Uni trinoque domino sit

Immolabit agnum sine macula multitudo filiorum Israel ad vesperum paschae edentes carnes et azymos panes

Pascha nostrum immolatus est Christus itaque epulemur

Eduxit vos dominus in manu forti de terra Aegypti qui eduxit de petra ri vos et cibavit vos manna in solitudine

Non Moyses dedit vobis panem de caelo sed pater meus dat vobis panem de caelo verum

Melchisedech rex Salem sacerdos dei altissimi proferens panem et vinum praefiguravit corporis Christi sanctum sacrificium immaculata hostiam

Intonuit Jesus pro nobis secundum ordinem Melchisedech semel offerrendo se ipsum

Alleluia*

Laudabilis populus quem

Beata gens cujus est dominus

Cumque surrexisset et accepisset cibum confortatus est in spiritu sancto

Miserator et misericors dominus replet in bonis desiderium tuum

Educas panem de terra et vinum laetificet cor hominis

Redemit dominus populum suum

Qui manducat meam carnem et bibit meum sanguinem in me manet et ego in illo caro enim mea vere est cibus et sanguis meus vere est potus

Comedite amici bibite et inebriamini carissimi

Misit me pater vivens et ego vivo propter patrem et qui manducat me vivet propter me

In me omnis gratia vitae et veritatis in me omnis spes vite et virtutis

Cenantibus illis accepit Jesus panem et benedixit ac fregit deditque discipulis suis et ait accipe et comedite hoc est corpus meum

Videntes filii Israel manna in deserto admirantes dicebant quid est hoc

Accepit Jesus calicem postquam cenavit dicens hic calix novum testamentum est in sanguine meo hoc facite in meam commemorationem

Venite et comedite panem meum et bibite vinum quod miscui vobis

Gloria patri et filio et spiritui santo

Lauda Jerusalem cum canticis salvatorem qui pacem ponit fines tuos et adipe frumenti saciat nos

Angelorum esca nutris populum tuum domine panem de caelo dans nobis omne delectamentum in se habentem substantiam et dulcedinem tuam quam habes in filios ostendendo

Domine qui das vitam mundo semper da nobis panem verum

Vidit regina Saba sapientiam Salomonis domum quam aedificaverat cibos mense ejus officia ministrorum et vestimenta eorum et admirans dixit beati servi tui qui audiunt sapientiam tuam

Regina austri venit a finibus terrae audire sapientiam Salomonis

Gaudeamus et exsultemus et demus gloriam deo qui a venerunt nuptiae agni et uxor ejus praeparavit se beati qui ad cenam nuptiarum ejus vocati sunt

Ahasverus pro conjunctione et nuptiis Esther per magnificum convivium praeparavit

Gloria patri et filio et spiritui santo

Laudet devote dominum praesens chorus qui in suae passionis perennem memoriam seipsum praebet in cibum populo appropinquanti sibi

Memoriam fecit mirabilium suorum miserator dominus

In divinis operibus nulla res sic mirabilis nam nos cibat iste cibus manens indivisibilis

Sumunt omnes et singuli semperque tota sumitur veritas hujus pabuli quod sumptum non consumitur

Jesus nascens se socium convescens in edulium pendens dedit in pretium se regnans dat in praemium

O salutaris hostia quae caeli pandis ostium bella premunt hostilia da robur fer auxilium

Uni trinoque domino sit sempiterna gloria qui vitam sine termino nobis donet in patria amen

Benedictus sit creator et redemptor fidelium qui memor testamenti sui sancti quo promiserat daturum se nobis visitavit nos oriens exalto et in cruce moriturus pro nobis reliquit pignus amoris immensi donans nobis sui corpis et sanguinis pretiosissimum sacramentum

In mundi primordiis homo primus mortis escam suis posteris propinavit sed secundus qui de caelo venit mundis cor de se tribuit escam vitae

Gustate cuncti fideles quam dulcis est dominus nobis corpus suum hora teria crucifixum pro mundi salute in salvificum cibum tribuens in altari omnes ipsum adoremus qui venit salvare nos

O lux meridiana illuminans omnia irradia corda nostra ad tanti sacramenti mysteria cognoscenda

O pastor bone qui relictis nonaginta novem ovibus in deserto ad gregem ovem perditam reporrasti pasce nos tui sacri corporis alimento

Mane nobiscum domine quoniam advesperascit ut per te nostrum viaticum perducamur ad diem claritatis aeternae

Recedant legis vetera dum nova superveniunt nam pro manna dato patribus in deserto Christus nobis sub specie panis proprium corpus dedit

Figuram agni typici terminat verus agnus dum pro nostrae viae solatio sub panis azymi specie nobis datur

Sibi nos incorporat panis vite si mente pura fide firma et caritate perfecta in ejus similitudinem transformemur

Cibavit eos dominus ex adipe frumenti

Et de petra melle saturavit eos

O sacramentum pietatis o signum unitatis o vinculum caritatis nos in via reficiens sub aliena specie post praesentis vitae cursum refice nos in patria jam revelata facie fine specie media alleluia

Seu mystico baptismate

Seu stella partum virginis

Vel hydriis plenis aquae vini

Aquas colorari videns

Sic quinque milibus viris dum

Multiplicabatur magis

Inter manus frangentium panis

Gloria tibi*

Sex ante paschae ferias

Nardi Maria pistici sumpsit

Post haec jugalis asinae

O quam stupenda pietas mira