Benedicta tu in mulieribus et benedictus fructus ventris tui

Specie*

Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Hortus conclusus*

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrhae et thuris

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

Sicut laetantium omnium nostrum habitatio est in te sancta dei genetrix

Diffusa est gratia*

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies timentibus eum

Corde et animo*

Diffusa est gratia in labiis tui propterea benedixit te deus in aeternum

Specie tua et pulchritudine tua intende prospere procede et regna

Cum jucunditate*

Ornatam in monilibus filiam Jerusalem dominus concupivit et videntes eam filiae Sion beatissimam praedicaverunt dicentes unguentum effusum nomen tuum

Astitit regina a dextris tuis in vestitu deaurato circumdata varietate

Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos

Post partum virgo inviolata permansisti dei genetrix intercede pro nobis

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Specie tua et pulchritudine tua intende prospere procede et regna

Beata es virgo Maria dei genetrix quae credidisti domino perfecta sunt in te quae dicta sunt tibi ecce exaltata es super choros angelorum intercede pro nobis ad dominum Jesum Christum

Ave Maria gratia plena dominus tecum

Ave sponsa*

Super salutem et omnem pulchritudinem dilecta es a domino et regina caelorum vocari digna es gaudent chori angelorum consortes et concives tui

Paradisi porta per Evam cunctis clausa est et per Mariam virginem iterum patefacta est

Assumpta est Maria in caelum gaudent angeli laudantes benedicent dominum

Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Fit porta*

Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Jam lucis*

Super salutem*

Salve nobilis*

Ave sponsa*

Cordis ac vocis*

Ecce tu*

Sicut*

Favus*

Emissiones*

Fons hortorum

Hodie Maria virgo caelos ascendit gaudete quia cum Christo regnat in aeternum

Hortus conclusus et fons signatus hiems transiit imber abiit et recessit jam veni sponsa de Libano veni balsamita veni coronaberis

Quam pulchra es soror mea oculi tui columbarum

Gloria patri et filio et spiritui sancto

Ave sponsa Sunamitis secundum cor summi regis ave virgo mater spiritu sancto teste tu olim Mariam sordidus Aegypti milies exosam tu Theophilum desperatum apostatam reconciliasti filio tuo in gratiam

O sancta o celsa o benedicta mitiga et nobis iram filii tui judicis

Gloria patri et filio et spiritui sancto

Cum jucunditate celebremus nativitatem beatae virginis Mariae ut ipsa pro nobis intercedat ad dominum Jesum Christum

Assumptionem hodiernam sancte Mariae devotissime celebremus

Gloria patri et filio et spiritui sancto

Corde et animo Christo canamus gloriam in hac sacra sollemnitate praecelsae genetricis dei Mariae

Haec est beata virgo Mariae ad cujus transitum archangeli parestant obsequium

Dilecte mi apprehendam te et ducam te in domum patris mei et in cubiculum genetricis mei ibi me docebis praecepta domini

Hortus conclusus es dei genetrix hortus conclusus fons signatus surge propera amica mea

Dilecte*

Pulchrae*

Indica*

Aperi mihi*

Sexaginta*

Introduxit*

Quam pulchra es amica mea quam pulchra es et decora oculi tui columbarum alleluia

In prole mater in partu virgo gaude et laetare virgo mater domini

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu sentiant omnes tuum adjuvamen quicumque celebrant tuum nomen

Vox turturis audita est in turribus Jerusalem veni amica mea surge aquilo et veni auster perfla hortum meum et fluent aromata illius

Salve regina misericordiae vita dulcedo et spes nostra salve ad te clamamus exsules filii Evae ad te suspiramus gementes dolentes in hac lacrimarum valle eia ergo advocata nostra illos tuos misericordes oculos ad nos converte et Jesum benedictum fructum ventris tui nobis post hoc exsilium ostende o clemens o pia o dulcis Maria

Quam pulchra es et quam decora clarissima in deliciis statura tua assimilata est palmae et ubera tua botrus caput tuum ut Carmelus collum tuum sicut turris eburnea veni dilecte mi egrediamur in agrum videamus si flores fructus parturiunt si floruerunt mala punica ibi dabo tibi ubera mea

Sancta Maria*

Vox turturis*

Gaudendum*

Ave domina*

O flos florum*

In lectulo meo*

Indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum

In lectulo meo per noctem quaesivi quem diligit anima mea quaesivi illum et non inveni surgam et circuibo civitatem per vicos et plateas quaerens quem diligit anima mea invenerunt me vigiles qui custodiunt civitatem num quem dilexit anima mea vidistis paululum cum pertransissem eos inveni quem diligit anima mea

Aperi mihi soror mea columba mea immaculata mea quia caput meum plenum est rore et cincinni capitis mei guttis noctium

Sexaginta sunt reginae et octoginta concubinae et adolescentularum non est numerus una est columba mea perfecta mea una matri suae electa genetricis suae

Quo abiit dilectus tuus o pulcherrima mulierum quo declinavit amicus tuus et quaeremus eum tecum

Speciosa facta es et suavis in deliciis tuis sancta dei genetrix viderunt te filiae Sion et beatissimam praedicaverunt et reginae laudaverunt te esto memor nostri o domina et filio tuo nos reconcilia ut ipsum tecum videre possimus per cuncta saecula

Ista est speciosa inter filias Jerusalem viderunt eam filiae Sion et beatissimam praedicaverunt et reginae faciem ejus laudaverunt

Sub tuam protectionem confugimus ubi infirmi acceperunt virtutes et propter hoc tibi psallimus dei genetrix virgo

Maria virgo semper laetare quae meruisti Christum portare caeli et terrae conditorem quia de tuo utero protulisti mundi salvatorem

Ave domina mundi Maria ave caelorum regina ave virgo virginum per te venit redemptio nostra tu inter mulieres speciosissima inter omnes et super omnes benedicta juxta filium suum virgo et super choros angelorum posita pro nobis rogamus rogita ut valeamus te videre et in aeterna tuo vivamine gaudere gloria

Sancta virgo semper Maria intercede pro nobis ut a praesenti liberemur tristitia et aeternis gaudiis perfruamur

Intemerata virgo quae redemptorem Israel peperisti et post partum virgo permansisti dei genetrix intercede pro nobis

Sancta dei genetrix virgo semper Maria intercede pro nobis ad dominum Jesum Christum

Beatam*

Ornatam*

Celebris*

Pulchrae sunt genae tuae sicut turturis collum tuum sicut monilia murenulas aureas faciemus tibi vermiculatas argento

Revertere revertere Sunamitis revertere revertere ut intueamur te vox Christi quod videbis in sunamite nisi castrorum acies ordinata

Gaudendum nobis est quod Christus mediator dei et hominum de sanctissima virgine virginum natus nostri natura in suae divinitatis sublimaverat personam hunc prae omnibus amemus laudemus glorificemus hoc saepe subnectentes Maria Maria totius sanctitatis tu principalis gemma nos tibi humiliter servientes petimus ut ab hostis nequissimi mille millenis fraudibus defendas

Alma redemptoris mater quae pervia caeli porta manes et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere