Qui a Judaeis Jerusalem lapidatus ad lacerandum bestiis et avibus expositus per dei providentiam permansit intactus

Cum scirem ego Gamaliel sanctitatem Christi athletae Stephani fidem ejus et devotionem credens me in resurrectione partem habiturum cum eo feci eum sepelire in monumento meo novo

Auditor domini Nicodemus ibidem sepultus est et Abibas filius meus mecum est repositus ubi jacet beatus Stephanus

Sacerdos dei Lucianus prostravit se in oratione laudans deum et dicens domine Jesu Christe si est haec visio ex te praesta ut iterum ac tertio manifestetur mihi

Ut confisus fiducialiter annuntiem revelationem sanctorum reliquiarum

In jejuniis et orationibus constituto apparuit iterum sanctus Gamaliel Luciano presbytero dicens quare dissimulasti frater et non retulisti quae dicta sunt tibi Joanni episcopo

Nonne vides quanta sit siccitas et tribulatio in toto mundo et tu negligenter agis

Surge ergo et vade dic Joanni episcopo ut aperiat nobis et faciat locum orationis ut per nostram intercessionem misereatur dominus populo suo

Gaudete justi in domino*

Sanctus Gamaliel in visu dixit Luciano diligenter animadverte quae dico et statim deposuit coram eo tres calathos aureos et quartus argenteus plenus erat croco

Unus ex tribus calathis rubentes habebat rosas tamquam sanguinem alii vero referti erant rosis albis

Vides o frater Luciane hos calathos hic rosas habens pulcherrimas loculus est pretiosi martyris Stephani qui solus ex nobis martyrio meruit coronari

Introgressus ostium sepulcri invenies eum in orientali parte

Sanctus Joannes episcopus lacrimatus prae gaudio benedixit deum et dixit ad Lucianum presbyterum oportet me inde transferre beatum protomartyrem Stephanum qui tamquam angelus apparuit positus in contione hominum

Qui primus apud Judaeos dominica bella peregit et Jesum a dextris virtutis dei stantem videre promeruit

Regressus Lucianus presbyter a sancto Joanne episcopo jussit ut consurgerent omnes diluculo et foderent in acervo illo ubi jam putabant esse corpora sanctorum

Apparuit sanctus Gamaliel cuidam monacho nomine Migetio innocenti et simplici viro dicens ad eum vade et dic Luciano in vanum laboras in acervo illo non ibi sumus modo

Ibi olim positi fuimus exsequiarum tempore planctus nunc quaere nos in illo loco qui dicitur bonorum virorum possessio

Audiens ergo Lucianus sacerdos verba monachi Migetii benedixit dominum quia inventus est et alius testis in revelatione sanctorum

Dum inventum esset sacratissimum beati Stephani corpus statim terraemotus factus est magnus atque omnes qui aderant odor perfudit suavissimus

Ex odoris mira fragrantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Regressus*

Sancte dei pretiose*

Hodie sanctus Joannes pontifex cum maximo cleri plebisque tripudio pretiosi protomartyris Stephani reliquias in sanctam transtulit ecclesiam Sion ubi quondam archidiaconi functus est officio cujus pia apud deum sit pro nobis quaesumus intercessio

Beatus vir Laurentius qui post aurum non abiit nec speravit in thesauris pecuniae fecit enim mirabilia in vita sua

Qui potuit transgredi et non est transgressus et facere malum et non fecit

En martyris*

Ora pro nobis beate Laurentie

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Conscendat usque sidera caelique pulset intima vox atque cantus omnium te deum collaudantium

Veni desiderator*

Venite adoremus regem regum qui beatum hodie coronavit Laurentium

Quo progrederis sine filio pater quo sacerdos sancte sine ministro properas

Beatus Laurentius dixit*

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit paternitati tuae

Non ego te desero fili neque derelinquo sed majora tibi debentur pro fide Christi certamina

Beatus Sixtus dixit*

Gloria et honore coronasti*

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit paternitati tuae numquid degenerem probasti experire certe utrum idoneum ministrum elegeris cui commisisti dominici corporis et sanguinis consecrationem

Non me derelinquere pater sancte quia thesauros tuos jam expendi non ego te desero fili neque derelinquo sed majora tibi debentur pro fide Christi certamina

Nos quasi senes levioris pugnae cursum recipimus te autem quasi juvenem manet gloriosior de tyranno triumphus post triduum me sequeris sacerdotem levita

Puer meus noli timere quia ego sum tecum dicit dominus dum transieris per ignem flamma non nocebit te et ardor ignis non erit in te

Liberabo te de manu pessimorum et eruam te dicit dominus

Beatus Laurentius orabat dicentes domine Jesu Christe deus de deo miserere mei servi tui

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurentium video in te hominem pulcherrimum festina me baptizare

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Gratias tibi ago domine Jesu Christe quia me confortare dignatus es

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Dispersit dedit pauperibus justitia ejus manet in saeculum saeculi

O Hippolyte si credis in dominum Jesum Christum et thesauros tibi ostendo et vitam aeternam promitto

Si dictis inquit facta compensas faciam quod hortaris cui beatus Laurentius dixit tuum tantummodo praebe assensum

Beatus Laurentius clamavit et dixit deum meum colo et illi soli servio et ideo non timeo tormenta tua

Mea nox obscurum non habet sed omnia in luce clarescunt

Strinxerunt corporis membra posita super craticula ministrantibus prunas insultat levita Christi

Carnifices vero urguentes ministrabant carbones subter cratem ferream

Igne me examinasti et non est inventa in me iniquitas

Probasti domine cor meum et visitasti nocte

Interrogatus te dominum confessus sum assatus gratias ago

Gratias tibi ago domine Jesu Christe quia januas tuas ingredi merui

Strinxerunt corporis membra posita in craticula subjicientibus prunas insultat levita Christi beate Laurenti martyr Christi intercede pro nobis

Carnifices vero urguentes ministrabant carbones subter cratem ferream

Beatus Laurentius dixit ego me obtuli sacrificium deo in odorem suavitatis

Quoniam ad te orabo domine mane exaudies vocem meam

In craticula te deum non negavi et ad ignem applicatus te dominum Jesum Christum confessus sum

Probasti domine cor meum et visitasti nocte

Laurentius bonum opus operatus est qui per signum crucis caecos illuminavit

Laurentius ingressus est martyr et confessus est nomen domini Jesu Christi

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Beatus Laurentius clamabat dicens gratias tibi ago domine quia januas ingredi merui

Ora pro nobis beate Laurentie*

In craticula te deum non negavi et ad ignem applicatus te Christe confessus sum probasti cor meum et visitasti nocte igne me examinasti et non est inventa in me iniquitas

Levita Laurentius bonum opus operatus est qui per signum crucis caecos illuminavit

Veni desiderator bone veni suscipiant te angeli mei quoniam assatus non negasti me probatus confessus es me

Gratias ago deo meo quia hostia Christi effici merui assatus non negavi et interrogatus te Christum confessus sum

O Hippolyte si credis in dominum Jesum Christum et thesauros tibi ostendo et vitam aeternam promitto

Beatus Laurentius amavit et dixit deum meum colo et illi soli servio et ideo non timeo tormenta tua

En martyris Laurentii armata pugnavit fides nam morte mortem diruit ac semet impendit sibi

Ora pro nobis beate (...)

Beatus Laurentius dum in craticula suprapositus ureretur ad impiissimum tyrannum dixit assatum sum jam versa et manduca nam facultates ecclesiae quas requiris in caelestes thesauros manus pauperum deportaverunt

Inclytus martyr Tiburtius cum nudatis plantis super prunas ardentes incederet Fabiano praefecto dixit videtur mihi quod super roseos flores incedam in nomine domini mei Jesu Christi

Dixit Hippolytus ad Decium non me exspoliasti sed magis vestisti

Praeses dixit ad Hippolytum factus es insipiens ut nuditatem tuam non erubescis

Dixit Caesar ad Hippolytum nunc magus factus es respondens Hippolytus dixit ad Decium non sum ego magus sed servus domini mei Jesu Christi

Audita est vox infantium et dicentium gloria deo alleluia

Exemplum merear fieri consoritum beatorum martytum

Oravit sanctus Hippolytus voce magna clamavit et dixit gratias tibi ago domine meus Jesu Christe quia famulos meos in conspectu meo pati video

Hortus conclusus es dei genetrix hortus conclusus fons signatus surge propera amica mea

Quam pulchra es amica mea quam pulchra es et decora oculi tui columbarum alleluia

Dilecte mi apprehendam te et ducam te in domum patris mei et in cubiculum genetricis meae ibi me docebis praecepta domini

Adjuro vos filiae Jerusalem si inveneritis dilectum meum ut annuntietis ei quia amore langueo

Sicut malum inter ligna silvarum sic dilectus meus inter filios alleluia

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuam assumptionem

O quam glorifica luce coruscas stirpis Davidicae regia proles sublimis residens virgo Maria supra caeligenas aetheris omnes

Post partum virgo inviolata permansisti*