Coepit sub Innocentio cursumque sub Honorio perfecit gloriosum succedens his Gregorius magnificavit amplius miraculis famosum alleluia

Hunc sanctus praeelegerat in patrem quando praeerat ecclesiae minori hunc spiritu prophetico provisum apostolico praedixerat honori alleluia

Franciscus evangelicum nec apicem vel unicum transgreditur nec jota nil jugo Christi suavius huic onere nil levius in hujus vitae rota alleluia

Hic creaturis imperat qui nutui subjecerat se totum creatoris quicquid in rebus reperit delectamenti regerit in gloriam factoris alleluia

Proles de caelo prodiit*

Ora pro nobis* R. Ut digni efficiamur*

O stupor et gaudium o judex homo mentium tu nostrae militiae currus et auriga ignea praesentibus transfiguratum fratribus in solari facie vexit te quadriga in te signis radians in te ventura nuntians requievit spiritus duplex prophetarum tuis adsta posteris pater Francisce miseris nam increscunt gemitus ovium tuarum

Regi quae fecit opera Christo confiteantur cujus in sancto vulnera Francisco renovantur alleluia

Hic vir in vanitatibus nutritus indecenter divinis charismatibus praeventus est clementer alleluya

Excelsi dextrae gratia mirifice mutatus dat lapsis spem de venia cum Christo jam beatus

Mansuescit sed non penitus inprimis per languores qui captis armis caelitus ad plenum mutat mores

Amavit eum dominus et ornavit eum R. Stolam gloriae induit eum

Franciscus ut in publicum cessat negotiari in agrum mox dominicum secedit meditari inventum evangelicum thesaurum vult mercari

Deum quid agat unicum consultans audit caelicum insigne sibi dari

In dei fervens opere statim ut sua vendit pauperibus impendere pecuniam intendit quae gravi suo pondere cor liberum offendit alleluia

Quam formidante paupere presbytero recipere abjectam vilipendit

Dum pater hunc persequitur latens dat locum irae constanter post agreditur in publicum prodire squalenti vultu cernitur putatur insanire alleluia

Luto saxis impetitur sed patiens vir nititur ut surdus pertransire

Gloria patri et filio et spiritui sancto

Pertractum domi verberat plus cunctis furens pater objurgans vincit carcerat quem furtim solvit mater alleluia

Jam liber patris furiae non cedit effennati clamans se voluntarie pro Christo mala pati

Ductus ad loci praesulem sua patri resignat nudusque manens exsulem in mundo se designat

Os justi meditabitur*

Dum seminudo corpore laudes decantat Gallice zelator novae legis latronibus in nemore respondet sic prophetice praeco sum magni regis alleluia

Audit in nivis frigore projectus jace rustice futurus pastor gregis

Gloria patri et filio et spiritui sancto

Amicum quaerit pristinum qui spretum in caenobio tunicula contexit contemptu gaudens hominum leprosis fit obsequio quos antea despexit alleluia

Sub typo trium ordinum tres nutu dei praevio ecclesias erexit

Audit in evangelio quae suis Christus loquitur ad praedicandum missis hoc inquit est quod cupio laetanter his innititur memoriae commissis alleluia

Gloria patri et filio et spiritui sancto

Non utens virga calceo nec pera fune cingitur duplicibus dimissis

Gloria patri et filio et spiritui sancto

Cor verbis novae gratiae solliciter apponit verbumque paenitentiae simpliciter proponit alleluia

Pacem salutem nuntiat in spiritus virtute veraeque paci sociat longinquos a salute

Ut novis sancti merita remunerantur natis his nova tradit monita viam simplicitatis

Lex dei ejus*

Carnis spicam contemptus area Franciscus frangens terens terrea granum purum excussa palea summi regis intrat in horrea alleluya

Vivo pani morte junctus vita vivit vita functus

De paupertatis horreo sanctus Franciscus satiat turbam Christi famelicam in via ne deficiat iter pandit ad gloriam et viae viam ampliat alleluia

Pro paupertatis copia regnat dives in patria reges sibi substituens quos hic ditat inopia

Gloria patri et filio et spiritui sancto

Sex fratrum pater septimus absorptus luce caelitus futura contemplatur inter minores minimus quis parvi gregis exitus praeclare speculatur

Quadrans quoque novissimus culparum sibi caelitus dimitti revelatur

Arcana suis reserans octavum tandem recipit et ad diversas gentes binos mittendos foederans humiliari praecipit et esse patientes

Grex procidit obtemperans pastor erectos suscipit ad oscula gaudentes

Gloria patrio et filio et spiritui sancto

Euntes inquit in eum qui nutriet vos dominum jactate cogitatum sic fratribus erroneum praecludit et interminum callem cupiditatum

Sic curis cor extraneum non providet in crastinum in zonis es ligatum

Gloria patri et filio et spiritui sancto

Regressis quos emiserat completur bis senarius fratrum dum confirmando normam sancto quam scripserat jussa dat Innocentius papa de praedicando

In mea Franciscus foenerat quem dati monet ratio de lucro reportando

Gloria patri et filio et spiritui sancto

Sanctus Franciscus praeviis orationum studiis quid faciat instructus non sibi soli vivere sed aliis proficere vult dei zelo ductus alleluia

Hic praedicando circuit et quem non homo docuit fit doctis in stuporem virtutum verba loquitur novumque nova sequitur militia ductorem alleluia

Tres ordines hic ordinat primumque fratrum nominat minorum pauperumque fit dominarum medius sed paenitentum tertius sexum capit utrumque alleluia

Doctus doctrinae gratia doctus experientia quae sunt perfectionis haec fratres docet omnia tam factis quam frequentia melliflui sermonis alleluia

Laudans laudare monuit laus illi semper adfuit laus inquam salvatoris invitat aves bestias et creaturas alias ad laudem conditoris alleluia

Plaude turba paupercula*

Ora pro nobis* R. Ut digni*

O martyr desiderio Francisce quanto studio compatiens hunc sequeris quem passum libro reperis quem aperuisti tu contuens in aere seraph in cruce positum ex tunc in palmis latere et pedibus effigiem fers plagarum Christi tu gregi tuo provide qui post felicem transitum dirae prius et lividae glorificatae speciem carnis praedendisti alleluia

Decus morum dux minorum*

Ora pro nobis R. Ut digni efficiamur*

O virum mirabilem in signis et prodigiis languores cum daemoniis quoslibet pellentem dat aurem suis avium praedicans silvestrium verbis intendentem o vita laudabilem qua fide sic magnificat sed et multos vivificat mortuos defunctus Francisce nos caelestium fac consortes civium quibus es conjunctus alleluia

Gaudeat ecclesia quam in defunctorum sponsus ornat gloria matrem filiorum

Sapiente filio pater gloriatur hoc et in Antonio digne commendatur

Qui dum sapientiam saeculi calcavit prudens summi gloriam patris exaltavit

Augustini primitus regulae subjectus sub Francisco poenitus mundo fit abjectus

Quorum vitam moribus hic profitebatur gloriosis patribus jam congloriatur

En gratulemur hodie*

Ora pro nobis* R. Ut digni*

O proles Hispaniae pavor infidelium nova lux Italiae nobile depositum urbis Paduanae fer Antoni gratiae Christi patrocinium ne prolapsis veniae tempus breve creditum defluat inane

Jam Christum chorus humilis alacrius in jubilo collaudet in quo sacerdos nobilis Antonius de veritate gaudet

Laus regi plena gaudio*

Quasi secus alveum rivuli plantatus fructum temporaneum dedit hic beatus

Monte Sion praedicat domini praeceptum et talentum duplicat caelitus acceptum

Conterit miraculis peccatorum dentes sponsam Christi patulis rictibus mordentes

Amavit eum dominus et ornavit*

Funditur insontium sanguis a profanis fitque morientium merces vitae panis rumor ad Antonium volat non inanis

In minores gladium fratres dat in odium Christi rex immanis

Optans fore socius gloriae victorum quos occidit impius rex Marrochiorum sequitur Antonius vitam defunctorum

Felix quem non gladius terret sed in melius mutat iniquorum

Fervet ad martyrium dum rex terrae saevit sed hoc desiderium suum non implevit de quo rex regnantium aliud decrevit

Tandem in simplicium coetu per indicium fama viri crevit

Gloria patri et filio et spiritui sancto

Grave cor quaerentium nugas vanitatem discit per Antonium vitae veritatem

Contra virum sanguinum clamat et dolosum quod hoc genus hominum deo sit exosum

Laus perfecta profluit ex lactentis ore in quo Christus destruit hostem cum ultore

Os justi meditabitur*

Dono sapientiae plenus arrogantiae fastum qui timebat sub indocti facie tantum diu gratiae lumen abscondebat

A se pondus gloriae sibi temerarie sumere volebat

Gloria patri et filio et spiritui sancto

Pauperum collegio pauper in principio spiritu probatus verbi ministerio non injectu proprio datur sed vocatus

A quo sit haec datio fiunt testimonio mors et incolatus

In doctrinae poculis justus sua singulis reddens affluebat loquens magnis parvulis veritatis jaculis aeque feriebat

Potior miraculis virtus haec in oculis omnium clarebat

Gloria patri et filio et spiritui sancto

Gaude quondam saeculi transiens viator summi tabernaculi nunc inhabitator

Nobis fac propitium a quo recepisti cordis desiderium vitam quam petisti

Duc in montem domini ora nos Antoni deo junctos homini loco sancto poni

Lex dei ejus*