Gloria patri et filio et spiritui sancto

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Pontifices almi divina revelatione laetificati Nicolaum praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuit et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens illis ecce adsum quid vocastis me

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram hominibus dignum referebant illum dei famulum

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus largitiones illi nimirum tota nos devotione oportet committere

Ut apud Christum ejus patrociniis adjuvemur semper

Gloria patri et filio et spiritui sancto

Decantande speciosis Nicolae canticis Laudes tibi persolvisse fac sit nobis utile

Summe dei confessor Nicolae te venerantes protege namque credimus tuis precibus nos posse salvari

Qui tres pueros morti addictos illaesos abire fecisti tuis laudibus instantem conserva plebem

Servus dei Nicolaus auri pondo trium virginum redemit pudorem earumque patris impudicam remenso auro fugavit inopiam

Affluens itaque misericordiae visceribus metallo duplicato propulsavit earum infamiam

Ex ejus tumbae marmore sacrum resudat oleum quo liniti sanatur caeci surdis auditus redditur et debilis quisque sospes regredit

Catervatim ruunt populi cernere cupientes quae per eum fiunt mirabilia

Magne pater Nicolae summo patri proxime admiranda qua praecellis apud eum gratia a commissis nos emunda ne cadamus sustine

Jam per terras et per mare fama celeberrime refovendo tribulatos relevando naufragos

Gloria patri et filio et spiritui sancto

Beatus Nicolaus adhuc puerulus multo jejunio macerabat corpus

Ecclesiae sanctae frequentans limina sacra pectori condebat mandata

Juste et sancte vivendo ad honorem sacerdotii meruit promoveri divinitus

Amicus dei Nicolaus pontificali decoratus infula omnibus se amabilem exhibuit

O per omnia laudabilem virum cujus meritis ab omni clade liberantur qui ex toto corde quaerunt illum

Copiosae caritatis Nicolae pontifex qui cum deo gloriaris in caeli palatio conscende supplicamus ad te suspirantibus ut exutos gravi carne pertrahas ad superos

O pastor aeterne*

Beatus Nicolaus*

O pastor*

Amicus*

O per omnia*

Nobilissimis*

Postquam*

Pudore*

Auro virginum*

Beatus Nicolaus*

O Christi pietas omni prosequenda laude qui sui famuli Nicolai merita longe lateque declarat nam ex tumba ejus oleum manat cunctosque languidos sanat

Ambulans*

O pastor*

Copiosae*

Domine Jesu*

Verbum supernum*

Domine Jesu*

Concede*

Biduo*

Nobilissimis*

Beatus Nicolaus*

Rogamus*

Amavit*

Ecce sacerdos*

Per ipsam*

In tua patientia possedisti animam tuam Lucia sponsa Christi odisti quae in mundo sunt et coruscas cum angelis sanguine proprio inimicum subisti

Iste cognovit*

O pastor aeterne*

Lucia virgo venerabilis Syracusanorum nobilissima cum matre Euticia ad sepulcrum beatae Agathae venerandum convenerat

Crede mater Agathen pro Christi nomine passam hoc meruisse ut semper eum praesentem pro quo passa est habeat

Continge ergo sepulcrum virginis credens et continuo a fluxu sanguinis liberaberis

Orante sancta Lucia apparuit ei beata Agatha consolabatur ancillam Christi

Lucia virgo quid a me petis quod ipsa poteris praestare continuo matri tuae

Per te Lucia virgo civitas Syracusana decorabitur a domino Jesu Christo

Lucia virgo quid a me petis quod ipsa poteris praestare continuo nam et matri tuae fides tua subvenit et ecce salva est quia jucundum deo in tua virginitate habitaculum praeparasti

Sicut enim per me civitas Catinensium sublimatur a Christo ita per te civitas Syracusana decorabitur

Per ipsam te deprecor mater quae te suis salvavit precibus ne aliquando mihi in terris nomines sponsum nec velis de corporis mei posteritate fructum mortalitatis inquirere

Quae datura eras pro corruptionis meae auctore da mihi eunti ad integritatis meae auctorem Christum

Si tibi gratum vis esse deum vivens et salutem tui corporis habens da Christo quae possides moriens enim ideo das quia tecum auferre non praevales

Non satis deo carus est qui dat quod frui non potest unde et mihi spoponderas incipe tradere Christo

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Erecta namque in virtutis culmine tormenta derisit

Fiebat interea praediorum ac gemmarum distractio et cottidie pauperum necessitatibus expendebantur

Tandem ad sponsi notitiam pervenitur proponit ergo litem in judicio sponsam suam christianissimam contra leges vivere augustorum

Paschasius proconsularis Luciam corripiens coepit ad sacrificia daemonum cogere

Beata Lucia dixit Paschasio sacrificium mundum et immaculatum apud deum et patrem hoc est visitare viduas et orphanos in tribulatione eorum

Ego per istos tres annos nihil aliud egi nisi deo vivo sacrificavi jam enim quia nihil superest meipsam offero

Tu principum leges attendis ego dei leges attendo tu principes times ego deum timeo tu illis placere desideras ego ut Christo soli placeam concupisco

Lucia virgo judici dixit patrimonium meum tuto loco constitui corruptores autem nec corporis nec mentis meae aliquando suscepi

Hostiam sanctam viventem deo vivo meipsam offero

Paschasius dixit cessabunt verba dum fuerit perventum ad verbera Lucia respondit verba dei cessare non poterunt ancilla dei sum et ideo dixi verba dei

Non vos inquit Christus loquimini in conspectu judicium sed spiritus sanctus

Numquam inquinatur corpus nisi de consensu mentis nam si invitam me feceris violari castitatis mihi duplicabitur ad coronam

De sensibus enim et de voluntatibus judicat deus

Jussu impii paschasii ubi beatam virginem coeperunt trahere velle ad lupanar tanto pondere eam fixit spiritus sanctus ut tamquam mons immobilis penitus moveri non posset

Impellunt plurimi nec movetur immissis funibus admotis boum paribus multis ita solo haerens manebat

Soror mea Lucia virgo deo devota quid a me petis quod ipsa poteris praestare continuo matri tuae

Quae sunt haec maleficia tua consularis dixit ut puella fragilis a mille tracta hominibus non movearis ista inquit maleficia mea non sunt sed sunt beneficia dei

Si alia decem milia adduxeris audies mihi dicentem spiritum sanctum quod cadent a latere meo mille et decem milia a dexteris meis

Quid cruciaris quid per diversa mentis tuae tormenta vexaris templum dei esse si probasti jam crede si non probasti disce

Caste viventes apostolus Christi esse asserit templum dei et habitare in eis spiritum sanctum

Rogavi dominum meum Jesum Christum ut ignis iste non dominetur mihi et impetravi a domino inducias martyrii mei

Ut credentibus timorem auferrem passionis et non credentibus autem vocem insultationis auferrem

Lucia martyr invictissima sponsa agni hostia dei templum spiritus sancti hoste jam triumphato visceribus patefactis instantius dominum Jesum diutissime praedicabat dum Christi sumptis mysteriis vitae incorruptibili virgo incorrupta successit

Judice confuso et cuncto terrore devicto igne superato gladio quoque transverberata loco omnino non est mota

Torquebatur animo paschasius et ignem pice resina ac ferventi oleo injecto copiosum circa dei famulam fecit accendi

In mediis flammis martyr invicta in nomine domini Jesu Christi exsultans et turbis Christum annuntians manebat immobilis