De terra formasti eum et carnem induisti eum redemptor meus domine resuscita me in novissimo die

Haec requies mea in saeculum saeculi hic habitabo quoniam elegi eam

Requiem aeternam dona eis domine et lux perpetua luceat eis

Placebo domino in regione vivorum

Heu me quia incolatus meus prolongatus est

Dominus custodit te ab omni malo custodiat animam tuam dominus

Si iniquitates observaberis domine domine quis sustinebit

Opera manuum tuarum domine ne despicias

Absolve domine animas eorum ab omni vinculo delictorum ut in resurrectionis gloria inter sanctos tuos resuscitati respirent

Audivi vocem de caelo dicentem beati mortui qui in domino moriuntur

Circumdederunt me gemitus mortis dolores inferni circumdederunt me praeoccupaverunt me nimis laquei mortis domine miserere

Deus omnium exauditor est ipse misit angelum suum et tulit me de ovibus patris mei et unxit me unctione misericordiae suae

Dominus qui eripuit me de ore leonis et de manu bestiae liberabit me

Dominus qui eripuit me de ore leonis et de manu bestiae liberavit me ipse me eripiet de manibus inimicorum meorum

Misit deus misericordiam suam et veritatem suam animam meam eripuit de medio catulorum leonum

Ego te tuli de domo patris tui dicit dominus et posui te pascere gregem populi mei et fui tecum in omnibus ubicumque ambulasti firmans regnum tuum in aeternum

Usque in aeternum praeparabo semen tuum et aedificabo in generationem et generationem sedem tuam

Montes Gelboe nec ros nec pluvia veniant super vos ubi ceciderunt fortes Israel

Omnes montes in circuitu ejus visitet dominus a Gelboe transeat

Exaudisti domine orationem servi tui ut aedificarem templum nomini tuo benedic et sanctifica domum istam in sempiternum deus Israel

Qui regis Israel intende qui deducis velut ovem Joseph

Domine si conversus fuerit populus tuus oraverit ad sanctuarium tuum tu exaudies in caelo domine et libera eos de manibus inimicorum eorum

Qui regis Israel intende qui deducis velut ovem Joseph

Audi domine hymnum et orationem quam servus tuus orat coram te hodie ut sint oculi tui aperti et aures tuae intentae super domum istam die ac nocte

Respice domine de sanctuario tuo et de excelso caelorum habitaculo

Peccavi super numerum harenae maris et multiplicata sunt peccata mea et non sum dignus videre altitudinem caeli prae multitudine iniquitatis meae quoniam irritavi iram tuam et malum coram te feci

Quoniam iniquitatem meam ego agnosco et delictum meum coram me est semper tibi soli peccavi

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat domine ira tua a populo tuo et a civitate sancta tua

Praeparate corda vestra domino et servite illi soli et liberabit vos de manibus inimicorum vestrorum

Auferte deos alienos de medio vestri

Factum est dum tolleret dominus Eliam per turbinem in caelum elisaeus clamabat dicens pater mi pater mi currus Israel et auriga ejus

Oro domine ut fiat spiritus tuus duplex in me at ille si videris quando tollar a te erit quod petisti

Cognoverunt omnes a Dan usque Bersabee quod fidelis Samuel propheta esset domini

Loquere domine quia audit servus tuus

Obsecro domine aufer iniquitatem servi tui quia insipienter egi

Praevaluit David in Philisthaeo in funda et lapide in nomine domini

Nonne iste est David de quo canebant in choro dicentes Saul percussit mille et David decem milia in milibus suis

Iratus rex Saul dixit mihi dederunt mille et filio Isai dederunt decem milia

Quis enim in omnibus sicut David fidelis inventus est in regno tuo egrediens et regrediens et pergens ad imperium regis

Dixitque David ad dominum cum vidisset angelum cedentem populum ego sum qui peccavi ego inique egi isti qui oves sunt quid fecerunt

Clamabat Eliseus ad Eliam pater mi pater mi currus Israel et auriga ejus

Unxerunt Salomonem Sadoc sacerdos et Nathan propheta regem in Gihon et abierunt laeti dicentes vivat rex in aeternum alleluia

In excelsis tuis occisus es doleo super te frater mi Jonatha decore nimis

Rex autem David cooperto capite incedens lugebat filium dicens Absalon fili mi fili mi Absalon quis mihi det ut ego moriar pro te fili mi Absalon

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Ego in altissimis habito et thronus meus in columna nubis

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum astitricem sapientiam

Da mihi domine sedium tuarum astitricem sapientiam et noli me reprobare a pueris tuis quoniam servus tuus sum ego et filius ancillae tuae

Domine pater et deus vitae meae ne derelinquas me in cogitatu maligno

Domine pater et deus vitae meae ne derelinquas me in cogitatu maligno extollentiam oculorum meorum ne dederis mihi et desiderium malignum averte a me domine aufer a me concupiscentiam et animo irreverenti et infrunito ne tradas me domine

Da mihi domine sedium tuarum astitricem sapientiam

Gyrum caeli circuivi sola et in fluctibus maris ambulavi in omni gente et in omni populo primatum tenui superborum et sublimium colla propria virtute calcavi

Ego in altissimis habito et thronus meus in columna nubis

Initium sapientiae timor domini intellectus bonus omnibus facientibus eum laudatio ejus manet in saeculum saeculi

Dispersit dedit pauperibus

Verbum iniquum et dolosum longe fac a me domine divitias et paupertates ne dederis mihi sed tantum victui meo tribue necessaria

Ne forte satiatus evomam illud et perjurem nomen dei mei

Magna enim sunt judicia tua domine et inenarrabilia verba tua magnificasti populum tuum et honorasti

Deduxisti sicut oves populum tuum in manu Moysi et Aaron

Ne derelinquas me domine domine pater et dominator vitae meae ut non corruam in conspectu adversariorum meorum ne gaudeat de me inimicus meus

Apprehende arma et scutum et exsurge in adjutorium mihi

Quae sunt in corde hominis oculi tui vident domine et in libro tuo omnia scribentur homo videt in faciem deus autem in corde

Imperfectum meum viderunt oculi tui et in libro tuo omnia scribentur

Praebe fili cor tuum mihi et oculi tui vias meas custodiant ut addatur gratia capiti tuo

Attende fili mi sapientiam meam et ad eloquium meum inclina aurem tuam

Fili noli deficere a disciplina domini et ne fatigeris dum ab eo argueris quem enim diligit dominus corripit et quasi pater in filio complacet sibi

Audi fili mi disciplinam patris tui et ne dimittas legem matris tuae

Audi fili mi disciplinam patris tui et ne dimittas legem matris tuae ut multiplicentur tibi anni vitae tuae

Honora dominum de tua substantia et de primitiis frugum tuarum da pauperibus

Aversio parvulorum interficiet eos et prosperitas stultorum perdet illos qui autem me audierit absque terrore quiescet

O viri ad vos clamito et vox mea ad filios hominum

Super salutem et omnem pulchritudinem dilexi sapientiam et proposui pro luce habere illam venerunt mihi omnia bona pariter cum illa

Dixi sapientiae soror mea es et prudentiam vocavi amicam meam

Sapientia aedificabit sibi domum excidit columnas septem subdidit sibi gentes superborumque et sublimium colla propria virtute calcavit

Ego in altissimis habitabo et thronus meus in columna nubis

Omnis sapientia a domino deo est et cum illo fuit semper et est ante aevum alleluia

Sapientia clamitat in plateis si quis diligit sapientiam ad me declinet et eam inveniet et eam dum invenerit beatus est si tenuerit eam

Sicut malum inter ligna silvarum sic dilectus meus inter filios alleluia

Praebe fili cor tuum mihi oculi tui videant aequitatem ut addatur gratia capiti tuo

Magna enim sunt judicia tua domine et inenarrabilia verba tua magnificasti populum tuum et honorasti

Dominus possedit me initio viarum suarum antequam quam quicquam faceret a principio necdum erant abyssi et ego parturiebar quando praeparabat caelos aderam cum eo componens omnia

Si bona suscepimus de manu domini mala autem quare non sustineamus dominus dedit dominus abstulit sicut domino placuit ita factum est sit nomen domini benedictum

In omnibus his non peccavit Job labiis suis neque stultum quid contra deum locutus est

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me indignatio tua domine

Nolo multa fortitudine contendat mecum nec magnitudinis suae mole me premat aequitatem proponat contra me

Utinam appenderentur peccata mea quibus iram merui et calamitas quam patior in statera

Quasi harena maris haec gravior apparet unde et verba mea dolore sunt plena

Quare detraxistis sermonibus veritatis ad increpandum verba componitis et subvertere nitimini amicum vestrum verumtamen quae cogitastis explete

Militia est vita hominis super terram et sicut dies mercennarii dies ejus

Induta est caro mea putredine et sordibus pulveris cutis mea aruit et contracta est memento mei domine quia ventus est vita mea

Dies mei sicut umbra declinaverunt et ego sicut fenum arui

Memento mei deus quia ventus est vita mea nec aspiciat me visus hominis

De profundis clamavi ad te domine domine exaudi vocem meam

Numquid dominus supplantat judicium aut omnipotens subvertit quod justum est libera me domine et pone me juxta te et cujusvis manus pugnet contra me

Apprehende arma et scutum et exsurge in adjutorium mihi

Paucitas dierum meorum finitur brevi dimitte me domine sine plangam paululum dolorem meum antequam vadam ad terram tenebrosam et opertam mortis caligine

Ecce in pulvere sedeo et in pulvere dormio et si mane me quaesieris non subsistam

Ne abscondas me domine a facie tua manum tuam longe fac a me et formido tua non me terreat