Justi autem*

Christo cottidie sedulum exhibebat officium et christianorum animas quas in tormentis videbat deficere confortaret

Ad hoc tantum sub chlamyde terreni imperii Christi militem agebat absconditum

Zoe uxor Nicostrati dixit beato Sebastiano beatus es tu et benedictus sermo oris tui per Jesum Christum dominum nostrum

Benedicti qui in omnibus quae locutus es credunt

Egregie dei martyr Sebastiane princeps ac propagator sanctissimorum praeceptorum ecce nomen tuum in libro vitae caelestis adscriptum est et memoriale tuum non derelinquetur in saecula

Socius enim factus es supernarum virtutum quae et in caelis spiritum tuum susceperunt

Ad hoc tantum sub chlamyde Christi militem agebat absconditum ut deo redderet animas quas diabolus conabatur auferre

Sebastianus vir christianissimus quem occultabat militaris habitus

Multitudo languentium veniebant ad eum et sanabantur omnes alleluia

Clarissimis cottidie viris Marcelliano et Marco suadebat saeculi blandimenta respuere et momentanea tormentorum genera non timere

Beatus Sebastianus suadebat Marcelliano et Marco respuere blandimenta mulierum

Elegit dominus virum de plebe et claritatem visionis aeternae dedit illi celebremus sollemnitatem Sebastiani martyris gaudium sit in caelo et in terra pax in hominibus bonae voluntatis

Beatus es et bene tibi erit egregie dei martyr Sebastiane

In isto loco promissio vera est et peccatorum remissio splendor et lux perpetua et sine fine laetitia quam meruit Christi martyr Sebastianus

Nolite timere non separabuntur a vobis sed vadunt in caelum parare vobis sidereas mansiones

Beatus es tu et bene tibi erit egregie martyr Sebastiane quia cum sanctis gaudebis et cum angelis exsultabis in aeternum

Beatus es Christi martyr Sebastiane et benedictus sermo oris tui

Sebastianus dei cultor studiose curabat sub absconso chlamydis sanctorum animas confortare spem promittens et gloriam consequi sempiternam

Si ego verus Christi servus sum et si vera sunt omnia quae ex ore meo haec mulier audivit et credidit aperiat os ejus qui aperuit os Zachariae prophetae sui

Ad hanc vocem Christi martyris Sebastiani illico apertum est os uxoris Nicostrati

Zoe uxor Nicostrati dixit beato Sebastiano beatus es tu et benedictus sermo oris tui

Sanctus Sebastianus dixit Nicostrato salvator noster pro peccatoribus exhibere dignatus est suam praesentiam

Beatus es et bene tibi erit egregie martyr Sebastiane quia cum sanctis gaudebis et cum angelis exsultabis in aeternum

In isto loco promissio vera est et peccatorum remissio splendor et lux perpetua et sine fine laetitia quam meruit Christi martyr Sebastianus

Egregie dei martyr Sebastiane princeps ac propagator sanctissimorum praeceptorum ecce nomen tuum in libro vitae caelestis adscriptum est et memoriale tuum non derelinquetur in saecula

Beatus Callistus dedit orationem dicens deus qui dispersa congregas et congregata conservas auge fidem et fiduciam servis tuis per Christum dominum nostrum

Marius Martha Audifax et Abacuc sanguinem suum fuderunt propter filium dei

Beatissima Martha collegit sanguinem mariti et filiorum caput suum et faciem liniebat cum gaudio

Diem festum*

Christi virgo nec terrore concutitur nec blandimento seducitur

Regem virginum*

Discede a me pabulum mortis quia jam ab alio amatore praeventa sum

Dextram meam et collum meum cinxit lapidibus pretiosis tradidit auribus meis inaestimabiles margaritas

Posuit signum in faciem meam ut nullum praeter eum amatorem admittam

Specie tua*

Adjuvabit*

O quam pulchra*

Diem festum sacratissimae virginis celebremus qualiter passa sit beata Agnes ad memoriam revocemus tertiodecimo aetatis suae anno mortem perdidit et vitam invenit quia solum vitae dilexit auctorem

Ingressa Agnes turpitudinis locum angelum domini praeparatum invenit

Dextram meam et collum meum cinxit lapidibus pretiosis tradidit auribus meis inaestimabiles margaritas et circumdedit me vernantibus atque coruscantibus gemmis

Induit me dominus cyclade auro texta et immensis monilibus ornavit me

Amo Christum in cujus thalamum introivi cujus mater virgo est cujus pater feminam nescit cujus mihi organa modulatis vocibus cantant quem cum amavero casta sum cum tetigero munda sum cum accepero virgo sum

Mel et lac ex ejus ore suscepi et sanguis ejus ornavit genas meas

Diffusa est*

Induit me dominus cyclade auro texta et immensis monilibus ornavit me

Mel et lac ex ejus ore suscepi et sanguis ejus ornavit genas meas

Ipsi soli servo fidem ipsi me tota devotione committo

Cujus pulchritudinem sol et luna mirantur ipsi soli servo fidem

Christus circumdedit me vernantibus atque coruscantibus gemmis pretiosis

Ipsi sum desponsata cui angeli serviunt cujus pulchritudinem sol et luna mirantur

Omnipotens adorande colende tremende benedico te quia per filium tuum unigenitum evasi minas hominum impiorum et spurcitias diaboli impolluto calle transivi

Benedico te pater domini mei Jesu Christi quia per filium tuum

Ipsi sum desponsata cui angeli serviunt cujus pulchritudinem sol et luna mirantur ipsi soli servo fidem ipsi me tota devotione committo

Propter veritatem et mansuetudinem et justitiam

Induit me dominus vestimento salutis et indumento laetitiae circumdedit me et tamquam sponsam decoravit me corona

Induit me dominus cyclade auro texta et immensis monilibus ornavit me

Specie tua*

Stat a dextris ejus agnus nive candidior Christus sibi sponsam et martyrem consecravit

Veni electa mea*

Jam corpus ejus corpori meo sociatum est et sanguis ejus ornavit genas meas cujus mater virgo est cujus pater feminam nescit

Ipsi sum desponsata cui angeli serviunt cujus pulchritudinem sol et luna mirantur

Pulchra facie sed pulchrior fide beata es Agnes respuens mundum laetaberis cum angelis intercede pro omnibus nobis

Specie tua et pulchritudine tua intende prospere procede et regna

Mel et lac ex ejus ore suscepi et sanguis ejus ornavit genas meas

Cujus pulchritudinem sol et luna mirantur ipsi soli servo fidem

Ingressa Agnes turpitudinis locum angelum domini praeparatum invenit

Mecum enim habeo custodem corporis mei angelum domini

Annulo suo subarrhavit me dominus meus Jesus Christus et tamquam sponsam decoravit me corona

Benedico te pater domini mei Jesu Christi quia per filium tuum ignis extinctus est a latere meo

Congaudete mecum et congratulamini quia cum his omnibus lucidas sedes accepi

Ecce quod cupivi jam video quod speravi jam teneo illi sum juncta in caelis quem in terris posita tota devotione dilexi

Jam corpus ejus corpori meo sociatum est et sanguis ejus ornavit genas meas

Beata Agnes in medio flammarum expansis manibus orabat te deprecor venerande colende pater metuende quia per sanctum filium tuum minas evasi sacrilegi tyranni et carnis spurcitias immaculato calle transivit et ecce venio ad te quem amavi quem quaesivi quem semper optavi

Stans beata Agnes in medio flammae expansis manibus orabat ad dominum omnipotens adorande colende tremende benedico te et glorifico nomen tuum in aeternum

Sancte Paule apostole*

O gloriosum lumen omnium ecclesiarum sole splendidius o vere apostolicum sidus altissimum sancte Paule qui aeterni regis splendorem tenebris gentium infudisti qui in terra positus caelorum secreta petisti et quae non licet homini loqui pervidisti illuc supplices tuos post hujus carnis terminum perducere dignare quos fecisti veritatis lumen agnoscere

Audi virgo glorifica*

Candida virginitas paradisi grata colonis hortus conclusus florenti cespite vernans cui merito mundus celebrat praeconia totus

Quae meruit dominum progenerare suum ipsa suo nato nos reddat florida virgo

Ave decus virginum ave jubar aethereum nobis praesens sollemnitas adsit perpes jucunditas tua namque conceptio summis est gratulatio alleluia

Eia pervigiles domino jubilate fideles conceptumque piae sollemnizate Mariae

Gaude fidelis contio adest ejus conceptio quae delet Evae maculam vitae redonat infulam

Cui Eva oboedivit haec serpentis caput trivit jugum spernens nuptiarum deo vovit caelibatum

A prophetis praecinitur et figuris ostenditur quod mulier procederet quae deum virgo pareret

Namque rubus incombustus Moyses qui terruit haec est virgo quae pudore salvo deum genuit

Virga Aaron fructifera Mariae typum gesserat quae nobis fructum attulit famem qui nostram depulit

Isaias ille divus secretorum dei rivus virgae movens mentionem pandit hanc conceptionem

Fulget dies hodierna digna laude sempiterna qua concepta est Maria per quam patet vitae via

Germine regali nec non et pontificali

Abrahae stirpe generosa virgo prodiit gloriosa quae nullius per exemplum se sacravit deo templum

Haec admiranda cunctis haec est imitanda

Sicut rosa inter spinas illis addit speciem sic venustat sua virgo Maria progenie germinavit enim florem qui vitalem dat odorem

Cujus cunctorum laus promitur ore piorum

Virga Jesse de radice genus duxit inclytum oraculis prophetarum quod fuerat proditum inde virgam egressuram prolem Christum parituram

Voce prophetiae signatur origo Mariae

Gloria patri et filio et spiritui sancto

Abrahae fit promissio quod illius successio velut harena cresceret stellisque aequalis fieret

Hoc promissum est impletum castae per Mariae fetum quae gignendo granum sevit de quo seges tanta crevit

Vinea quondam sterilis deo cultore fertilis vitem fecundam pullulat fundentem cunctis pocula