Quis non fleret si videret in tanto supplicio talem matrem condolentem moerienti filio alleluia

Cujus animam gementem contristatam et dolentem pertransivit gladius alleluia

O quam tristis et afflicta fuit illa benedicta de morte sui filii alleluia

Fulcite me floribus stipate me malis alleluia quia amore langueo alleluia alleluia

Adjuro vos filiae Jerusalem si inveneritis dilectum ut annuntietis ei

Gloria patri et filio et spiritui sancto

Imperatrix clementiae rorem infunde gratiae in nostrum cor per aridum ut tibi fiat placitum

O gloriosa domina quae tua cruciamina cum Barrabas dimittitur et Christus poenas patitur

Tuus tractatus filius longe quam latro vilius irrisus fert ludibria gente vallatur impia

Fuisti nimis anxia visa crudeli furia te sciens puram virginem Christum deum et hominem

Te stantem sub patibulo commendavit discipulo commenda nos altissimo o pia mater et virgo

Gloria tibi domine qui passus es pro homine cum patre et sancto spiritu in sempiterna saecula amen

Posuit me desolatam alleluia R. Tota die maerore confectam alleluia

Egredimini filiae Sion et videte alleluia regem Salomonem in diademate alleluia quo coronavit eum mater sua

Tuis pacem qui dedisti per crucis supplicium in qua matri tradidisti discipulum in filium fac ad pacem nos transire post hujus vitae terminum alleluia

Cum Maria virgine fervide ploremus resurgentem de sepulcro regem adoremus alleluia

In montem Calvariae dum Christus ascendit innocentes manus in cruce tunc extendit alleluia

Ad fletum suae matris cor suum inclinavit et eam Joanni discipulo commendavit alleluia alleluia

Deus ultionum libere tunc egit cum surgens de sepulcro Tartara confregit alleluia

Vide lacrimosam corde vulneratam condolentem filio stantem sub cruce cujus inaestimabilis dolor erat nimis in mente ejus et sicut furentes circumdabant eam canes maligni et agmina crudelium

Sed fides permansit vera in virgine Maria in qua salvata fuit mater ecclesia

Commenda nos altissimo Maria mater et virgo Ut suo tuus filius te commendavit discipulo alleluia

Nam filius nihil negans te honorat pro quibus oras salvi fiunt celeriter

Dum transisset vetus testamentum et oracula prophetarum in Christi evangelium et ipse offerret sacrificium vespertinum Ut adimpleret legis praeceptum ait matri alleluia

Mulier ecce filius tuus ad discipulum autem ecce mater tua

Gloria patri et filio et spiritui sancto

Ora pro nobis sancta dei genetrix alleluia

Ecclesiae fides in virgine mansit in Christi morte tamquam fundamentum stabile alleluia

Joannes eam in sua recepit postquam a domino sibi commendata fuit alleluia

Tui nati vulnerati jam dignati pro me pati poenas mecum divide o Maria alleluia

Sacerdos et sacrificium tuum infinitum meritum partire nobiscum alleluia

De tantis mysteriis populi fidelis laudet omnis spiritus dominum de caelis alleluia

Defecerunt prae lacrimis oculi mei alleluia R. Conturbata sunt viscera mea alleluia

Cum vidisset Jesus matrem suam sub cruce stantem et discipulum suum quae dilexit ait mulier ecce filius tuus ad discipulus autem ecce mater tua alleluia

Audite obsecro universi populi alleluia alleluia

Et videte dolorem meum

Gloria patri et filio et spiritui sancto

Attendite et videte alleluia R. Si est dolor sicut dolor meus alleluia

Defecerunt prae lachrymis oculi mei alleluia alleluia

Conturbata sunt viscera mea

Gloria patri et filio et spiritui sancto

Vocem meam audisti alleluia R. Ne avertas faciem tuam a singultu meo alleluia

Oculus meus afflictus est alleluia alleluia

Donec respiceret dominus

Gloria patri et filio et spiritui sancto

Pars mea dominus dixit anima mea alleluia R. Propterea exspectabo eum alleluia

O virgo virginum summum trinitatis sacrarium angelorum speculum scala sanctorum omnium tutum peccatorum refugium cerne o pia nostrum periculum ac nobis jam placatum tuum redde filium alleluia

Sunt de hic stantibus qui non gustabunt mortem donec videant filium hominis venientem in regno suo

Dum oraret facta est species vultus ejus altera et vestitus ejus albus refulgens et duo viri loquebantur cum illo Moyses et Elias visa majestate

Dicebant autem excessum ejus quem completurus erat in Jerusalem

Gloria patri et filio et spiritui sancto

Gaude mater pietatis in valle gementium pro ducatu dignitatis Christi regis omnium quo dilecta praedotaris in culmine montium

Ubi patres praecellentes in mortali corpore admirantur assistentes de tam grandi munere divinum lumen cernentes in creato lumine

Quod vertices prophetarum praecolunt devotius Moyses lumen praeclarum legis date caelitus et Elias jubar magnum zelo dei fervidus

Praesentia deitatis declaratur provide in audita voce patris de supremo germine et spiritu veritatis forma nubis lucidae

Genitori genitoque laus et jubilatio salus honor virtus quoque sit et benedictio procedenti ab utroque compar sit laudatio

Gloriosus apparuisti in conspectu domini R. Propterea decorem induit te dominus

Christus Jesus splendor patris et figura substantiae ejus portans omnia verbo virtutis suae purgationem peccatorum factens in monte excelso gloriosus apparere hodie dignatus est

Exsultet laudibus sacrata concio caeli agminibus juncta tripudio pro verbi gloria qua splendent omnia terra pontus et aethera

Promissum panditur fratrum de medio patris cujus labitur vox de fastigio dicens hunc filium doctorem caelicum audituque dignissimum

Succedit in sponsa pro fratis semine a viro repulsa viribus carente mandante domino Moysi in monte calciamentum solvere

Speciosus forma prae natis aliis vestitus gloria sit sponsus sanguis o res mirabilis gubernat omnia celsus pauper et humilis

Te trina deitas una poscimus sicut nos visitas sic et te colimus per tuas semitas duc nos quo tendimus ad lucem quam inhabitas

Benedictus qui venit in nomine domini R. Deus dominus et illuxit nobis

Assumpsit Jesus Petrum Jacobum et Joannem et duxit eos in montem excelsum seorsum et transfiguratus est ante eos

Summum regem gloriae Christum adoremus et pro dono gratiae ejus jubilemus

Paulominus ab angelis minoratus gloria et honore coronatus est et constitutus est super opera manuum dei

Revelavit dominus condensa et in templo ejus omnes dicent gloriam

Speciosus forma prae filiis hominum diffusa est gratia in labiis tuis

Gloriosus apparuisti in conspectu dei R. Propterea decorem induit te dominus

Surge et illuminare Jerusalem quia venit lumen tuum et gloria domini super te orta est

Et ambulabunt gentes in lumine tuo et reges in splendore ortus tui

In splendenti nube spiritus sanctus visus est paterna vox audita est hic est filius meus dilectus in quo mihi bene complacui ipsum audite

Apparuit nubes obumbrans et vox patri intonuit

Videte qualem caritatem dedit nobis deus pater ut filii dei nomenemur et simus

Scimus quoniam cum apparuerit similes ei erimus quoniam videbimus eum sicuti est

Gloria patri et filio et spiritui sancto

Illuminans tu mirabiliter a montibus aeternis turbati sunt omnes insipientes corde

Melior est dies una in atriis tuis super millia

Gloriosa dicta sunt de te civitas dei

Gloria et honore coronasti eum domine*

Inebriati sunt ubertate domus tuae et torrente voluptatis tuae potasti eos

Quoniam apud te est fons vitae et in lumine tuo videbimus lumen

Praeceptor bonum est nos hic esse faciamus hic tria tabernacula tibi unum Moysi unum Eliae unum

Non enim sciebat quid diceret

Si ministratio mortis litteris deformata in lapidibus fuit in gloria ita ut non possent intendere filii Israel in faciem Moysi propter gloriam vultus ejus quae evacuatur multo magis ministratio spiritus quae manet erit in gloria

Amplioris enim gloriae Christus prae Moyse dignus est habitus quanto ampliorem honorem habet dominus qui fabricavit eam

Gloria patri et filio et spiritui sancto

Thabor et Hermon in nomine tuo exsultabunt tuum bracchium cum potentia

Lux orta est justo et rectis corde laetitia

Confessionem et decorem induit dominus amictus lumine sicut vestimento

Magna est gloria ejus in salutari tuo

Vocavit nos deus vocatione sua sancta secundum gratiam suam quae manifesta est nunc per illuminationem salvatoris nostri Jesu Christi

Qui destruxit mortem illuminat tenebras et dat vitae incorruptionem

Deus qui dixit de tenebris lumen splendescere illuxit in cordibus nostris ad illuminationem scientiae claritatis dei in faciem Jesu Christi

Exortum est in tenebris lumen rectis misericors et miserator et justus

Dum oraret*

Emitte lucem tuam et veritatem tuam R. Ipsa me deduxerunt et adduxerunt in montem sanctam tuum et in tabernacula tua

Assumpsit Jesus Petrum et Jacobum et Joannem fratrem ejus et duxit eos in montem excelsum seorsum et transfiguratus est ante eos