Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinens

Pange lingua gloriosi proelium certaminis et super crucis tropaeum dic triumpho nobili qualiter redemptor orbis immolatus vicerit

Dum fabricator mundi mortis supplicium pateretur in cruce clamans voce magna tradidit spiritum et ecce velum templi scissum est monumenta aperta sunt terraemotus enim factus erat magnus quia mortem filii dei clamabat mundus se sustinere non posse aperto ergo militis lancea latere crucifixi domini exivit sanguis et aqua in redemptionem salutis nostrae

O admirabile pretium cujus pondere captivitas redempta est mundi tartarea confracta sunt claustra inferni aperta est nobis janua regni

Super omnia ligna cedrorum tu sola excelsior in qua vita mundi pependit in qua Christus triumphavit et mors mortem superavit

Inventor rutili dux bone luminis qui certis vicibus tempora dividis merso sole chaos ingruit horridum lucem redde tuis Christe fidelibus | Quamvis innumero sidere regio lunarique polum lampadae pinxeris incussu silicis lumina nos tamen monstrans saxigeno semine quaerere | Ne nesciret homo spem sibi luminis in Christi solido corpore deditam qui dici stabilem se voluit petram nostris igniculis unde genus venit | Splendent ergo tuis muneribus pater flammis nobilibus scilicet atria absentemque diem lux agit aemula quam vox cum lacero victa fugit populo | Sed quis non rapidi luminis arduam manentemque cernat ignis originem Moyses nempe deum spinifero in rubo …

Cantemus domino gloriose enim honorificatus est equum et ascensorem projecit in mare adjutor et protector factus est mihi in salutem

Hic deus meus et honorabo eum deus patris mei et exaltabo eum

Dominus conterens bella dominus nomen est illi

Vinea facta est dilecto in cornu in loco uberi

Et maceriam circumdedi et circumfodi et plantavi vineam Sorec et aedificavi turrim in medio ejus

Et torcular fodi in ea vinea enim domini Sabaoth domus Israel est

Sicut cervus desiderat ad fontes aquarum ita desiderat anima mea ad te deus

Sitivit anima mea ad deum vivum quando veniam et apparebo ante faciem dei mei

Fuerunt mihi lacrimae meae panes die ac nocte dum dicitur mihi per singulos dies ubi est deus tuus

Kyrie eleison Christe eleison kyrie eleison

Gloria in excelsis deo*

Alleluia Confitemini domino quoniam bonus quoniam in saeculum misericordia ejus

Laudate dominum*

Alleluia alleluia alleluia alleluia

Vespere autem sabbati quae lucescit in prima sabbati venit Maria Magdalenae et altera Maria videre sepulcrum alleluia

Ite missa est*

Vidi aquam egredientem de templo a latere dextero alleluia et omnes ad quos pervenit aqua ista salvi facti sunt et dicent alleluia alleluia

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverat advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus est spes desperatis magna consolatio in tormentis alleluia

In die resurrectionis meae dicit dominus alleluia congregabo gentes et colligam regna et effundam super vos aquam mundam alleluia

Sedit angelus ad sepulcrum domini stola claritatis coopertus videntes eum mulieres nimio terrore perterritae astiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Crucifixum in carne laudate ad sepultum propter vos glorificate resurgentemque de morte adorate

Recordamini quomodo praedixit quia oportet filium hominis crucifigi et die tertia a morte suscitari

Christus resurgens ex mortuis jam non moritur mors illi ultra non dominabitur quod enim vivit vivit deo alleluia alleluia

Dicant nunc Judaei quomodo milites custodientes sepulcrum perdiderunt regem ad lapidis positionem quare non servabant petram justitiae aut sepultum reddant aut resurgentem adorent nobiscum dicentes

Resurrexi et adhuc tecum sum alleluia posuisti super me manum tuam alleluia mirabilis facta est scientia tua alleluia alleluia

Domine probasti me*

Haec dies quam fecit dominus exsultemus et laetemur in ea

Confitemini domino quoniam bonus quoniam in saeculum misericordia ejus

Alleluia Pascha nostrum immolatus est Christus

Epulemur in azymis sinceritatis et veritatis

Terra tremuit et quievit dum resurgeret in judicio deus alleluia

Notus in Judaea deus in Israel magnum nomen ejus alleluia

Et factus est in pace locus ejus et habitatio ejus in Sion alleluia

Ibi confregit cornu arcuum scutum gladium et bellum illuminans tu mirabiliter a montibus aeternis

Pascha nostrum immolatus est Christus alleluia itaque epulemur in azymis sinceritatis et veritatis alleluia alleluia alleluia

Introduxit vos dominus in terram fluentem lac et mel alleluia et ut lex domini semper sit in ore vestro alleluia alleluia

Confitemini*

Haec dies*

Dicat nunc Israel quoniam bonus quoniam in saeculum misericordia ejus

Alleluia Nonne cor nostrum ardens erat in nobis de Jesu dum nobis loqueretur in via

Angelus domini descendit de caelo et dixit mulieribus quem quaeritis surrexit sicut dixit alleluia

Euntes dicite discipulis ejus ecce praecedet vos in Galilaeam ibi eum videbitis sicut dixit alleluia

Jesus stetit in medio eorum et dixit pax vobis videte quia ego ipse sum sicut dixit

Surrexit dominus et apparuit Petro alleluia

Aqua sapientiae potavit eos alleluia firmabitur in illis et non flectetur alleluia et exaltabit eos in aeternum alleluia alleluia

Confitemini*

Haec dies*

Dicant nunc qui redempti sunt a domino quos redemit de manu inimici de regionibus congregavit eos

Alleluia Surrexit dominus et occurrens mulieribus ait avete tunc accesserunt et tenuerunt pedes ejus

Intonuit de caelo dominus et altissimus dedit vocem suam et apparuerunt fontes aquarum alleluia

Diligam te domine virtus mea dominus firmamentum meum et refugium meum et liberator meus alleluia

Liberator meus de gentibus iracundis ab insurgentibus in me exaltabis me a viro iniquo eripies me

Si consurrexistis cum Christo quae sursum sunt quaerite alleluia ubi Christus est in dextera dei sedens quae sursum sunt sapite alleluia

Venite benedicti patris mei percipite regnum alleluia quod vobis paratum est ab origine mundi alleluia alleluia alleluia

Cantate domino omnis terra*

Haec dies*

Dextera domini fecit virtutem dextera domini exaltavit me

Alleluia Christus resurgens ex mortuis jam non moritur mors illi ultra non dominabitur

Portas caeli aperuit dominus et pluit illis manna ut ederent panem caeli dedit illis panem angelorum manducavit homo alleluia

Attendite popule meus in legem meam inclinate aurem vestram in verba oris mei

Aperiam in parabolis os meum loquar propositiones ab initio saeculi

Christus resurgens ex mortuis jam non moritur alleluia mors illi ultra non dominabitur alleluia alleluia

Victricem manum tuam domine laudaverunt pariter alleluia quia sapientia aperuit os mutum et linguas infantium fecit disertas alleluia alleluia

Confitemini*

Haec dies*

Lapidem quem reprobaverunt aedificantes hic factus est in caput anguli a domino factum est et est mirabile in oculis nostris

Alleluia Surrexit dominus de sepulcro et apparuit Petro

In die sollemnitatis vestrae dicit dominus inducam vos in terram fluentem lac et mel alleluia

Audi popule meus et loquar Israel si me audieris dabo vobis desideria cordis vestri

Non adorabitis deum alienum quia ego sum dominus deus vester qui eduxi vos de terra Aegypti

Populus acquisitionis annuntiate virtutes ejus alleluia qui vos de tenebris vocavit in admirabile lumen suum alleluia

Eduxit eos dominus in spe alleluia et inimicos eorum operuit mare alleluia alleluia alleluia

Attendite*

Haec dies*

Benedictus qui venit in nomine domini deus dominus et illuxit nobis

Alleluia Oportebat pati Christum et resurgere a mortuis et ita intrare in gloriam suam

Erit hic nobis dies memorialis alleluia et diem festum celebrabitis sollemnem domino in progenies vestras legitimum sempiternum diem alleluia alleluia alleluia

In mente habete diem istum in quo existis de terra Aegypti de domo servitutis in manu enim potenti liberavit vos dominus

Dixit Moyses ad populum bono animo estote et veniet vobis salus a domino deo et pugnabit pro vobis

Data est mihi omnis potestas in caelo et in terra alleluia euntes docete omnes gentes baptizantes eos in nomine patris et filii et spiritus sancti alleluia alleluia

Eduxit dominus populum suum in exsultatione alleluia et electos suos in laetitia alleluia alleluia

Confitemini domino et invocate*

Alleluia Haec dies quam fecit dominus exsultemus et laetemur in ea

Alleluia Laudate pueri dominum laudate nomen domini

Sit nomen domini benedictum ex hoc nunc et usque in saeculum

Benedictus qui venit in nomine domini benediximus vos de domo domini deus dominus et illuxit nobis alleluia alleluia

Haec dies quam fecit dominus exsultemus et laetemur in ea

Lapidem quem reprobaverunt aedificantes hic factus est in caput anguli a domino factum est et est mirabile in oculis nostris alleluia alleluia

Omnes qui in Christo baptizati estis Christum induistis alleluia

Quasi modo geniti infantes alleluia rationabiles sine dolo lac concupiscite alleluia alleluia alleluia

Exsultate deo*

Alleluia In die resurrectionis*

Alleluia Surrexit dominus et occurrens*

Angelus*