Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciens ferrum de profundo sensus et corda perspicit praesens absentes arguit

Maurus verbo currens patris Petri fertur vestigiis super liquens elementum mersumque trahit placidum

Favent cuncta Benedicto vas sponte manat oleo fugit vita spernit terra ejus privatum gratia

O quanta plenus gratia qui respectu rupit vincla sedens curvat imperia Benedictus per saecula

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

O Israelita verus corde in deum dilatatus qui infra se angustatam vidit omnem creaturam

Caelo quoque ferri sanctam germani cernens animam

Alme pater qui praescius tui sacrati transitus hunc praenotasti fratribus tuere nostros exitus

Per te ducem clarissimum ut transeamus ad deum

Gloria patri et filio et spiritui sancto

Benedictum propheticis condecoremus canticis qui tam fulsit prophetia quam et doctrinae gratia

Grandi pater fiducia morte stetit pretiosa qui elevatis manibus caelos scandit in precibus

Fecit Christe quod jussisti te secutus spe praemii

Fratribus illuxit Benedictum quae via duxit usque polum surgens et multa lampade fulgens

Virque super candens micuit quae sit via pandens

Ecce jam cari noscite quam claro scandit tramite Benedictus ad sidera qui hic reliquid omnia

Accepit ergo centuplum et vitam in perpetuum

Gloria Christe tuo tibi personet in Benedicto quem faciens tecum sanctis regnantibus aequum jam quibus aequasti gaudentibus associati

Nos ejus norma rege serva terge reforma

Gloria patri et filio et spiritui sancto

Armis praecinctus verae fidei Benedictus idola dum stravit fidem tibi Christe paravit

O caelestis norma vitae doctor et dux Benedicte cujus cum Christo spiritus exsultat in caelestibus gregem pastor alme serva sancta prece corrobora via caelo clarescente fac te duce penetrare

Huic jubilate quo pater iste par fit Eliae par quoque Moysi dum lapis illi flumina fundit corvus obaudit

Quemquam non laesit post te dominator adhaesit utque David doluit hostis ut occubuit

Laus puerilis hunc benedicat qui puerorum per Benedictum corpora vitae trinus et unus trina reformat

Benedictus es domine*

Flos de spina*

Egredimini et videte filiae Sion regem Salomonem in diademate quo coronavit eum mater sua parans crucem salvatori suo

Adoremus regem Christum coronam certantium qui suae hodie coronae praesentia decoravit ecclesiam

Sciebat Pilatus Judaeos sibi Jesum per invidiam tradidisse

Tentabat igitur si ut cumque posset eorum frendens indignatio mitigari

Flagellavit itaque non ut flagellaret sed ut eis posset sufficere quominus ad mortem persequi vellent eum

O nullius praeses consilii contra conscientiam placere voluit his quos ex scientia debuerat coercere

Obstinati populi mendicabat consensum cujus furorem imperiose poterat refrenare

Aut ergo nec velle potuit nec posse voluit aut caecus nesciebat utrumque

Exiit Jesus portans spineam coronam R. Et purpureum vestimentum

Si Pilatus ideo Jesum flagellavit ut iram tuam frangeret et si non homini saltem humiliato paceres o in misericors popule Judaeorum quis te poterit excusare

Si coronavit ad ignominiam ut regi cessares invidere dejecto ostabescens

Egredietur Jesus portans spineam coronam et purpureum vestimentum non ornatur regali habitu qui ad opprobrium coronatur

Onerosus est enim honor de honestans et dedecet referre dedecus de decore

Quid ergo corona spinea caput inditum premens quid inquam si non ad patientiam vos invitat quia sim viridi haec fiunt de arido quid fiet

Conspui non respuit gena generosa sed ignosci supplicat quos implicat non nosci

Spinis Christus coronatus factus et opprobrio torculari crucis pressus nos purgat a vitio morte sua singulari mortem tollens duplicem

Spinis coronavit mater impia auctorem vitae qui animam dedit propter peccata mundi

Gloria patri et filio et spiritui sancto

Si merito invehimur in Pilatum qualiter dissimulabimus de principibus sacerdotum

Gens tua et pontifices inquit Pilatus tradiderunt te mihi

Non habet legislator adversarios sicut legis doctores

Legem habere se dicunt secundum quam moriatur qui legem venerat adimplere

Quibus quemquam non licet interficere concitant turbam petere Barraban

Propterea majus peccatum habet qui me tradidit tibi

Corona aurea super caput ejus R. Expressa signo sanctitatis

Vae coronae superbiae vestrae ebrii Ephraim qui cum coronas vestras mittere deberetis dicturi dignus es illudebatis ei dicentes ave rabi et dantes ei alapas

Cecidit corona capitis vestri vae vobis quoniam peccavistis

Si umquam tibi contraria intula aut prospera denegavique spoliasti me gloria mea et abstulisti coronam de capite meo

Cum esset circa me corona fratrum quasi plantatio cedri in monte Libano

Fecerunt ipsi labio coronam interrasilem altam digitis quattuor et super ipsam alteram coronam quia propter passionem mortis gloria coronatus est et honore

Modico quam angeli minoratus hebebat arcum et data est ei corona

Cum apparuerit princeps pastorum quo percusso dispersae sunt oves gregis percipiemus immarcescibilem gloriae coronam

Cum fecerit grande convivium ut ostendat divitias gloriae regni sui

Gloria patri et filio et spiritui sancto

Nequaquam coronatus est ut clareret imperio sed ut opprobrio repleretur

Eris corona gloriae in manu domini R. Et diadema regi in manu dei tui

Flos de spina nascitur quem spina non pupugerat sed se pungi tolerat dum sub spina moritur solvens quod non tulerat nos a spine liberat punctura dum pungitur

Dum corona plectitur quam rex mundi deferat a quo mundus regitur

O ingratissime popule cujus anni coronae benedixeram cui dederam coronam pro cinere tu vero dedisti mihi cinerem pro corona

Coronavi te in misericordia et miserationibus

Gravasti super me manum tuam et spinis coronasti me conversus sum in aerumna mea dum configitur spina

Positurus super caput meum coronam de lapide pretioso

Ave rosa spinis puncta ave spina rosae juncta spinas poenae non peccati portas Jesu volens pati o miranda gratia

Haec corona vitae dona nobis donat et coronat in misericordia

Gloria patri et filio et spiritui sancto

Adest dies novae laetitiae adest*

LACUNA

O felices virgines Hunnorum victrices quibus dum ad sanguinem usque restitistis oleo non vacuae nec segnes ut fatuae ad caelestes nuptias simul introistis

O beatae quae repente cum clamore veniente domino paratae

Jesu corona virginum*

Adducentur regi virgines post eam R. Proxime ejus afferentur tibi

O felix Germania tam decoro germine virginum ornata beata Colonia pretioso sanguine martyrum dicata vere juste tu laetaris quae thesauro super aurum nobili ditaris

Regem regum dominum venite adoremus quia ipse est corona sanctarum virginum

Jesu corona virginum*

Nova bella virginum dominus elegit ab extremis hominum quas sibi collegit

Pugnant sexu fragiles caelitus imbutae sed insuperabiles fidei virtute

Beata militia quae pro rege gloriae de mundi malitia triumphavit hodie

Non armis sed animis istas bellatrices efficit unanimis gratia victrices

Fortiores hostibus feminae fuerunt quae contemptis omnibus omnia vicerunt

Unus enim spiritus acies caelestes fidei divinitus adunavit testes

Prudentes virgines R. Acceperunt oleum in vasis suis

Deo noto fuit nata placens cunctis deo grata Ursula regalis cujus mirae speciei plus mirandae fidei non erat aequalis

Regi magno pulchra nimis desponsatur dum instatur precibus et minis

Virgo desiderium habens castitatis meditatur et miratur rem quasi mysterium suae voluntatis

Deo secum disponente quod tractabat firmamente

Dum statutum nuptiis acceptis induciis tempus praerogatur pro undenis milibus votis consimilibus classis praeparatur

Duce regis filia haec ducuntur milia et unam sequuntur

Apparatu navium decenter expleto ad salutis bravium omnes cursu laeto virgines anhelant nec quod votis gestiunt aliis revelant

Ludere se simulant pelago vagantur invicem se stimulant pariter hortantur