Angustiae mihi sunt undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Laudabilis populus quem dominus exercituum benedixit dicens opus manuum mearum tu es hereditas mea Israel

Beata gens cujus est dominus deus ejus populus quem elegit in hereditatem sibi

Genti peccatrici populo pleno peccatis miserere domine deus

Esto placabilis super nequitia populi tui

A facie furoris tui deus conturbata est omnis terra sed tu domine miserere et ne facias consummationem

Converte nos deus salutaris noster et averte iram tuam a nobis

Qui caelorum continues thronos et abyssos intueris domine rex regum montes ponderas terram palmo concludis exaudi nos deus in gemitibus nostris

Non enim in justificationibus nostris prosternimus preces ante faciem tuam sed in miserationibus tuis multis

Redemit dominus populum suum et liberavit eos et venient et exsultabunt in monte Sion et gaudebunt de bonis domini super frumento vino et oleo et ultra non esurient

A fructu frumenti vini et olei sui multiplicati sunt

Fluctus tui super me transierunt et ego dixi expulsus sum ab oculis tuis putas videbo templum sanctum tuum

Abyssus vallavit me et pelagus cooperuit caput meum

Indicabo tibi homo quid sit bonum aut quid dominus requirat a te facere judicium et justitiam et sollicitum ambulare cum deo tuo

Spera in domino et fac bonitatem et inhabita terram et pasceris in divitiis ejus

Civitatem istam tu circumda domine et angeli tui custodiant muros ejus exaudi domine populum tuum cum misericordia

Avertatur furor tuus domine a populo tuo et a civitate sancta tua

Praecipita domine omnes operarios iniquitatis et divide linguas eorum quoniam vidi iniquitatem et contradictionem adversus sanctam civitatem tuam Jerusalem muro tuo inexpugnabili circumcinge nos domine deus noster

Tu autem in nobis es domine et nomen tuum super nos invocatum est

Vidi dominum sedentem super solium excelsum et plena erat omnis terra majestate ejus et ea quae sub ipso erant replebant templum

Super muros tuos Jerusalem constitui custodes tota die et tota nocte non tacebunt laudare nomen domini

Qui caelorum contines thronos et abyssos intueris domine rex regum montes ponderas terram palmo concludis exaudi nos deus in gemitibus nostris alleluia

Sustinuimus pacem et non venit domine quaesivimus bona et ecce turbatio cognovimus domine peccata nostra ne in aeternum irascaris nobis deus Israel

Muro tuo inexpugnabili circumcinge nos domine et armis tuae potentiae protege nos semper alleluia

Tres in fornace ignis deambulabant et collaudabant dominum regem canentes ex uno ore hymnum dicebant benedictus es deus alleluia

Video virum similem filio dei confortantem pueros in camino ignis alleluia

Tres ex uno ore clamabant in camino ignis et psallebant benedictus deus

Laudemus viros gloriosos qui vicerunt regna mundi alleluia

Tres video viros ambulantes per medium ignis et aspectus quarti similitudo est filio dei alleluia

Hymnum dicamus alleluia domino deo nostro alleluia

Benedictus dominus Sidrac Misac Abdenago qui eruit servos suos de camino ignis ardentis alleluia

Ambulabant in camino ignis pueri tres et in medio eorum filius dei et hymnum dicebant deo alleluia

Ambulabant in camino ignis pueri tres et inter illos deus erat rex et dicebant deum regem habemus alleluia

In camino ignis pueri tres uno ore collaudabant deum alleluia

Non cessabant ministri regis succendere flammas ut sanctos dei pueros comburerent de caelo venit tamquam spiritus roris flantis refrigerium praestabat sanctis alleluia

Tres pueri in camino trinitatem figurantes et ignis minas conculcantes te laudantes canebant benedictus es deus patrum nostrorum alleluia

Tres pueri jussu regis in caminum missi sunt non timentes flammam ignis dicebant benedictus deus

In camino ignis ardentis pueri tres et in medio eorum deambulabat rex una voce dicebant benedictus es deus

Sidrac Misac Abdenago quasi ex uno ore hymnum dicebant regi magno alleluia

Laudate et superexaltate eum in saecula benedicite

Ananias Azarias Misael domino hymnum dicite in aeternum alleluia

Caminus ardebat septies quam solebat et pueri tui domine in medio psallebant Ananias dicebat sanctus deus Azarias psallebant sanctus fortis Misael voce magna clamabat sanctus et immortalis alleluia

Homo quidam erat dives et induebatur purpura et bysso et epulabatur cottidie splendide et erat quidam mendicus nomine Lazarus qui jacebat ad januam ejus ulceribus plenus cupiens saturari de micis quae cadebant de mensa divitis et nemo illi dabat sed et canes veniebant et lingebant ulcera ejus alleluia

Factum est autem ut moreretur mendicus et portaretur ab angelis in sinum Abrahae

Elevans autem dives oculos suos cum esset in tormentis vidit Abraham a longe et Lazarum in sinu ejus et ipse clamans dixit pater Abraham miserere mei

Fili recordare*

Dives ille guttam*

Rogo ergo te pater ut mittas eum in domum patris mei habeo enim quinque fratres ut testetur illis ne et ipsi veniant in locum hunc tormentorum

Quidam homo fecit magnam cenam et vocavit multos et misit servum suum hora cenae dicere invitatis ut venirent quia omnia parata sunt alleluia

Exi cito in plateas et vicos civitatis et pauperes ac debiles caecos et claudos compelle intrare ut impleatur domus mea alleluia

Domine factum est ut imperasti et adhuc locus est

Dico autem vobis quod nemo virorum illorum qui vocati sunt gustabit cenam meam

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam alleluia

Congratulamini mihi quia inveni ovem meam quae perierat dicit dominus

Dico vobis gaudium est angelis dei super uno peccatore paenitentiam agente

Quae mulier habens drachmas decem et si perdiderit drachmam unam nonne accendit lucernam et evertit domum et quaerit diligenter donec inveniat

Estote ergo misericordes quia et pater vester misericors est alleluia

Nolite judicare ut non judicemini in quo enim judicio judicaveritis judicabimini dicit dominus

Mensuram bonam et confertam et coagitatam dabunt in sinum vestrum alleluia

Ejice primum hypocrita trabem de oculo tuo et tunc videbis ut educas festucam de oculo fratris tui alleluia

Ascendens Jesus in navim et sedens docebat turbas alleluia

Praeceptor per totam noctem laborantes nihil cepimus in verbo autem tuo laxabo rete

Cum audisset Petrus quia dominus est tunica succinxit se et misit se in mare et clamabat voce magna dicens exi a me domine quia homo peccator sum

Ambulabat Petrus super undas maris venit ventus validus turbata est aqua prae timore clamans domine jube me venire ad te ait illi Jesus veni modicae fidei quare dubitasti

Dixit autem dominus Simoni noli timere ex hoc enim homines eris capiens

Audistis quia dictum est antiquis non occides qui autem occiderit reus erit judicio

Si offers munus tuum ante altare et recordatus fueris quia frater tuus habet aliquid adversum te relinque ibi munus tuum ante altare et vade prius reconciliari fratri tuo et tunc veniens offerres munus tuum alleluia

Misereor super turbam quia jam triduo sustinent me nec habent quod manducent et si dimisero eos jejunos deficient in via alleluia

Praecepit Jesus turbae discumbere super terram et accipiens septem panes gratias agens fregit et dabat discipulis suis ut apponerent et apposuerunt turbae alleluia

Accipiens dominus septem panes gratias agens fregit et dabat discipulis suis et apposuerunt turbae et manducaverunt et saturati sunt alleluia

Erant autem qui manducaverant quasi quattuor milia et dimisit eos

Attendite a falsis prophetis qui veniunt ad vos in vestimentis ovium intrinsecus autem sunt lupi rapaces a fructibus eorum cognoscetis eos dicit dominus

Non potest arbor bona fructus malos facere neque arbor mala fructus bonos facere

Omnis arbor quae non facit fructum bonum excidetur et in ignem mittetur

Non omnis qui dicit mihi domine domine intrabit in regnum caelorum sed qui facit voluntatem patris mei qui in caelis est ipse intrabit in regnum caelorum alleluia

Si quis fecerit voluntatem patris mei ipse intrabit in regnum caelorum alleluia

Dixit dominus villico quid hoc audio de te redde rationem villicationis tuae alleluia

Dixit autem villicus intra se quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Facite vobis amicos de mammona iniquitatis ut cum defeceritis recipiant vos in aeterna tabernacula

Cum appropinquaret dominus Jerusalem videns civitatem flevit super illam et dixit quia si cognovisses et tu quia venient dies in te et circumdabunt te et coangustabunt te undique et ad terram prosternent te eo quod non cognovisti tempus visitationis tuae alleluia

Videns dominus civitatem Jerusalem flevit super illam dicens quia si cognovisses quae ad pacem tibi nunc autem abscondita sunt ab oculis tuis alleluia

Scriptum est enim quia domus mea domus orationis est cunctis gentibus vos autem fecistis illam speluncam latronum et erat cottidie docens in templo

Duo homines ascenderunt in templum ut orarent unus pharisaeus et alter publicanus pharisaeus stans haec apud se orabat deus gratias tibi ago quia non sum sicut ceteri hominum raptores injusti adulteri velut etiam hic publicanus publicanus autem stans percutiebat pectus suum dicens deus propitius esto mihi peccatori

Deus propitius esto mihi peccatori

Stans a longe publicanus nolebat oculos ad caelum levare sed percutiebat pectus suum dicens deus propitius esto mihi peccatori

Descendit hic justificatus in domum suam ab illo quia omnis qui se exaltat humiliabitur et qui se humiliat exaltabitur

Omnis qui se exaltat humiliabitur et qui se humiliat exaltabitur

Dum transiret dominus per medios fines Tyri surdos fecit audire et mutos loqui

Quanto eis praecipiebat tanto magis plus praedicabant et eo amplius admirabantur dicentes bene omnia fecit et surdos fecit audire et mutos loqui

Bene omnia fecit surdos fecit audire et mutos loqui

Dico autem vobis quod multi reges et prophetae voluerunt videre quae videtis et non viderunt et audire quae auditis et non audierunt

Magister quid faciendo vitam aeternam possidebo ait illi Jesus dixit in lege quid scriptum est diliges dominum ex toto corde tuo

Homo quidam descendebat ab Jerusalem in Jericho et incidit in latrones qui etiam despoliaverunt eum et plagis impositis abierunt semivivo relicto

Samaritanus quidam iter faciens et videns eum semivivum relictum misericordia motus est et approprians alligavit vulnera ejus infundens oleum et vinum duxit in stabulum et curam ejus egit

Quis tibi videtur proximus fuisse illi qui incidit in latrones et ait ille qui fecit misericordiam in illum vade et tu fac similiter alleluia

Dum intraret Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Unus autem ex illis ut vidit quia mundatus est regressus est cum magna voce magnificans deum

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit alleluia