Orietur in diebus ejus justitia et abundantia pacis

Propter Sion non tacebo donec egrediatur ut splendor justus ejus

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Ecce veniet dominus ut sedeat cum principibus et solium gloriae teneat

Annuntiate populis et dicite ecce deus salvator noster veniet

Missus est Gabriel angelus ad Mariam virginem desponsatam Joseph

Ponam in Sion salutem et in Jerusalem gloriam meam alleluia

Ponent domino gloriam et laudem ejus in insulis nuntiate quia ecce veniet et non tardabit

Egredietur dominus et proeliabitur contra gentes et stabunt pedes ejus supra montes Olivarum ad orientem

Ex Sion species decoris ejus deus noster manifeste veniet

Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit

Ecce dominator dominus cum virtute veniet

Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi

Ecce dominator dominus cum virtute veniet

De Sion veniet dominus omnipotens ut salvum faciat populum tuum

Convertere domine aliquantulum et ne tardes venire ad servos tuos

De Sion veniet qui regnaturus est dominus Emmanuel magnum nomen ejus

Ecce deus meus et honorabo eum deus patris mei et exaltabo eum

Dominus legifer noster dominus rex noster ipse veniet et salvabit nos

Vigilate animo in proximo est dominus deus noster

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum

Emitte agnum domine dominatorem terrae de petra deserti ad montem filiae Sion

Ex Sion species decoris ejus deus noster manifeste veniet

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Germinaverunt campi eremi germen odoris Israel quia ecce deus noster cum virtute veniet et splendor ejus cum eo

Ecce dominator dominus cum virtute veniet

Constantes estote videbitis auxilium domini super vos

Ad te domine levavi animam meam veni et eripe me domine ad te confugi

Veni domine et noli tardare relaxa facinora plebis tuae Israel

Deus a Libano veniet et splendor ejus sicut lumen erit

Ego autem ad dominum aspiciam et exspectabo deum salvatorem meum

Ex quo facta est vox salutationis tuae in auribus meis exsultavit in gaudio infans in utero meo alleluia

Dies domini sicut fur ita in nocte veniet et vos estote parati quia qua hora non putatis filius hominis veniet

Hoc est testimonium quod perhibuit Joannes qui post me venit ante me factus est

Radix Jesse qui exsurget judicare gentes in eum gentes sperabunt et erit nomen ejus benedictum in saecula

Ex Sion species decoris ejus deus noster manifeste veniet

Annuntiatum est per Gabrielem archangelum Mariae virgini de introitu regis et ingressus est per splendidam regionem aurem virginis visitare palatium uteri et regressus est per auream portam virginis

Ave Maria gratia plena dominus tecum

Veniet nobis salus a domino celeriter et conteret jugum grave et solvet vincla peccatorum nostrorum quia potens est

Et dominabitur a mari usque ad mare et a flumine usque ad terminos orbis terrae

Paratus esto Israel in occursum domini quoniam venit

Dabit ei dominus sedem David patris sui et regnabit in aeternum

Ecce deus noster et exspectabimus eum et salvabit nos alleluia

Exspectetur sicut pluvia eloquium domini et descendat super vos sicut ros deus noster

A finibus terrae laudes audivimus gloriam justi alleluia alleluia

Omnis vallis implebitur et omnis mons et collis humiliabitur et videbit omnis caro salutare dei

Festina ne tardaveris domine et libera populum tuum

Excita potentiam tuam et veni

Gloria patri et filio et spiritui sancto

Quomodo fiet istud angele dei quia virum in concipiendo non pertuli audi Maria virgo Christi spiritus sanctus superveniet in te et virtus altissimi obumbrabit tibi

Rex noster adveniet Christus quem Joannes praedicabat agnum esse venturum

Canite tuba in Sion vocate gentes et annuntiate populis et dicite ecce deus salvator noster adveniet

A solis ortu et occasu ab aquilone et mari

Vigesima quarta die decimi mensis jejunabitis dicit dominus et mittam vobis salvatorem et propugnatorem pro vobis qui vos praecedat et introducat in terram quam juravi patribus vestris

Ego enim sum dominus deus vester qui eduxi vos de terra Aegypti

Non auferetur sceptrum de Juda et dux de femore ejus donec veniat qui mittendus est et ipse erit exspectatio gentium

Pulchriores sunt oculi ejus vino et dentes ejus lacte candidiores

Me oportet minui illum autem crescere qui post me venit ante me factus est cujus non sum dignus corrigiam calciamenti ejus solvere

Hoc est testimonium quod perhibuit Joannes

Ecce jam veniet plenitudo temporis in quo misit deus filium suum in terris natum de virgine factum sub lege ut eos qui sub lege erant redimeret

Prope est ut veniat tempus ejus et dies ejus non elongabuntur

Virgo Israel revertere in civitates tuas usquequo dolens averteris generabis dominum salvatorem oblationem novam in terra ambulabunt homines in salvationem

A solis ortu et occasu ab aquilone et mari

Juravi dicit dominus ut ultra jam non irascar super terram montes enim et colles suscipiant justitiam meam et testamentum pacis erit in Jerusalem

A solis ortu et occasu ab aquilone et mari

Non discedimus a te vivificabis nos domine et nomen tuum invocabimus ostende nobis faciem tuam et salvi erimus

Domine deus virtutum converte nos

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Et dominabitur a mari usque ad mare et a flumine usque ad terminos orbis terre

Nascetur nobis parvulus et vocabitur deus fortis ipse sedebit super thronum David patris sui et imperabit cujus potestas super humerum ejus

In ipso benedicentur omnes tribus terrae omnes gentes servient ei

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

Ave Maria gratia plena dominus tecum benedicta tu in mulieribus alleluia

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctos de domo carceris sedentes in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O Emmanuel rex et legifer noster exspectatio gentium et salvator earum veni ad salvandum nos domine deus noster

O Thoma Didyme per Christum quem meruisti tangere te precibus rogamus altissonis succurre nobis miseris ne damnemur cum impiis in adventu judicis

Nolite timere quinta enim die veniet ad vos dominus vester

Scitote quia prope est regnum dei amen dico vobis quia non tardabit

Levate capita vestra ecce appropinquat redemptio vestra

Intuemini quantus sit gloriosus iste qui ingreditur ad salvandos populos

Rex pacificus magnificatus est cujus vultum desiderat universa terra

Magnificatus est rex pacificus super omnes reges universae terrae

De illa occulta habitatione sua egressus est filius dei descendit visitare et consolari omnes qui eum de toto corde desiderabant

Ex Sion species decoris ejus deus noster manifeste veniet

Gloria patri et filio et spiritui sancto

O virgo virginum quomodo fiet istud quia nec primam similem visa es nec habere sequentem filiae Jerusalem quid me admiramini divinum est mysterium hoc quod cernitis

Hodie scietis quia veniet dominus et mane videbitis gloriam ejus

Constantes estote videbitis auxilium domini super vos