Pulchra es*

Super salutem*

O quam glorifica*

Diffusa*

Hodie Maria virgo caelos ascendit gaudete quia cum Christo regnat in aeternum

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu sentiant omnes tuum juvamen quicumque celebrant tuum natale

Alma redemptoris mater quae pervia caeli porta manens et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere

Speciosa facta es et suavis in deliciis tuis sancta dei genetrix viderunt te filiae Sion et beatissimam praedicaverunt et reginae laudaverunt te esto nostri memor o domina et filio tuo nos reconcilia ut ipsum tecum videre possimus per cuncta saecula alleluia

Salve regina misericordiae vita dulcedo et spes nostra salve ad te clamamus exsules filii Evae ad te suspiramus gementes et flentes in hac lacrimarum valle eia ergo advocata nostra illos tuos misericordes oculos ad nos converte et Jesum benedictum fructum ventris tuis nobis post hoc exsilium ostende o clemens o pia o dulcis Maria alleluia

Ave regina caelorum ave domina angelorum salve radix sancta ex qua mundo lux est orta gaude gloriosa super omnes speciosa vale valde decora et pro nobis semper Christum exora alleluia

Rogamus te virgo virginum rogamus te dignissima superni regis porta rogamus te mundi regina quae sola meruisti esse janua Christi ut proprium pro nobis intercedas filium alleluia

Sicut malum inter ligna silvarum sic dilectus meus inter filias sub umbra illius quem desiderabam sedi et fructus ejus dulcis gutturi meo introduxit me rex in cellam vinariam ordinavit in me caritatem fulcite me floribus stipate me malis quia amore langueo leva ejus sub capite meo et dextera illius amplexabitur me

Ibo mihi ad montem myrrhae et ad collem Libani et loquar sponsae meae tota speciosa es amica mea et macula non est in te veni a Libano sponsa veni a Libano veniens et transibis ad montem Seir et Hermon a cubilibus leonum a montibus leopardorum

Nigra sum sed formosa filiae Jerusalem sicut tabernacula cedar sicut pellis Salomonis nolite me considerare quod fusca sim quia decoloravit me sol

Veni dilecte mi egrediamur mortum commoremur in villis mane surgamus ad vineam et videamus si floruit vinea si flores fructus parturiunt si floruerunt mala punica ibi dabo tibi ubera mea

Nolite me considerare quod fusca sum quia decoloravit me sol fili matris meae pugnaverunt contra me posuerunt me custodem in vineis vineam meam non custodivi

Vox turturis audita est in turribus Jerusalem veni amica mea surge aquilo et veni auster perfla hortum meum et fluent aromata illius

Cum esset rex in accubitu suo nardus mea dedit odorem suum in portis Jerusalem

Jerusalem aetherea o regina cui caelestia canunt agmina tu omnia fovens fidelia confortia nobis salubria dona propina ut post istius carnis exilia nos superna foveat tecum Jerusalem

Quam pulchra es et quam decora carissima in deliciis tuis statura tua assimilata est palmae et ubera tua botris caput tuum ut Carmelus collum tuum sicut turris eburnea veni dilecte mi egrediamur in agrum videamus si flores fructus parturiunt si floruerunt mala punica ibi dabo tibi ubera mea alleluia

Audi mater gloriosa virga Jesse generosa digna laude speciosa ex regali stirpe nata virgo semper illibata stella maris apellata audi pia et decora nos exaudi sine mora et pro nobis semper ora

Ave stella matutina peccatorum medicina mundi princeps et regina sola virgo digna dici contra tela inimici clipeum pone salutis tuae titulum virtutis o sponsa dei electa esto nobis via recta ad aeterna gaudia

O florens rosa mater domini speciosa o virgo mitis o fecundissima vitis clarior aurora pro nobis jugiter ora

Sub tuam protectionem confugimus ubi infirmi acceperunt virtutem et propter hoc tibi psallimus dei genetrix virgo

Ave beatissima civitas divinitatis aeterno felix gaudio habitaculum justitiae castitatis lilium mater nobilis obsecra plasmatorem quarenus redemptos sanguine tueatur ut viventes Christo hymnizemus zima antiquum expurga ipsius oraculo vitae mediatrix auxiliatrix reparatrix illuminatrix adjutrix veni viva reos genetrix omnipotentis

Dixi ascendam in palmam et apprehendam fructum ejus et fructus ejus dulcis gutturi meo et erunt ubera tua sicut botri vineae guttur tuum super vinum optimum atque dignum dilecto meo ad potandum dentibusque illius ad ruminantium

In lectulo meo per noctem quaesivi quem diligit anima mea quaesivi illum et non inveni surgam et circuibo civitatem per vicos et plateas quaerens quem diligit anima mea invenerunt me vigiles qui custodiunt civitatem num quem diligit anima mea vidistis paululum cum pertransissem eos inveni quem diligit anima mea

Osculetur me osculo oris sui quia meliora sunt ubera tua vino flagrantia ungentis optimis oleum effusum nomen tuum ideo adolescentulae dilexerunt te

Surge amica mea speciosa mea columba mea in foraminibus petrae in cavernis maceriae ostende mihi faciem tuam sonet nox tua in auribus meis vox enim tua dulcis et facies filia decora

Pulchra es amica mea suavis et decora sicut Jerusalem terribilis ut castrorum acies ordinata averte oculos tuos a me quia ipsi me avolare fecerunt capilli tui sicut greges caprarum quae ascenderunt de Galaad ad dentes tui sicut greges ovum quae descenderunt de lavacro omnes gemellis fetibus et sterilis non est meis

Gaude virgo gratiosa verbum verbo concepisti gaude tellus fructuosa fructum vitae protulisti gaude rosa speciosa Christo vernans resurgente gaude mater gloriosa Jesu caelos ascendente gaude fruens deliciis nunc rosa juncta lilio emunda nos a vitiis et tuo junge filio o clemens o pia o dulcis Maria

Dilectus meus loquitur mihi surge propera amica mea jam enim hiems transiit imber abiit et recessit flores apparuerunt in terra nostra tempus putationis advenit veni veni veni veni coronaberis

Ferculum fecit sibi rex Salomon de lignis Libani columnas ejus fecit argenteas reclinatorium aureum ascensum purpureum media autem caritate constravit propter filias Jerusalem

O regina supernorum venerabilis civium flos campi rosa lilium spes et salus peccatorum tu desolatos solamine recrea nau fragos ex hilara rortu florum flos quem laudat dignitas sidere a solve unicla delictorum dele culpas flagitamus ne damnemur virgo Maria in traemendo judicio pia exaudi ne pereamus

Spes desperatis fons magnifice pietatis virgineo flore pollens cum matris honore flos inter spinas notras sustolle ruinas

Regina caeli laetare alleluia quia quem meruisti portare alleluia resurrexit sicut dixit alleluia ora pro nobis deum alleluia

Ego flos campi et lilium convallium veniat dilectus meus in hortum suum et osculetur me osculo oris sui

Dum steteritis*

Gloriosus dei apostolus Bartholomaeus vere est digne honorificandus qui in numero duodecim apostolorum judiciarium sortitus est thronum

Sancte Bartholomaee*

Regem regum Christum sicut dignum est adoremus cujus honore sanctum Bartholomaeum veneramur apostolum

Dona dei caeli dum narrant voce fideli in finem mundi sonus exit Bartholomaei

Vir mundi cordis simul intrat delubra sordis Indii turbantur quia daemonum ora ligantur

Dum nutu domini manet in specie peregrini templis jam mutis claret per signa salutis

In omnem terram*

Beatus Bartholomaeus orientis ingens decus ut Indiam est ingressus in tenebrarum patriam fulsit ut lux clarissima

Jam medium sidus chori cum sit ipse duodeni

Dum miseros hic responsis deluderet fallax hostis ad ingressum apostoli muta fit vox oraculi

Quia luci ad tenebras nulla manet societas

Quam accepta fuit deo justi hujus oratio qua dum hostis se incendi per os clamat Seustii pulsus liquit plasma dei

Multum enim assidua oratio valet munda

Gloria patri et filio et spiritui sancto

Divinae legis datorem filia regis agnoscit vita per eum meliore potita

Sospitae rex nata plaudit fert munus et audit ditandus Christo quo munere non eget isto

Vis nova sermonis simul est audita colonis noscere verba fidem cupiunt amor omnibus idem

Constitues*

Doctor verus ait turbae deum verum cognoscite si salvi esse cupitis simulacra conteratis

Quoniam omnes dii gentium daemonia dominus autem caelos fecit

Gloria patri et filio et spiritui sancto

Dum oraret apostolus splendens effulsit angelus sculpens sanctae crucis signum credentibus adorandum

Vobis inquit remedium hoc salutis dabit signum

Gloria patri et filio et spiritui sancto

Sancte Bartholomaee Christi apostole Indorum doctor egregie nostris aurem clamoribus appone ut tuo ad dominum sustentati vivamine tui concives mereamur adesse

Intercede pro nobis ad dominum gloriose dei amice ut ipsius gratia largiente

Gloria patri et filio et spiritui sancto

Jam miser ille deus quem cogit Bartholomaeus ne sibi thus detur clamat sua vincla fatetur

Idola dum frangit delusor quem metus angit laudat turba deum credens per Bartholomaeum

Virtus quanta dei micuit prece Bartholomaei qua sunt salvati morbo quocumque gravati

Nimis honorati*

Ingens exemplum fidei credentes admiramini Christi sumit ut baptisma rex deponit diadema

Et nunc reges intellege erudimini qui judicatis terram

De praeclara fide fratris indignatus rex Astragis apostolum jubet cedi confitentem nomen Christi

Considerat peccator justum et quaerit mortificare eum

O militis praedicanda fides virtus et gloria qui vivens decoriatus et capite tandem caesus jam victima munda factus caelos scandit laureatus

Cujus Christe per merita ab occultis nos emunda

Gloria patri et filio et spiritui sancto

Stans decus indutus virtutum Bartholomaeus non timet Astragi caelitus acta loqui

Jussu fracta meo sunt idola daemone victo plebs cum laetitia serviat ut domino

Dum minui nequeat quem metu mundus adorat dum tua rex minuo numina crede meo

Hinc furit ad poenam rex turpem quippe ruinam numinis agnoscit quod miser ipse colit

Sic athleta dei donatus laude tropaei quem docet orbe coli laudat in arce poli

Aeterna Christi munera*

O regem Christum sanctorum remuneratorem pium qui sanctum mirificavit Bartholomaeum quem nobis patronum tribuit et per quem viam salutis cunctis fidelibus demonstravit cujus nobis intercessio ante eum succurrat

Doctor verus*

Sanctus Bartholomaeus apostolus dixit ad plebem audite verum deum creatorem vestrum qui in caelis habitat non idolis vanis credatis sed vos omnes Christi baptismate consecrabo et salvi eritis in perpetuum

Laetare mater nostra Jerusalem quia rex tuus dipensatorem strenuum et cuiem fidelissimum de serviture Babylonis tibi redemit Augustinum

Hujus mater devotissima quem carne prius pepererat mundo caritatis visceribus post modum multo semine lacrimarum genuit Christo

Distulit tamen diu baptismi gratiam quia tumens inani philosophia volebat humana ratione comprehendere quod pia mens vivacitate fidei nititur apprehendere

Surgens autem post multos circuitus errorum circuibat civitatem per vicos et plateas quaerendo verum animae virum pro quo ne moreretur dignum judicare mori ut ejus semper inhereret amori

Inventus igitur a custodibus civitatis et pallio vetustatis ex utus diligenter per tractata cum illis veritate quam desiderabat invenit et castis ejus amplexibus ardenter inhaesit

Vulneraverat*

Magne pastor*

Amavit*

Adest dies celebris quo solutus nexu carnis sanctus praesul Augustinus assumptus est cum angelis ubi gaudet cum prophetis laetatur cum apostolis quorum plenus spiritu que praedixerunt mystica fecit nobis perviam post quos secunda dispensandi verbi dei primus refulsit gratia

Magnus dominus et laudabilis valde et sapientiae ejus non est numerus qui de tenebris gentium lumen ecclesiae suae vocavit Augustinum

Caeli cives*

Aperuit Augustinus codicem apostolicum et cojectis oculis ad primum capitulum legit induimini dominum Jesum Christum et statim quasi infusa luce securitatis ab eo omnes dubietatis tenebrae diffugerunt

Insinuavit ergo per litteras sancto viro Ambrosio praesens votum suum ut moneret quid sibi de libris sanctis legendum esset quo percipiendae Christianae gratiae aptior fieret atque paratior

At ille jussit Isaiam prophetam quod praeceteris evangelii vocationisque gentium sit pronuntiator apertior

Amavit eum dominus*