Si oblitus fuero tui Jerusalem obliviscatur me dextera mea adhaereat lingua mea faucibus meis si tui non meminero qui dixerunt super flumina babylonis

Memento domine filiorum Edom in diem Jerusalem

Memento verbi tui servo tuo domine in quo mihi spem dedisti haec me consolata est in humilitate mea

Miserere mihi domine quoniam tribulor libera me et eripe me de manibus inimicorum meorum et a persequentibus me domine non confundar quoniam invocavi te

In te domine speravi*

Pacifice loquebantur mihi inimici mei et in ira molesti erant mihi

Vidisti domine deus meus ne sileas ne discedas a me

Benedictus es domine doce me justificationes tuas et non tradas calumniantibus me superbis et respondebo exprobrantibus mihi verbum

Vidi non servantes pactum et tabescebam domine quando facies de persequentibus me judicium

Appropinquaverunt persequentes me iniqui confundantur et revereantur quia injuste iniquitatem fecerunt in me

Ne tradideris me domine in animas persequentium me quia insurrexerunt in me testes iniqui et mentita est iniquitas sibi

Collegerunt pontifices et pharisaei concilium et dicebant quid facimus quia hic homo multa signa facit si dimittimus eum sic omnes credent in eum ne forte veniant Romani et tollant nostrum locum et gentem

Unus autem ex ipsis Caiphas nomine cum esset pontifex anni illius prophetavit dicens expedit vobis ut unus moriatur homo pro populo et non tota gens pereat ab illo ergo die cogitaverunt interficere eum dicentes

Pueri Hebraeorum tollentes ramos*

Pueri Hebraeorum vestimenta*

Cum appropinquaret dominus Jerusalem misit duos ex discipulis suis dicens ite in castellum quod contra vos est et invenietis asinae alligatum pullum super quem nullus hominum sedit solvite et adducite mihi si quis vos interrogaverit dicite opus domini est solventes adduxerunt ad Jesum et imposuerunt illi vestimenta et sedit super eum alii expandebant vestimenta sua in via alii ramos de arboribus prosternebant et qui sequebantur clamabant hosanna benedictus qui venit in nomine domini benedictum regnum patris nostri David hosanna in excelsis miserere nobis fili David

Cum audisset populus quia venit Jesus Jerusalem acceperunt ramos palmarum et exierunt ei obviam et clamabant pueri dicentes hic est qui venturus est in salutem populi hic est salus nostra et redemptio Israel quantus est iste quem throni et dominationes adorant noli timere filia Sion ecce rex tuus venit tibi sedens super pullum asinae sicut scriptum est salve rex fabricator mundi qui venisti redimere nos

Occurrunt turbae*

Coeperunt omnes*

Domine ne longe facias auxilium tuum a me ad defensionem meam aspice libera me de ore leonis et a cornibus unicornuorum humilitatem meam

Deus deus meus respice*

Tenuisti manum dexteram meam in voluntate tua deduxisti me et cum gloria assumpsisti me

Quam bonus Israel deus rectis corde mei autem pene moti sunt pedes pene effusi sunt gressus mei quia zelavi in peccatoribus pacem peccatorum videns

Deus deus meus respice in me quare me dereliquisti

Longe a salute mea verba delictorum meorum

Deus meus clamabo per diem nec exaudies et nocte et non ad insipientiam mihi

Tu autem in sancto habitas laus Israel

In te speraverunt patres nostri speraverunt et liberasti eos

Ad te clamaverunt et salvi facti sunt in te speraverunt et non sunt confusi

Ego autem sum vermis et non homo opprobrium hominum et abjectio plebis

Omnes qui videbant me aspernabantur me locuti sunt labiis et moverunt caput

Speravit in domino eripiat eum salvum faciat eum quoniam vult eum

Ipsi vero consideraverunt et conspexerunt me diviserunt sibi vestimenta mea et super vestem meam miserunt sortem

Libera me de ore leonis et a cornibus unicornium humilitatem meam

Qui timetis dominum laudate eum universum semen Jacob magnificate eum

Annuntiabitur domino generatio ventura et annuntiabunt caeli justitiam ejus

Populo qui nascetur quem fecit dominus

Improperium exspectavit cor meum et miseriam et sustinui qui simul contristaretur et non fuit consolantem me quaesivi et non inveni et dederunt in escam meam fel et in siti mea potaverunt me aceto

Salvum me fac deus quoniam intraverunt aquae usque ad animam meam

Adversum me exercebantur qui sedebant in porta et in me psallebant qui bibebant vinum

Ego vero orationem meam ad te domine tempus beneplaciti deus in multitudine misericordiae tuae

Pater si non potest hic calix transire nisi bibam illum fiat voluntas tua

Judica domine nocentes me expugna impugnantes me apprehende arma et scutum et exsurge in adjutorium meum domine virtus salutis meae

Effunde frameam*

Exsurge domine et intende judicium meum deus meus et dominus meus in causam meam

Effunde frameam et conclude adversus eos qui me persequuntur

Eripe me de inimicis meis domine ad te confugi doce me facere voluntatem tuam quia deus meus es tu

Exaudi me in tua justitia et ne intres in judicium cum servo tuo domine

Erubescant et revereantur simul qui gratulantur malis meis induantur pudore et reverentia qui maligna loquuntur adversum me

Nos autem gloriari oportet in cruce domini nostri Jesu Christi in quo est salus vita et resurrectio nostra per quem salvati et liberati sumus

Deus misereatur nostri*

Ego autem dum mihi molesti essent induebam me cilicio et humiliabam in jejunio animam meam et oratio mea in sinu meo convertetur

Judica domine nocentes me expugna impugnantes me apprehende arma et scutum et exsurge in adjutorium mihi

Custodi me domine de manu peccatoris et ab hominibus iniquis eripe me domine

Eripe me domine ab homine malo a viro iniquo libera me

Qui cogitaverunt subplantare gressus meos absconderunt superbi laqueum mihi

Adversum me exercebantur qui sedebant in porta et in me psallebant qui bibebant vinum ego vero orationem meam ad te domine tempus beneplaciti deus in multitudine misericordiae tuae

In nomine domini omne genuflectatur caelestium terrestrium et infernorum quia dominus factus oboediens usque ad mortem mortem autem crucis ideo dominus Jesus Christus in gloria est dei patris

Domine exaudi orationem*

Ne avertas faciem tuam a puero tuo quoniam tribulor velociter exaudi me

Salvum me fac deus quoniam intraverunt aquae usque ad animam meam infixus sum in limo profundi et non est substantia

Domine exaudi orationem meam et clamor meus ad te veniat

Non avertas faciem tuam a me in quacumque die tribulor inclina ad me aurem tuam

In quacumque die invocavero te velociter exaudi me

Quia defecerunt sicut fumus dies mei et ossa mea sicut in frixorio confrixa sunt

Percussus sum sicut fenum et aruit cor meum quia oblitus sum manducare panem meum

Tu exsurgens domine misereberis Sion quia venit tempus miserendi ejus

Domine exaudi orationem meam et clamor meus ad te perveniat

Ne avertas faciem tuam ne avertas faciem tuam a me

Quia oblitus sum manducare panem meum

Potum meum cum fletu temperabam quia elevans allisisti me et ego sicut fenum arui tu autem domine in aeternum permanes tu exsurgens misereberis Sion quia venit tempus miserendi ejus

Tu exsurgens misereberis Sion quia tempus miserendi ejus quia venit tempus

Nos autem*

Christus factus est pro nobis oboediens usque ad mortem mortem autem crucis

Propter quod et deus exaltavit illum et dedit illi nomen quod est super omne nomen

Dextera domini*

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Calicem*

Domine audivi auditum tuum et timui consideravi opera tua et expavi

In medio duum animalium innotesceris dum appropinquaverint anni cognosceris dum advenerit tempus ostenderis

In eo dum conturbata fuerit anima mea in ira misericordiae memor eris

Deus a Libano veniet et sanctus de monte umbroso et condenso

Operuit caelos majestas ejus et laudis ejus plena est terra

Eripe me domine ab homine malo a viro iniquo libera me

Qui cogitaverunt malitias in corde tota die constituebant praelia

Acuerunt linguas suas sicut serpentes venenum aspidum sub labiis eorum

Custodi me domine de manu peccatoris et ab hominibus iniquis libera me

Qui cogitaverunt subplantare gressus meos absconderunt superbi laqueum mihi

Et funes extenderunt in laqueum pedibus meis juxta iter scandalum posuerunt mihi

Dixi domino deus meus es tu exaudi domine vocem orationis meae

Domine domine virtus salutis meae obumbra caput meum in die belli

Ne tradas me a desiderio meo peccatori cogitaverunt adversum me ne derelinquas me ne umquam exaltentur

Caput circuitus eorum labor labiorum ipsorum operiet eos

Verumtamen justi confitebuntur nomini tuo et habitabunt recti cum vultu tuo

Popule meus quid feci tibi aut in quo contristavi te responde mihi quia eduxi te de terra Aegypti parasti crucem salvatori tuo

Agios o theos agios Ischyros agios Athanatos eleison ymas sanctus deus sanctus fortis sanctus et immortalis miserere nobis

Quia eduxi te per desertum quadraginta annis et manna cibavi te et introduxi in terram satis optimam parasti crucem salvatori tuo

Quid ultra debui facere tibi et non feci ego quidem plantavi te vinea mea a fructu decora et tu facta es mihi nimis amara aceto namque mixtum cum felle sitim meam potasti et lancea perforasti latus salvatoris tui

Ecce lignum crucis in quo salus mundi pependit venite adoremus

Crucem tuam adoramus domine et sanctam resurrectionem tuam laudamus et glorificamus ecce enim propter lignum venit gaudium in universo mundo