Venite ad me omnes qui (...)

Ecce ego*

Tollite jugum meum super vos quia mitis sum et humilis corde

Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sol et luna alleluia

Dic nobis quando haec erunt domine et quod signum adventus tui videte nequis vos seducat ullomodo audituri enim estis proelia videte ne turbemini in patientia enim vestra possidebitis animas vestras alleluia

Vidit Jesus levi Matthaeum (...)

Potens in terra erit semen ejus generatio rectorum benedicetur

Dicit Jesu Judas non ille (...)

Isti sunt sancti qui pro testamento dei sua corpora tradiderunt et in sanguine agni laverunt stolas suas

Omnes sancti quanta passi sunt tormenta ut securi pervenirent ad palmam martyrii

Cum palma ad regna pervenerunt sancti coronas decoris meruerunt de manu dei

Corpora sanctorum in pace sepulta sunt et vivent nomina eorum in aeternum

Martyres domini dominum benedicite in aeternum

Martyrum chorus laudate dominum in excelsis

Absterget deus omnem lacrimam ab oculis eorum et jam non erit amplius neque luctus neque clamor sed nec ullus dolor quoniam priora transierunt

Justorum autem animae in manu dei sunt et non tanget illos tormentum malitiae

Si coram hominibus tormenta passi sunt spes electorum est immortalis in aeternum

Sanctorum sicut aquilae juventus renovabitur florebunt sicut lilium in civitate domini

Tamquam aurum in fornace probavit electos dominus et quasi holocausta accepit eos in aeternum

Exsultabunt sancti in gloria laetabuntur in cubilibus suis

Ecce merces sanctorum copiosa est apud deum ipsi vero mortui sunt pro Christo et vivent in aeternum

Tradiderunt corpora sua propter deum ad supplicia et meruerunt habere coronas perpetuas

Sanguis sanctorum martyrum pro Christo effusus est in terris ideo adepti sunt praemia sempiterna

Dabo sanctis meis locum nominatum in regno patris mei dicit dominus

Sancti estis dicit dominus multiplicabo numerum vestrum ut oretis pro populo meo in loco isto

Justi autem in perpetuum vivent et apud dominum est merces eorum

Cum vidisset Jesus turbas ascendit in montem et cum sedisset aperiens os suum docebat eos dicens beati pauperes spiritu quoniam ipsorum est regnum caelorum

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo regnabunt in aeternum

Beati eritis cum vos oderint homines et cum separaverint vos et exprobraverint et ejecerint nomen vestrum tamquam malum propter filium hominis gaudete et exsultate ecce enim merces vestra multa est in caelis

Cum audieritis proelia et seditiones nolite terreri oportet primum haec fieri sed non dum statim finis qui autem perseveraverit usque in finem hic salvus erit

Sancti per fidem vicerunt regna operati sunt justitiam adepti sunt promissiones

Steterunt justi ante dominum (...)

Astiterunt justi ante dominum et ab invicem non separati sunt calicem domini biberunt et amici dei appellati sunt

In circuitu tuo domine lumen est quod numquam deficiet ibi constituisti lucidissimas mansiones ubi requiescunt animae sanctorum

Haec est vera fraternitas quae numquam potuit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

Verbera carnificum non timuerunt sancti dei morientes pro Christi nomine ut heredes fierent in domo domini

Sancti mei qui in isto saeculo certamen habuistis mercedem laborum ego reddam vobis

Sancti qui sperant in domino habebunt fortitudinem assument pennas ut aquilae volabunt et non deficient

Omnipotens deus qui gloriosa bella certaminis ad immortalitatis triumphum martyribus contulisti da cordibus nostris illam pro eorum commemoratione laetitiam ut quorum hic corpora pro amore amplectimur eorum precibus adjuvemur

In caelestibus regnis sanctorum habitatio est et in aeternum requies eorum alleluia

Vindica domine sanguinem sanctorum tuorum qui effusus est

Stabunt justi in magna constantia adversus eos qui se angustiaverunt et qui abstulerunt labores eorum alleluia

Isti sunt sancti qui pro lege dei sui morti se tradere non dubitaverunt ab iniquis interfecti sunt et in aeternum vivunt cum Christo agnum secuti sunt et acceperunt palmam

In tabernaculis justorum lux erit et laetitia alleluia alleluia alleluia alleluia

Sanctum est verum lumen et admirabile ministrans lucem his qui permanserunt in agone certaminis recipiunt a Christo splendorem sempiternum in quo assidue felices laetantur

Beati estis sancti dei omnes qui meruistis consortes fieri caelestium virtutum et perfrui claritatis gloria ideoque precamur ut memores nostri intercedere dignemini pro nobis ad dominum deum nostrum

Cum essent in tormentis martyres Christi caelestia contemplantes dicebant adjuva nos domine ut perficiamus opus tuum sine macula

Martyres sancti inter acerrimos dolores spe gaudentes in tribulatione orabant dominum et dicebant judica domine judicium nostrum et libera nos ab homine iniquo et doloso