Ingenua sum et exspectabilis genere ut omnis parentela mea testatur

Summa ingenuitas ista est in qua servitus Christi comprobatur

Ancilla Christi sum ideo me ostendo servilem personam

Specie tua*

Adjuvabit*

O quam pulchra*

Dum ingrederetur beata Agatha in carcerem dixit ad judicem impie crudelis et dei tyranne non es confusus amputare in femina quod ipse in matre suxisti

Ego autem habeo mamillas integras intus in anima mea quas ab infantia domino consecravi

Vidisti domine et exspectasti agonem meum quomodo pugnavi in stadio sed quia nolui oboedire mandatis principum jussa sum in mamillas torqueri

Propter veritatem et mansuetudinem et justitiam

Quis es tu qui venisti ad me curare vulnera mea ego sum apostolus Christi nihil in me dubites filia ipse me misit ad te quem dilexisti mente et puro corde

Nam et ego apostolus ejus sum et novi medicinam

Dilexisti*

Agatha sancta dixit si feras mihi promittis audito Christi nomine mansuescunt

Si ignem adhibeas rorem mihi salvificum de caelo angeli ministrabant

Agatha laetissima et glorianter ibat ad carcerem et quasi ad epulas invitata agonem suum domino precibus commendabat

Nisi diligenter perfeceris corpus meum a carnificibus attrectari non potest anima mea in paradisum domini cum palma intrare martyrii

Vidisti domine agonem meum quomodo pugnavi in stadio sed quia nolui oboedire mandatis principum jussa sum in mamillas torqueri

Propter fidem castitatis jussa sum suspendi in equuleo adjuva me domine deus meus in tortura mamillarum mearum

Ipse me coronavit qui per apostolum Petrum in custodia me confortavit pro eo quod jussa sum suspendi in equuleo propter fidem castitatis adjuva me domine deus meus in tortura mamillarum mearum

Vidisti domine agonem meum quomodo pugnavi in stadio sed quia nolui oboedire mandatis principum

Agatha laetissima et glorianter ibat ad carcerem et quasi ad epulas invitata agonem suum domino precibus commendabat

Mens mea solidata est et a Christo fundata

Ego autem adjuta a domino perseverabo in confessione ejus qui me salvam fecit et consolatus est me

Medicinam carnalem corpori meo numquam exhibui sed habeo dominum Jesum Christum

Specie tua*

Mens mea solidata est et a Christo fundata

Ista est speciosa*

Medicinam carnalem corpori meo numquam exhibui sed habeo dominum Jesum Christum qui solo sermone restaurat universa

Ego autem adjuta a domino perseverabo in confessione ejus

Beata Agatha ingressa carcerem expandit manus suas ad deum et dixit domine qui me fecisti vincere tormenta carnificum jube me domine ad tuam misericordiam pervenire

Agatha ingressa carcerem benedicebat dominum Jesum Christum

Gaudeamus omnes in domino diem festum celebrantes in honore Agathae martyris de cujus passione gaudent angeli et collaudant filium dei

Immaculatus dominus immaculatam sibi famulam in hoc fragilitatis corpore positam misericorditer consecravit

Quis es tu qui venisti ad me curare vulnera mea ego sum apostolus Christi nihil in me dubites filia

Medicinam carnalem corpori meo numquam exhibui sed habeo dominum Jesum Christum qui solo sermone restaurat universa

Gratias tibi ago domine quia memor es mei et misisti ad me apostolum tuum curare vulnera mea

Benedico te pater domini mei Jesu Christi quia per apostolum tuum mamillas meas meo pectori restituisti

Qui me dignatus est ab omni plaga curare et mamillas meas meo pectori restituere ipsum invoco deum vivum

Paganorum multitudo fugiens ad sepulcrum virginis tulerunt velum ejus contra ignem ut comprobaret dominus quod a periculis incendii meritis Agathae martyris suae eos liberaret

Mentem sanctam spontaneam honorem deo et patriae liberationem

Beata Agatha ingressa carcerem expandit manus suas ad deum et dixit domine qui me fecisti vincere tormenta carnificum jube me domine ad tuam misericordiam pervenire

Simon Bar Jona tu vocaberis Cephas quod interpretatur Petrus janitor caeli pulsantibus aperi supra modum peccavimus omnes dimitte septuagies septies

Fulgebat*

Gloriosa sanctissimi sollemnia Gregorii toto corde catholica suscipiat ecclesia cujus doctrina aurea per mundi splendet climata quam meritis et precibus Christo commendet quaesumus

Ad dominum vigiles cuncti convertite mentes Gregorium vigilem caeli qui vexit ad arcem

Gregorius ortus Romae ex senatorum sanguine fulsit mundo velut gemma auro superaddita dum praeclarior praeclaris hic accessit atavis

Lineam sui generis factis et dictis extulit bibens in pueritia quod ructuavit postea

Adhaerebat moralibus seniorum relatibus quos tenaci memoriae non cessabat committere

Gregorius ut creditur divinitus sic dicitur qui sibi et ecclesiae vigilavit catholicae

Studiis liberalibus nulli secundus habitus praetor urbanus exstitit adolescens spectabilis

Hic ab adolescentia divina fretus gratia anhelare non desiit ad regnum vitae perpetis

Fulgebat in venerando duplex decus Gregorio senatoria dignitas secundum genus saeculi voluntaria paupertas juxta praeceptum domini

Beatus vir qui timet dominum in mandatis ejus cupit nimis

Gloria patri et filio et spiritui sancto*

Mutato et enim saeculari habitu beatus Gregorius monasterium petiit et ex hujus mundi naufragio nudus evasit

Qui ante serico et gemmis micantibus ornatus processit post vili tectus tegmine pauper ipse pauperibus ministravit

Videns Romae vir beatus Anglorum forte pueros bene inquit bene angli vultu nitent ut angeli oportet illis monstrari iter salutis aeternae

Quoniam domini est regnum et ipse dominabitur gentium

Dum oraret in obscuro servus dei latibulo lux immensa super eum resplenduit post triduum hoc signo cunctis proditus papa urbis efficitur

Quia misericordiam et veritatem diligit deus gratiam et gloriam dabit dominus

Gloria patri et filio et spiritui sancto

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Defuncto itaque papa Pelagio beatum Gregorium totis viribus renitentem plebs omnis elegit

Quem apicem attentius fugere tentans fuge latibula praeparat

Tandem electus domini invenitur capitur trahitur consecratur ac papa urbis efficitur

Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini

Nec fecit proximo suo malum et opprobrium non accepit adversus proximos suos

Hoc beato Gregorio gratia divina concessit ut merito ab angelorum populis debeat apostolus appellari quia ipsius gratiae adscribitur quod illorum ecclesia nova semper sobole fecundatur

Quousque enim mundus iste volvitur ejus laudabile meritum semper accipit incrementum

Orante beatissimo ad dominum Gregorio Sanata est plebs romana a peste inguinaria

Multum enim valet deprecatio justi assidua

Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam versus carnem

A domino factum est istud et est mirabile in oculis nostris

Gloria patri et filio et spiritui sancto*

Beatus Gregorius ab Anglorum populis apostolus est appellatus quia ipsius gratiae ascribitur quod illorum ecclesia nova semper sobole fecundatur

Beatissimus pontifex Gregorius postquam sedem romanam et apostolicae sedis ecclesiam gloriosissime rexit ex hac luce subtractus atque ad aeternam est regni sedem translatus

Qui omni fere juventutis suae tempore crebris viscerum doloribus cruciabatur

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gloria patri et filio et spiritui sancto

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae necnon syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago hinc scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Christi fidelis famulus prudens quoque Gregorius postquam suo in tempore vixit ejus familiae caelo reddidit animam terrae carnis materiam

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi quo te gaudemus perfrui

Hic in annis adolescentiae deo coepit devotus existere et ad supernae vitae patriam totis desideriis anhelare

Qui mortem quoque quae pene cunctis poena est quasi ingressum vitae amabat

Sanctissime*

O laudanda sancti Benedicti merita gloriosa qui dum pro Christo patriam mundique sprevit pompam adeptus est omnium contubernium beatorum et particeps factus praemiorum aeternorum

Inter choros confessorum splendidum possidet locum ubi ipsum fontem omnium intuetur bonorum

Gloria patri et filio et spiritui sancto