es domine quem exspectamus ut salvum facias populum tuum

Qui post me venit ante me factus est cujus non sum dignus calceamenta solvere

Cantate domino canticum novum laus ejus ab extremis terrae

Dicite pusillanimes confortamini ecce dominus deus noster veniet

Levabit dominus signum in nationibus et congregabit dispersos Israel

Qui venturus*

Ante me non est formatus deus et post me non erit quia mihi curvabitur omne genu et confitebitur omnis lingua

Surgite vigilemus venite adoremus quia nescitis horam quando veniet dominus

Ex Sion species*

Ecce apparebit dominus super nubem candidam et cum eo sanctorum milia habens in vestimento et in femore suo scriptum rex regum et dominus dominantium

Apparebit in finem et non mentietur si moram fecerit exspecta eum quia veniens veniet

Bethleem civitas dei summi ex te exiet dominator Israel et egressus ejus sicut a principio dierum aeternitatis et magnificabitur in medio universae terrae et pax erit in terra nostra dum venerit

Loquetur pacem gentibus et potestas ejus a mari usque ad mare

Qui venturus est veniet et non tardabit jam non erit timor in finibus nostris quoniam ipse est salvator noster

Deponet omnes iniquitates nostras et projiciet in profundum maris omnia peccata nostra

Suscipe verbum virgo Maria quod tibi a domino per angelum transmissum est concipies in utero deum paries et hominem ut benedicta dicaris inter omnes mulieres

Paries quidem filium sed virginitatis non patieris detrimentum efficieris gravida et eris mater semper intacta

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potentiae

Ecce veniet dominus exercituum deus tuus in potestate magna

Prope est ut veniat tempus ejus et dies ejus non elongabuntur miserebitur dominus Jacob et Israel salvabitur

Revertere virgo Israel revertere ad civitates tuas

Descendet dominus sicut pluvia in vellus orietur in diebus ejus justitia et abundantia pacis

Et adorabunt eum omnes reges omnes gentes servient ei

Veni domine et noli tardare relaxa facinora plebis tuae et revoca dispersos in terram suam

A solis ortu et occasu ab aquilone et mari

Ecce radix Jesse ascendet in salutem populorum ipsum gentes deprecabuntur et erit nomen ejus gloriosum

Deus a Libano veniet et sanctus de monte umbroso et condenso

Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Venite ascendamus ad montem domini et ad domum dei Jacob

Egredietur virga de radice Jesse et flos de radice ejus ascendet et erit justitia cingulum lumborum ejus et fides cinctorium renum ejus

Et requiescet super eum spiritus domini spiritus sapientiae et intellectus

Ecce dies veniunt dicit dominus et suscitabo David germen justum et regnabit rex et sapiens erit et faciet judicium et justitiam in terra et hoc est nomen quod vocabunt eum dominus justus noster

In diebus illis salvabitur Juda et Israel habitabit confidenter

Alleluia*

Super te Jerusalem orietur dominus

Et gloria ejus in te videbitur

Joannes autem cum audisset in vinculis opera Christi mittens duos ex discipulis suis ait illi tu es qui venturus es an alium exspectamus

Tu es qui venturus es an alium exspectamus dicite Joanni quae vidistis ad lumen redeunt caeci mortui resurgunt pauperes evangelizantur alleluia

Veniet dominus et non tardabit et illuminabit abscondita tenebrarum et manifestabit se omnibus gentibus alleluia

Dicit dominus paenitentiam agite appropinquabit enim regnum caelorum alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Beatam me dicent omnes generationes quia ancillam humilem respexit deus

Ecce veniet dominus princeps regum terrae beati qui parati sunt occurrere illi

Egredietur virga de radice Jesse et replebitur omnis terra gloria domini et videbit omnis caro salutare dei

Dum venerit filius hominis putas inveniet fidem super terram

Ecce jam venit plenitudo temporis in quo misit deus filium suum in terris

Ecce deus noster exspectabimus eum et salvabit nos alleluia

Egredietur dominus de loco sancto suo veniet ut salvet populum suum

Elevare elevare consurge Jerusalem solve vincla colli tui captiva filia Sion

Clama in fortitudine qui annuntias pacem in Jerusalem dic civitatibus Judae et habitatoribus Sion ecce deus noster quem exspectabamus adveniet

Super montem excelsum ascende tu qui evangelizas Sion exalta in fortitudine vocem tuam

Orietur stella ex Jacob et exsurget homo de Israel et confringet omnes duces alienigenarum et erit omnis terra possessio ejus

De Jacob exiet qui dominetur et perdat reliquias civitatum

Modo veniet dominator dominus et nomen ejus Emmanuel vocabitur

Orietur in diebus ejus justitia et abundantia pacis

Propter Sion non tacebo donec egrediatur ut splendor justus ejus

Missus est Gabriel angelus ad Mariam virginem desponsatam Joseph

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Lex per Moysen data est gratia et veritas per Jesum Christum facta est

Annuntiate populis et dicite ecce deus salvator noster veniet

Ecce ancilla domini fiat mihi secundum verbum tuum

De Sion veniet dominus omnipotens ut salvum faciat populum suum

Vigilate animo in proximo est dominus deus noster

Convertere domine aliquantulum et ne tardes venire ad servos tuos

De Sion veniet qui regnaturus est dominus Emmanuel magnum nomen ejus

Consolamini consolamini popule meus dicit deus vester

Dominus legifer noster dominus rex noster ipse veniet et salvabit nos

Laetamini cum Jerusalem et exsultate in ea omnes qui diligitis eam in aeternum

Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi

Ipse est rex justitiae cujus generatio non habet finem

Egredietur dominus et proeliabitur contra gentes et stabunt pedes ejus supra montes Olivarum ad orientem

Et elevabitur super omnes colles et fluent ad eum omnes gentes

Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit

Et eris corona gloriae in manu domini et diadema regni in manu dei tui

Constantes estote videbitis auxilium domini super vos

Ex quo facta est vox salutationis tuae in auribus meis exsultavit in gaudio infans in utero meo alleluia

Ponent domino gloriam et laudem ejus in insulis nuntiabunt quia ecce veniet et non tardabit