Imitator*

Simile est regnum caelorum sagenae*

Simile est regnum caelorum homini*

O quam pulchra est*

Gaudeamus universi ecclesiae filii gaudeat specialius nunc anglorum populus per beatum Gregorium conversus ad dominum cujus vita et meritum fulget in perpetuum

Propter intolerabiles*

Egregio beatitudinis tuae praeconio triumphat universalis ecclesia per te nobiliter instituta ave papa insignissime Romanorum decus Anglorum gloria Suessorum laetitia sancte Gregori interveni quaesumus pro nostra omniumque salute

Fulgebat*

Adoremus Christum regem confessorum dominum qui aeterna sanctum Gregorium coronavit gloria

Iste*

Gloriosa magnifici voluntas Gregorii fructum reddidit domino tempore continuo

Instabat enim precibus diebus ac noctibus constitutus a domino praedicator maximus

Erat ei pro omnibus cura grandis gentibus orabat specialius pro Anglis gentilibus

Exaudivit ergo deus orantem Gregorium et salvavit per baptismum Anglorum exercitum

Ecce gens quae prius monstra colebat et idola nunc orat ad templum dei in timore domini

Nunc ergo nomen domini laudemus mirabile qui direxit vias nostras ultra maris semitas

Fulgebat in venerando duplex decus Gregorio senatoria dignitas secundum genus saeculi voluntaria paupertas juxta praeceptum domini

Beatus vir qui metuit dominum in mandatis ejus cupit nimis

Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini

Nec fecit proximo suo malum et opprobrium non accepit adversus proximos suos

Videns ergo vir beatus Anglorum casu pueros bene inquit bene Angli vultu nitent ut angeli oportet illis monstrari iter salutis aeternae

Quoniam domini est regnum et ipse dominabitur gentium

Dum oraret in obscuro servus dei latibulo lux immensa super eum resplenduit post triduum hoc signo cunctis proditus papa urbis effectus

Quia misericordiam et veritatem diligit deus gratiam et gloriam dabit dominus

Dominus de summo caelo per sanctum Gregorium ditavit fidei dono Anglorum collegium

Quoniam non fuit dolus in sancto Gregorio ideo nunc requiescit in pace cum domino

Quomodo multiplicasti tuam deus gratiam per beatum Gregorium gentem salvans Anglicam nunc praetende jam fideli hanc misericordiam ut possit servare tuam devota justitiam

Beatus Gregorius a diebus juventutis suae deo studuit sine intermissione placere

Carnales viriliter edomuit voluptates et diabolicas expugnavit illusiones

Ab adolescentia pugnando contra vitia fatigabatur gravi ciborum inaedia

Justum deduxit dominus*

Orante beatissimo ad dominum Gregorio Sanata est plebs romana a peste inguinaria

Multum enim valet deprecatio justi assidua

Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem

A domino factum est istud et est mirabile in oculis nostris

Laudabile miraculum per beatum Gregorium indulsit deus omnium trajani quippe animam jam olim poenis traditam placatus sancti lacrimis revocavit ab inferis

Omnia quaecumque voluit dominus fecit in caelo et in terra et in mari et in omnibus abyssis

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

Sancti spiritus dono ditatus gloriosus pontifex Gregorius sedem rexit apostolicam et ad fidem Christi gentem convertit Anglicam

Posui adjutorium*

Iste est de primoribus theologis unus Gregorius papa inclytus Romulea urbe editus cujus doctrina fulget ecclesia ut sol et luna

Iste est Gregorius praesul meritis et nomine dignus

Hic in annis adolescentiae deo coepit devotus existere et ad supernae vitae patriam totis desideriis anhelare

Hic itaque non solum spectabili senatorum prosapia verum etiam religiosam vitam duxit

Electus et dilectus domini Gregorius tandem post triduum invenitur capitur trahitur consecratur ac papa urbis efficitur

Tertia jejunii nocte columna lucis super eum emissa invenitur

O pastor apostolice o defensor ecclesiae Gregori confessor Christi eruditor Augustini praesta nobis auxilium per dominum Jesum Christum

Memor esto congregationis tuae quam adquisisti gratia Christi

Gloria patri et filio et spiritui sancto

O admirabile beati Gregorii meritum quo intercedente offa dominici corporis pars digiti auricularis sanguine cruentata inventa ac ostensa est

Ad hujus quoque spectat meritum quod trajani paganissimi animam orationibus ac lacrimis mercatam ex ipsa inferorum conclavi eripuit

Ejus quoque laudabile praeconium est quod Anglorum ecclesia nova semper sobole fecundatur

Ipsius quoque gloriae ascribitur quod suessorum gloria una cum sanctis his quiescentibus ejus precibus constare videtur

Laudemus dominum quod doctrinis beatissimi Gregorii multi per orbem universum de peccato elongati revertuntur ad Christi clementiam

Amavit eum*

Hodie vas electionis et habitaculum spiritus sancti beatissimus Gregorius pontifex ex hac luce subtractus ad aeterni regni caelestis sedem est translatus

Egregio*

O admirabile*

Gaudeamus*

Ejus quoque*

Laudemus*

O admirabile*

Ad hujus quoque*

Ejus quoque*

Laudemus*

O pastor*

Iste est de primoribus theologis unus Gregorius papa inclytus Romulea urbe editus cujus doctrina fulget ecclesia ut sol et luna

Egregio*

Hodie*

Agmina sacra*

Oriens sol justitiae dignatus est illustrare per ministros lucis suae cunctos fines orbis terrae ipsi laus qui dedit Anglis lucernam suae salutis Cuthbertum bonum doctorem ac pro his intercessorem

Miles Christi*

Regi jubilemus in hac sacra sollemnitate pontificis nostri Cuthberti

Iste confessor*

Auctor donorum spiritus inspirans vera vatibus per trinum fatur infantem Cuthbertum fore praesulem

Qui Raphaelem archangelum Tobiae dedit medicum Cuthberti genu languidum suum sanat per angelum

Dum jactantur puppes salo sanctus orans heret solo mox ventorum vis mutata naves vertit ad litora

Edomans corpus juvenis in undis pernoctat maris ibi deo vota laudis ex affectu reddit cordis

Mirum dictu hinc egresso et oranti genu flexo membra refovent rigida aequoris animalia

Adest frater curiosus explorans quid agat justus quem languore et pavore mox correptum sanat prece

Cuthbertus puer bonae indolis pervigil nocturnis insistens hymnis Aidani episcopi animam in caelum ferri vidit ab angelis

Cum pastoribus ovium positus pastor animarum a deo praeelectus mente et vultu supernis intentus

In sanctis crescens virtutibus almus vir Cuthbertus despectis hujus caduci saeculi rebus venerabilis ac per cuncta digne laudabilis factus est monachus

Corpore mente habitu factisque probabilibus castris dominicis associatus

Patriarchae nostri Abrahae exemplo beatus pater Cuthbertus hospitalitatis deditus officio supernum civem gaudens excepit hospicio cui dum terrenum querit ministrare panem recipere meruit caelestem

Digreditur namque vir dei panem cupiens deferre calentem sed rediens nequaquam invenit conviviam

Vir domini Cuthbertus maris tempestate cum sociis praeclusus futuri diem sereni certum praedixit cum quibus eciam cibo sua sibi prece divinitus dato pasci promeruit

Positis namque genibus orationem fudit nautasque in domino fidere jussit

Quamdam vexatam daemone pergit sanctus invisere sed mox dirus fugit hostis fit mulier incolumis

Multos hic sanavit aegros languores depellens saevos multas effugavit larvas virtute crucis territas

Sanctus antistes Cuthbertus vir perfectus in omnibus in turbis erat monachus digne cunctis reverendus

Sancte pater Cuthberte ora pro omnium salute et pace et prosperitate tuorum

Sancte Cuthberte confessor domini gloriose adesto nostris precibus pius ac propitius

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Merito sanctitatis et gradu dignitatis accepto vir dei sacerdotio nomen aequabat officio praebens cunctis monita salutis et exempla bonae actionis

Quod enim verbis docebat operibus adimplebat

Igne fervoris divini succensus sanctus sacerdos Cuthbertus ignes noxios saepe repressit suis sacris precibus

Fantasticum quidem ignem cum auctore suo effugavit materialem vero ab aedibus quas vorabat exstinxit

Verloquus vates Cuthbertus ecclesiae jussis precibus lacrimisque coactus ut ipse ante praedixerat episcopali cathedra sublimatur populisque regendis perficitur