Post vindictam scelerum quae facta est a domino cede Galliarum vandalorum persequente crudelitate misericordiam caeli distillaverunt dum Remigium mundo pontificem protulerunt

Benedicta gloria domini de caelo sancto suo quae nos meritis sanctorum eripuit ab ira indignationis suae

Mitigator furoris domini Remigius praesul cui dominus inter apostolos principalem gratiam perfectionis tribuit caelestis praeco et in terris praedo dei sui praecipuus bellator invictus gaudet regnat cum Christo in aeternum

Quodcumque ligaveris super terram erit ligatum et in caelis et quodcumque solveris super terram erit solutum et in caelis

Praesul Remigius gaudens baptismi tempora reparavit et impletis mysticis sacramentis regem cum populo baptizavit

Longe antequam conciperetur audita est magnificentia sanctitatis quam cum angelicis visibus illustratus sacer Montanus nuntiavit monachus

Benedicta portantis viscera tantam salutem meruit scire antequam conciperet sobolis virtutem

Intendebat vir beatus Remigius jactantiam virtutum fugere in quo non potuit gratia celsa latere

Studebat teneros annos morum maturitate vincere et benevolentiam cordis caritatis melle condire

O ineffabilis gratia pietatis a quo dum sustantia sola petitur triplex remedium obtinetur victu pavit egenum muneravit visu caecatum reddidit liberati captivum

Atque ita contigit per hoc insigne mysterium ut dum apparuit unus in paupere trinitas se ostenderet in salute

Sanctus Remigius meritis sanctitatis armatus verbi praecepit imperio ut iniquus praedo per quod ingressus fuerat discederet et Christi famulam relaxaret itaque cum nimio vomitu et obsceno fetore per os quod fuerat intromissus abscessit

Solis namque agnoscitur vivere meritis qui tantis fulget exemplis

Praesul Remigius nobilis genere nobilior sanctitate qui gentem barbaricam Francorum primus perduxit ad fidem catholicam

Iste est de sublimibus caelorum praepotentibus unus quem manus domini consecravit matris in visceribus cujus nos precibus adjuvari supplices deposcimus

Triumphator aeternus Remigius in gentibus confessor officio martyr quoque studio invictus certamine palmam quaerens sanguine beatus athleta dei quem si gladius persequentium non tetegit dignitatem martyrii non amisit

Per beatum Remigium fiunt divina mysteria per orationes ejus caeci illuminantur et natali ejus daemonia effugantur et infirmi sanantur

Peccatorum indulgentia donatur et reorum vincula relaxantur

Beatissimus Remigius cum lacrimis ad pavimenta sanctorum in oratione prostratus et reliquos ut ita facerent adhortatus est tunc effuso lacrimarum imbre consurgens suscitavit mortuam quam prius sanavit aegro tam

Precibus est populi supplicantis evictus ut orationem pro ipsa funderet et parentum lacrimis condoleret

Iste est de sublimibus caelorum praepotentibus unus quem manus domini consecravit matris in visceribus cujus nos meritis adjuvari supplices deposcimus

Iste est qui ante deum magnas virtutes operatus est et omnis terra doctrina ejus repleta est

Remigius sanctus antequam natus Ciliniae matri diu sterili ut praecursor domini ad parandam illi plebem perfectam per Montanum monachum divino est oraculo ex nomine nuntiatus

Remigius meritis gloriosus Benedicti filiam Alarici precibus ex ipsis inferni claustris redivivam reddidit parentibus

Beatus Remigius quendam habens obviam caecum occulta daemonum infestatione vexatum ut stipendia petentem aspexit ab immundo spiritu repente elisus ingemuit et ad orationem procumbens ut est perfusus lacrimis caecus lumen recepit daemone caruit et subsidium quod petebat accepit

Beatus Remigius ut vidit igne valido civitatem Remorum conflagare per daemones suscipiens in caelum ingemuit et dixit deus deus meus adesto voci meae

Concito cursu beatus Remigius civitatem petiit ad cujus adventum ignis fuga labens quo se vertit vir dei urbem egressus est

Gentem Francorum inclytam simul cum rege nobili beatus Remigius sumpto caelitus chrismate sacro sanctificavit gurgite atque spiritus sancti pleno ditavit munere

Gloriosi confessoris*

Suscepto*

Beata nimium*

Isti sunt sancti*

Et facta est comes multitudo caelestis exercitus exanimi corporis beati Dionysii caput proprium deportantis laudans deum et dicens gloria tibi domine

Sanctus Dionysius qui tradente beato Clemente Petri apostoli successore verbi divini semina gentibus eroganda susceperat

Quo amplius gentilitatis fervere cognovit errorem illuc intrepidus et calore fidei armatus accessit et Parisius domino ducente pervenit

Non veritus incredulae gentis experiri feritatem quia virtutem suam praeteritarum poenarum recordatio roboravit

Tunc memorata civitas et conventu Germanorum et nobilitate pollebat quia esset salubris aere jucunda fluminibus fecunda terris arboribus nemorosa et vineis uberrima

Hunc ergo locum dei famulus elegit expetendum

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

Ecclesia illis necdum in locis erat et populus ille novam construxerat a quo officia servientium clericorum ex more constituit probatasque personas honoris secundi ordinis ampliavit

Cinctus ergo fide et misericordiam anteponens paulatim sociabat deo quos diabolo subtrahebat

Miroque modo inermi viro non valebat plebs armata resistere

Per beatum Dionysium fiunt divina mysteria per orationes ejus caeci illuminantur et natali ejus daemonia effugantur et infirmi sanantur

Peccatorum indulgentia donatur et reorum vincula relaxantur

Beatus Dionysius Rusticus et Eleutherius in hac ergo fidei constantia permanentes reddentes terrae corpora beatas animas caelo cum gaudio contulerunt

Beatorum anime Dionysii Rustici et Eleutherii relictis glebis domino placuerunt

Vir inclytus Dionysius martyr domini pretiosus succensus igne divini amoris constanter sustinuit supplicia passionis et per immanitatem tormentorum pervenit ad societatem angelorum

Cujus intercessio in perpetuum nobis obtineat veniam qui per tormenta passionis aeternam meruit palmam et sempiternam coronam

Hi sancti viri a beati Dionysii numquam sustinuerunt abesse praesentia quos in unum interrogatio percussoris invenit

Tali namque apud dominum meruerunt professione migrare ut amputatis capitibus adhuc putaretur lingua palpitans dominum confiteri

In hac ergo fidei constantia permanentes reddentes terrae corpora beatas caelo animas intulerunt

Beata nimium et deo nostro grata societas inter quos nec primus alter potuit esse nec tertius sed trinitatem confitentes trino meruerunt decorari martyrio

Eligunt tetris Sequanae profundisque gurgitibus martyrum corpora perdenda committere

In hoc ergo loco experiuntur infirmi quantum dei famulos conveniat honorari ubi recipit caecitas visum debilitas gressum et obstrictae aures recipere merentur auditum

In sanctorum devotionibus sanctus Victor triumphavit sanctorum gloriam beatus Gereon ordinavit spem immortalitatis sanctus Cassius et Florentius fide armaverunt

Christum regem adoremus cum sanctis qui sub throno dei clamant in albis

Dominus Jesus Christus thebeorum legionem post passionis suae triumphum ad honorem sui nominis destinavit

Haec fraterna cohors praecepta regis non renuit sed iter quod coeperat cum duce peregit

Ob dei nutum sedavit pius ille cuneum sacrum ut subsisterent spectantes imperatoris jussum

Sancta per orbem crescente fide post domini ascensionem fieri meruerunt plures Christi martyres in qua societate electus est thebeorum exercitus ad gloriosum dei regnum

Gaudet beata mater ecclesia quod universus ad fidem colligitur mundus

Jubente rege ut idolis immolaret illa concors congregatio respondit se Christum colere nullumque alium deum adorare praeter illum cui omni a subduntur et cujus conspectui omnia patent

Noluit sanctum agmen idolis flectere cervicem sed repente respuit et deum caeli adoravit

Beatus Mauritius cum juberet pios pergere iter confodales insecuti sunt carnifices eorum vestigia cedentes donec tertius eorum per ordinem sententia consumeretur capitali

O martyrum pretiosus cruor quem fuderunt pro Christi nomine in Rhodani alveo

Monuit Mauritius miles sanctum fortiter agmen in agone stare quousque deliniretur infestantium rugitus

Modicum differebant intervallum qui benignum persequebantur populum sperantes eos idolis sacrificare suis

Interrogante rege si sacrificaret legio responderunt minime unde et decimum in ea feriri jubebat

Turmis inde euntibus sanctorum societatem Italiae finibus transgressis gubernante deo ad illuminationem suae sanctae ecclesiae dignatus est mittere et die noctuque ad intercessionem christianorum

Sanctorum sempiterna augetur gloria quia deus semper adest orationibus eorum

Beatae turbae alpes praetergressae appropiaverunt diram Franciam per pietatis societatem divisi finibus civitatis Veronae residentes duo cum septenis fuerunt ibi interempti

Cassium cum Florentio milites regis insecuti sunt et eos ibi trucidaverunt

Benigna mater ecclesia gaudet per orbem in qua semper manet gratia septiformis spiritus eo tenore cum pio Cassio et Florentio ipsa eadem hodie transvexit septem ad superos

Exsultent justorum animae in beatitudine sanctorum et in caelestibus ibunt de virtute in virtutem

Christiani nominis rex inimicus ut audivit a suis in Christum credere sanctos spiculatore cum satellitibus misso iterum eos necari jussit

Tunc praecepit eos omnes gladio consumi at illi devote laetantes colla sua subdiderunt inimicis

Sanctus occidebatur Mauritius cum sociis sacris collegionibus sparsim per vestigia gradientibus ierunt spatiose usque ad Rheni partes

Beato Gereone Agrippinam cum trecentis decem et octo appropiante et in terminis ejus confidente affuerunt regis insecuto res qui eos gladio interemerunt jactantes ibidem in puteum

Veronam Gereone ingresso consodales pacifice admonuit ut essent stabiles in fide una cum fratribus in agone

Sancto Victore per pelagus Rheni recto tramite cum sociis gradiente Troiae confines et per prata amoena extendentibus tabernacula aderant illis iniquorum vires qui eos callide mortificaverunt

Ibique trecenti triginta decollati sunt membra eorum in palustria projecerunt loca

O gloriosi*

Ista sanctorum pia societas decrevit omnino magis mori quam relinquere christianitatem et abnuere salutiferam fidem

Aeternae trinitatis gloria amplior crescit honoris decus cum triumphantium victoria sublimatur ante suae majestatis sedem

Inter agmina colligitur angelorum concors societas sanctorum et adducuntur istorum animae beatorum ubi in aevum fruuntur suavi dei claritatis visione

Hymnum deo semper jubilemus et laudes ubique sonemus cum voce triumphantium hodiernae festivitatis

Hodie est jucunditas supernorum civium ac penes nos gaudia ab eis super nos stillantia unde et sempiterna in istis amplior manet beatitudo

Gloriam deo in excelsis populi concinunt qui est semper mirabilis in suis sanctis et quos hodie ecclesia mater transmisit ad caelestia regna

O veneranda martyrum gloriosa certamina qui in suis corporibus pro Christo immania pertulerunt tormenta et ideo percipere meruerunt immarcescibilem aeternae gloriae coronam

Dum steteritis*

Cives apostolorum*

Ecce ego Joannes*

O quam pulchra virginum casta generatio quas auctoris criminum non vicit exactio

Quid in istis nisi choros videas castrorum quae non norunt viri thoros hostes viciorum

In odore tuo Christe sic ad poenas currunt iste ut quasi deliciis gaudeant suppliciis

Gustaverunt et viderunt quod dulcis es domine et libenter impenderunt se pro tuo nomine

Gaude regina caelorum tecum rege saeculorum circumdant rosae lilia undena florum milia per saecula jubilantia alleluia

O caelestis aulae rosae super solem speciosae cum dilecto repausantes sublevate vos laudantes ad aeterna gaudia

Omnis homo vestrum sentiat auxilium

Gloria patri et filio et spiritui sancto