Gloriosus apparuisti in conspectu domini propterea decorem induit te dominus

Concussum est mare et contremuit terra ubi archangelus Michael descendebat de caelo

Benedicite domino omnes angeli*

In conspectu angelorum psallam tibi et adorabo ad templum sanctum tuum et confitebor nomini tuo domine

Super misericordia tua et veritate tua quoniam magnificasti super omne nomen sanctum tuum

Hic est Michael archangelus princeps militiae angelorum cujus honor praestat beneficia populorum et oratio perducit ad regna caelorum

Angeli archangeli throni et dominationes principatus et potestates virtutes caelorum

Venit Michael archangelus cum multitudine angelorum cui tradidit deus animas sanctorum ut perducat eas in paradisum exsultationis

Emitte domine spiritum tuum de caelo spiritum sapientiae et intellectus

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicens

Laudemus dominum quem laudant angeli quem cherubim et seraphim sanctus sanctus sanctus proclamant

Ascendit fumus aromatum R. In conspectu*

Numquid scis quare venerim ad te et nunc revertar ut proelier adversus principem Persarum contradicentem tuis precibus et meae legationi verumtamen Michael archangelus princeps vester erit adjutor meus

Daniel vir desideriorum intellege verba quae loquor ad te et sta in gradu tuo

Docebo te quae ventura sunt populo tuo in novissimis diebus et annuntiabo tibi quod expressum est in scriptura veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut te affligeres in conspectu domini propterea exaudita sunt verba tua et ego veni propter sermones tuos

In tempore illo consurget Michael qui stat pro filiis vestris et veniet tempus quale non fuit ex eo ex quo gentes esse coeperunt usque ad tempus illud

In tempore illo salvabitur populus tuus omnis qui scriptus fuerit in libro vitae

Fidelis sermo et omni acceptione dignus Michael archangelus qui pugnavit cum diabolo gratia dei ille victor in caelis exstitit et ille hostis antiquus patuit ruinae magnae

Gaudete angeli et exsultate archangeli de Michaele archangelo

Factum est silentium in caelo dum draco committeret bellum et Michael pugnavit cum eo et fecit victoriam alleluia

Dum committeret bellum draco cum Michael archangelo et audita est vox milia milium dicentium salus deo nostro

Dum proeliaretur Michael archangelus cum dracone audita est vox dicentium salus deo nostro alleluia

Angeli domini dominum benedicite in aeternum

Angeli archangeli throni et dominationes principatus et potestates virtutes caelorum laudate dominum de caelis alleluia

Stetit angelus juxta aram templi

Habens thuribulum aureum in manu sua

In conspectu angelorum*

Michael Gabriel cherubim et seraphim qui non cessant clamare cottidie dicentes dignus es domine accipere gloriam alleluia

Omnes fideles*

Data est potestas*

Michael archangelus venit in adjutorium populo dei

Archangeli Michaelis interventione suffulti te domine deprecamur ut quos honore prosequimur contingamus et mente alleluia

Archangele Christi per gratiam quam meruisti deprecamur te per unigenitum dominum nostrum ut eripias nos de laqueo mortis alleluia

Michael Gabriel Raphael summi nuntii et omnes sancti angeli dei intercedite pro nobis in conspectu domini

Viri sancti*

Voce clara chorus resonet caelum terra resultet ordines angelici noveni plaudant omnes cives aetherei laudes concelebrent tanto praesuli quo fulsit lumen tantum ecclesiarum chorus novae Jerusalem splendet adauctus gemma viva tam lucida o pretiosissime martyr et pater Dionysi cum sociis tuis assis precamur votis supplicantis populi

Regem martyrum*

Sanctus Dionysius qui tradente beato Clemente Petri apostoli successore verbi divini semina gentibus parturienda susceperat

Quo amplius gentilitatis fervere cognovit errorem illuc intrepidus et calore fidei flammatus accessit ac Parisius domino ducente pervenit

Non veritus incredulae gentis experiri feritatem quia virtutem suam praeteritarum poenarum recordatio roborabat

Ecclesia illisque necdum in locis erat et populus ille novam construxit ac officia servientium clericorum ex more constituit probatasque personas honoris secundi ordinis ampliavit

Cinctus ergo fide et misericordiam anteponens paulatim sociabat deo quos diabolo subtrahebat

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

Absterget deus*

Tunc memorata civitas et conventu Germanorum et nobilitate pollebat quia esset salubris aere jucunda flumine fecunda terris arboribus nemorosa et vineis uberrima

Hunc ergo locum dei famulus elegit expetendum

Miroque modo inermi viro non valebat plebs armata resistere

Clamaverunt*

Beati quos elegisti*

Vindica*

In hoc ergo loco experiuntur infirmi quantum dei famulus conveniat honorari ubi recipit caecitas visum debilitas gressum et obstrictae aures recipere merentur auditum

Hi sancti viri a beati Dionysii numquam sustinuerunt abesse praesentia quos in unum interrogatio percussoris invenit

Tali namque apud dominum meruerunt professione migrare ut amputatis capitibus adhuc putaretur lingua palpitans dominum confiteri

In hac ergo fidei constantia permanentes reddentes terrae corpora beatas caelo animas intulerunt

Beata nimium et deo nostro grata societas inter quos nec primus alter potuit esse nec tertius sed trinitatem confitentes trino meruerunt decorari martyrio

Eligunt tetris Sequanae profundisque gurgitibus martyrum corpora perdenda committere

Adest namque beati Dionysii sacratissima dies in qua triumphans agonem explevit et coronam martyrii accipere meruit de manu domini

Et facta est comes multitudo caelestis exercitus exanimi corporis beati Dionysii caput proprium deportantis laudans deum ac dicens gloria tibi domine

Beatus Callistus dedit orationem dicens deus qui dispersa congregas et congregata conservas auge fidem et fiduciam servis tuis per Christum dominum nostrum

Beatus Gallus*

Venerabilis Gallus diaconum qui omnes eremi semitas notas habebat aggressus quaesivit ab eo an umquam invenisset in solitudine locum humanis habitationibus opportunum desiderio inquiens animi ferventis exaestuo cupiens in solitudine dies ducere huic vitae concessos

Regem confessorum*

Parentes vero beati Galli filium suum primae aetatis flore nitentem cum oblatione domino offerrentes Columbani magisterio commendaverunt

Cumque bonae indolis vir caro nutriretur affectu magno virtutum crevit augmento et studiose divitias epotavit scripturae

Cum proficiscendi tempus instaret beatum Gallum febris invasit

Pedibus vero sui advolutus abbatis indicavit se infirmitate vehementi laborare et ideo propositum iter non posse perficere

O febrem omni laude colendam o languorem sanitati et gaudiis adscribendum

Pro nobis Gallus doluit ire cum magistro non potuit quia deus illum languores nostros sanare constituit

Parentes vero beati Galli filium suum primae aetatis flore nitentem cum oblatione domino offerrentes Columbani magisterio commendaverunt

Erant enim religiosi atque nobiles unde et filium suum

Beatus Gallus zelo pietatis armatus fana daemoniorum igni succendit et quaeque oblata invenit demersit in lacum

In conspectu omnium arripiens simulacra lapidibus ea in frustra confregit

Columbanus itaque beato Gallo id injunxit officii ut populum ab errore idolatriae revocaret quia ipse hanc a domino gratiam meruit ut latinae atque barbaricae locutionis notitiam non parvam haberet

Cum ad horam orationis veniret Gallus coepit populo viam veritatis ostendere

Athleta dei Gallus triduo jejunavit ut locum quem spiritali militiae providebat parsimoniae initiis consecraret

In oratione quoque pernoctabat ut quod divino inchoabat amore

Inter prandendum diaconus dixit si ursus adesset forsitan Gallus porrexisset illi benedictionem

Videntibus qui aderant viri dei jussione daemon exivit de ore puellae quasi avis nigerrima et horrore terribilis

Coeperunt omnes clerici ad invicem dicere Gallus iste testimonium habet bonum ab omnibus hunc omnium virtutum sectatorem decet esse pastorem populorum

Sanctus pater respondit bene quidem dicunt utinam verum esset quod fatentur

Ecclesiae pastores audientes sancti Galli doctrinam dixerunt vere spiritus sanctus hodie locutus est per os viri istius

Cum artifices de parvitate cujusdam inter se tabulae conquirerent paululum illis a labore cessantibus beati Galli meritis major ceteris apparuit

Beatus Gallus cum orandi gratia inter condensa veprium frutecta ambularet corruens in terram ait haec requies mea in saeculum saeculi

Hoc videns diaconus occurrit ut sublevaret prostratum vir autem dei praescius futurorum sine me ait

Domine Jesu Christe ne despicias desiderium meum sed in honore sanctae genetricis tuae et martyrum confessorumque tuorum praepara in hoc loco habitationem tuis aptam servitiis

Qui de virgine nasci pro salute humani generis et mortem subire dignatus es

Electus dei Gallus pariter cum diacono prostravit se et hujusmodi preces emisit deus omnipotens jube hos daemones istum locum deserere ut sit sanctificatus in honorem nominis tui

Praepara in hoc loco habitationem tuis servitiis aptam

Vir deo plenus quadam die primo diluculo vocans ad se Magnoaldum diaconum dixit post hujus vigilias noctis dominum et patrem meum Columbanum ad caelos migrasse cognovi

Pro ejus ergo requie salutis hostiam debeo immolare quem de hujus vitae angustiis

Gallus dei famulus in senectute bona animam meritis plenam felicibus bonis reddidit inhaesuram perhennibus

Pater sanctus dum infirmitate gravi per dies quattuordecim laborasset in senectute bona hujus vitae liberatus ergastulo animam meritis plenam felicibus bonis reddidit inhaesuram perhennibus

Expletis nonaginta quinque annis sanctissimae suae aetatis

Deus pro cujus amore sanctus iste patriam suam reliquit fac corpus ejus ab his equis indomitis ferri in locum quem tua voluntas meritis ipsius praedit

Qui per tuae majestatis potentiam ubique totus es

Quidam mendicus qui inter ceteras infirmitatis molestias incessu pedum carebat ut viri dei caligas cum calceamentis induit per omnes artuum compages solutus est

Et exsiliens gratias egit deo ac beato Gallo ob cujus merita

Iste sanctus digne in memoriam vertitur hominum qui ad gaudium transiit angelorum quia in hac peregrinatione solo corpore constitutus cogitatione et aviditate in illa aeterna patria conversatus est