Non meis meritis ad vos me misit dominus sed vestris coronis participem me fieri

Oremus omnes ad dominum Jesum Christum ut confessoribus suis fontis venas aperiat

Orante sancto Clemente apparuit ei agnus dei

De sub cujus pede fons vivus emanat fluminis impetus laetificat civitatem dei

Omnes gentes per gyrum crediderunt Christo domino

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Non meis meritis*

Oremus omnes ad dominum

Orante sancto*

Vidi supra montem agnum stantem de sub cujus pede fons vivus emanat

Omnes gentes*

Martyr dei*

Dum iter per mare fecisset populus voce magna clamavit domine Jesu Christe salva illum et Clemens cum lacrimis orabat suscipe pater spiritum meum

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem

Vir iste*

Ambulans Jesus juxta mare Galilaeae vidit Petrum et Andream fratrem ejus et ait illis venite post me faciam vos fieri piscatores hominum at illi relictis retibus et navi secuti sunt eum

Decus sacrati nominis nomenque vitam exprimens hic te decorum praedicat crucis beatae gloria Andrea Christi apostole hoc ipso jam vocabulo decorus idem mystice signaris isto nomine quem crux ad alta provehit crux quem beata diligit cui crux amata preparat lucis futurae gaudia In te crucis mysterium cluit gemello stigmate dum probra vincis per crucem crucisque pandis sanguinem jam nos foveto languidos curamque nostri suscipe quo per crucis victoriam caeli petamus patriam deo patri sit gloria

Cum pervenisset*

Adoremus victoriosissimum regem Christum qui victorem per crucis tropaeum coronavit beatum Andream apostolum

Andreas apostolus dixit ad Aegaeam tantum meo regi deo ero acceptior quantum pro ejus nomine fuero permanens in tormentis confessor

Ego crucis Christi servus sum et crucis trophaeum optare potius debeo quam timere

Cumque carnifices apostolum ducerent ut cruciaretur concursus factus est populorum clamantium justus homo et amicus dei quid fecit ut ducatur ad crucem at ille rogabat populis ut non impediret passionem ejus

Dum deambularet dominus juxta mare secus littus Galilaeae vidit Petrum et Andream retia mittentes in mare vocavit eos dicens venite post me faciam vos piscatores hominum

Erant enim piscatores et ait illis*

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem

Ad unius jussionis vocem Petrus et Andreas relictis retibus secuti sunt redemptorem

Homo dei ducebatur ut crucifigeretur populus autem clamabat voce magna dicens innocens ejus sanguis sine causa damnatur

Factus est concursus populorum clamantium et dicentium

Cum pervenisset beatus Andreas ad locum ubi crux parata erat videns eam a longe exclamavit voce magna dicens salve crux quae in corpore Christi dedicata es et ex membrorum ejus margaritis ornata

Antequam te ascenderet dominus noster o beata crux timorem terrenum habuisti modo vero amorem caelestem optinens pro voto susceperis

Amator tuus semper fui et desideravi te amplecti o bona crux

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus

Salve crux quae in corpore Christi dedicata es et ex membris ejus tamquam margaritis ornata

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Securus et gaudens venio ad te ita ut et tu exsultans suscipias me

Salve crux quae in corpore Christi dedicata es et ex membris ejus tamquam margaritis ornata es suscipe discipulum ejus qui pependit in te

O bona crux quamdiu desiderata et jam concupiscenti animae praeparata

Accedentes carnifices levaverunt eum in cruce et extendentes funibus totum corpus ejus sicut eis jussum fuerat suspenderunt

Omnis interea populus conclamabat dicens virum sanctum pudicum ornatum moribus bonum doctorem pium modestum rationabliem non debere haec pati sed debere de cruce deponi

Tunc sanctus Andreas ait jam regem meum video jam adoro jam in ejus conspectu consisto

Expandi manus meas tota die in cruce ad populum non credentem sed contradicentem mihi qui ambulant vias non bonas sed post peccata sua

Deus ultionum dominus deus ultionum libere egit exaltare qui judicas terram redde retributionem superbis

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mari et ideo amicus dei appellatus est

Elegit eum dominus et excelsum fecit illum

Vir iste in populo suo mitissimus apparuit sanctitate autem et gratia plenus iste est qui assidue orat pro populo et pro civitate ista

Pro eo ut me diligerent detrahebant mihi ego autem orabam

Hic est fratrum amator et populi Israel hic est qui multum orat

Dilexit Andream dominus in odorem suavitatis alleluia

Biduo vivens pendebat in cruce pro Christi nomine beatus Andreas et docebat populum

Non me permittas domine famulum tuum a te separari tempus est ut commendes terrae corpus meum

Maximilla Christo amabilis tulit corpus apostoli optimo loco cum aromatibus sepelivit

Qui persequebantur justum demersisti eum domine in inferno et in ligno crucis dux justi fuisti

Videntibus cunctis splendor nimius sicut fulgur de caelo veniens circumdedit cum fere mediae horae spatio et absedente lumine emisit spiritum

Vidit dominus Petrum et Andream et vocavit eos

Venite post me dicit dominus faciam vos fieri piscatores hominum

Relictis retibus secuti sunt dominum redemptorem

Recipe me ab hominibus et redde me magistro meo ut per te me recipiat qui per te redemit me alleluia

Concede nobis hominem justum*

Vir iste*

Cum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut et tu exsultans suscipias me discipulum ejus qui pependit in te

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Confessorum regem adoremus qui caelestis regni meritum et gloriam concessit sancto suo Nicolau

Nobilissimis siquidem natalibus ortus velut lucifer Nicolaus emicuit

Postquam domi puerilem decursat aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Pudore bono repletus dei famulus sumptibus datis stupri nefas prohibuit

Confessor dei Nicolaus nobili progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolao humiliter insistente revelatione divina provectus est ad summum sacerdotii gradum

Voce quippe de caelo lapsa quidam insinuat praesuli dignum episcopatu Nicolaum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram omnibus dignum referebant illum dei famulum

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus petitiones illi nimirum tota nos devotione oportet committere

Ut apud Christum ejus patrociniis adjuvemur semper

Pontifices almi divina revelatione glorificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuerat et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Ex ejus tumbae marmore sacrum resudat oleum quo liniti sanantur caeci surdis auditus redditur et debilis quisque sospes resiliet

Catervatim ruunt populi cernere cupientes quae per eum fiunt mirabilia

Sancte dei praesul Nicolae tuam catervam protege namque credimus tuis precibus nos semper esse salvandos

Qui tres pueros morti deditos illaesos abire fecisti tuis laudibus instantem conserva plebem

Dum Myrensium quidam antistes pulsus ob invidiam esset de sede sua stillicidium manare statim olei sacri desivit

Tamdiu quippe salutaris ille liquor manare cessavit quousque praesul idem cathedram suam reciperet

Gloria patri et filio et spiritui sancto

Beatus Nicolaus pontificatus infulis decoratus talem se exhibuit ut ab omnibus amaretur

Ecclesiae sanctae frequentans limina sacra pectori mandata condebat sagaciter

Infantia teneriori decursa corpus jejuniis macerabat

Sancte et juste vivendo ad honorem sacerdotii meruit revelari divinitus

O per omnia laudabilem virum cujus meritis ab omni clade liberantur qui ex toto corde quaerunt illum

O Christi pietas omni prosequenda laude quae sui famuli merita longe lateque declarat nam ex tumba ejus oleum manat cunctosque languidos sanat

Beatus Nicolaus*

Dum Myrensium*

O Christi pietas*

Ambulans Jesus*