Christi virgo nec terrore concutitur nec blandimento seducitur

Discede a me pabulum mortis quia jam ab alio amatore praeventa sum

Dextram meam et collum meum cinxit lapidibus pretiosis tradidit auribus meis inaestimabiles margaritas

Posuit signum in faciem meam ut nullum praeter eum amatorem admittam

Isti sunt sancti*

Induit me dominus cyclade auro texta et immensis monilibus ornavit me

Mel et lac ex ejus ore suscepi et sanguis ejus ornavit genas meas

Ipsi soli servo fidem ipsi me tota devotione committo

Cujus pulchritudinem sol et luna mirantur ipsi soli servo fidem

Christus circumdedit me vernantibus atque coruscantibus gemmis pretiosis

S-*

Ipsi sum desponsata cui angeli serviunt cujus pulchritudinem sol et luna mirantur

Ingressa Agnes turpitudinis locum angelum domini praeparatum invenit

Mecum enim habeo custodem corporis mei angelum domini

Annulo suo subarrhavit me dominus meus Jesus Christus et tamquam sponsam decoravit me corona

Benedico te pater domini mei Jesu Christi quia per filium tuum ignis extinctus est a latere meo

Congaudete mecum et congratulamini quia cum his omnibus lucidas sedes accepi

Ecce quod cupivi jam video quod speravi jam teneo illi sum juncta in caelis quem in terris posita tota devotione dilexi

Stans beata Agnes in medio flammae expansis manibus orabat ad dominum omnipotens adorande colende tremende benedico te et glorifico nomen tuum in aeternum

Beata Agnes in medio flammarum expansis manibus orabat te deprecor venerande colende pater metuende quia per sanctum filium tuum minas evasi sacrilegi tyranni et carnis spurcitias immaculato calle transivi et ecce venio ad te quem amavi quem quaesivi quem semper optavi

Stat a dextris ejus agnus nive candidior Christus sibi sponsam et martyrem consecravit

Cum autem complacuit ei qui me segregavit ex utero matris meae et vocavit per gratiam suam ut revelaret in me filium suum in gentibus continuo non acquievi carni et sanguini nec alibi ad antecessores meos apostolos

Saule Saule quid me persequeris quis es domine ego sum Jesus quem tu persequeris durum est tibi contra stimulum calcitrare

Saulus autem tremens ac stupens dixit ad Jesum domine quid me bis facere ait autem dominus ad eum surge et ingredere civitatem et dicetur tibi quid te oporteat facere

Cumque vidisset ventum validum venientem timuit et cum coepisset mergi clamavit dicens domine salvum me fac

Domine si tu es jube me venire ad te super aquas et extendens Jesus manum apprehendit eum et dixit Jesus modicae fidei quare dubitasti

Ego vos elegi*

Doctor egregie*

Beati*

Beati*

Senex puerum portabat puer autem senem regebat quem virgo peperit et post partum virgo permansit ipsum quem genuit adoravit

Benedicta tu in mulieribus et benedictus fructus ventris tui

Speciosa facta es et suavis in deliciis tuis sancta dei genetrix

Sicut myrrha electa odorem dedisti suavitatis sancta dei genetrix

Ante torum hujus virginis frequentate nobis dulcia cantica dramatis

Super salutem et omnem pulchritudinem dilecta es a domino sancta dei genetrix

Optimam partem elegit sibi Maria quae non auferetur ab ea in aeternum

Haec est quae nescivit torum in delicto habebit fructum in respectione animarum sanctarum

Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos