Cum esset Bethaniae Jesus venit Maria habens alabastrum unguenti nardi spicati pretiosi et fracto alabastro effudit super caput ejus

Fundans Sion in sapphiris rex Christe altissime ac propugnans jaspidis te ex fide scientibus memor Raab et Babylonis cum Maria Magdalena confer nobis quae et illis pietatis magnalia ut ex corde paenitentes nos alienigenas his quandoque collaetari miserator perficias

Maria Magdalena quae fuerat in civitate peccatrix amando veritatem lavit lacrimis maculas criminum et vox veritatis impletur qua dicitur dimissa sunt ei peccata multa quoniam dilexit multum

Quae enim prius frigida peccando remanserat post modum amando fortiter ardebat

Umbrosum tunc revera locum verus cervorum hinnulus cubile sibi et pascua quaesivit in meridie quando supercaelestis ille transmigrationis Idithun in corde Mariae paenitentis quod ab aestu carnalium desideriorum ex toto caelitus temperatum invenit delectabatur tam desiderabiliter requiescere

Ad ipsius quippe mentem exsultim confugerat quam post vitiorum ignem paenitentiae temperies refrigerabat

Adest testis divinae misericordiae beatissime Mariae Magdalenae de qua phariseus cum pietatis fontem vellet obstruere dicebat hic si esset propheta sciret utique que et qualis est mulier quae tangit eum quia peccatrix est

LACUNA

Videns haec phariseus dicebat intra se hic si esset propheta sciret utique quae et qualis est mulier quae tangit eum quia peccatrix est

Vidit Maria duos angelos in albis sedentes unum ad caput et unum ad pedes ubi positum fuerat corpus Jesu dicunt ei illi mulier quid ploras

Dicit eis quia tulerunt dominum meum et nescio ubi posuerunt eum

Adest testis*

Accepit Maria libram unguenti nardi pistici pretiosi et unxit pedes Jesu et capillis capitis sui extersit

Stans retro secus pedes Jesu lavit lacrimis suis et exosculabatur eos

Fregit Maria super caput Jesu alabastrum ungenti nardi spicati pretiosi indignati sunt autem discipuli ejus dicentes ut quid perditio haec facta est

Potuit haec vendi multo et dari pauperibus

Cujus ergo vel saxeum pectus ille hujus peccatricis animae ad exemplum paenitendi non emolliant consideravit namque quod fecit et noluit moderari quid faceret super convivantes ingressa est non jussa venit inter epulas lacrimas obtulit

Nam quia semetipsam graviter erubescebat intus nihil esse credidit quod verecundaretur foras

Summe propitiator Christe Jesu et susceptor peccatorum qui Mariam Magdalena commiserans liberasti a rabie septenaria spirituum malignorum tu in digito dei ejiciens ex nobis vitiorum omnium daemonia consigna corda nostra propitius septiformis tui spiritus sanctimonia

Conferens nobis Christe per Mariae intercessionem veram de peccatis nostris paenitentiam et remissionem

Gloria patri et filio et spiritui sancto

Una sabbati Maria Magdalena venit mane dum adhuc tenebrae essent ad monumentum Jesu alleluia

Videns lapidem sublatum a monumento Maria cucurrit et venit ad Simonem Petrum et ad alium discipulum et dicit ei tulerunt dominum de monumento alleluia

Stans autem foris plorans inclinavit se et prospexit in monumento Maria et vidit duos angelos in albis sedentes alleluia

Dicunt ei illi mulier quid ploras dicit ei quia tulerunt dominum meum et nescio ubi posuerunt eum alleluia

Haec cum vidisset conversa est retrorsum et vidit Jesum stantem et nesciebat quia Jesus est alleluia

Dixit Jesus Maria conversa illa dicit ei rabboni et dixit ei noli me tangere nondum enim ascendi ad patrem meum alleluia alleluia

Ingressus Jesus domum Simonis pharisaei cum aegrotis medicus discubuit et ecce Maria mulier aegrota in domum ad medicum salutis desiderio facta impudens audacter irrupit

Quae dum lacrimosa ad eum medullitus ingemuerat a peste mox curatur qua misera languerat septem quippe nequitiis verbo medicus effugatis ignivit cor ejus incendio ardentissimae caritatis

Incendit plene Maria peccati rubiginem quae arsit tam incomparabiliter per inextinguibilem sanctissimae dilectionis ignem

Intravit Jesus in quoddam castellum et ecce Martha soror Mariae gaudens eum excepit in domum

Intendens porro Maria unum quod est necessarium sororemque linquens solam circa frequens ministerium secus pedes domini sedebat et verbum illius semper audiebat

Exquirebat Maria quem non invenerat flebat inquirendo et amoris sui igne succensa ejus quem ablatum credidit ardebat desiderio unde contigit ut eum sola tunc videret que remansit ut quereret

Ostendit sanctus Gamaliel per visum Luciano sacerdoti tres calathos aureos rosis refertos et quartum argenteum croco plenum et dixit hi sunt nostri loculi et nostrae reliquiae hic autem sanguineas habens rosas loculus est sancti Stephani qui solus ex nobis martyrio meruit coronari

Ex odoris mira fragrantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Hodie sanctus Joannes pontifex cum maximo clero plebisque tripudio pretiosas protomartyris Stephani reliquias in sanctam transtulit ecclesiam Sion ubi quondam archidiaconi functus est officio cujus pia apud deum sit pro nobis quaesumus intercessio

Simon Bar Jona*

Claves Petre*

Jam bone*

Angelus domini astitit et lumen refulsit in habitaculo carceris percussoque latere Petri excitavit eum dicens surge velociter et ceciderunt catenae de manibus suis

Quodcumque ligaveris*

Gratias tibi domine Jesu referimus immensas quia in beata martyre Afra ubi abundavit iniquitas superabundavit et gratia tua

Martyr sancta dei quae flagrans ignem fidei flammas sprevisti tortorum victima Christi qui foedant mores precibus restingue calores

Crescat ut in nobis divini fervor amoris

Gloria patri et filio et spiritui sancto

Jesu Christe*

Gloriosa et beatissima Christi martyr Afra quae per florem paradisi pretiosum praesulem Narcissum divinitus medicata mortiferos idolatriae et priscae turpitudinis morbos evasisti teque ipsam vivum et illibatum domino holocaustum per ignem passionis obtulisti nos quaesumus quamvis sordidos quamvis peccatores tui nunc memoriam venerantes sereno vultu respice et cum beatis martyrii tui consortibus pro nostris reatibus intercede

Vigili corde dominum adorantes venite qui a sordibus purgatum sanctis martyribus beatam sociavit Afram

Cum sub Diocletiano tyranno saeva persecutionis tempestas Christi turbaret ecclesias beatus praesul Narcissus domino favente vindelicam venit Augustam

In qua civitate cum puellis suis veneris sacris deditam tunc turpis sed postmodum sanctissima habitabat Afra

Cujus prostibulum cum Felice diacono suo sanctus praesul ignorans ingressus pacem domui imprecatur benignoque quasi pro turpi amatore suscipitur

Beatus pontifex Narcissus cum beatas feminas gratia divina praeventas capaces verbi persensisset toto nisu fructices errorum exstirpare et veritatis frugem studuit inserere

Domino pro ipsis supplicans et verbum vitae eis annuntians

Sancto praesule precibus obnixius insistente daemon nigerrimus et horrore plenus apparuit ac se injuriam suis e sedibus pelli proclamabat

Mundi cordis amatorem nil in tam sordidis habere vasis protestatur

Hostis antiquus caelesti virtute et rationum veritate confutatus victus tandem aufugit et deditas jam Christo feminas ejulans reliquit

Coactus a sancto pontifice mortiferum in faucibus alpium draconem perimere

Gloria patri et filio et spiritui sancto

Cum psalmis deo et hymnis sancti viri vota persolveret Afra stupens et tremebunda insoliti quid sibi hospites velint est admirata

Audiens vero beatum virum christianorum esse antistitem pedibus ejus prosternitur se turpem se peccatricem talique indignam hospite profitemur

Quam vir sanctus verbis evangelicis consolatus ad paenitentiam et conversionem cohortatur eique si credere et baptizari velit veniam et vitam aeternam pollicetur

Propulso post longum conflictum prisci erroris persuasoris vir domini Narcissus beatas mulieres fide Christi plenius instruxit et salutari lavacro paenitentiam et jejuniis praeparari fecit

Familiam totam cognatos affines et amicos

Cum fontem vitae sitientes et fide alacres perspexisset sanctus pontifex domino gratias referens Christi baptismo gaudentes abluit omnes

Vasa prius irae in vasa emundans misericordiae

Mox omnibus in fide Christi confortatus avunculum Afrae Dionysium episcopum eis praefecit et domum Hilariae ecclesiam dedicavit

Ut ubi spurca pridem commercia Christi deinceps frequentarentur mysterium

Gloria patri et filio et spiritui sancto

Sancto pontifice in divinis laudibus pernoctante lux caelitus emissa et tenebras noctis excussit et cor Afrae splendore fidei illuminavit

Cumque dulcem sanae doctrinae saporem praegustasset Afra puellas suas allocuta promptas eas ad viam vitae pedissequas invenit

Afra priscam Rahab Jerichontem secuta veri Jesu legatos ad supplicium a persecutoribus requisitos sublimi fasciculis supernae civitatis futura civis occultabat

Postquam novella conversa Afra beatus Narcissus Augustae fundavit ecclesiam novam domino lucraturus familiam Hispaniarum urbem adiit Gerundam

Ubi cum Felice diacono suo feliciter martyrium consummavit

Fervente interim immani persecutionis saevitia beata Afra comprehenditur et Gaii judicis tribunalibus praesentatur

Gaudens et tripudians coronamque martyrii adipisci desiderans

Multis hinc inde sermonum conflictationibus habitis multis blanditis minis et terroribus incassum consumptis beata martyr interrita permanens omnia pro Christo perpetim tormentorum genera desiderabat

Christum libere confitens Christum ardenter sitiens dissolvi et esse cum Christo cupiens

Gloria patri et filio et spiritui sancto

Invicta Christi testis Afra variis a judice Gaio modis attentata ab agnitae veritatis confessione nulla potuit deterreri ratione

Constans animo persistens et libera tyrannum voce confundens crudeli postremo sententia viva ignibus est sancta martyr addicta

In quamdam itaque Lici fluminis insulam ducta ardentem flammis crepitantibus pyram laeta conspicatur et ut a pristinis per hanc sordibus expurgari mereretur supplicite salvatoris mundi pietatem precatur

Ignium flammis circumdata dominum hymnizans benedixit et inter gratiarum actiones martyrio candidata caelo spiritum reddidit

Sancti corporis reliquias beatae ejus puellae a flumine reductas flebiles cum amicis exsequias celebrantes sepelierunt et super eam aediculam vilibus ex lignis construxerunt

Cum ad martyris sepulcro Christo vota reddentes beatae convenissent mulieres jussu tyranni ad cultum idolorum a tortoribus frustra sunt coactae et fortes in fide mox ignibus suppositis concrematae ad martyrii triumphum et ipsae pariter pervenere

Mox omnibus*

Jesu Christe*

O mirandam et laudandam mutationem dexterae excelsi quam in beatis martyribus quarum venerandam recolimus memoriam domine Jesu Christe misericorditer ostendisti pro qua debitas tibi grates referentes supplicamus ut ipsarum meritis suffragantibus nos de vitiis ad virtutes mutare et in adoptionem filiorum dei digneris transformare

Imbuta verae fidei rudimentis Afra quaeque a sancto hospite salutaria percepit matri suae Hilariae fideliter indicavit

Quae beatum virum noctu ad se transmissum gratulabunda suscipiens pedes ejus amplectitur vitaeque prioris miseros errores confitetur

Auditis praesul sanctus turpissimis ab Hilaria daemonum culturis gemens et lacrimas fundens pias cum diacono suo pro tanto errore domino preces effudit

Levita Laurentius*

Beatus vir*

Conscendat*

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestimatus

Venite adoremus regem regum qui beatum hodie coronavit Laurentium

Deus tuorum*

Quo progrederis sine filio pater quo sacerdos sancte sine ministro properas

Beatus Laurentius dixit*

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit paternitati tuae