Vox tonitrui tui deus in rota Joannes est evangelista mundi per ambitum praedicans lumen caelicum qui triumphans Romae lavit in vino stolam suam et in sanguine olivae pallium suum alleluia

Victo senatu cum Caesare virgineo corpore tripudiat in igne

Gloria patri et filio et spiritui sancto sicut erat in principio

Ecce ego Joannes*

Juravit cum aliis*

In ferventis*

Dominus noster Jesus Christus talem donare dignatus est fiduciam servis suis ne terreri possint ullo modo ab adversariis alleluia

Gaudete justi in domino alleluia rectos decet collaudatio alleluia alleluia

In memoria aeterna erunt justi ab auditione mala non timebunt

Gloria patri et filio et spiritui sancto

Jerusalem et Sion filiae Pancratium videre venite cum corona victoriae qua coronatus est hodie a sponso suae matris ecclesiae cujus domine intercessione tua salvemur propitiatione alleluia

Pro palma rosei domino jubilate trophei Pancratius vitae quam sumpsit in arce venite alleluia

Beatus pontifex Cornelius prosternens se in oratione pro salute Dionysii et Pancratii benedictum benedicebant deum alleluia

Gloria et honore coronasti eum domine alleluia

Beatus martyr Pancratius repletus gratia sancti spiritus cum nepote Dionysio renatus est salutiari lavachro alleluia

Hi agni novelli venerunt ad fontem repleti sunt caritate

Orbato utroque parente Pancratio adest ei spiritus sancti consolatio alleluia

Quem per doctorem Christi commovit amorem

Christi martyr Pancratius spernens dona cum terroribus paschali agno per tormenta immolatur triumphans in caelesti sede laureatus alleluia

Ante thronum stando cui cantica pangit ovando

Gloria patri et filio et spiritui sancto

Diocletianus Augustus dixit ad beatum Pancratium puer acquiesce suasionibus meis ne forte mala morte moriaris alleluia

Beatus puer Pancratius ut fortis athleta constanti animo respondit Diocletiano noli imperator frustra errare quem quasi videns puerum quattuordecim annorum ne habere credas intellectum alleluia

Dominus*

Martyr egregie*

O Pancrati Christi martyr egregie qui dum puer florida videris aetate jam vir eras virilis animi virtute speciosus corpore sed speciosior fidei puritate tunc patrimonii praedives hereditate sed nunc paradysi ditior possessione cum fraterna sanctorum martyrum societate pro nobis omnibus intercede alleluia

A progenie in progenies fecit misericordiam dominus qui eduxit Abraham de Ur Chaldaeorum et de ultimis finibus terrae vocavit sanctum Servatium ut in hac terra nostra peregrinus esset et advena in illa vero patria caelesti civis sanctorum et domesticus dei ibi nobis datus a deo patronus jugiter intercedat pro hac sancta plebe et universis fidelibus alleluia

Gaudent in caelis*

Isti sunt sancti*

Filiae Jerusalem*

Beatus Vitus*

Dum complesset*

Oravit sanctus Vitus dicens deus pater Jesu domini mei respice in me et confirma me ut non praevaleat draco iniquus perficere in me voluntatem suam

Adoremus Christum regem martyrum dominum qui aeterna sanctum Vitum coronavit gloria

Beatus Vitus dixit patri suo utinam cognosceres Christum deum esse et in ejus cultu mihi consentires

Ipse est enim agnus dei qui tollit peccata mundi

A cujus caritate nemo quacumque tribulatione illata me umquam poterit separare

Gloria et honore coronasti eum domine

Tempore quo Valerianus sub Diocletiano imperatore persecutionem Christianorum exercuit apparuit angelus domini sancto Vito puero confortans eum et ait datus sum inquam tibi custos ut te custodiam usque in diem exitus tui

Erat enim sanctus Vitus multa signa faciens et die noctuque misericordiam divinam implorans

Sanctus Vitus dixit patri suo patienter audiet veritatis suscipe rationem traditio et crucifixio Jesu Christi domini nostri redemptio et salus nostra esse dinoscitur

A cujus caritate nemo quacumque tribulatione illata me umquam poterit separare

Beatus Vitus elevans ad caelum oculos dixit propter eos qui astant domine ut videant in nomine Jesu Christi domini nostri sanetur prae fidis hujus manus

Ut credant dominum Jesum Christum filium tuum in unitate spiritus sancti

Gloria patri et filio et spiritui sancto

Sanctus Vitus praesidi Valeriano dixit demonibus non consentio nec sculptilibus aut lapidibus venerationem impendo

Habeo enim dominum meum Jesum Christum cui fideliter servit anima mea

Venerandus Vitus respondit patri suo non debeo perire si possum in congregatione justorum introire

O laudanda sancti Viti merita qui adhuc puer angelico colloquio et documentis atque signorum potentia coruscus effulsit

Qui rabidi insaniam hostis interritus adiit modestus sustinuit securus irrisit

Oravit sanctus Vitus dicens deus caeli et domine Jesu Christe fili dei vivi qui natus es ex Maria perpetua virgine exaudi me et aggrega mecum patrem meum in aula sancta tua

Verumtamen domine non mea voluntas sed propositum fiat gratiae tuae

Sanctus Vitus dixit domine Jesu Christe qui caeco nato lumen quod natura negaverat tua potentia tribuisti illumina oculos patris mei

Ut videant et confundantur inimici tui et laetentur omnes qui noverunt te domine

Ministri praesidis ut in infantem manus mittere tentaverunt arefacta sunt bracchia eorum sed et manus praesidis arefacta est

Tunc exclamavit praeses dicens heu manum perdidi et dolore torqueor

Sanctus Vitus dixit praesidi non sum ego magus sed Christi domini mei famulus cujus doctrina et opere sum repletus

Beatus Vitus exclamavit voce magna dicens in auxilium nostrum tu intende domine accelera et libera me

Sicut liberasti tres pueros de camino ignis et Susannam de iniquitate falsorum testium

Beatus Vitus devictis tormentis omnibus oravit dicens custodi domine omnes qui pro me glorificant te et perduc eos ad gloriam tuam

Perfice domine desiderium cordis eorum et libera eos ab omnibus impedimentis saeculi hujus

Dum complesset sanctus Vitus orationem facta est vox de caelo dicens ad eum Vite exauditae sunt orationes tuae beatae sanctorum animae his quoque dictis caelum cum gaudio petierunt

Beate sanctorum animae sacris egresse corporibus in similitudine columbarum nive candidiores comitantibus eis angelorum choris

Beatus Vitus Diocletiano dixit magister noster qui nos docuit natura bonus est potestate magnus et simplicitate modestus

Cui si perseveravero feliciter induet me stolam immortalem quam tenebrae comprehendere non valent

Pro cujus nomine tormenta quae promittis desidero ut palmam percipiam quam electis suis pollicitus est sine fine mansuram

Beatus Vitus illaesus ab igne clibani decantabat probasti me domine sicut aurum igne me examinasti et non est inventa in me iniquitas

Sanctus Vitus dixit dominus meus Jesu Christus mecum est cujus jussu me angelus ejus de omnibus poenis potentissime liberavit

Corona aurea super caput ejus

Laudamus te deus omnipotens in omnibus sanctis tuis praecantes humiliter ut sancti martyris Viti meritis foveamur cujus sacrum laetantes triumphum celebramus

Sanctus Vitus*

Domine Jesu Christe fili dei vivi perfice desiderium cordis eorum qui in tuo nomine volunt gloriari de mei martyrii passione

Pro eo quod non credidisti verbis meis eris tacens et non poteris loqui usque in diem nativitatis ejus

Ut queant laxis*

Fuit homo missus a deo

Ingresso Zacharia templum domini apparuit ei Gabriel angelus stans a dexteris altaris incensi

Regem praecursoris dominum venite adoremus

Priusquam te formarem in utero novi te et antequam exires sanctificavi te

Ad omnia quae mittam te dicit dominus ibis ne timeas et quae mandavero tibi loqueris ad eos

Ne timeas a facie eorum quia ego tecum sum dicit dominus

Fuit homo missus a deo cui nomen Joannes erat hic venit ut testimonium perhiberet de lumine et parare domino plebem perfectam

Erat Joannes in deserto praedicans baptismum paenitentiae

Elisabeth Zachariae magnum virum genuit Joannem Baptistam praecursorem domini qui viam domino praeparavit in eremo

Fuit homo missus a deo cui nomen Joannes erat

Priusquam te formarem in utero novi te et antequam exires de ventre sanctificavi te et prophetam in gentibus dedi te

Iste puer magnus coram domino nam et manus ejus cum ipso est

Misit dominus manum suam et tetigit os meum et prophetam in gentibus dedit me dominus

Ecce dedi verba mea in ore tuo ecce constitui te super gentes et regna

Dominus ab utero vocavit me de ventre matris meae recordatus est nominis mei

Descendit angelus domini ad Zachariam dicens accipe puerum in senectute tua et habebit nomen Joannes Baptista

Iste puer magnus coram domino nam et manus ejus cum ipso est

Innuebant patri ejus quem vellet vocari eum et postulans pugillarem scripsit dicens Joannes est nomen ejus

Apertum est os Zachariae et prophetavit dicens

Hic praecursor dilectus et lucerna lucens ante dominum ipse est enim Joannes qui viam domino praeparavit in eremo sed et agnum dei demonstravit et illuminavit mentes hominum

Ipse praeibit ante illum in spiritu et virtute Eliae

Gloria patri et filio et spiritui sancto

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sim salus ejus ab extremis terrae

Reges videbunt et consurgent principes et adorabunt dominum deum tuum qui elegit te

Praecursor domini venit de quo ipse testatur nullus major inter natos mulierum Joanne Baptista