Misit dominus angelum suum et liberavit me de medio ignis et non sum aestuatus

Beatus Laurentius clamabat dicens gratias tibi ago domine quia januas tuas ingredi merui

Levita Laurentius bonum opus operatus est qui per signum crucis caecos illuminavit

Veni desiderator bone veni suscipiant te angeli mei quoniam assatus non negasti me probatus confessus es me

Beatus Laurentius clamavit et dixit deum meum colo et illi soli servio et ideo non timeo tormenta tua

Gratias ago deo meo quia hostia Christi effici merui assatus non negavi et interrogatus te Christe confessus sum

O Hippolyte si credis in dominum Jesum Christum et thesauros tibi ostendo et vitam aeternam promitto

Beatus Laurentius dum in craticula suprapositus ureretur ad impiissimum tyrannum dixit assatum sum jam versa et manduca nam et facultates ecclesiae quas requiris in caelestes thesauros manus pauperum deportaverunt

Hortus conclusus es dei genetrix hortus conclusus fons signatus surge propera amica mea

Quam pulchra es amica mea quam pulchra es et decora oculi tui columbarum alleluia

Dilecte mi apprehendam te et ducam te in domum matris me et in cubiculum genetricis meae ibi me docebis praecepta domini

Adjuro vos filiae Jerusalem si inveneritis dilectum meum ut annuntietis ei quia amore langueo

Sicut malus inter ligna silvarum sic dilectus meus inter filios alleluia

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

In honore beatissimae Mariae semper virginis jubilemus domino

Exaltata es sancta dei genetrix super choros angelorum ad caelestia regna

Paradisi portae per te nobis apertae sunt quas hodie gloriosa cum angelis triumphas

Benedicta tu in mulieribus et benedictus fructus ventris tui

Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrhae et thuris

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

Sicut laetantium omnium nostrum habitatio est in te sancta dei genetrix

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies timentibus eum

Ornatam in monilibus filiam Jerusalem dominus concupivit et videntes eam filiae Sion beatissimam praedicaverunt dicentes unguentum effusum nomen tuum

Astitit regina a dextris tuis in vestitu deaurato circumdata varietate

Diffusa est gratia in labiis tuis propterea benedixit te deus in aeternum

Dilexisti justitiam et odisti iniquitatem

Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos

Post partum virgo inviolata permansisti dei genetrix intercede pro nobis

Beata es virgo Maria dei genetrix quae credidisti domino perfecta sunt in te quae dicta sunt tibi ecce exaltata es super choros angelorum intercede pro nobis ad dominum deum nostrum

Electa mater et virgo quae sine viro virum peperisti

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Specie tua et pulchritudine tua intende prospere procede et regna

Super salutem et omnem pulchritudinem dilecta es a domino et regina caelestis vocari digna es gaudent chori angelorum consortes et concives tui

Valde nos eam oportet venerari quae tam sancta et intacta virgo

Assumpta est Maria in caelum gaudent angeli laudantes benedicunt dominum

Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Vulnerasti cor meum soror mea sponsa vulnerasti cor meum alleluia alleluia

Surge aquilo et veni auster perfla hortum meum et fluent aromata illius

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te

Anima mea liquefacta est ut dilectus locutus est quaesivi et non inveni illum vocavi et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Tota pulchra es amica mea et macula non est in te favus distillans labia tua mel et lac sub lingua tua odor unguentorum tuorum super omnia aromata jam enim hiems transiit imber abiit et recessit flores apparuerunt vineae florentes odorem dederunt et vox turturis audita est in terra nostra surge propera amica mea veni de Libano veni coronaberis

Salve Maria gemma pudicitiae de qua mundo illuxit sol justitiae salve pia mater christianorum succurre filiis ad filium regem angelorum

Virgo solamen desolatorum spes et mater benigna orphanorum

Hodie Maria virgo caelos ascendit gaudete quia cum Christo regnat in aeternum

Laetare mater nostra Jerusalem quia rex tuus dipensatorem strenuum et civem fidelissimum de servitute Babylonis tibi redemit Augustinum

Hujus mater devotissima quem carne prius pepererat mundo caritatis visceribus postmodum multo semine lacrimarum genuit Christo

Distulit tamen diu baptismi gratiam quia tumens inani philosophia volebat humana ratione comprehendere quod pia mens sagacitate fidei nititur apprehendere

Surgens autem post multos circuitus errorum circuibat civitatem per vicos et plateas quaerendo verum animae virum pro quo ne moreretur dignum judicaret mori ut ejus semper inhaereret amori

Inventus igitur a custodibus civitatis et pallio vetustatis exutus diligenter pertractata cum illis veritate quam desiderabat invenit et castis ejus amplexibus ardenter inhaesit

Vulneraverat caritas Christi cor ejus et gestabat verba ejus in visceribus quasi sagittas acutas et exempla servorum dei quos de mortuis vivos fecerat tamquam carbones vastatores

Ascendenti a convalle plorationis et cantanti canticum gradium dederat sagittas acutas

Adest dies celebris quo solutus nexu carnis sanctus praesul Augustinus assumptus est ab angelis ubi gaudet cum prophetis laetatur cum apostolis quorum plenus spiritu quae praedixerant mystica fecit nobis pervia post quos secunda dispensandi verbi dei primus refulsit gratia

Post mortem matris reversus est Augustinus ad agros proprios ubi cum amicis jejuniis et orationibus vacans scribebat libros et docebat in doctos

Comperta autem ejus fama beatus Valerius Hippo nensis episcopus eum ad se accersiri fecit et licet invitum presbyterum ordinavit

Factus ergo presbyter monasterium clericorum mox instituit et coepit vivere secundum regulam sub sanctis apostolis constituam

Sanctus autem Valerius ordinator ejus exsultabat uberius hominem sibi talem datum divinitus qui in doctrina sacra aedificare ecclesiam esset idoneus

Eodem tempore Fortunatus presbyter manicheorum versucia plurimos seducebat quem sanctus Augustinus in conventu omnium disputans publice superavit

Verbum dei usque ad ipsam suam aegritudinem in praetermisse alacriter et fortiter sanamente sanoque consilio in sancta ecclesia praedicabat membris omnibus sui corporis incolumis integro aspectu atque auditu coram positis fratribus et orantibus dormivit cum patribus suis

Testamentum nullum fecit quia unde faceret pauper Christi non habuit

Hodie gloriosus pater Augustinus dissoluta hujus habitationis domo domum non manufactam accepit in caelis quam sibi cooperante Christi gratia manu lingua fabrefecit in terris ubi jam quod sitivit internum gustat aeternum decoratus via stola securusque de reliqua

O rex altissime deus mirabilis tibi psallentibus assis placabilis dum laudes praesulis Augustini canimus fac ut cum vocibus concordet animus qui clari calicus ebrius poculis internis mystica conspexit oculis quae post fidelibus eructavit populis

Sanctus Joannes ad Herodem dixit non licitum est fratres conjugem accipere

Herodes enim tenuit et ligavit Joannem et posuit in carcerem propter Herodiadem

Arguebat Herodem Joannes propter Herodiadem quam tulerat fratri suo Philippo uxorem

Puellae saltanti imperavit mater nihil aliud petas nisi caput Joannis

Domine mi rex da mihi in disco caput Joannis Baptistae

Da mihi in disco caput Joannis Baptistae et contristatus est rex propter jusjurandum

In medio carceris stabat beatus Joannes voce magna clamavit et dixit domine deus meus tibi commendo spiritum meum

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Nativitas est hodie sanctae Mariae virginis cujus vita inclyta cunctas illustrat ecclesias

Cum jucunditate nativitatem beatae Mariae celebremus ut ipsa pro nobis intercedat ad dominum Jesum Christum

Regali ex progenie Maria orta refulget cujus precibus nos adjuvari mente et spiritu devotissime poscimus

Corde et animo Christo canamus gloriam in hac sacra sollemnitate praecelsae genetricis dei Mariae

Nativitas gloriosae virginis Mariae ex semine Abrahae orta de tribu Juda clara ex stirpe David

Stirps Jesse virgam produxit virgaque florem et super hunc florem requiescit spiritus almus

Virgo dei genetrix virga est flos filius ejus

Hodie nata est beata virgo Maria ex progenie David alleluia alleluia alleluia

Super omnia ligna cedrorum tu sola excelsior in qua vita mundi pependit in qua Christus triumphavit et mors mortem superavit alleluia

O crux benedicta quae sola fuisti digna portare regem caelorum et dominum

Mihi autem absit gloriari nisi in cruce domini nostri Jesu Christi

O magnum pietatis opus mors mortua tunc est quando in ligno mortua vita fuit

Salva nos Christe salvator per virtutem crucis qui salvasti Petrum in mari miserere nobis

Nos autem gloriari oportet in cruce domini nostri Jesu Christi

Ecce cruce domini fugite partes adversae vicit leo de tribu Juda radix David alleluia

Per signum crucis de inimicis nostris libera nos deus noster

O crux benedicta quae sola fuisti digna portare regem caelorum et dominum alleluia

Archangeli Michaelis interventione suffulti te domine deprecamur ut quos honore prosequimur contingamus et mente alleluia

Te sanctum dominum in excelsis laudant omnes angeli uno ore dicentes te decet hymnus domine