Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia

Pastores dicite quidnam vidistis et annuntiate Christi nativitatem infantem vidimus pannis involutum et choros angelorum laudantes salvatorem

Gloria in excelsis deo et in terra pax hominibus bonae voluntatis alleluia alleluia

Ecce completa sunt omnia quae dicta sunt per angelum de virgine Maria

Natus est nobis hodie salvator qui est Christus dominus in civitate David

Hodie Christus natus est hodie salvator apparuit hodie in terra canunt angeli laetantur archangeli hodie exsultent justi dicentes gloria in excelsis deo alleluia

Hodie natus est nobis rex regum dominus hodie venit nobis salus mundi redemptio nostra alleluia

Hodie intacta virgo deum nobis genuit teneris indutum membris quem lactare meruit omnes ipsum adoremus qui venit salvare nos

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem meam

Lux orta est super nos quia hodie natus est salvator alleluia

Glorificamus te dei genetrix quia ex te natus est Christus salva omnes qui te glorificant

Ecce nomen domini Emmanuel quod annuntiatum est per Gabrielem hodie apparuit in Israel per Mariam virginem magnus rex

Pastores loquebantur ad invicem transeamus Bethleem et videamus hoc verbum quod dominus ostendit nobis alleluia

Verbum caro factum est et habitavit in nobis et vidimus gloriam ejus gloriam quasi unigeniti a patre plenum gratiae et veritatis alleluia alleluia alleluia

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Continet in gremio caelum terramque regentem virgo dei genetrix proceres comitantur heriles per quos orbis ovans Christo sub principe pollet

Beatus venter qui te portavit Christe et beata ubera quae te lactaverunt dominum et salvatorem mundi alleluia

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Virgo dei genetrix quem totus non capit orbis in tua se clausit viscera factus homo vera fides geniti purgavit crimina mundi et tibi virginitas inviolata manet

Ecce advenit dominator deus et regnum in manu ejus et potestas et imperium in aeternum alleluia

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Virgo hodie fidelis etsi verbum genuit incarnatum virgo mansit et post partum quem laudantes omnes dicemus benedicta tu in mulieribus

Gaudeamus omnes fideles salvator noster natus est in mundo hodie processit proles magnifici germinis et perseverat pudor virginitatis

Virgo verbo concepit virgo permansit virgo peperit regem omnium regum

Nato domino angelorum chorus canebat dicens salus deo nostro sedenti super thronum et agno

Verbum caro factum est alleluia et habitavit in nobis alleluia

Natus est nobis deus de deo lumen de lumine quod erat in principio

In principio et ante saecula deus erat verbum ipse natus est nobis salvator mundi

Ecce de quo Joannes dixit Christus natus est in Israel et regni ejus non erit finis

Ecce de quo Joannes dixit Christus natus est in Israel et regni ejus non erit finis

Ecce agnus dei ecce qui tollit peccata mundi alleluia

Sancte Stephane protomartir electe dei supernis dignissime et terrigenis inefabiliter gloriose precipue nobis servulis tuis cuius nos patrocinio ubique tueri credimus et prostrato corde suppliciter petimus ut impetrata divina clementia per tua sanctissima merita valeamus in tuo servicio persistere semper devoti et a cunctis ostibus tua protectione mereamur permanere inlesi alleluia

Qui enim corpori suo virginis praeparavit uterum ipse martyri suo aperire dignatus est caelum

Patefactae sunt januae caeli Christi martyri Stephano qui in numero sanctorum inventus est primus et ideo triumphat in caelis coronatus alleluia

Praesepis angustia Christum portavit infantem immensitas caeli Stephanum triumphantem suscepit

Stephanus autem plenus gratia et fortitudine faciebat prodigia et signa magna in populo

Omnes intendentes in eum aspiciebant vultum ejus tamquam vultum angeli stantis inter illos

Ejicientes eum extra civitatem lapidabant et testes deposuerunt vestimenta sua secus pedes adolescentis qui vocabatur Saulus

Lapidaverunt Stephanum et ipse invocabat dominum dicens ne statuas illis hoc peccatum