Levita Laurentius bonum opus operatus est qui per signum crucis caecos illuminavit

Laurentius ingressus est martyr et confessus est nomen domini Jesu Christi

Adhaesit anima mea post te quia caro mea igne cremata est propter te deus meus

In craticula te deum non negavi et ad ignem applicatus te Christe confessus sum probasti cor meum et visitasti nocte igne me examinasti et non est inventa in me iniquitas

Stridebant corporis membra posita super craticula subjicientibus prunas insultat levita Christi

Posuisti domine super caput ejus R. Coronam de lapide pretioso

Si quis mihi ministraverit honorificabit eum pater meus qui est in caelis

Interrogatus te Christe confessus sum assatus gratias ago

Inclytus martyr Tiburtius cum nudatis plantis super prunas serventes incederet Fabiano praefecto dixit videtur mihi quod super roseos flores incedam in nomine domini mei Jesu Christi

Exsultabunt sancti in gloria R. Laetabuntur in cubilibus suis

Beatus Euplus praesidi Calvisiano dixit ego sacrifico et immolo me ipsum patri et filio et spiritui sancto

Exsultabunt sancti in gloria R. Laetabuntur*

O Hippolyte si*

O Hippolyte*

Maria virgo assumpta est*

Beatus servus*

Os justi meditabitur*

Regem virginum*

Exaltata es sancta dei genetrix super choros angelorum ad caelestia regna

Paradisi gaudia per te nobis apertae sunt quae hodie gloriosa cum angelis triumphat

Speciosa facta es et suavis in deliciis tuis sancta dei genetrix

Exaltata es sancta dei genetrix R. Super chorus angelorum ad caelestia regna

Vidi speciosam sicut columbam ascendentem desuper rivos aquarum cujus inaestimabilis odor erat magnus in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans dedi

Diffusa est gratia in labiis tuis propterea benedixit te deus in aeternum

Dilexisti justitiam et odisti iniquitatem

Sicut myrrha electa odorem dedisti suavitatis sancta dei genetrix

Benedicta tu inter mulieres et benedictus fructus ventris tui

Super salutem et omnem pulchritudinem electa est a domino sancta dei genetrix

Speciosa facta es et suavis R. In deliciis tuis sancta dei genetrix

Te laudant angeli sancta dei genetrix quae virum non cognovisti et dominum in utero bajulasti concepisti dominum nostrum ut benedicta dicaris inter omnes mulieres

Ipsum genuisti quem in praesepi posuisti quem adorant multitudo angelorum

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrha et thuris

Veni electa mea et ponam in te thronum meum quia concupivit rex speciem tuam

Specie tua et pulchritudine tua intende prospere procede et regna

Benedicta tu inter mulieres per quam maledictio matris Evae soluta est

Paradisi porta per Evam cunctis clausa est et per Mariam virginem iterum patefacta est

In prole mater et in partum virgo gaude et laetare mater domini mei Jesu Christi

Dignare me laudare te virgo sacrata R. Da mihi virtutem contra hostes tuos

Ista speciosa inter filias Jerusalem sicut vidistis eam plenam caritate dilectionis in cubilibus et in hortis aromatum

Specie tua*

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies timentibus eum

Pulchra facie sed pulchrior fide beata es virgo Maria respuens mundum laetaberis cum angelis intercede pro omnibus nobis

Sancta et immaculata virginitas quibus te laudibus referam nescio

Maria virgo semper laetare quae meruisti Christum portare caeli et terrae conditorem quia de tuo utero protulisti mundi salvatorem

Ante torum hujus virginis frequentate nobis dulcia cantica dramatis

Optimam partem elegit sibi Maria quae non auferetur ab ea in aeternum

Oculi tui sancta dei genetrix sicut piscinae in Hesebon quae sunt in portis filiae multitudinis

O quam pulchra es casta generatio cum claritate

Diffusa est gratia in labiis tuis R. Propterea benedixit te deus in aeternum

Maria virgo assumpta est ad aethereum thalamum in quo rex regum stellato sedet solio

Unguentum effusum est nomen tuum dei genetrix et recti diligunt te

Pulchra es et decora filia Jerusalem terribilis ut castrorum acies ordinata

Revertere revertere Sunamitis revertere revertere ut intueamur te

Hortus conclusus est dei genetrix hortus conclusus et fons signatus

Surge aquilo et veni auster perfla hortum meum et fluent aromata illius

O quam gloriose migrasti ad Christum beata et venerabilis virgo Maria cui Abrahae sinus non sufficit sed caeli palatia patent

Nigra sum sed formosa filia Jerusalem ideo dilexit me rex et introduxit me in cubiculum suum

Sanctus Agapitus annorum quindecim Christum confessus coronam meruit

Posuisti domine*

Ego praefecturam non perdidi sed mutavi nam dignitas terrena a terris tollitur ac mutatur dignitas vero caelestis aeterna sublimitate subsistit

Domine meus Hermen recipe praefecturam tuam et recipe patrimonium tuum tuaeque domus ornatam

Constans esto filia et in virginitate permane et ego te faciam tuum sponsum videre qui propter tuum amorem suum sanguinem fudit

Audi filia et vide et inclina aurem tuam et obliviscere populum tuum

Ecce sacerdos*

Justus ut palma*

Fidelis servus*

Domine deus Hermen recipe praefecturam tuam tuaeque domus ornatum

Gloria et honore*

Expansis manibus orabat ad dominum ut eam eriperet de inimicis suis

Veni sponsa Christi*

Elegit eam deus*

Elegit eam deus*

Ego Sabina gratias ago domino qui me per famulam suam Seraphiam de potestate daemonum liberare dignatus est ideo non sacrifico daemoniis quia christiana sum et Christum habeo dominum

Si ipso juvante munda permansero ipius sum templum

Justum deduxit dominus*

Magna est gloria*

Puellae saltanti imperavit mater nihil aliud petas nisi caput Joannis Baptistae

Misso Herodes spiculatore ut amputaret caput Joannis in carcere quo audito discipuli ejus tulerunt corpus ejus et posuerunt illud in monumento

Adesto domine cum ancilla tua Sabina et corrobora eam in tua magnitudine

Veni sponsa Christi accipe coronam R. Quam tibi dominus praeparavit

Regem magnum*

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui et jam quievi et venit super me misericordia tua domine

Nolo multa fortitudine contendat mecum ne magnitudinis suae mole me premat aequitatem proponat contra me

Adesto dolori meo deus nimium fatigor et cecidit in luctum cithara mea et cantatio mea in plorationem

Versa est in luctum cithara mea et organum meum in vocem flentium

Auditu auris audivi te domine nunc autem oculus meus videt te idcirco ipse me reprehendo et ago paenitentiam in favilla et cinere

Unum locutus sum quod utinam non dixissem et alterum quibus ultra nihi addam sed ponam digitum ori meo

Nocte os meum perforatur doloribus et qui me comedunt non dormiunt a multitudine eorum consumitur vestimentum meum comparatus sum luto et assimilatus sum favillae et cineri

O custos hominum quare me posuisti contrarium tibi et factus sum mihi metipsi gravis parce mihi domine nihil enim sunt dies mei

Qui consolabatur me recessit a me quaero quod habui et non invenio fundunt oculi mei lacrimas quia repletus sum amaritudine

Fletum deduxerunt oculi mei et palpebras meas operuit umbra mortis

Scio domine quia morti me traditurus es ubi constituta est omnis domus viventium spero in te domine quia non ad consumptionem meam emittis manum tuam et si in profundum inferni dimersus fuero inde me liberabis

Si ascendero in caelum tu illic es et si descendero in infernum ades

Inclinans faciem meam ingemisco commovebor omnibus membris meis scio enim domine quia impunitum me non dimittis sed si sum impius quare non sum mortuus sed laboro

O custos hominum quare me posuisti contrarium tibi et factus sum mihi metipsi gravis parce mihi domine nihil enim sunt dies mei