Illo quoque negante jussit afferri sibi infantem cumque oblatus fuisset triginta ab ortu habens dies ait ad eum Briccius adjuro te per deum ut si ego te generavi coram cunctis edicas

Respondens autem infans coram omni populo beato viro dixit non es tu inquit pater meus

Sanctus Briccius satisfaciens populo prunas ardentes ab urbe in birro suo deferens et ante sepulcrum beati Martini coram populo proiciens vestimentum ejus inustum apparuit

Populis autem non credentibus et ab episcopatu eum proicientibus Romam petiit flens et ejulans atque dicens merito haec patior quia peccavi in sanctum dei

O beata Caecilia quae duos fratres convertisti et Almachium judicem superasti Urbanum episcopum in vultu angelico demonstrasti

Virgo gloriosa semper evangelium Christi gerebat in pectore suo non diebus neque noctibus a colloquiis divinis et oratione cessabat

Caecilia virgo Almachium exsuperabat Tiburtium et Valerianum ad coronas vocabat

Expansis manibus orabat ad dominum ut eam eriperet de inimicis

Cilicio Caecilia membra domabat deum gemitibus exorabat

Domine Jesu Christe seminator casti consilii suscipe seminum fructus quos in Caecilia seminasti

Beata Caecilia dixit ad Tiburtium hodie te fateor esse meum cognatum quia amor dei te fecit esse contemptorem idolorum

Fiat domine cor meum et corpus meum immaculatum ut non confundar

Credimus Christum filium dei verum deum esse qui sibi talem elegit famulam

Nos scientes sanctum nomen omnino negare non possumus

Tunc Valerianus perrexit ad antistitem et signo quod acceperat invenit sanctum Urbanum

Cantantibus organis Caecilia domino decantabat dicens fiat cor meum immaculatum ut non confundar

Est secretum Valeriane quod tibi volo dicere angelum dei habeo amatorem qui nimio zelo custodit corpus meum

Valerianus in cubiculo Caeciliam cum angelo orantem invenit

Triduanas a domino poposci inducias ut domum meam ecclesiam consecrarem

Caecilia famula tua domine quasi ovis tibi argumentosa deservit

Dum aurora finem daret beata Caecilia dixit eia milites Christi abicite opera tenebrarum et induimini arma lucis

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam

Dum iter mare coepisset populus voce magna clamabat domine Jesu Christe salva illum et Clemens cum lacrimis dicebat accipe pater spiritum meum

Orante sancto Clemente apparuit ei agnus dei

Vidi supra montem agnum stantem de sub cujus pede fons vivus emanat

De sub cujus pede fons vivus emanat fluminis impetus laetificat civitatem dei

Invenerunt in modum templi marmorei habitaculum a deo paratum

Omnes gentes per gyrum crediderunt Christo domino

Oremus omnes ut*

Dum esset summus pontifex terrena non metuit sed ad caelestia regna gloriosus migravit

Oremus omnes ad dominum Jesum Christum ut confessoribus suis fontis venas aperiat

Oremus omnes ad dominum Jesum Christum ut ostendat nobis martyris sui corpus

Non meis meritis ad vos me misit dominus ad vestras coronas participem me fieri

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem

Ambulans Jesus juxta mare Galilaeae vidit Petrum et Andream fratrem ejus et ait illis venite post me faciam vos fieri piscatores hominum at illi relictis retibus et navi secuti sunt eum

Vidit dominus Petrum et Andream et vocavit eos

Venite post me dicit dominus faciam vos fieri piscatores hominum

-- --

Relictis retibus suis secuti sunt dominum redemptorem

Ego si patibulum crucis expavescerem crucis gloriam non praedicarem

Christus me misit ad istam provinciam ubi non parvum populum acquisivi

Dignum sibi dominus computavit martyrem quem vocavit apostolum dum esset in mari alleluia

Salve crux quae in corpore Christi dedicata es et ex membris ejus tamquam margaritis ornata

Recipe me ab hominibus et redde me magistro meo ut per te me recipiat qui per te redemit me alleluia

Dilexit Andream dominus in odorem suavitatis alleluia