Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicabimus

Pulchra es et decora filia Jerusalem terribilis ut castrorum acies ordinata

Fit porta*

Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Ecce tu*

Ave maris*

Hodie Maria virgo caelos ascendit gaudete quia cum Christo regnat in aeternum

Dilecte me apprehendam te et ducam te in domum matris meae et in cubiculum genetricis meae ibi me docebis praecepta domini

Hortus conclusus es dei genetrix hortus conclusus fons signatus surge propera amica mea

Quam pulchra es amica mea quam pulchra es et decora oculi tui columbarum alleluia

In prole mater in partu virgo gaude et laetare virgo mater domini

Sancta Maria succurre miseris juva pusillanimes refove flebiles ora pro populo intervenit pro clero intercede pro devoto femineo sexo sentiant omnes tuum adjuvamen quicumque celebrant tuum nomen

Vox turturis audita est in turribus Jerusalem veni amica mea surge aquilo et veni auster perfla hortum meum et fluent aromata illius

Salve regina misericordiae vita dulcedo et spes nostra salve ad te clamamus exsules filii Evae ad te suspiramus gementes et flentes in hac lacrimarum valle eya ergo advocata nostra illos tuos misericordes oculos ad nos converte et Jesum benedictum fructum ventris tui nobis post hoc exsilium ostende o clemens o pia o dulcis Maria

Sancta dei genetrix virgo semper Maria intercede pro nobis ad dominum Jesum Christum

Pulchrae sunt genae tuae sicut turturis collum tuum sicut monilia murenulas aureas faciemus tibi vermiculatas argento

Aperi mihi soror mea columba mea inmaculata mea quia caput meum plenum est rore et cincinni capitis mei guttis noctium

Sexaginta sunt reginae et octoginta concubinae et adolescentularum non est numerus una est columba mea perfecta mea una est matris suae electa genetricis suae

Revertere revertere Sunamitis revertere revertere ut intueamur te vox Christi quod videtis in sunamite nisi castrorum acies ordinatas

Indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum

Gaudendum nobis est quod Christus mediator dei et hominum de sanctissima virgine virginum natus nostri natura in suae divinitatis sublimaverat personam hunc prae omnibus amemus laudemus glorificemus hoc saepe sub nectentes Maria Maria totius sanctitatis tu principalis gemma nos tibi humiliter servientes petimus ut ab hostis nequissimi mille millenis fraudibus defendas

Ave domina mundi Maria ave caelorum regina ave virgo virginum per te venit redemptio nostra tu inter mulieres speciosissima inter omnes et super omnes benedicta juxta filium tuum virgo et super choros angelorum posita pro nobis rogamus rogita ut valeamus te videre et in aeterna tuo vivamine gaudere gloria

Speciosa facta es et suavis in deliciis tuis sancta dei genetrix viderunt te filiae Sion et beatissimam praedicaverunt et reginae laudaverunt te esto nostri memor o domina et filio tuo nos reconcilia ut ipsum tecum videre possimus per cuncta saecula

Alma redemptoris mater quae per via caeli porta manens et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere

Quo abiit dilectus tuus o pulcherrma mulierum quo declinavit amicus tuus et quaeremus eum tecum

Quam pulchra es dilecta mea et quam decora carissima mea in deliciis statura tua assimilata es palmae et ubera tua botris et odores tui sicut malorum granatorum guitur tuum sicut vinum optimum alleluia alleluia alleluia

Intemerata virgo quae redemptorem Israel peperisti et post partum virgo permansisti dei genetrix intercede pro nobis

Alma virgo Maria quae genuisti Christum intercede pro nobis

Introduxit me rex in cellam vinariam ordinavit in me caritatem filiae Jerusalem fulcite me floribus stipate me malis quia amore langueo

O flos florum o domicilium virtutum o electissima mulierum beata virgo Maria cujus solius commercium fragilitas generis humani invenit aditum recuperandi admitte preces nostras intra sacrarium exauditionis et reporta nobis gratiam reconciliationis sit per te excusabile quod per te ingerimus accipe quod offerimus impetra quod rogamus quia nec potentione meritis ad placandam iram judicis invenimus quam te quae meruisti mater exsistere ejusdem redemptoris et judicis

In lectulo meo per noctem quaesivi quem diligit anima mea quaesivi illum et non inveni surgam et circuibo civitate per vicos et plateas quaerens quem diligit anima mea invenerunt me vigiles qui custodiunt civitatem num quem dilexit anima mea vidistis paululum dum pertransissem eos inveni quem diligit anima mea

Laetare mater nostra Jerusalem quia rex tuus dispensatorem strenuum et civem fidelissimum de servitute Babylonis tibi redemit Augustinum

Hujus mater devotissima quem carne prius pepererat mundo caritatis visceribus post modum multo semine lacrimarum genuit Christo

Distulit tamen diu baptismi gratiam quia tumens inanis philosophia volebat humana ratione comprehendere quod pia mens vivacitate fidei nititur apprehendere

Surgens autem post multos circuitus errorum circuibat civitatem per vidos et plateas quaerendo verum animae virum pro quo ne moreretur dignum judicare mori ut ejus semper inhereret amori

Inventus igitur a custodibus civitatis et pallio vetustatis exutus diligenter pertractata cum illis veritate quam desiderabat invenit et castis ejus amplexibus ardenter inhaesit

Verbum dei*

Alme*

Adest dies celebris quo solutus nexu carnis sanctus praesul Augustinus assumptus est ab angelis ubi gaudet cum prophetis laetatur cum apostolis quorum plenus spiritu quem praedixerunt mystica fecit nobis perviam post quos secunda dispensandi verbi dei primus refulsit gratia

Magnus dominus et laudabilis valde et sapientiae ejus non est numerus qui de tenebris gentium lumen ecclesiae suae vocavit Augustinum

Aperuit Augustinus codicem apostolicum et cojectis oculis ad primum capitulum legit induimini dominum Jesum Christum et statim quasi infusa luce securitatis ab eo omnes dubietatis tenebrae diffugerunt

Insinuavit ergo per litteras sancto viro Ambrosio praesens votum sicum ut moneret quid sibi de libris sanctis legendum esset quo percipiendae Christianae gratiae aptior fieret atque paratior

At ille jussit Isaiam prophetam quo prae ceteris evangelii vocationisque gentium sit pronuntiator apertior

Invenit se Augustinus longe esse a deo in regione dissimilitudines tamquam audiret vocem dei de excelso cibus sum grandium cresce et manducabis me

Nec tu me mutabis in te sicut cibum carnis tuae sed tu mutaberis in me

Sensit igitur et expertus est non esse mirum quod palato non sano paena est panis qui sano est suavis et oculis aegris odiosa lux quae puris est amabilis

Propter iniquitatem corripuisti hominem et tabescere fecisti sicut araneam animam ejus

Dum vero invisibilia dei per ea quae facta sunt intellecta conspexit sed aciem fingere non valuit quia non secum ferebat nisi amantem memoriam et quasi olfacta desiderantem quae commedere nondum posset

Quid autem sacramenti haberet verbum caro factum est nec suspicari quidem poterat

Verumtamen primam hujus lectionem non intellegens totumque talem arbitrans distulit repetendum exercitacior in dominico eloquio

Inde ubi tempus advenit quo nomen eum dare oportebat relicto rure Mediolanum remeans baptizatus est a beato Ambrosio fugitque ab eo sollicitudo vitae praeteritae

Nec satiabatur illis diebus dulcedine mirabilis considerare altitudinem consilii divini super salutem generis humani

Itaque avidissime legere coepit prae ceteris apostolum Paulum et perierunt illae quaestiones in quibus aliquando visus est ei adversari testimoniis legis et prophetarum textus sermonum dei

Et apparuit ei una facies eloquiorum castrorum et exsultare cum tremore didicit

Misit ergo dominus in mentem ejus visumque bonum in conspectu ejus pergere ad Simplicianum qui ei bonus apparebat servus dei et lucebat in eo gratia divina

Audierat enim quod a juventute sua devotissime deo viveret et vere sic erat

Volebat enim conferenti aestus suos ut proferret quis esset aptus modus vivendi sic affecto ut ipse erat ad ambulandum in via dei in qua alius sic alius sic ibat

Dispicebat ei quidquid agebatur in saeculo prae dulcedine dei et decore domus ejus quam dilexi

Gloria patri et filio et spiritui sancto

Flebat igitur uberrime in hymnis et canticis suave sonantis ecclesiae vocibus vehementer affectus

Voces igitur ille influebant auribus ejus et eliquebatur veritas in cor ejus et currebant lacrimae ejus et bene illi erat cum illis

Adjunctus inde Nebridio et Euodio remeabat ad Africam quaerens quis eos ad bene videndum locus haberet utilius sed cum esset apud Ostia Uberina pia mater ejus defuncta est

Vulneraverat caritas Christi cor ejus et gestabat verba ejus in visceribus quasi sagittas acutas et exempla servorum dei quos de mortuis vivos fecerat tamquam carbones vastatores

Ascendenti a convalle plorationis et cantanti canticum graduum dederat sagittas acutas

Accepta baptismi gratia positus apud Ostiam Tiberina cum matre sua colloquebantur soli valde dulciter et inhiabant ore cordis pariter in superna fluenta fontis vitae vilescebatque mundus iste inter verba cum dilectionibus suis

Tunc ait illa fili mi nulla re jam delector in hac vita cum te contempta felicitate terrena videam servum Christi

Verbum dei usque ad ipsam suam aegritudinem in praetermisse alacriter et fortiter sanamente sanoque consilio in sancta ecclesia praedicabat membris omnibus sui corporis incolumis integro aspectu atque auditu coram positis fratribus et orantibus dormivit cum patribus suis

Testamentum nullum fecit quia unde faceret pauper Christi non habuit

Gloria patri et filio et spiritui sancto

Post mortem matris reversus est Augustinus ad agros proprios ubi cum amicis jejuniis et orationibus vacans scribebat libros et docebat indoctos

Comperta autem ejus fama beatus Valerius Hipponensis episcopus eum ad se accersiri fecit et licet invitum presbyterum ordinavit

Factus Augustinus presbyter monasterium clericorum mox instituit et coepit vivere secundum regulam sub sanctis apostolis constitutam

Sanctus autem Valerius ordinator ejus exsultabat uberius hominem sibi talem datum divinitus qui in doctrina sana aedificare ecclesiam esset idoneus

Eodem tempore Fortunatus presbyter Manicheorum versucia plurimos seducebat quem sanctus Augustinus in conventu omnium disputans publice superabat

In diebus ejus obsessa est civitas Hipponensis ab exercitu barbarorum inter quae mala fuerunt Augustino lacrimae suae panes die ac nocte atque sub hoc eventu ad extremam horam veniens obdormivit in pace

Hodie gloriosus pater Augustinus dissoluta hujus habitationis domo domum non manu facta accepit in caelis quam sibi cooperante dei gratia manu lingua fabre fecit in terris ubi jam quod sitivit in aeternum gustat aeternum decoratus una stola securusque de reliqua

Arguebat Herodem Joannes propter Herodiadem quam tulerat fratris sui Philippi uxorem

Veni electa mea*

Regem martyrum*

Deus tuorum*

In lege*

Iste sanctus*

Misit Herodes rex manus ac tenuit Joannem et vinxit eum in carcerem quia metuebat eum propter Herodiadem quam tulerat fratri sui Philippi uxorem

Arguebat Herodem Joannes propter Herodiadem

Joannes Baptista arguebat Herodem propter Herodiadem quam tulerat fratris sui Philippi uxorem

Misso Herodes spiculatore praecepit amputari caput Joannis in carcere

Metuebat Herodes Joannes sciens eum virum justum et sanctum et audito eo multa faciebat et eum custodiebat et libenter audiebat

Misit Herodes rex manus ac tenuit Joannem et vinxit eum in carcere

Puellae saltanti imperavit mater nihil aliud petas nisi caput Joannis Baptistae et contristatus est rex propter jusjurandum et propter simul discumbentes

Misso Herodes spiculatores praecipit amputare caput Joannis in carcere

In medio carceris stabat beatus Joannes voce magna clamavit et dixit domine deus meus in manus tuas commendo spiritum meum

Quoniam tu es protector meus domine

Iste est de sublimibus*

Herodes enim tenuit et ligavit Joannem et posuit in carcerem propter Herodiadem

Puellae saltanti imperavit mater nihil aliud petas nisi caput Joannis

Domine mi rex da mihi in disco caput Joannis Baptistae

Da mihi in disco caput Joannis Baptistae et contristatus est rex propter jusjurandum

Petit puella caput Joannis Baptistae quo allato dedit matri suae